الذميمة

البارت 8

سارة (مخرجة عينيها فالتيليفون) : دعاااااء 😮
الأم : مالها ؟
سارة : ها هي فالتيليفون .. ويلي ويلي
الأب (خطف ليها التيليفون من يديها) : اراي لهنا نشوف .. (كايتفرج فالفيديو) اش هادشي .. لا لا مستحيل تكون بنتي هادي
الأم (كاطل عليه) : 😨
سارة : شفتو شنو قلت ليكم هاا ، ديما كانقول ليكم فشوشكم غايخرج عليها اوا شوفو النتيجة دابا .. هاد الفيديو منشور فكل بلاصة وكلشي غايكون شافو .. كيفاش دابا نقدرو نخرجو قدام الناس كيفاااااااش .. بنتكم شوهات براسها وشوهات بينا .. الحفلة قالت ليك هه شفتو الحفلة كيف داااااااااايرااااا
الأب والأم (مصدومين)
سارة : يعلم الله فين بايتة ومعامن
الأب : سكتيييييييييييي (شاد فقلبو وكاينهج)
الأم : سمحمد مالك .. سمحمد
سارة : بابا واش نتا لاباس ؟
بقا الأب شاد فقلبو وكايتوجع حتى طاح للأرض ومابقاش كايتحرك .. الأم وسارة شافوه هاكاك وبداو كايغوتووو وكايفيقو فيه ووااالو ..
الأم : سمحمااااااااد 😢 سمحماااااد جااااااوبني عافاااك
سارة : بابا اهئ اهئ 😢😢
الأم : بااااك ماااات 😢 مااااااااااااااااااااااات
سارة (ناضت كاتجري) : عتقوووووو الروووووووووووووووح ا عبااااااااااد الله واااااااااااااااا باااااااااااابااااااا 😢 وااااااااا عبااااااااااااد الله
خرجات للزنقة كاتغوت وتعيط للناس ، حتى خرجو الجيران من ديورهم مخلوعين يشوفو شنو كاين ، لقاو سارة كاتغوت وتخبط فجنابها وتبكي ، كلشي جا عندها كايجري كايسولوها مالها ..
سارة : باباااا .. بابااا كاااايموووووت عافاكم عتقوووووه اهئ عاونووووناااا عااافاااكم اهئ اهئ
الشخص : لا حول ولا قوة إلا بالله .. عيطو للإسعاف دغيااا
الشخص 2 : الاسعاف ماتوصل حتى يفوت الفوووت .. سير ا ولدي عيط على سي يوسف يديه فطموبيلتو سربييي
ناضت الحيحة فالحومة والجيران كاملين دخلو عندهم للدار والعيالات كاسرين الدنيا بالغوات والسيد طايح عند رجليهم ومرتو حدا راسو كاتبكي .. وبنتو سخفانة كايشربوها الما والسكر .. جا السيد اللي عيطو ليه ، دخل شافو وقاليهم ضروري الإسعاف اللي تجي تديه ، وهز تيليفونو اتاصل بيهم وأكد عليهم خطورة الوضع وقالو ليه شي اسعافات أولية يديرهم وداكشي اللي كان ، مادازش بزاف ديال الوقت حتى وصلات سيارة الإسعاف ، هزوه وداوه ومرتو تابعاهم كاتجري وتغوت كيف الحمقة حتى شدها سي يوسف هي وبنتها وداهم فطموبيلتو تبعو راجها للسبيطار ، وصلو ولقاوهم دخلوه للمستعجلات وبقاو تما كايتسناو ومنظر عائلتو كايبكي الحجر ..
#دعاء منين خرجات من فيلا أسماء وهي شادة الطريق على رجليها ، مالقات باش تشد طاكسي اللي يرجعها ، كاتمشي شوية وتعاود تجلس ترتاح وهكذا ، حتى وصلات لحومتهم وهي جاية كاتعرج برجليها حيت ضربات بيهم مسافة كبيييرة وحفيانة من الفوق ، قربات لدارهم وهوما يبانو ليها الناس مجمعين تما والحزن باين على وجههم ، استغربات وبدات تقرب منهم حيت واقفين قدام بابهم اللي محلول وهادي عمرها وقعات حتى اليوم ، زاد دخلها الشك ..
الشخص : ماشي هادي هي بنت سمحمد الكبيرة ؟
المرا : هي هاااادي (طلعاتها وهبطاتها) ومالها على هاد الحالة ؟
المرا 2 : ويلي ويلي شنو لابسة .. وباها كايموت يا حسرة
المر 3 : يعلم الله فين كانت دايعة حتى لدابا
الشخص : يهديكم الله يا هاد الناس وباراكا من النميمة فعباد الله .. تكون فينما بغات تكون شغلكم ؟ لا حول
الشخص 2 : بااينة مافخبارها واالو
دعاء (دازت من حداهم) : السلام وعليكم
الكل : وعليكم السلام
الشخص : ابنتي الله يجيب الشفا للوالد ديالك .. والله يلا بقا فينا وكاندعيو معاه .. سيد الله يعمرها دار وعمرنا شفنا منو العيب
دعاء (بدهشة) : بابا .. مالو بابا ؟ شنو وقع ليه ؟
المرا : باباك راه داوه الناس للسبيطار .. مرض وطاح
دعاء : اويلي على مرض .. اشمن سبيطار وايمتا هادشي 😢
الشخص : غير هاد الصباح ا بنتي .. سمعنا غوات ختك وفاش طلينا لقينا باك اللي مريض
تشوكات دعاء من الخبر اللي سمعات .. ومشات كاتجري فاتجاه السبيطار بحال الهبيلة وكااتبكي ، ماهموهاش رجليها اللي كيوجعوها مابقاتش حسات بيهم من الصدمة .. وصلات للسبيطار كاتجري وتدخل فالناس حتى بانت ليها مها وختها جالسين فواحد الكراسى ومشات عندهم طايرة ..
دعاء (كاتنهج) : ماما .. فين بابا ؟ شنو وقع ليه ؟
سارة (وقفات) : نتي شنو جاية كادير هنا شنووووووو ؟ رجعي فين كنتي السلكوطة 😡 نتي سباب فهادشي اللي وقع ليه نتييي (كادفع فيها) سيري فحاااالك من هنااااا سييري ..