ﻋﻨﺪ ﺩﻋﺎﺀ ..
ﺩﻋﺎﺀ : ( ﺧﻨﺰﺍﺕ ﻓﻴﻪ ) ﺷﻨﻮﻭﻭ ﻭﺍﺵ ﺳﻬﻠﺘﻲ ﺗﺼﺮﻓﻴﻘﺔ ﺍﺻﻼ ﻣﻌﻨﺪﻭﺵ ﺍﻟﺤﻖ ﻳﻀﺮﺑﻬﺎ ﻭﻋﺎﺩ ﺳﻴﺪﺓ ﺣﺎﻣﻠﺔ ﻭﻫﻮ ﻋﺎﺩ ﻣﺰﺍﻳﺪ ﻓﻴﻪ ﺍﺍﺻﻼ ﺭﺟﺎﺍﻝ ﻛﻮﻟﻬﻮﻡ ﻓﺤﺎﻝ ﻓﺤﺎﺍﻝ ﻏﺪﺍﺍﺭﺓ ﻭﻣﺘﻬﻮﺭﻳﻦ
ﻋﻤﺮﺍﻥ : ﺍﺷﻨﻮ ﺩﺧﻞ ﺭﺟﺎﻝ ﻓﻬﺎﺩﺷﻲ ﻧﺘﻲ ﺟﻤﻌﺘﻲ ﻛﻮﻟﺸﻲ ﻓﻜﻔﺔ ﻭﺣﺪﺓ ... ﻳﻴﻴﻪ ﻫﻮ ﻣﻜﺎﻧﺶ ﻋﻠﻴﻪ ﻳﻀﺮﺑﻬﺎ ﺧﺼﻮﺻﺎ ﻫﻲ ﺣﺎﻣﻠﺔ ﻭﻻﻛﻦ ﺑﻌﺾ ﺍﻟﻤﺮﺍﺕ ﻟﻮﺍﺣﺪ ﻛﻴﺘﻌﺼﺐ ﻟﺪﺭﺟﺔ ﻣﻜﻴﺘﺤﻜﻤﺶ ﻓﺮﺍﺳﻮ ﺍﺵ ﻛﻴﺪﻳﺮ ﻭﻫﻲ ﻛﺎﻥ ﻋﻠﻴﻬﺎ ﺗﺼﺒﺮ ﺣﻴﺖ ﻟﻤﺮﺍ ﻣﻌﺮﻭﻑ ﻋﻠﻴﻬﺎ ﺍﻟﺼﺒﺮ ﻣﺎﺷﻲ ﺗﺨﺮﺝ ﻛﺘﺠﺮﻱ ﻓﺎﻟﺸﺎﺭﻉ ﺑﻼﻋﻘﻞ ﺣﺘﻰ ﻭﻗﻊ ﻟﻲ ﻭﻗﻊ
ﺩﻋﺎﺀ : ﻻ ﻻ ﻧﺘﺎ ﻭﺍﻗﻠﺔ ﻛﺘﺒﺎﻟﻲ ﻣﻮﺍﻋﻴﺶ ﺑﺸﻮ ﻛﺘﻘﻮﻝ ﻭﺍﺵ ﺍﻋﺒﺎﺩ ﺍﻟﻠﻪ ﻏﻴﺮ ﺣﻨﺎ ﺗﺨﻠﻘﻨﺎ ﻋﻴﺎﻻﺕ ﻭﺭﺑﻲ ﻣﻌﻄﺎﻧﺎﺵ ﺍﻟﻘﻮﺓ ﺑﺎﺵ ﻧﺘﻐﻠﺒﻮ ﻋﻠﻰ ﺭﺟﺎﻝ ﻳﺪﻳﺮﻭ ﻓﻴﻨﺎ ﻣﺎ ﺑﻐﺎﺍﺍﻭ ... ﻫﺎﺍﺍ ﻫﺪﻩ ﻫﻲ ﺭﺟﻠﺔ ﻭﺯﻳﺪﻭﻥ ﻟﻲ ﻛﻴﻀﺮﺏ ﻟﻤﺮﺓ ﻣﻜﻴﻜﻮﻧﺶ ﺭﺍﺍﺟﻞ ﻭﺧﺎﺻﻮ ﻳﺘﺮﺑﺎ ﻣﻦ ﺟﺪﻳﺪ
