البنت : كاتعرفو بعضياتكم ؟
هشام : (كايشوف فدعاء) أعز المعرفة
رئيس العمال : شنو مازال واقفة ديري ؟
دعاء حدرات راسها وبغات تمشي وهو يشد فيها هشام ..
هشام : تسناي ا دعاء ، مايمكنش تمشي هاكا قبل ما نهضرو
البنت : هشام .. الاجتماع غايبدا من دابا شوية ومازال خاصك تبدل هاد الحالة ، وماجاتش نتعطلو ، غانزل للطموبيل نجيب ليك شوميز أخرى
هشام : احم واخا .. دعاء غاتمشي تسنايني فالكافي ديال الشركة اوك ؟ بغيت نهضر معاك ضروري الله يخليك
دعاء : واخا 😢
رئيس العمال (ضار عند الموظفين) : ونتوماااا كل وااحد يوصل خدمتووووو 😡 ياالاااه فرقووو علياا هاد المجمعع 😠
تفرتكات الجوقة وهشام مشا للحمام ، أما دعاء نزلات لغرفة الملابس وهي كاتبكي وتنخصص ، الخدمة اللي كانت هازاها هي و مها وختها صافي ضاعت وجراو عليها منها وزيد عليها الموقق اللي تعرضات ليه قدام زميل الدراسة السابق .. مارضاتش ، بدلات حوايجها وجمعات داكشي ديالها وخرجات مباشرة للحسابات خدات حسابها وتوجهات للكافي ، تقنتات فواحد البلاصة بعيدة على الناس ونظراتهم ، دارت يديها على حناكها وجلسات كاتسنى فهشام واخا عارفة غايجبد ليها الماضي ويفكرها فالحوايج اللي كاتحاول تناساهم ، دازت ساعة ديال الانتظار عاد بان ليها داخل بوحدو ومبدل الشوميز اللي وسخات ليه بوحدة اخرى ، كايبان مبدل على آخر مرة شافتو ، ولا أكثر جدية وعملية على قبل .. هزات يديها شيرات ليه ، شافها وجا عندها جر كرسي وجلس قدامها ..
هشام : السلام دعاء .. سافا ؟
دعاء : وعليكم السلام ، (تنهدات) نقولو الحمد لله على كل حال ونتا ؟
هشام : بيخير .. غبورات هادي
دعاء : غير الدنيا وصافي
هشام : امم كلنا فيها 😉 6 شهور ما شفتك ! سولت عليك الكليكة وحتى واحد ماكان عارف عليك شي حاجة
دعاء (الصمت)
هشام : ما كملتيش فلافاك ! وعلاش خدامة هاد الخدمة ؟
دعاء : حيت محتاجة بيها والخدمة ماشي عيب المهم تكون حلال
هشام : أنا ما قلتش عيب .. ولكن هاد الخدمة ماتصلاحش لوحدة بالنيفو ديالك ! علاش ما خدمتيش بشواهدك ؟
دعاء : حيت دوك الشواهد ما قداو ليا واااااااالووووو .. يلا ماكان باك صاحبي وماضربتي على جيبك ما تخدم .. وحتى الميناج مالقيتو غير بزز
هشام : و حنا فين مشينا ؟ علاش ماهضرتيش معانا ؟ ياك الصحاب كايوقفو مع بعضهم
دعاء (باستهزاء) : الصحاب هه فين كانو الصحاب فاش تظلمت ؟ فين كانو فاش تشوهت وولات سيرتي على كل لسان وأنا مادرت لا بيديا ولا برجليا ؟ فين كانو فاش بابا مشاااااااا 😢 فين كانو فاش احتاجيتهم فأكثر الأوقات العصيبة فحياتي ؟ فين كانو فاش اضطريت نحبس قرايتي ونخرج من الكلية باش نتفادى هضرة الطلبة واهاناتهم ليا ؟ هااا فينهوما هاد الصحاااب
هشام : دعاء تهدني الله يخليك .. أنا ماعارفش شنو وقع ديك الليلة ، أنا شفت الفيديو حيت كان منشور وفاش سولت أسماء وبثينة مابغاوش يعطيوني راس الخيط
دعاء : أسماء هه احم هانية هانية ، المهم يلا ساليتي بغيت نمشي
هشام : مازال ما ساليت ا دعاء ، شوفي أنا ماتيقتش داكشي اللي شفت وراني عارفك مزيان وعارف شنو كاتسواي ومستحيل تديري شي حاجة فحال هاديك وأكيد كاينة إن تما وكنت بغيت غير نتلاقاك باش نشوفو مع هاد الموضوع .. وها حنا تلاقينا ، بغيتك تعاودي ليا شنو وقع فديك الليلة ؟
دعاء : أنا براسي ماعارفاش وماعاقلة على وااااالو .. آخر حاجة عقلت عليها فديك الليلة المشؤومة هي كنت واقفة مع خالتي نرمين وبثينة مجمعين صافي ومن بعد تقول ذاكرتي تمحات حتى صبح الحال 😢 بسباب ديك الحفلة الملعونة تقلبات حياتي رأسا على عقب 😢 وفقدت أغلى انسان فحياتي 😢 فقدت بابا اللي بقوة الصدمة ماستحملش
هشام (بحزن) : ان لله وانا اليه لراجعون 😔 ماكنتش عارف ا دعاء والله ، الحق عليا اللي مادرتش مجهودي باش نلقاك واكتفيت بأجوبة الناس اللي سولت
دعاء : ماشي مشكل ا هشام .. ولكن نتا شنو كادير هنا ؟
هشام : عندي عقد عمل مع هاد الشركة
دعاء : بصح !
هشام : وي .. فهاد 6 شهور وقعو بزاف ديال الحوايج منهم خدمتي الجديدة ، بابا اضطر يسافر على برا ياش يقابل فروع الشركة اللي تما وخلا ليا فرع المغرب تحت تسييري ، ودخلت معايا محمد نيت
دعاء : اه مزيان ، الله يكمل عليكم ، مو لاباس عليها ؟
هشام : الحمد لله ولات بيخير ، كان غايجي معايا نيت ساعة تلها بتحضيرات العرس
دعاء : غايتزوج ؟
هشام : مافخباركش ؟ هاد الشهر عرسو هو وأسماء
دعاء : أسماء ؟ ..
أنت تقرأ
الذميمة
Romanceقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
