الذميمة

البارت 28

كانت لابسة عباية رمادية واسعة وتصميمها راقي بزاف ودايرا معاها فولاغ كحل اللي عطا واحد النور على وجه سارة الملائكي بدون صباغة (المايكاب) جمال طبيعي ماشاء الله عليها، من وجهها باينا تزادت فالوزن ولونها تفتح وصافي زادت نضجات ويفعات وولات امرا ديال بصح، تلاحت عليها دعاء عنقاتها وزيرات عليها وبادلاتها سارة العناق وهوما كايبكيو، كاتبوس كل انش فوجهها ودموعها شلال، كاترجع تعنقها وتمرغ وجهها فعنقها المغطي وتشم ريحتها وتنهد، ريحتها اللي افتاقداتها، ريحة ختها الصغيرة، وهي معنقاها طاحت عينيها على شخص واقف ورا سارة وهاز تربية فيديه وكايشوف فيهم متأثر، بعدو على بعضياتهم كاينشفو دموعهم وهي ضور سارة للجهة فين كاتشوف ختها وابتاسمات ..
سارة : هادا راجلي جسار وهاديك بنتي جنة، جسار هادي ختي الكبيرة دعاء
ابتاسم ومد ليها يديه سلم عليها ..
جسار : تشرفت بيكي أخت دعاء
دعاء : الشرف ليا اخويا
كان طويل وعامر شوية وبشرتو حنطية وعينيه ضيقين وشوفاتو حادين بالرغم من ابتسامتو، مابغاتش تزيد تحنزز فيه عينيها نزلو للتربية فيديه وعطاها ليها خذاتها بين يديها بشوية وخايفة عليها تزلق ليها حيت كانت صغيورة بزاف، عاوناتها سارة وحيدات ليها الايزار من وجهها وطالعها ملاك سبحان الله، آية فالجمال وكيف لا وهي جامعة حلاوة ماماها وجاذبية باباها، مغمضة عويناتها وكلشي فيها صغيور وريحتها غزالة ..
دعاء : تفضلو
سارة ضارت بعينيها لوسط الدار ودمعو ليها، دعاء فهماتها وشداتها من كتفها وزيرات عليها زعما ماتخافيش وحنا معاك، سارة فهمات اشارتها ودخلات للدار وجسار وراها ويالاه غاتبعهم دعاء وهي تسمع تحنحين، ضارت وهي تلقا نبيل هاز الفاليزات فيديه والصيكان فكتافو وكاينهج، منظرو جاب ليها الضحك ..
دعاء : هههههههه مالك على حالتك؟
نبيل : ضحكي نتي اللي جات معاك
دعاء : ههههههه اسيدي شكرا على التوصيلة
نبيل (خنزر فيها) : حيدي من قدامي
رجعات للور وخلاتو جار داكشي ودخلو للداخل حطو وتكا على الحيط كاياخذ نفسو والعرق نازل ليه مع جبهتو ..
دعاء : دخل للدوش غسل وجهك بينما جبت ليك تشرب
نبيل : جات معاك الترببة 😉 العقبة لديالنا ا حبيبة
دعاء : 😳
دازت فيه ودخلات وخلاتو وراها كايضحك عليها، دخل للدوش خوا عليه الما ونشف حالتو ولحق عليها للكوزينة لقاها هازا ليه كاس ديال الما فيديها، شدو من عندها ونزل عليه دقة وحدة ..
نبيل : الحمد لله، المهم أنا غانمشي دابا خاصاك شي حاجة؟
دعاء : لا والو، جلس تغدا معانا
نبيل : ماكرهتش ولكن عندي الخدمة بزاف مضغوط هاد الأيام
دعاء : الله يسهل عليك
نبيل : آمين يالاه بسلامة (باسها فراسها وتحدر عند جنة حتى هي باسها ومشا)
بقات متبعاه وكاتدعي معاه فخاطرها حتى خرج وسد وراه الباب، وهي مشات عند البقية للصالون، دخلات ولقات سارة مكفية على يدين ماماها كاتبوس فيهم وكاتبكي وكاطلب منها السماحة ولالة نعيمة حتى هي دموعها شلال ومضورة وجهها للجهة الاخرى، جسار واقف وكايشوف فسارة هاكاك ومزير على يديه وحمرر، شافتو دعاء ومشات عندو ..
دعاء : خويا جسار، اجي معايا نديك لبيتكم وخلي معك جنة ناعسة
جسار : بس ..
دعاء : غير خليهم بوحدهم يهضرو واخا؟
جسار (تنهد) : حاضر
عطاتو جنة وسبقاتو لبيت سارة اللي وجدوه ليهم قبل مايجيو وفرشوهم ليهم على حسب 2 ديال الناس وخذات للبنيتة كونة صغيرة حدا السرير، بفرحتهم ماخلاو ماشراو ليها، حلات ليه الباب دخل ..
دعاء : ارتاح شوية وسارة غير تهضر مع ماما وغاتجي، يلا خصاتك شي حاجة هانا غير فالكوزينة
جسار : متشكر أوي
خلاتو ومشات للكوزينة جلسات فيها ..
سارة : عافاك ا ماما سمحيليا، أنا غلطت وندمت على داكشي اللي درت والله، كنت طايشة
لالة نعيمة : علاش ماجيتيش عندي عاودتي ليا علااش؟ علاااش مافتحتيش قلبك لختك
سارة : باشمن وجه ا ماما؟ نتي عارفة كيفاش كنت نعاملها ونحتاقرها، وزيد عليها نهار لقاتني مع داك الحمار نصحاتني ولكن أنا ماسمعتش ليها وماشي غير هادشي وإنما هنتها قدامو وهزيت عليها يدي 😢 هزيت يدي على ختي كبر مني وذليتها قدام الناس 😢 وفنفس النهار تفلا عليا بحال يلا ربي عاقبني على داكشي اللي درت لدعاء اهئ اهئ، ذنوب ختي خرجو فيا
لالة نعيمة : شششش دابا اللي فات مات والبكا ورا الميت خسارة، المهم اعتارفتي بخطأك ودرتي عقلك واخا كنا غانمشيو فيها كاملين ولكن ربي سترنا وسيفط لينا راجل ختك عاوننا فهاد المحنة
سارة : عمرني نسا خيرو، نبيل طلع راجل وثبت باللي يستاهل ختي، مشا مسكين باع حقو وكاع داكشي اللي عندو وعطاه لريان باش يتفرق عليا
لالة نعيمة (بصدمة) : شنووو 😮
سارة : علاش ماقالهاش ليكم؟
لالة نعيمة : لا أنا مافراسي واالو، دعاااااااء .. دعاااااااء
سمعاتها دعاء وجات كاتجري عندها ..
دعاء : نعام ا ماما، مالكي؟
لالة نعيمة : علاش ماقلتيش ليا باللي نبيل خلص داك الكلب باش يبعد علة ختك
دعاء : كيفاش خلصو؟ ..