الذميمة

البارت 25

قربات منو بلهفة ،شنقات عليه بلا ماتحس ..
دعاء : قلتي عارف ختي فين كاينة ؟ 😢 فين هي قوليياااا ومعامن وشنو كادير وواش هي بيخير ياااك 😢 هضااااااار مالك ساااكت ،ياكما وقعات ليها شي حاجة دوي ا نبيل 😢
نبيل : شش تهدني تهدني واخا ؟ ختك مزيانة
دعاء : فين كاينة هي ؟ ويلا كانت مزيانة علاش ماكانتش تتاصل بيا علاش اخبارها انقاطعات
نبيل : دعاء خليني نهضر اوك ، ختك كاينة فمصر هي وراجلها وهي لاباس عليها
دعاء : فمصر 😢 ونتا باش عرفتي هادشي ؟
نبيل : نهار وقع المشكل اتاصلات بيا أسماء وخبراتني بكلشي وسيفطات ليا صورة للبطاقة اللي عطاتك اخت داك الكلب وأنا قلبت وبمعارفي لقيت داكشي اللي بغيت ورجعت للمغرب ومشيت عندهم تلاقيت بيهم، هو دوز شهراين فالسبيطار وخرج، هضرت معاه باش نوصلو لاتفاق وداكشي اللي كان
دعاء : كيفاش اتافقتو ؟
نبيل : ماشي مهم كيفاش، المهم هو سارة مابقا عندها لاش تخاف ولا تخبا، يمكن ليها ترجع لبلادها بكل أريحية
دعاء : وعلاش لدابا مارجعاتش؟ قلتي ليا صافي لقيتي حل مع هادوك ودابا دازت 9 شهور وحسها مقطوع .. أنا مافهمت والو
نبيل : شوفي دعاء أنا ماعارفش السبب علاش ضربات هاداك ولا علاش تزوجات ولا علاش قطعات خبارها عليك، هاد الأسئلة خاصك طرحيهم عليها هي، هي اللي عندها الجواب وبالنسبة لدابا فهي حاملة وشهرها هادا والسفر خطر عليها هادشي اللي قاليا جسار
دعاء : جسار ؟
نبيل : وي راجلها
دعاء : دابا ختي حاملة هه البريهيشة ديالي غاتولي أم وأنا غانولي خالة (دارت يدها على فمها وبدات تبكي) مامتيقاش 😢
بقا مقابلها بعينيه وهي فرحانة ودموع الفرحة على خذها، كاتهز عينيها للسما وكاتحمد الله وتشكرو حيت ختها بيخير وعلى خير، تنهد ودار يديه فجيابو، أما هي عاد سرات معاها باللي واقفة معاه وكاتضحك معاه وتقوليه غاتولي خالة، شافت فيه لقاتو كايبتاسم ليها وعينيه فيهم واحد اللمعة فشكل، توحشاتو بزاف وهاهو دابا واقف قدامها، حتى كاتقول صافي مشا وعمرها غاتشوفو ولكن كاتلاقاه وحبها ليه كايحيا من جديد وكايزيد على كيف كان، مسحات دموعها وابتاسمات ليه بامتنان ..
دعاء : شكرا بزاف ا نبيل، وقفتك مع ختي عمري نساها وشكرا حيت جيتي بلغتيني خبارها وطمأنتيني عليها
نبيل : ماكاين لاش تشكريني ا دعاء، سارة فمثابة أسماء، وأي حاجة متعلقة بيك كاتهمني وندير أي حاجة باش نشوف هاد الضحكة
دعاء (لا رد)
فاش شافها سكتات وماقمعاتوش كيف موالفة، تشجع وقرب ليها وشد فيديها باسهم بجوج وشاف ليها فعينيها ..
نبيل : دعاء كانبغيك بزاف، حاولت نساك ووالو ماقدرتش، خلينا نساو اللي فات ونبداو من جديد
دعاء : صعيب ا نبيل 😢
نبيل : حتى حاجة ماصعيبة، ديري يديك فيدي، وكانواعدك نخليك فرحانة
دعاء : أنا مامكتاباش ليا الفرحة ا نبيل، أي واحد قرب ليا كانعاديه بنحسي وكايولي حتى هو فالصداع والمشاكل 😢
نبيل : علاش نتي متشائمة ؟ كلشي عندو المشاكل ولكن بالعقل وطولة البال كايحلهم، شوفي غانخليك تفكري وماغانضغطش عليك ولكن عافاك ديري فبالك باللي بصح كانبغيك وحتى نتي، ماتزيديش تبعدينا على بعضياتنا وتعذبينا الله يخليك، فكري مزيان وماتسرعيش فقرارك وها الرقم ديالي وقتما احتاجيتيني غاتلقايني فالحين
دعاء : اوك نبيل، ولكن نتا كيفاش كاتواصل مع ختي؟
نبيل : التيليفون
دعاء : عطيني نمرتها بغيت نسمع صوتها عافاك
نبيل : عرفتي شنو سيري دابا للدار وأنا غير نقضي واحد الغرض وندوز عندك ونعطيك تهضري معاها صوت وصورة اوك
دعاء (بلهفة) : واخا، شكرا شكرا شكرا
نبيل : ههههه يالاه سيري
مشات كاتنقز بالفرحة وكاتهضر مع راسها وهو حاضيها من اللور ومبتاسم حتى قطعات وضارت لحومتها حيت كانت كاتمشى غير قريب ليها، تنهد وشد الاتجاه المعاكس ومشا وكايطلب الله فنفسو يجمع بينو وبين حبيبتو ويعاونو باش يعوضها على كلشي ويعيشها العيشة اللي كاتحلم بيها ويكون ليها السند بعد الأب ديالها..
وصلات دعاء لدارهم ودخلات كاتجري وضحك بجهد لقات ماماها جالسة فالصالون كاتفرج ومشات طايرة عندها تلاحت عليها وزيرات عليها بتعنيقة والأم مافاهمة والو وكاتشوف فبنتها باستغراب، عاد شوية كانت مهمومة وحزينة وغير كاتبكي وبزز باش خرجات تبدل الجو ودابا راجعة كاتنقز وفمها محلول بالضحكة حتى للوذنين..
الأم : ا مالكي ا بنتي 😨
دعاء : فرحاااانة ا ماما غانطييير بالفرحة وأخيرا ربي فرجها من عندو وسمعنا خبار زوينة على ختي سارة
الأم (بلهفة) : بصح بصح ا دعاء .. فينهي بنيتي وشكون جاب ليك خبارها وكيف راها واش هي بيخير ؟
دعاء : لاباس عليها ا ماما، واش عاقلة على نبيل خو أسماء؟ هو الي تلاقا معايا دابا وقالها ليا، وقاليا مشاكلها تحلو ووغير حيت حاملة وقربات تولد داكشي باش ماقدراتش تجي
الأم (بصدمة) : اويلي على حاملة 😨 ..