الذميمة

البارت 3

دعاء : ماما هاني خرجت
الأم : بنتي ماتعطليش .. بغيناك أنا و باباك فواحد الموضوع مهم
دعاء (بقلق) : الله يسمعنا خبار الخير ؟
الأم : كل خير ا بنتي .. المهم حتى ترجعي ☺ ما تخليش صاحبتك تسنا وسلميلي عليها
دعاء : مبلغ ا ماما (باست ليها راسها) بسلامة
وهي خارجة تلاقات مع ختها سارة في الباب .. ابتاسمات ليها ومشات بغات تعنقها ..
سارة (دفعاتها) : مالكي ا ختي كنت غايبة عليك 20 عام 😡 سيري سيري الله يرد بيك يخ على صباح
دعاء (حابسة البكية) : شكرا ا ختي
سارة : على واجب ا ختشي (ودخلات) .. بقات دعاء مراقباها حتى دخلات لبيتها وخبطات الباب بالجهد .. تنهدات وخرجات فحالها .. غادا فالشارع وكاتفكر فمعاملة ختها السيئة .. ما عرفاتش السبب شنو هو .. شكات تكون غلطات معاها فشي حاجة بلا ما تعرف .. ولا تكون زعما كاتحشم بيها .. يعني شكلها هو السبب ؟ زعما ختها بنت مها وباها دايرة بحال الناس .. كاتعطي أولوية للشكل ؟
دعاء (بصوت مسموع) : اوووووووووف عيييييت .. هادشي بزااااااف 😧 صبرك يا ربي صبرك
هازة راسها للسما وكاتهضر .. فلحظة دخلات فشي حاجة وسمعات البكااا .. هبطات راسها وهو يبان ليها وليد صغير طايح في الأرض وكايبكي ..
دعاء (مخلوووعة) : ويلي ويلي شنو درت ..
الولد : انننن اهئ اهئ ااعععععععع اهئ اهئ
دعاء : صافي صافي عافاك سمحلي .. ناري شنو غاندير (هزاتو من الأرض) سمحليا ..
الولد : اااععععع اهئ 😢😢 رزلي رزلي .. ديدي اااي اهئ اهئ بابا
دعاء : انشوف ا حبيبي 😔 (قلبات ليه رجليه .. لقات سروالو تقطع ليه من جهة الركبة قاستو بصبعها وهو ينقز الولد وزاد فالبكا .. وبقات كاتحاول تسكتو بلا فائدة .. تلفات وماعرفات شنو دير .. بقا فيها بزاف .. يالاه بغات توقف باش تديه لمستوصف الحومة .. تحطات يد على كتفها زيرات عليه ) "شنووووو كاااديري نتييي 😡😡" (زعزعها هاد الصوت .. ضارت وراها وهي تشوف راجل واقف عليها قدو قدااااش ويديه مازاال مزيرة عليها .. عينيه الشرار كايطاير منهم .. الرعدة شداتها ..
دعاء : ش شكون نتا ؟ (شافت فيديه)
الشخص : نتي اللي شكوووون .. وعلاش هازة الولد ؟ فين غادية بيه (شاف فالولد ولقاه كايبكي) شنو درتي ليه .. علاش كايبكي ؟ دوييييييييي 😡😡😡
دعاء : أ أنا غ غير كنت غادية ومانتابهتش ليه ودخلت فيه 😢
الشخص : شنووو .. (حيد يديه عليها ونتر ليها الولد وبقا يقلب فيه بخوف) أنس ولدي مالك ؟ فين كايضرك
أنس : رزلي ا بابا اهئ اهئ 😢
الشخص : (شاف فدعاء) فييين كااانو عينيك نتي ؟؟ (تفحصها) ديري النظاظر على الله يبينو ليك شي حاجة ويخرجو ليك دوك العينين وهوما دايرين بحال الشقة فالحيط 😡
دعاء (حسات بالاهانة) : ما نسمحش ليك تهيني .. أنا قلت ليك ما رديتش فبالي .. ماقصدتش نآذيه .. وأصلا كنت بغيت نديه للمستوصف حتى وقفتي نتا
الشخص (صعر) : اننن بنادم كيف داير
دعاء : نتا اللي كاتهضر بعدا .. ولد فهاد السن كايخليوه الناس بوحدو وسط الشارع ؟
الشخص : ونتي مالكي ؟
دعاء : آباء آخر الزمن
الشخص : غاتبلعي لسانك لا ؟
الولد : اهئ اهئ اااااععععععععع
الشخص : صافي ا ولدي .. (هزو) نمشيو للطبيب (خنزر فيها وداز فحالو)
دعاء : بفففف النهار باين من صباحو كيف غايطلع (كايصوني ليها التيليفون) ويلي نسيت البنت ...
-----------------