ﻋﻤﺮﺍﻥ : ﺍﻻﻃﻴﻴﻴﻴﻴﻴﻒ ﺣﺴﻦ ﻋﻮﺍﻥ ﻟﻲ ﻏﺎﻳﻄﻴﺢ ﻏﻴﻚ ﻧﺘﻲ
ﺩﻋﺎﺀ : ﺍﺍﺍ ( ﺟﻴﺖ ﻧﻬﻀﺮ ﻭ ﺳﺮﻃﺘﻬﺎ .... ﻫﺬﺍ ﻧﺴﺎ ﺑﻠﻲ ﻣﺰﻭﺟﻨﻲ ﻭﻻ ﺍﻧﺎ ﻟﻲ ﻧﺴﻴﺖ ﺭﺍ ﺑﻘﺎﺕ 3 ﻳﺎﻡ ﻭ ﻧﺴﺎﻟﻴﻮ ﻫﺎﺩﺷﻲ ﻓﻔﻔﻔﻔﻔﻒ ﻫﺬﺍ ﻣﺪﺍﻳﺮﻧﻴﺶ ﺣﺘﺎ ﻓﺮﺍﺳﻮ ﺍﻭﻭﻭﻑ ﺍﺳﺎﺍﺍﺍﺭﺓ ﺍﺷﻤﻦ ﺣﻮﺍﺭ ﻏﺎﻳﺼﻼﺡ ﺍﻱ ﻣﻊ ﻫﺬﺍ .. ﻣﻐﺎﻳﺼﻼﺣﻠﻮ ﻏﻲ ﺗﺒﺨﻴﺮﺓ ﺩ ﺷﻮﺍﻓﺔ
ﻋﻤﺮﺍﻥ : ﺻﺎﻓﻲ ﺻﺎﻓﻲ ﺍﻻﻟﺔ ﺑﻼ ﻣﻨﺘﺨﺎﺻﻤﻮ ﺣﺘﻰ ﺣﻨﺎ ﺧﻠﻴﻬﻢ ﻳﺤﻠﻮ ﻣﺸﺎﻛﻠﻬﻢ ﻟﺮﺍﺳﻬﻢ ﻫﻮﻣﺎ ﻋﺎﺭﻓﻴﻦ ﺷﻨﻮ ﻭﻗﻊ ﺑﻀﺒﻂ
ﺩﻋﺎﺀ : ﺍﻳﻮﺍ ﻛﻨﺘﻲ ﺗﻘﻮﻟﻬﺎ ﻣﻦ ﻟﻮﻝ ﻭﺗﻬﻨﻴﻨﺎ ﻣﻦ ﻫﺎﺩ ﺍﻟﻬﻀﺮﺓ ﺍﻟﺨﺎﻭﻳﺔ ...
ﻭﻗﻒ ﺍﻟﻄﻮﻣﻮﺑﻴﻞ ﻗﺪﺍﻡ ﺑﺎﺏ ﺍﻟﺪﺍﺭ ﻭﻧﺰﻻﺕ ﺩﻋﺎﺀ ﻭﺑﻘﺎﺕ ﻛﺘﺴﻨﺎﻩ ﻳﻨﺰﻝ ﻭﻫﻮ ﻳﻄﻞ ﻋﻠﻴﻬﺎ ﻣﻦ ﺷﺮﺟﻢ
ﻋﻤﺮﺍﻥ : ﻏﻴﺮ ﺩﺧﻠﻲ ﻧﺘﻲ ﺍﻧﺎ ﺑﺎﻗﻲ ﻋﻨﺪﻱ ﻣﻴﺘﻘﻀﺎ
ﻣﺸﺎﺕ ﺯﻋﻔﺎﻧﺔ ﻟﺠﻬﺔ ﺍﻟﺪﺍﺭ ﻭﺧﻼﺗﻮ ﺑﺎﻗﻲ ﺣﺎﺿﻴﻬﺎ ﻣﻔﺎﻫﻤﺶ ﺳﺒﺐ ﺗﻌﺼﺒﻬﺎ ﺑﺪﻳﻚ ﺍﻟﻄﺮﻳﻘﺔ ...
ﺟﺒﺪﺍﺕ ﺍﻟﺴﺎﺭﻭﺕ ﻭﺑﺪﺍﺕ ﻛﺘﺤﻞ ﻟﺒﺎﺏ ﺑﻌﺼﺒﻴﺔ ..
