¤ليسَ حزناً مَا ترونه بَي
ۆليسَ وجعاً مَا ﺂحس به !
ﺂنمآ خيبآآآآتِ متتآليه تتِكدسَ فِي ﺂعمآقيَ....¤
.......................................................
........... : شوفي كيفاش كايرقصو مع بعضياتهم
........... : بااااينة بيناتهم شي حاجة ونرمين مخبية علينا
........... : يمكن مارضاتش تقولها لينا هههه شفتي غير البنت كيف دايرة ..
......... : اه يا ختي ونبيل مالقاها غير هي .. الفرق بيناتهم واضح غير من الهيئة ديالها ..
............ : عندك الحق ولكن اللي ما تفهمش ليا كيفاش نرمين قبلات بهادشي ؟ العجب زعما .. وحنا عارفينها كيف دايرة
............ : ششش هاهي جاية
نرمين : Bonsoir
........... : هاي ma belle
نرمين : مرحبا بيكم .. نتمنى تكونو مستمتعين بالحفلة
............ : بيانسيغ بب .. الحفلة زوينة بزااااف .. لقيتينا كانتفرجو فهاد الكوبل اللي قدامنا (باستهزاء) موالمين
نرمين (بارتباك) : اه هاديك صديقة بنتي أسماء .. طلبات ترقص مع نبيل وقبل طلبها بحكم هي فمثابة أسماء
.......... : ولكن ماشي هادشي اللي باين عليهم .. شوفي شحال قراب من بعضهم .. عنداك تكون بيناتهم علاقة ونتي مخبية علينا ا نرمين
نرمين : هههههه نو بب ضحكتيني والله .. البنت ماشي من نوع ولدي نبيل
......... : احم داكشي اللي قلنا تا حنا
بقاو صديقات نرمين كايتغامزو بيناتهم ويضحكو .. وهي واقفة حداهم بغات تاكل راسها وكاتغدد على دعاء .. ضارت كاتقلب على بثينة ومابانتش ليها ..
نرمين : اوووف منك ا بثينة .. مالقيتي ايمتا تغبري غير دابا
أسماء : ماما
نرمين : شنو ؟
أسماء : مالك معصبة ؟
نرمين : واش اللي والد بحالكم مايتعصبش ومايركبوش السكر ؟ احم الهضرة ماشي دابا .. حتى تسالي الحفلة وعندي معاك حساب نتي وداك خوك .. اللي مازال ما سخن بلاصتو بغا يطرطق ليا المرارة
أسماء سكتات حيت عارفة السبب اللي معصبة مها على قبلو .. ضورات وجهها وهي حابسة الضحكة بزز .. عجبها الحال وتمنات يصدق داكشي اللي فبالها ..
نمشيو عند دعاء اللي استحلات النعسة فحضن نبيل وهو كذلك .. فيقهم من الgلبة تصفيقات المدعوين معلنين عن انتهاء الرقصة .. فتحو عينيهم وبعدو على بعضياتهم وهوما مرتابكين وبالخصوص دعاء اللي بقات تلوم نفسها على تصرفها واستسلامها لإحساسها ..
نبيل : احم .. كيف جاتك الرقصة ؟ هانتي تعلمتي
دعاء (بخجل) : شكرا
نبيل : لا داعي للشكر (سمع شي حد كاينادي عليه) سمحي ليا شوية ونرجع
دعاء (حركات ليه راسها)
بقات واقفة .. وفاش ضارت تشوف جنابها لقات أغلب الحضور عينيهم عليها وهي جات الوسط .. توترات وتوجهات لواحد الطبلة فالقنط بانت ليها خاوية .. وقفات حداها وعينيها كايقلبو على نبيل حتى لقاتو وبقات حاضياه وهو مجمع مع شي رجال ..
نرمين (وقفات عليها) : دعاء
دعاء (قفزات) : نعام ا خالتي
نرمين : بنتي .. راسي كايعطيني الصداع بزاااف .. واخا طلعي لبيت أسماء تجيبي ليا كينة .. مانعرف فين غابرة هي وأنا ماقادراش نمشي
دعاء : ايه اخالتي انمشي نجيبها ليك .. سندي على هاد الطبلة حتى نرجع ماغانتعطلش عليك
نرمين : واخا ا بنتي الله يرضي عليك
مشات دعاء كاتزرب لداخل الفيلا .. ونرمين متبعة ليها العين وكاتبتاسم .. شافتها أسماء وخافت تكون مها قالت ليها شي حاجة قلقاتها وخلاتها تنساحب من الحفلة .. قررات تسولها ..
أسماء : ماما .. فين مشات دعاء ؟
نرمين : طلعات لبيتك الفوق .. بغات تهضر مع ماماها
أسماء (تنفسات) :اه صافي .. نمشي نطل عليها
نرمين (جراتها) : اجي لهنا فين غادية ؟ احم زعما بيت نقول خليها بخاطرها غير تسالي وغاتنزل .. فكرتيني خالتك سمية من الصباح كاتسول عليك .. اجي معايا نشوفوها
أسماء : اوكي يالاه
.................................................
......... : ها الأمانة
بثينة : ميغسي .. ها فلوسك وبالزايد حيت ماتعطلتيش عليا
......... : الله ياودي .. تهلاي
بثينة : باااي
خدات بثينة داكشي اللي عطاها الشخص اللي هضر معاها ومشا فحالو .. خباتو فساكها ورجعات للفيلا وهي كاتشوف فجنابها ليشوفها شي حد ..
أنت تقرأ
الذميمة
Romanceقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
