الذميمة

البارت 30 والأخير

نبيل : احححح ايمتا يجي هاد النهار
دعاء : 😳 .. سمسمتي على سلامتك احبيبة ومبروك عليك يتربى فعزكم
أسماء : امين ابب العقبة عندك،شوف الناس اللي كايعرفو يهضرو
نبيل : ههههه مبروك الزيادة ا با محمد،عزري ياك؟
محمد : الله يبارك فيك اخويا زين، اه عزري
مشا حدا نرمين وشدو من عندها بشوية وقربات عندو دعاء كاتقادو ليه فيديه، طلات عليه لقاتو صغيور وحميمر والشعر كحل شادو من جبهتو وباينا أسماء غير تسخرات لمحمد، شدات ليه فيدياتو الصغيورين وبدات تضحك ونبيل كايهمس ليها فوذنيها ..
نبيل : أنا بغيت بحالو وغانبدا خدام عليه من دابا
دعاء : نببيل😳
نبيل : اوا وشنو سميتوه؟
أسماء : علي
نبيل : امم مزيان ا لالة
بقاو معاهم شوية ونبيل شاد فأسماء كايعصب فيها والبقية كايضحكو عليهم ونرمين ساهية فيه كيفاش كايهضر ويضحك من قلبو ونظراتو لدعاء كلها حب وعشق، ابتاسمات ودعات معاهم من قلبها يدومها فرحة عليهم ويسامح ليها على أي خطأ فحق دعاء، خرجو من عندهم ومشاو نيشان للأوطيل طلبو غداهم وقضاو النهار تما ونبيل ماتنازلش على مشروع شبه علي ههههه، دوزو يومين فالاوطيل والنهار الثالث دازو للفيلا فين لقاو نرمين وخالد موجدين ليهم حفلة على شرفهم، كان كلشي معروض ليها وخاصة اصدقاء العائلة اللي ماحضروش للعرس والبعض منهم تصدم فاش عرف باللي دعاء هي مراتو حيت كانو مازال عاقلين عليها (وعلاه المغاربة كاينساو شي حاجة ههه) أسماء حتى هي خرجات من السبيطار وجات جلسات فالفيلا معاهم تحت أمر نرمين اللي بغات تنفس بنتها بيديها، دازت السيمانة ودارو سبوع وطهارة لعلي، ودعاء مشات زايرة لدارهم اللي توحشاتها بزاف واخا غابت عليها غير أيام قليلة، توحشات ختها ومها اللي ماعرفات كيفاش غاتبقا بوحدها يلا مشات سارة ولكن هاد الأخيرة فاجآتها بخبر استقرارها هي وراجلها وبنتها فالمغرب حيت جسار قرر يدير مشروع هنا وهادشي فرح دعاء بزاف ..
لالة نعيمة : اوا فاش سالينا من عرس دعاء خاصنا نديرو ليك حتى نتي شي قعيدة
سارة : اويلي ا ماما حتى ولدت؟
لالة نعيمة : غانديرو سبوع لجنة وطلعي نتي فالعمارية تفرحي براسك ومريضنا ماعندو باس
دعاء : اه اختي ماما عندها الحق
سارة : وشنو عند الميت يدير قدام غسالو؟ صافي اللي درتوه عليه العمل
بداو فالتحضيرات للسبوع وعرضو الناس عاوتاني وداز زوين بزااف ماتفرقيهش على العرس بنكافات اللي نكفو سارة والعمارية والبرزة ههههه (واخا مانعرف شنو دير عمر المغاربة يسدو دلاقشعم ويديوها فالجهة ضاراهم) ..
داز شهر ودعاء عايشة بيخير مع راجلها وعائلتو ونرمين تبدلات 180 درجة ومعاملتها ولات كثر من حنينة ودارت دعاء فمثابة أسماء ماكاتفرقش بيناتهم، مريم ولدات بنوتة سماتها ياسمين وحتى هي دارت ليها سبوع زوين وحضر ليه كلشي والنشاط حتى شاط وزادت علاقتهم توطدات كثر وكثر ..
مريم : عمرني تخيلت ربي يعوضني ب 4 خواتات
أسماء : تانا هاكاك والله
سارة : الله يخلينا ديما هاكا ياربي ونكبرو وليداتنا حدا بعضنا
دعاء : ياربي آمين وعلى ذكر الوليدات عندي ليكم خبر ههه أنا حاملة البنات
سمعوها وناضو كاينقزو عليها من غير سلوى اللي كرشها بدات تبان بقات جالسة فبلاصتها ومكتافية بالغوات والزغاريد هههه عنقوها وباركو ليها حتى قلبوها بكا ..
أسماء : خويا فراسو؟ ناري غايفرح بزاااف
دعاء : نو مازال ماقلتها ليه، راه غير هاد الصباح درت التيست وعلمتكم نتوما اللولين
سارة : يااااااااي غانولي خالة
ضارو خنزرو فيها وهي تبدا تلعثم ..
سارة : اا زعما خالة للمرة السادسة هههه والسابع جاي فالطريق 😂😂
كملوها ضحك وفالعشية تفرقو وكل وحدة تبعات راجلها، ودعاء جا داها نبيل من دار مريم، دازو على مطعم تعشاو فيه حيت والديه ماكاينينش مسافرين والخدامة عطاوها عطلة، تعشاو ورجعو للفيلا، دخل نبيل يدوش ودعاء جلسات كاتسنا فيه وهي متوترة ماعرفات كيفاش تخبرو، بقات كاتلعب بصباعها حتى خرج من الدوش لاوي فوطة على نصو ووحدة كاينشف بيها شعرو، وقفات للماريو جبدات ليه حوايجو وعطاتهم ليه، لبس وتسرح فبلاصتو وهو كايشوفيها ماشي هي هاديك ..
نبيل : دعاء
دعاء : اممم
نبيل : مالكي؟ حالك مغير
دعاء : لا والو غير
نبيل : غير شنو؟
دعاء : بغيت نقوليك شي حاجة وحشمت
نبيل : حشمتي؟ ههه قولي قولي شنو عندك
بقات كاضور فعينيها شوية وهي تنوض للكوافوز حلات المجر وجبدات منو التيست ورجعات عندو عطاتو ليه، شدو من عندها كايقلب فيه وهو مستغرب ..
نبيل : مال هادشي؟
دعاء : وا شوف مزيان
عاود شافيه وبانو ليه الشريطات الحمرين وبدا كايفهم وعينيه كايلمعو، هز راسو فيها وكايسولها بعينيها واش بصح داكشي اللي فهم، هي قرات سؤالو وحركات ليه راسها بالايجاب وهي مبتاسمة بخجل ..
نبيل : حااااملة هه دعااااء نتي حاااملة يااك .. ياربي غايتزاد عندي شبيه علي
جرها من يديها عندو وعنقها بجهد وكايبوس فيها وكيحمد الله ويشكرو على هاد الفرحة، بعدها شوية ودار يديه على كرشها كايدوزها بشوية ..