ﺩﻋﺎﺀ : ﻭﺍﺍ ﺑﺎﺍﺍﺯ ﺩﻳﺮﻭ ﺍﻟﻤﺼﺎﻳﺐ ﻭﺗﻠﻘﺎﻭ ﻟﻴﻬﻢ ﺍﻟﻌﺬﺭ ﺩﻏﻴﺎﺍﺍ ﻳﺎﺍﺍﺍﺥ ﻋﻠﻰ ﺟﻨﺲ ﺍﻟﺤﺎﻓﻲ
ﺷﺎﻓﻬﺎ ﺩﺧﻼﺕ ﻟﺪﺍﺭ ﻭﺯﺍﺩ ﺑﻄﻮﻣﻮﺑﻴﻞ ﻭﻫﻲ ﺳﺪﺍﺕ ﺍﻟﺒﺎﺏ ﻭﻻﺣﺖ ﺻﺎﻛﻬﺎ ﻓﺎﻻﺭﺽ ﻭﺩﺧﻼﺕ ﻟﺒﻴﺘﻬﺎ ﻛﺘﻬﻀﺮ ﺑﻮﺣﺪﻫﺎ ﻓﺤﺎﻝ ﺷﻲ ﺣﻤﻘﺔ ..
ﺩﻋﺎﺀ : ( ﻛﺘﻬﻀﺮ ﻭﺗﺸﻴﺮ ﺑﻴﺪﻳﻬﺎ ) ﺍﺍﺍﻩ ﻋﻨﺪﻫﻢ ﺍﻟﺨﻴﺎﻧﺔ ﺳﺎﺍﻫﻠﺔ ﻭﻣﻦ ﺑﻌﺪ ﻳﺠﻴﻮ ﻳﻄﻠﺒﻮ ﻭﻳﺰﺍﻭﻛﻮ .... ﺣﻘﺎﺍﺍﺍ ﻏﻠﻄﻮ ﻭﺩﺍﺭﻭ ﺩﻙ ﺷﻲ ﺑﺪﻭﻥ ﺍﺭﺍﺩﺗﻬﻢ ﻭﻳﺪﻳﺮﻭ ﺍﻟﺴﺒﺔ ﺑﺎﻟﻤﺮﺍﺓ ﻟﻲ ﻏﻮﺍﺗﻬﻢ ﻓﺤﺎﻝ ﻟﻲ ﻫﻮﻣﺎ ﺑﻴﺒﻲ ﻣﻜﻴﺘﺤﻜﻤﻮﺵ ﻓﺮﺍﺳﻬﻢ ﻳﺪﻳﺮﻭ ﺑﻴﺒﻲ ﻓﺴﺮﻭﺍﻝ ﺑﻼ ﻛﻴﻔﻄﻨﻮ ﻳﺎﺍﺍﺥ ﻣﻦ ﺣﺲ ﺭﺟﺎﺍﻝ ﻭﻟﻲ ﺟﺎ ﻣﻨﻬﻢ ..
( ﻛﺘﻠﺒﺲ ﺍﻟﺒﻴﺠﺎﻣﺎ ﺑﻌﺼﺒﻴﺔ ) ﺣﺘﻰ ﺍﻻﺣﺴﺎﺱ ﻣﻌﻨﺪﻫﻤﺶ ﺗﻔﻮﻭﻭ ﻧﻘﻴﻞ ﻧﻠﺒﺲ ﻭﻧﺘﻘﺎﺩ ﻭﻫﻮ ﻣﻤﺴﻮﻗﺶ ﺍﻧﺎ ﺑﻘﻴﺖ ﻏﻴﺮ ﻧﻔﻬﻢ ﺍﺵ ﻋﻨﺪﻫﻢ ﻓﺪﺍﻙ ﺍﻟﻤﺦ ﻭﺍﺵ ﺳﻄﻞ ﻭﻻ ﻛﻮﻛﻮﻁ ...
ﺑﻠﺤﺎﻕ ﻏﻴﺮ ﺑﻼﺗﻲ ﻟﻲ ﻏﻴﻨﻔﻊ ﻣﻌﺎﻙ ﺍﻭﻟﻴﺪﻱ ﻳﺎ ﻋﻤﺮﺍﻥ ﻫﻮ ﺳﺤﻮﻭﺭ ﺍﻟﻰ ﻣﺎﻧﻔﻌﺶ ﻣﻌﺎﻙ ﺍﻟﻌﻠﻢ ﻓﺎﻟﻔﻴﺎﻏﺮﺍ ﻳﻨﻔﻌﻮ ﻣﻌﺎﻙ ﺍﻻﺳﻴﺎﺩ ﻓﺎﻟﺘﺒﺨﻴﺮﺓ
