الذميمة

البارت 16

دعاء : نتاااا ؟؟ شنو رجعك عندي ؟
شافها هاكاك مشعككة وكلها عامرة دقيق وشكلاط حبس الضحكة غير بزز ، شاف وليدات صغار من وراها واستغرب حيت ماتعرفش عليهم
نبيل : دعاء
دعاء : سير فحالك من هنااا
بغات تسد الباب وهو يدفعو بيديه وخنزر فيها ..
نبيل (بعصبية) : دعاء .. ماتخرجينيش على طوعي ، لحد دابا مازال مبرد معاك السوق
دعاء : اسيدي ماتبردوش وماتعمروووش معاياا من أصلو .. عطيني بشبر ديال التيساع ، خليني فحالي الله يرحم والديك
نبيل : مابغييتش 😡 ديري عقلك ا دعاء ، هاد قصوحية الراس وعنادك ماعندهم باش ينفعوك .. جيت وهضرت معاك وشرحت ليك شنو كاين وطلبت السماحة واخا عمرني طلبتها من شي وحدة ولا كبرتو ليها ولكن نتي العكس حيت بصح كانبغيك
دعاء : ماتبغيني مانبغيك وتانا ماتكبروش ليا
نبيل : دعااااااااء 😡
دعاء : ففففف شنو بغيتي دابا ؟
نبيل : فكرتي فشنو قلت ليك ديك المرة ؟
دعاء : نو مافكرتش ومابغيتش نفكر أصلا .. نساني
نبيل : مستحيل نساااااك ا دعاء ، راه كانبغيك واش فهمتيها وحتى نتي كاتبغيني واخا تعياي تنكري ، عينيك فاضحينك
دعاء : كاتحلم
نبيل : اوك خليني نحلم ، دعاء بغيت نتقدم ليك
دعاء : 😨
نبيل : مالك سكتي ؟ معاك بصح ا دعاء بغيت نتجمعو أنا وياك تحت سقف واحد
دعاء : نو مايمكنش
نبيل : علااااش مايمكنش ؟
دعاء : حيت أنا تخطبت
نبيل : لقاي ليك كذبة خرى حيت هادي قديمة 😉
دعاء : ماكانكذبش عليك ، أنا بصح تخطبت (وهزات يدها قدام عينيه وراتو الخاتم)
نبيل : لا لا نتي كاتكذبي
دعاء : أنا تخطبت ا نبيل ومابقا ليا والو ونتزوج بالانسان اللي يستاهلني ونستاهلو ، نتا صفحة فحياتي وطويتها ، ودابا عافاك بعد على طريقي وماتبقاش كل مرة جاي مصدعني هنا ، ماهاصني بشوهة اخرى
نبيل (شدها من ذراعها) : نتي شنو كاتقولي ؟ كيفاش بعد على طريقي وأنا قريبة نتزوح شنو هاد الهضرة الخاوية ؟
دعاء : طلق ليا من يدي
نبيل (زاد زير عليها) : ماطالقش 😡 نتي ديالي واش سمعتي ، ماغانخليكش لشي حد آخر
جبد يدها عندو وبغا يحيد ليها الخاتم وهي كاتدفع فيه وكاتغوت عليك ..
دعاء : شنو كادير ا بنادم .. طلق .. قلت ليك طلااااااااااق ليا من يدي
وهو كايحاول يحيد الخاتم ، تحطات ليه يد على الكوع ديالو وزيرات عليه ..
يوسف : ماسمعتيهاش ؟ قالت ليك طلق ليها من يدها
دعاء شافتو وعينيها خرجو ، ولات كلها كاترعد والوليدات شادين ليها فبيجامتها ومخبيين فيها ..
نبيل : وشكون نتااا 😡 شنو دخلك فهادشي
يوسف (بين سنانو) : أنا هو خطيبها ، ودابا طلق منها وزيد مع الطوالة ولا ماغايعحبك حال
نبيل : اهااه نتا هو داك الزويزو اللي بغا يتزوح بيها ؟ ويلا مابغيتش ؟ شنو فجهد دير
هز يوسف يديه وجمع بونية وعطاها ليه للنيف رعفو ، نبيل طلق من يد دعاء اللي ولات صفرة بالخلعة ، مسح الدم اللي نزل ليه من نيفو وهز عينيه فيوسف ..
يوسف : شفتي شنو فجه**
مازال ماكملش كلمتو ، جاتو بونية من عند نبيل للعين وعاود ليه وحدة اخرى حتى طاح وطلع فوقو وبدا عليه فالبونيات ودعاء شافت الطرح سخن وبدات كاتغوات والوليدات كايبكيو ، دخلاتهم للدار وهدناته شوية وسدات عليهم وخرجات للزنقة ببيجامتها ، لقاتهم كايتبادلو اللكمات ، مرة نبيل لتحت مرة يوسف ، وكايسبو فبعضياتهم غير من الصمتة للتحت .. مشات عندهم كاتفرق فيهم وهوما بحال الجبال ، ماقدراتش عليهم وبدات كاتغوت ربي اللي خلقها وكاطلب المساعدة من الناس باش يفكوهم .. تجمعات عليهم الجوقة ، وحتى واحد ماقدر يدخل بيناتهم خافو تجي فيهم شي دقة ، دعاء كاطلبهم يفرقوهم وواااالو ماداها فيها حد ، شافت حتى عيات ودخلات بيناتهم وهوما مشانقين دقة فيا دقة فيك ولاو حالتهم بالدمايات مابقاوش المعالم ديال وجههم كايبانو بالدم ، كاتجر فكل واحد فيهم وبدون فائدة .. بقات وسطهم كاتجعوق حتى ماعرفات الدقة منين جاتها ، طيحاتها كاو فالبلاصة .. انتابهو ليها طايحة عند رجليهم عاد حبسو ونزلو عندها كايفيقو فيها ..
نبيل : دعااااء .. دعاء فيقي
يوسف : دعاء .. شفتي شنو درتي ا ولد الق**
نبيل : نتا اللي بديتي الزا*** تاع بوك 😡 ..