الذميمة

البارت 11

دعاء : نتي 😮
بقات مخرجة عينيها بالصدمة وكاتشوف فاللي واقفة قدامها واللي ماكانتش متوقعة مازال تشوفها .. نزلو جوج دمعات سخان على خذها والأخرى كذلك .. كايشوفو فبعضياتهم والصمت سيد الموقف .. الأعين وحدها تتكلم ، تحكي ماعجزت عنه الألسن ، اشتياق وحنين ، عتاب ألم وجع الفراق ، فراق الأصدقاء .. أصدقاء كانو فمثابة الإخوة ..
أسماء : (كسرات الصمت) دعاء 😢
دعاء : (مسحات دموعها) علاش جيتي ؟
أسماء : غاتخليني واقفة فالباب !
بقات دعاء كاتشوفيها بتردد ، وهي تخوي ليها الطريق ، دخلات أسماء وعينيها فالأرض مشات ديريكت للصالون وجلسات ويديها شابكاهم وباين عليها التوتر .. دعاء سدات الباب وتبعاتها ، جلسات قدامها وهي مضورة وجهها ماكاتشوفش فيها ..
أسماء : دعاء لاباس عليك ؟
دعاء : كاتهمك حالتي ؟ قولي علاش جيتي بالضبط !
أسماء : علاش كاتكلمي معايا بهاد الطريقة ؟ وفالأصل أنا اللي خاصني نكون هازة من جيهتك
دعاء : (باستهزاء) هه هزي ولا حطي هادشي ماكايهمنيش ..
أسماء : تبدلتي بزاف .. ماشي نتي اللي كانعرف
دعاء : بفففف نفس الهضرة ديال ديما .. تبدلتي ا دعاء ، مابقيتش كانتأثر بيها غير جيني من اللخر
أسماء : جيت باش نهضرو على داكشي اللي وقع
دعاء : وقع فعل ماضي ، وماكاينش لاش نجبدوه
أسماء : كاين لاش ا دعاء .. أنا بغيت نفهم
دعاء : وعاااااااااد طفاااات عليييك الشمعة هااا ؟ دابا عاد بغيتي تفهمي ؟ وفين كنتي ديك الساعة فيييين .. علاااش ماجيتيش دويتي معااايا باش تعرفي شنووو كاااااين ولااا نتي تيقتي داكشي اللي شفتي واللي سمعتي وجاتك من الجنة والناس باش تقلبي عليااا ؟؟ جيني نيشان ديك ساع وقولي ليا عطيني تيساع ا دعاء ماشي تسناي السبة
أسماء : شنو هاد الهضرة كاتقوولي ا دعااء ؟ واش نسيتي شنو دوزنا أنا وياااك وكيفاااش كناااا .. علاااش غانقلب على السبة علاااش ؟
دعاء : شوفي نتي .. نتي اللي نسيتي شنو دوزنا ونسيتي كلشي وضربتيه فالزيرو ..
أسماء : أنا مااااانسيييتش .. وكون نسيييت مانجيش عندك داااباااا
دعاء : وأنا ماطلبتكش تجي ، تعطلتي بزاااف
أسماء : عارفة 😔
دعاء : مزيان (وقفات) الباب كاتعرفيه فين جا
أسماء : (كاتبكي) اهئ اهئ 😢
دعاء (واقفة كاتسمعها كاتبكي ، بقات فيها ولكن مابيناتش)
أسماء : 😢 نتي ماشفتيش حالتي كيفاش كانت ديك الليلة فاش وقع داكشي .. أنا اللي بقا فيا هو الكلام اللي قلتي ليا 😢 جرحتيني بيه بزاااااف .. عمرني تخيلت نسمعو منك شي نهار ..
دعاء : أنا ماعاقلة على والو لا على شنو درت ولا على شنو قلت .. كون ماعاودوش ليا وشفت الفيديو ماكنت نعرف والو ..
أسماء : حيث كنتي واكلة ولا مانعرف شاربة شي حاجة ..
دعاء : هه اممم ضحكااتني هاد الجملة ديال واكلة ولا شاربة .. احم ولنفرض هادشي صحيح يعني ماكنتش فالوعي ديالي وماخاصش الواحد يدي عليا أولا ؟
أسماء : ولكن داكشي كان مخبي فقلبك و**
دعاء : (قاطعاتها) صافي باراكا الله يخليك .. مابقيت بغيت نسمع واااااااااااالو .. ندمت على النهااااااار اللي واقفت فيه نمشي معاك لداركم ونحضر لديك الحفلة الملعونة .. بسبابها حياتي تقلبات وبسبابها فقدت بابا الله يرحمو اللي مشا وهو غضبان عليا وبسبابها مرضات ماما وكرهاتني ومابقاتش كاتحمل تشوف وجهي ولكن بسبابها وقعات حاجة زوينة عرفتي شنو هي ؟ وراتني حقيقة شي ناس .. الناس اللي كنت معتابراهم صحااابي وحبابي .. ودابا ماتزيدي حتى كلمة وسيري فحالك ونساي شي وحدة سميتها دعاء كيف نسيتيها هادي 6 شهور سمعتي ؟ يالاه برااا 😡 ..