الذميمة

البارت 27

أسماء : على قضية العرس 😑 اتافقتو وكلشي بلا خباري، كون ما ماما اللي قالتها ليا مانعرف، وليتو ضربو من التحت
نبيل : هههههه كلشي جا بزربة والله
أسماء : هانية هانية المهم هو رضات عليك حبيبة القلب والباقي مايهمش
نبيل (تنهد) : الحمد لله
أسماء : واراك واكلها نييت هههه ولكن دعاء تستاهل الصراحة، الله يكمل عليكم بالخير ياربي ويخليكم ديما فرحانين
نبيل : آمين
محمد : مبروك عليكم ا نسيبي
نبيل : الله يبارك فيك ا با محمد
أسماء : شنو قال بابا فهادشي؟
نبيل : سي خالد وافق 😉 وغايمشي معايا نخطبوها رسمي
أسماء : اوا مزياااان اسيدي، محمد زيد وصلني عند دعاء
محمد : شي نهار تولدي ليا فالطريق من كثرة الضوران
نبيل : ههههه مافيهاش المزاح
أسماء : زيد زيد وسكت راه باقي ليا شهر على قدو 😑
نبيل : بلغي ليا السلام
أسماء : سير بلغو راسك 😉
خلاتو كايضحك وخرجات شادة فمحمد بيد واليد الاخرى شادة بيها كرشها اللي تقنبلات قدامها، خرجو من الفيلا وركبو فسيارتهم وشدو الطريق لعند دعاء ..

#دعاء
جالسة هي ومها فالصالون مجمعات ..
الأم : اممم مسمار باه طرقناه ومو ؟
دعاء : ماماه أنا عارفاها مستحيل توافق، راه ماكاتحمل فيا الشعرة 😔
الأم : انسانة حقودة 😑 المهم طالما باه موافق وغايجي يطلبك من عندي صافي، واخا ماعاجبنيش الحال وقلبي مامطمأنيش من جهة عكوزتك
دعاء : الله يدير اللي فيها الخير وصافي
الأم : آمين، المهم سيفطي ليه وقوليهم يشرفونا الجمعة ان شاء الله يلا ناسبهم
دعاء : ان شاء الله ا ماما، تمنيت لو ختي كانت معايا 😔
الأم : ان شاء الله غاتحضر للعرس
دعاء : ان شاء الله
سمعو الدقان وناضت تشوف شكون، حلات الباب ولقات أسماء قدامها مادة ليها كرشها ومخنزرة فيها ومحمد وراها حابس الضحكة ..
دعاء : أسماء
أسماء : محمد سير دابا نتا، غير نشوف مع هاد خيتي ونعيط ليك تجي تديني
محمد : واخا ا لالة (مشا)
دعاء : شكون خيتي؟ دخلي بعدا من الباب
أسماء : غاندخل، مالي غانتسناك نتي تقوليها ليا
دخلات للداخل وخلات دعاء متبعاها بعنيها باستغراب، سدات الباب ولحقات عليها للصالون، لقاتها كاتسلم على لالة نعيمة ..
الأم : مرحبا بيك ابنيتي، مابقا ليك والو
أسماء : اه اخالتي قريب
الأم : وا نخليكم ابنتي أنا وماديريهاش مني قلة الصواب، هادا وقت الدوا وراكي عارفة كايرخيني
أسماء : لا لا اخالتي خوذي راحتك، صحتك هي اللولة وأنا جيت غير نشوف دعاء وغانمشي
الأم : مرحبا بيك فأي وقت ابنتي الدار داركم
أسماء : ربي يخليك ا خالتي
مشات لالة نعيمة تشرب دواها وتنعس وبقات دعاء مقابلة مع أسماء هاد الأخيرة اللي كاتشوف فيها شوفات ديال القتيلة ..
دعاء : العااار يلا ماقوليليا مالكي؟
أسماء : شوفي نتي 😡
دعاء : بلاتي بلاتي ههه واش على قبل خوك؟
أسماء :هادي هي الصحبة يا سليعفانة، وبلا خباري
دعاء : ههههه والله حتى كنت غانعاود ليك كلشي فاش نشوفك، كلشي داز بزربة .. شنو مافرحتيش ليا ولا مابغيتينيش نكون مرت خوك ااا
أسماء : بالعكس ديما كنت نتمناكم بجوج من نهار تلاقيتو، غير بقا فيا الحال حيت ماعلمتوني بوالو 😔
ناضت دعاء جلسات حداها وعنقاتها ..
دعاء : واش عارفاني غانخبي عليك؟ والله يلا كلشي داز فرمشة عين
أسماء : صافي صافي هانية 😉 غير حيت عروسة مابغيتش نقلقك هههه يالاه عاودي ليا بالتفاصيل
بدات دعاء كاتعاود ليها شنو وقع بداية من لقائها بنبيل وكلامهم مع سارة حتى لاخر اتصال بيناتهم فاش خبرها بموافقة الأب ديالو ..
أسماء : هههه هاي هاي على العفريت، المهم ا حبيبتي مبرووووووك عليكم تستاهلو والله 😍 ومرحبا بيك فعائلتنا ا زين ونووووض فحالي قبل مايكعا محمد راه درت ليه الطيارة باش جابني
دعاء : ههههه الله يصبرو عليك مسكين 😂
أسماء : آمين هههه اجي واحد سلوى غبرات؟
دعاء : ا نسيت ماقلت ليك، مشات هي ويوسف لدارهم
أسماء : دارهم 😨
دعاء : وي باها مريض وسيفط ليها تجي عندو
أسماء : باينة أنبو ضميرو 😑 المهم الله يدير اللي فيها الخير بسلامة عليك
وقفات معاها باب الدار حتى جا محمد وودعاتهم ودخلات فحالها، طلات على ماماها لقاتها نعسات سدات عليها الباب وطفات الضواو ودخلات لبيتها سداتو عليها، تخشات ففراشها وعنقات مخذتها وسرحات كاتفكر فنبيل، شوية ووصلها ميساج حلاتو ولقاتو من عندو .. "تصبحي على خير أميرتي .. مابقا والو ان شاء الله ونبدا نقولها ليك مباشرة 😘" .. قراتو وابتاسمات وخشات وجهها وسط المخذة كاتمرغو وكاتضحك مع راسها، هاااحححح الحوووب ومايدير 😍 بقات هاكاك مخشية فالمخذة حتى نعسات وهي كاتحلم بغد أفضل مع شريك اللي اختارت ..