لم أعد أصدق أي وعد ولا أريد التعود على أحد مهما كان يعني لي فجميعهم يرحلون ..
دخلات لبيتها وسدات عليها وجلسات فالأرض .. دارت يديها على فمها باش مايتسمعش صوت بكاها ..
دعاء : كلشي سالا 😢 غانساك اهئ نتا ماشي ليا وأنا ماشي ليك اهئ تمنيت لو تلاقينا فظروف حسن كون نتا اللي جاي تخطبني ماشي غيرك 😢 ضروري نساك باش نسعد هاد ولد الناس ومانظلموش 😢 هو بعدا بغاني كيف أنا وحتى فاش شاف فضيحتي ماتقلبش عليا بالعكس معاملتو اللولة تبدلات وولا حنين معايا 😢 وحتى ولدو كايبغيني وغانكون ليه الأم اللي تمناها 😢 وحتى ماما نفرحها لعل هاد الحدث ينفعها وتقدر تسامحني 😢 وختي سارة نهنيها مني ومن وجهي 😢😢 غانسااك اهئ اهئ خاصني نسااااااااااااااااااك اهئ اهئ 😢 اااااااااااااه اهئ عاوني ا ربي عاوني
#صباح _اليوم_التالي
سارة (بعصبية) : واااا تحركي خلااااااااااااص 😡 مالك ثقيلة ماالك يخ على معكازة .. بزز باش شديت هاد النهار باش نعاونك فهاد الروينة ونتي ماعلى بالك 😡 غير جالسة حاطا يديك على حناكك وساهية
دعاء : فففف سارة عافاك ماضرينيش فراسي .. خلي داكشي دابا نوض ويلا كنتي مفقسة على الخدمة غير سيري وخليني نعوم بحري
سارة : مافيك خير 😡 ولكن هانية حيت قريييييبة نتهنا من كمارتك غاندير بحال يلا ماسمعتكش 😡 تكعدي عاونيني نساليو هادشي ونشوفو شنو نديرو لحالتك على الله يبان فيك الضو شوية
دعاء : خليني مظلمة هاكا عاجبني راسي
سارة ضارت شافت فمها اللي جالسة فالكرسي المتحرك حداهم ومراقباهم ..
سارة : واهاااانتي ا ماما شوفي هاد الموصيبة ديال بنتك .. لقات اللي يقبل عليها وكاتكبر 😡 شوفي نتي راك بهاد الفعايل كاتفقسي فهاد المرا وضبري لراااسك 😡 هااااوذني منك
دعاء : ففففف صافي صافي غاندير داكشي اللي بغيتي غير سكتي
سارة : اوا هاكاااك .. ديك صاحبتك معاش اتجي ؟
دعاء : ااه مريم ، قربات توصل
سارة : غاتجيب معاها داك البوقوص 😍
دعاء : جمعي راسك ا هياتااا 😡 راه راجلها وحسن ليك تبعدي عليه .. ماتخسرينيش مع السيدة
سارة : صافي صافي فهمنا
سكتو وبداو فشغلهم ، خملو الدار وضارو بالصالون واخا بسيط بدعو فيه ، دخلو للكوزينة وقسمو الخدمة بيناتهم كل وحدة بشنو تكلفات تطيب وهادي أول مرة فالتاريخ كادخل سارة مع دعاء للكوزينة وكاتعاونها ، كايطيبو وسارة ماسكتاتش من النكير والهضرة .. سمعو الدقان ومشات دعاء تحل ..
دعاء : مرحبا ختي مريم
مريم (عنقاتها) : ترحب بيك الجنة ا حبيبة .. توحشتك بززاااف خليتي بلاصتك هاد اليومين
دعاء : غير سمحي ليا
مريم : هههه ويلي على الهبيلة ، علاش كاطلبي السماحة .. اليوم نهارك ا لالة العروسة
دعاء (ابتاسمات بزز)
مريم : أنا جيت دابا باش نعاونكم شوية ، ومن بعد غايلحق عليا هارون
دعاء : مانساش خيركم اختي
مريم : ولو ا حبيبة .. نتي راك وليتي ختي والخوت فهادشي فاش كايوقفو مع بعضياتهم ، وهارون فرح ليك بزاف وبغا يكون معاك فهاد النهار بصفتو خوك وولي أمرك
دعاء : 😢 لهلا يخطيكم عليا
مريم : ششش مسحي دوك الدموع وتبعيني باش توجدي راسك
جراتها مريم من يديها ودخلاتها لبيتها بعدما سلمات على لالة نعيمة (أم دعاء) ، تبعاتهم سارة للبيت وجابت معاها دوزانها 😂 (الماكياج) .. تعاونو عليها بجوج قادو ليها وماخلاوهاش تعتارض على شي حاجة ، غير كاتبغي تهضر وكايقمعوها تحاماو عليها ، دارو ليها مشيطة وماكياج خفيف اللي جا معاها (تخايلوه كيف بغيتو 😉) جبدات مريم قفطان فالبيض مرصح بحجيرات جابتو ليها معاها ، زادت كبرات فعينين دعاء .. لبسوها ودارو ليها آخر اللمسات وخلاوها فالبيت بوحدها ومشاو يشوفو واش كلشي هو هاداك ، عاد دخلو حتى هوما وجدو راسهم ولبسو حتى للأم ، وصل هارون ودخلاتو مريم للصالون بينما جا يوسف ..
دعاء (شادة صورة باباها) : تمنيتك معايا ا بابا فهاد النهار 😢 ديما كنتي كاتقوليا بغيت النهار اللي نقدمك بيديا لراجلك اللي غاتختاري وتكوني كاتبغيه ونوصيه عليك يديرك فعينيه .. ونشوف وليداتك ونلعب معاهم ونسمع منهم كلمة جدي 😢 ماكتابش ا بابا 😢 نتا دابا مامعاياش وحتى الراجل اختاريتو ولكن ماكانبغيهش 😢 واش غانكون فرحانة معاه ؟ ماكانعرفوش مزيان ومع ذلك وافقت عليه 😢
مريم (دخلات عليها) : دعاء .. حبيبة الناس وصلو ونتي خاصك تخرجي عندهم
دعاء (كاتمسح دموعها) : واخا
شدات فيها وخرجات حادرة عينيها وكلها كاترعد ، رجليها فحال يلا كاتحطهم فشي حفرة ، وصلات لفين جالسي وسمعات صوت الرجال هارون ويوسف .. هزات فيهم عينيها لقات يوسف (لابس مزيان سروال كحل ثوب وشوميز بيضة خاشيها فيه ومقاد شعرو الكحل الكثيف اللي عاطيه جاذبية) وحداه جالس أنس ولابس حتى هو الكلاس وكايشوفيها والابتسامة البريئة على وجهو وفجنبو مرا كبيرة فالسن اللي تبدلو ملامحها فاش شافت دعاء .. جراتها مريم وجلساتها بينها وبين سارة اللي مانزلاتش عينيها على هارون ..
أنت تقرأ
الذميمة
Romansaقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
