أصبحنا وأصبح الملك لله ..
فاقت مدكدكة وعظامها ضارينها فحال يلا واكلة العصا ، حلات عينيها وشافت ضو الصباح ، حاولات تنوض وهي تحس بشي حاجة مثقلة ليها فخذها ، حدرات عينيها وهي تلقى ختها حاطة راسها فوق فخذها ويديها شادة بيهم فوطة ورجليها مدليين للأرض ناعسة معذبة ، دعاء استغربات وبدات كاتحرك رجلها حتى فاقت سارة كاتفوه وتكسل وكاتحرك عنقها وهي كاتنين ..
دعاء (بصوت مبحوح) : سارة ! علاش ناعسة هنا
سارة : شوفي نتي 😡 نعستي ليا البارح حدا الباب ومالقيت كيفاش ندخل .. وجريتك فحال الكلب لبيتك ، درت فيك خير ومع تبارك الله ديك الكسدة عندك ديال العجول سخسختيني وصدقت ناعسة هناا واعقلي على اللي كايسوفيك
دعاء : نعست حدا الباب ! (تفكرات البارح وتبدلو ملامحها) اه غير داتني عيني
سارة : باينة 😡 ولكن علاش كنتي كاتبكي ؟
دعاء : أنا ؟ لا لا غير بان ليك .. وهاد الفوطة شنو كادير هناا ؟
سارة (كاتفتف) : فوطة ؟ ااااااه غير جبتها كانسمح بيها واحد الطبعة كانت فكسوتي
دعاء : ومالكي مامسحتيها بعيد عليا ؟ علاش بقيتي تمسحي حدايا حتى ركدتي ؟
سارة : مالك مالك دايرة معايا تحقيق على الصباح 😡 يخ على بشار كيف داير .. صباحاتوو لله (خارجة وكاتنكر)
دعاء : الله يستر .. الله يا ربي عظامي صابحين ضااااريييني (بدات كاتعطس) لاااااا مايمكنش ضربني البرد بفففف شنو غاندير دابا فالخدمة
سارة (طلات عليها من ورا الباب) : اتاصلي بيهم وقوليهم مريضة وماغاتجيش
دعاء : شي حاجة فيك هاد الصباح ماشي عادية .. كاع هادي محنة فيك ؟
سارة (عاقت براسها) : سيري تخراي 😡 تمشي طيحي فشي قنت ويلا اتاصلو بيا نجيبك ماتعولييش
دعاء : موالفة تهزي ليا الهم ولا بحراا .. سيري سيري
سارة : هاهي غاادا .. شفتيني معشوقة فكمارتك
دعاء : سارة طليبة عافاك
سارة : دابا عاااد كاتمسكني .. شنو بغيتي ؟
دعاء : ماما .. طلي عليها وعطيها تاكل وشربيها دواها عافاك .. مدكدكة ماقادراش نوقف
سارة : اوك اوك
مشات سارة ، ودعاء بقات متكية فبلاصتها ماقدراتش تحرك ، وكل مرة تعطس وعينيها نازلين بدموع الزكام وكاتحس بذاتها سخونة وراسها ثقيل .. طولات يديها لواحد الشال عكدات بيه راسها وزيراتو .. يالاه غاتقلب باش تنعس وهي تفكر مريم .. بدات تقلب فجنابها ومالقاتش تيليفونها وتفكرات نساتو فالصالون البارح .. مالقات حتى خيار من غير تنادي على سارة باش تجيبو ليها واخا معجبة من تصرفاتها هاد الصباح ..
دعاء : سارة .. سااااارة
سارة : شنو بغيتي عاوتاني ؟ واش غانبقى مقابلاك ؟ راه بغيت نمشي نعس تابعاني الخدمة بالليل
دعاء : بغيت انتااصل بمريم ولكن تيليفوني بقا فالصالون .. واخا تجيبيه ليا
سارة : ففففففف فريع دالراس (مشات جابت ليها تيليفونها) هاكي شدي .. اوا قلبي عليا هاد الساعة
دعاء : شكرا
ركبات الرقم وتسنات شوية حتى جاها الرد ..
دعاء : ألو مريم
مريم : دعاء صباح الخير
دعاء : صباح النور ا ختي
مريم : فين وصلتي ؟
دعاء : احم ختي مريم سمحي ليا بزاف مانقدرش نجي اتشششش (عطسات) صبحت اليوم مريضة ضربني البرد وخفت نجي ونعادي الوليدات
مريم : مايكون عندك باس ا حبيبة .. أنا نسيفطهم للروض ونجي نشوفك
دعاء : لا لا ا ختي بلاش غير خليك معاهم .. أنا نرتاح اليوم وغدا ان شاء الله يلا فاتني الحال نجي
مريم : نو نو خليك تاااا تشافاي ا ختي .. صحتك هي اللولة .. يالاه شربي الدوا ونعسي
دعاء : واخا شكرا .. بسلامة
قطعات المكالمة ، حطات اليتيليفون ونعسات .. شوية وجات سارة كاتجر فرجليعا وهازة فيديها بلاطو فيه الفطور ، لقاتها ناعسة ورجعاتو للكوزينة ، لبسات جلابتها وخرجات للصيدلية تحيب ليها الدوا .. فطريقها سمعات سميتها وضارت ..
سارة : خويا يوسف سافا ؟
يوسف : الحمد لله ا سارة .. ونتي والواليدة ودعاء ؟
سارة : أنا طووووب والواليدة حتى هي .. أما دعاء عيانة شوية
يوسف : مالها ؟؟ شنو وقع ليها
سارة : ضربها البرد ودابا غانمشي ناخذ ليها الدوا
يوسف : اه الله يشافيها .. شوفي راه عندي شي خنيشات ديال البرد نعطيهم ليك غاينفعوها
سارة : شكرا بزااااف ا خويا
تمشات معاه فاتجاه دارو وهو يبادرها ..
يوسف : سارة كنت بغيت ندوي معاك
سارة : وي الله يسمعنا خبار الخير
يوسف : احم .. بغيت نجي نخطب دعاء ..
أنت تقرأ
الذميمة
Romanceقصة فتاة ينظر إليها المجتمع نظرة دونية بسبب شكلها الذي يعتبرونه قبيحا وأعطوها لقب #ذميمة .. لقب سيكون هو منبع معاناة البطلة في محيطها وفي علاقاتها مع الآخري .. تتعرض للاحتقار والظلم من أقرب الناس
