دازوا أيام .. وسارة ودعاء براو ليهم وجاههم وزادو قربو من بعضياتهم ، الوليدات ولفوهم وماحسوش بالنقص من ناحية غياب والديهم اللي ديما على اتصال معاهم وخاصة هارون حيت مريم كاتكون عيانة مع العلاج وماكاتقدرش تهضر ، وخوه كريم كايزورهم مرة مرة هو ومراتو وكايخرجو معاهم الاولاد ويعاودو يرجعوهم لدعاء ، لالة نعيمة بدات تنطق شوية وتحرك يديها ، يوسف من نهار دابز مع نبيل وهو كايحاول يراضي دعاء ، كل مرة مسيفط ليها وردة ومعاها ورقة صغيرة كايعتاذر فيها مع ولدو أنس حتى رطابت وبدات تهضر معاه بحال اللول ، نبيل كل نهار موقف سيارتو فراس الحومة وكايبقى يتسناها حتى تخرج ويتبعها وهي منخلاه ودافعا عليه كبير ، ولكن فالداخل ديالها موحشاه وماكرهاتش تعنقو وتعتارف ليه بحبها اللي هو مأكد منو ..
اليوم فاقو بكري شوية حيت ناويين يخرجو للغابة يقضيو فيها النهار ، فطروا وبداو يوجدو فداكشي اللي غايخصهم ، وهوما منغامسين فالتوجاد سمعو الدقان ومشا جاد كايجري حيت هو اللي ولا كايحل الباب ، وجوري تابعاه من اللور هازة نونوس بيد وكوشتها شاداها بيد ..
دعاء (من الكوزينة) : جاااااااااااد .. شكون دق
سارة : مشاو يحلو الباب وغبرو .. غانمشي نشوفهم
مشات سارة تبعاتهم ، لقاتهم واقفين فالباب وكاضحكو مع شي حد ، طلات وبانت ليها أسماء ..
سارة : أسماء !!
أسماء : السلام سارة لاباس عليك ؟ شكون هاد الفناكش ؟
سارة : ولادي 😂 كيف جاوك ؟ ماكايشبهوش ليا ؟
أسماء : ههههنن ولدتيهم بلا خباري ؟
سارة : هههه هادو وليدات صاحبة دعاء
أسماء : صاحبتها ؟ 😔
سارة : وي .. سافرات مع راجلها وخلاتهم لدعاء حيت هي خدامة عندها مربية ديالهم
أسماء : ااااااه .. اوك
سارة : زيدي دخلي
أسماء : دعاء كاينة ؟
سارة : وي فالكوزينة كاتطيب شي لعيبات حيت اليوم غانديو الاولاد للغابة
أسماء : ااه بصحة
دخلات وداتها سارة للصالون ، خلاتها مع جاد وجوري ومشات تنادي على دعاء ..
سارة : دعاء .. أسماء اللي جات وراه كاتسنى فيك فالصالون
دعاء (تزيرات) : أسماء ! احم اوك هانا غانمشي نشوفها ونتي ا حبيبة قابلي هادشي لايتحرق
سارة : واخا غير سيري .. شوفي بردي شوية اوك ؟ وتفكري غير حالة مريم ولاتسامحيش 😑
دعاء ماجاوباتهاش وخرجات فاتجاه الصالون والتوتر باين عليها ، دخلات وهي تبان ليها أسماء معنقة الوليدات وكاضحك معاه ..
دعاء : السلام عليكم
أسماء (وقفات) : دعاء ، سافا
دعاء : سافا الحمد لله ، جلسي .. جاد خوذ اولدي ختك وسير عند سارة عاونها 😉
جاد : واخا 😄 (مشاو كايجريو)
أسماء : دعاء رجعت عندك حيت **
دعاء (قاطعاتها) : عرفت ، احم المهم راني مسامحاك اختي بلا ماتبقاي معذبة نفسك
أسماء : واش من قلبك ؟
دعاء : لا من ريتي 😑
أسماء(تلاحت عليها) : وييييييييو نههههههه دعااااااء رجعااااات ليا هاهاهاا كاااع فاش قلتي هاد من ريتي صافي سمحتي ليا من قلبك .. ناااااااري شحاااال توحححححشتك اصاحبتي
دعاء : حيدي عليا قجيتيني 😢
أسماء : 😢
تعانقو وبداو يبكيو ويضربو بعضياتهم ومرة مرة يضحكو .. رجعو فحال اللول ودعاء صفات خاطرها من جهة أسماء ، دارت بكلام مريم وقررات تسامح كل واحد وأسماء فعلا تظلمات بحالها والله غفور رحيم ..
دعاء : يلا كنتي مسالية اليوم يالاه معانا للغابة
أسماء : غانسالي على قبلك ههههن أنا ماتيقت رجعات ليا صاحبتي
دعاء : هنههه
أسماء : دعاء احم بغيت نقوليك زعما اه
دعاء : هضري نيشان اصاحبتي مالك كاتعكلي ؟
أسماء : بغيت نعرضك لعرسي .. عافاك ماترفضيش وغانعرفك بصح سامحتيني ومنها نوفيو بوعدنا باش نحضرو لعرس بعضياتنا
دعاء : عرسك اممممم .. فين دايراه ؟
أسماء : فالفيلا
دعاء : 😨 ..
أنت تقرأ
الذميمة
Romantikقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
