#قبل_8_شهور
مريم : كيفاش ماكايهمكش ؟
أسماء : مريم صافي خليها ا صاحبتي ، يلا بغا يرجع ليها الله يربحهم
مريم : ولكن ***
قاطعها دخول هارون ومعاه سلوى حالتها حالة ، كاتبكي وتنخصص ووجها حمر ونيفها دايز بالدم ، شافتها دعاء وقفزات عندها شدات فيها وجلساتها ..
دعاء : أسماء عافاك جيبي شي كاس ديال الما
أسماء : واخا واخا
مريم : هارون شنو واقع ؟ ومالها شكون دار ليها هاكا
هارون : فففف يوسف
مريم : 😨 فينهو دابا ؟
هارون : فدارو ، مادخلتو ليها غير بزز ، المهم غانمشي أنا دابا عندي شي خدمة ، يالاه نوصلك فطريقي للروض جيبي الاولاد
مريم : اوك (ضارت عند دعاء) دعاء أنا غانمشي دابا ، بيناتنا تيليفون
دعاء : واخا
خرجات مريم مع هارون ، وأسماء جابت كاس ديال الما ، شداتو من عندها دعاء ومداتو لسلوى اللي شداتو بيديها وكلها كاترعد شربات النص والنص لاخور خواتو على حوايجها ..
دعاء : تهدني عافاك واخا ؟
سلوى (حركات ليها راسها بالايجاب)
أسماء : علاش ضربك ؟
دعاء (حمرات فيها باش تسكت)
سلوى : اهئ اهئ هو راه فاهم كلشي غلط ومابغاش يسمع ليا 😢 أنا مادرت والو من داكشي اللي وصلو ليه اهئ ، نتي بيمن تزوج ياك (شدات ليها فيديها) أكيد عاود ليك عليا ، عافاك فهميني شنو كاين اهئ أنا مظلومة والله مظلومة
دعاء : كانظن هاد الموضوع كايخصكم بجوج ، وهو اللي يقدر يفهمك أنا مايمكنش نتدخل
سلوى : هو راه مابغاش يشوفني اهئ الله يخلي ليك ماعز عليك (تحدرات ليها على رجليها) نبوس ليك رجليك غير عاونيني ، أنا راه تمحنت باش لقيتو اهئ خاصو يسمعني عافاك عاونيني
دعاء بقات فيها وشفاتها حالتها ، شداتها من كتافها نوضاتها من الأرض وبقات كاتشوفيها وكاتفكر اشنو دير ..
أسماء : احم دعاء نتي هضري معاه وقنعيه
سلوى : اه اه عافااك 😢
دعاء : صافي صافي ، أنا غانهضر معاه ولكن ماشي دابا ، غايكون معصب بزاف وماغايتفاهمش ، خليه حتى يتنفس ونمشي عندو
سلوى : عمرني نسا خيرك 😢
دعاء : هانية ، نتي ارتاحي دابا
عاوناتها تكات فوق السداري وخرجات هي وأسماء وخلاوها ، مساو للكوزينة وجلسو ..
أسماء : ناري بزاااف
دعاء : ماعرفت باقي فشنو نفكر ا أسماء ، راسي غاينفاجر
أسماء : صراحة طحتي فموقف لا يحسد عليه .. وشنو ناوية ديري ؟
دعاء : غانتسنا حتى العشية ونمشي عندو نهضر معاه
أسماء : عرفتي جاني الفضول نعرف قصتها
دعاء : حتى أنا مانكذبش عليك ، حالتها دخلات ليا الشك فداكشي اللي عاود ليا يوسف
أسماء : زعما يكون كذب ؟
دعاء : ففففف ماعرفتش ماعرفتش ولكن كاينة إن فالموضوع
بقاو جالسين ساكتين حتى صونا لأسماء التيليفون ولقاتو محمد راجلها ، اعتاذرات من دعاء ومشات فحالها ودعاء بقات تما ، داز الوقت ومشات للصالون طلات على سلوى لقاتها نعسات سدات عليها وجبدات تيليفونها اتاصلات بيوسف ..
دعاء : ألو يوسف ....... عافاك بغيت ندوي معاك ضرووري واخا تجي عندي للدار ؟ ....... وا ضروري قلت ليك ومانقدرش نخرج ونخلي ماما بوحدها ..... اوك كانتسناك
قطعات معاه ووقفات كاتسناه حتى سمعات الدقان ، مشات حلات ليه ودخلاتو لبيتها وسدات الباب ، جلس هو فجنب السرير وهي بقات واقفة ..
يوسف : شنو هو الموضوع المهم ا دعاء ؟
دعاء : سلوى
يوسف : هادشي علاش جايباني 😡
دعاء : بلا ماتعصب عليا ا يوسف ، حنا خاصنا نهضرو فهادشي ودابا
يوسف : وأنا مابغيتش ندوي فيه وخاصة دابا (وقف)
دعاء : كيفاش مابغيتيش ؟ يوسف أنا بغيت نطلقو
يوسف : شنووو
دعاء : كيف كاتسمع ، دابا رجعات طليقتك وأنا مابقا عندي دور فحياتك
يوسف : واش حماقتي نتي ولا ؟ داك النهار خيرتك ونتي اختاريتي تكملي ، واش بنت ليك ولد صغير تلعبي بيا ولا كيفاش 😡
دعاء : ماشي هاكا ، شوف سلوى عندها شي حاجة مهمة ونتا خاصك تسمع ليها ، ماتعرف الهضرة اللي بغات تقوليك تغير كلشي
يوسف : هي ماعندها ماتقوليا ، اختارت حياتها وحتى أنا ، وعلاش رجعات بالضبط فاش تزوجت ؟
دعاء : هاد السؤال طرحو عليها هي ، المهم هي راه عندي فالدار
يوسف : كيفاااااش 😠 واش باغا تجهليني ، علاااااش دخلتيها عندك علاااش
دعاء : قصداتني مايمكنش ليا نجري عليها وخاصة ماغلطاتش معايا ، ونتا غاتسمعها ، خفت تكون ظالمها ا يوسف والله واش ماشفتيش حالتها كيف كانت ؟
يوسف (لا رد)
دعاء : يوسف نتا ماخاسر وااااالو ، جلس معاها وطلق وذنيك وصافي
يوسف : فينهي ؟
دعاء : فالصالون خليتها ناعسة
يوسف : تبعيني
خرج من البيت وقصد الصالون وهي تابعاه ، حل الباب بجهد لقاها ناعسة وآثار الدموع فخذها ، جلس قدامها ..
يوسف : فيقيهااا 😡
قربات ليها دعاء وبدات كاتحرك فيها حتى حلات عينيها وتقادات فالجلسة ، شافت قدامها وهي تلقا يوسف جالس ومخنزر ، قلبها بدا كايضرب بالجهد بغا يخرج من بلاصتو ..
سلوى : يوسف 😢
يوسف : كانسمعك ، هضري نيشان
دعاء : نخليكم أنا
يوسف : ماعندك فين تمشي ، جلسي حتى نتي غاتسمعي .. يالا نتيا بداي ..
أنت تقرأ
الذميمة
Romansaقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
