أنت تقرأ

الذميمة

Romansa

قصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس

#الذميمة #الكاتبة #تضحية #حب #حزن #دعاء #ريحان #ظلم #عذاب #نبيل #هدى

البارت 5

2.7K 83 1 
                                    

                                              

دعاء :أسماء 
أسماء (قاطعاتها) : شششش ولا كلمة .. نوضي تكعدي دخلي للحمام خوذي ليك دوش خفيف ظريف يفيقك شوية .. حتى للفيلا وندير ليك شي حاجة لدوك العينين باش يتفشو .. والماكياج راه غايغطي ليك دوك الجروح اللي فوجهك 
دعاء : فففف غاتعداي عليا والله 
أسماء : حسك ما نسمعوووش .. سربي راسك راه تابعنا شحاااال .. أنا غانجمع هاد الروينة بينما ساليتي 
دخلات دعاء للحمام .. وأسماء بدات تجمع في البيت .. سالات وجلسات فواحد الكرسي كاتسنى فدعاء .. جبدات تيليفونها وبقات كاتلعب فيه .. شوية جاها ميساج في لواتساب دخلات ليه ولقاتو من محمد ..
💬 محمد : سلام أسماء .. صافا ؟ 
💬أسماء : الحمد لله بيخير ونتا ؟ 
💬محمد : يلا كنتي نتي بيخير راه حتى أنا 
💬أسماء : كيف بقات ماماك ؟ 
💬محمد : شوية الحمد لله .. كاتسلم عليك 
💬أسماء : يسلم عليها الخير .. بلغها سلامي 
💬محمد : مبلغ .. أسماء مسالية اليوم ؟ 
💬أسماء : علاش ؟ 
💬محمد : غير بغيت نشوفك على قبل واحد الموضوع 
💬أسماء : خير ا محمد ؟ 
💬محمد : كل خير ا أسماء .. ولكن من الأفضل نهضرو مباشرة 
💬أسماء : ااه .. اليوم رجع خويا نبيل ماغانساليش .. نتلاقاو غدا ان شاء الله ؟ 
💬محمد : على سلامتو .. اوكي ان شاء الله .. غدا نقوليك معاش وفين واخا ؟ 
💬أسماء : واخا .. يالاه تهلا فراسك وفالواليدة 
💬محمد : حتى نتي .. مع السلامة 
سدات تيليفونها وتكات بيديها على ركابيها وشدات فوجهها وصبعانها كاينقرو فحنكها .. كاتفكر فشنو الموضوع اللي غايكون محمد بغا يهضر معاها فيه .. حيت ماعمرهم تلاقاو بوحدهم وفشي بلاصة من غير الكلية .. خرجات دعاء ولقاتها ساهية ..
دعاء : ا فيين مشيتي اهياتا !
أسماء (انتابهات ليها) : بصحتووو 
دعاء : يعطيك تحميمة بحالها 😉
أسماء : ههه حتى لدارنا 😙 عرفتي دابا سيفط ليا محمد وقاليا بغاني فشي موضوع وطلب نتلاقاو 
دعاء : واه ؟ ياك لاباس؟ فاش غايكون بغاك ؟ 
أسماء : علمي علمك يا ختي 😕 غايبقى ضااارني راسي 
دعاء : هههه مزيانة فيك .. المهم ا زين يكون خير .. اجي ماقاليكش كيف بقات ماماه ؟ 
أسماء : سولتو وقاليا الحمد لله 
دعاء : ااه مسكينة الله يشافيها ويخليها ليه 
أسماء : آمين .. يالاه نشفي شعرك ولبسي حوايجك باش نتحركو 
دعاء : اوكي بب 
أسماء (باستها) : يخليلي الحوبينو اللي كايسمع الهضرة 
دعاء : ههههه 
دارت دعاء داكشي اللي قالت ليها أسماء .. وهي كاتحس براسها ولات شوية بعدما هضرات مع صاحبتها .. وزادت كبرات فعينيها كثر وكثر .. جمعات كل ماغاتحتاج فساكها وشدات فأسماء وخرجو من البيت .. لقات مها جالسة فالصالة كاتفرج .. شافتهم خارجين ووقفات وهي كاتبتاسم لبنتها ..
الأم : بنتي 
دعاء : ماما أنا غانمشي عند أسماء .. ويمكن نبات عندها 
الأم : واخا ا بنتي .. سيري وردو البال لراسكم 
أسماء : الله يعاونك ا خالتي 
سلمو عليها ودارو يديهم فيد بعضياتهم ومشاو .. الوجهة هي فيلا أسماء .. ويا ترى شنو غايوقع فالحفلة ؟

                          
¤وجعلت الله شآهدا على جرحكم لي ..
وخالقي سأقآضيكم يوم القيآمة فكونوا مستعدين لحكم عآدل لآ يظلم أحدآ .. !!¤
الذميمةحيث تعيش القصص. اكتشف الآن