ﻋﻨﺪ ﻫﻨﺎﺀ ....
ﻓﻘﺖ ﻋﻠﻰ ﻻﻻﻏﻢ ﺩﺍﻟﺘﻴﻠﻴﻔﻮﻥ ﻧﻀﺖ ﻣﻔﺰﻭﻋﺔ ﻭﻋﻴﻨﻲ ﻣﻐﻤﻀﻴﻦ ﺑﻜﺘﺮﺓ ﺻﻬﻴﺮ ﻛﻨﻘﻴﺲ ﻓﻜﻮﺍﻓﻮﺯﺓ ﺣﺘﻰ ﻟﻘﻴﺖ ﺗﻠﻴﻔﻮﻥ ﻭﺷﻔﺖ ﻓﻴﻪ ﺑﺎﻟﻲ ﻣﻜﺘﻮﺏ ﻣﺤﺎﻛﻤﺔ ﺩﻋﺎﺀ ﻧﻀﺖ ﺟﺎﻟﺴﺔ ﻣﻔﺰﻭﻋﺔ ...
ﻫﻨﺎﺀ : ﻭﻳﻠﻲ ﻟﻴﻮﻡ ﻣﺤﺎﻛﻤﺔ ﻭﻃﻼﻕ ﺩﻳﺎﻝ ﺩﻋﺎﺀ ( ﺷﺎﻓﺖ ﻓﺴﺎﻋﺔ ) ﺣﻤﺪ ﻟﻠﻪ ﻟﻲ ﺳﺠﻠﺖ ﺍﻟﻨﻬﺎﺭ ﺑﺎﺵ ﻣﻨﻨﺴﺎﺵ ﺧﺎﺻﻨﻲ ﻟﻴﻮﻡ ﻧﻜﻮﻥ ﻓﺠﻨﺒﻬﺎ ﺍﻛﻴﺪ ﻏﺘﻜﻮﻥ ﻣﺠﺘﺠﺎﻧﺎ ﻓﺠﻨﺒﻬﺎ ، ﻣﺸﻴﺖ ﻟﺤﻤﺎﻡ ﻛﻨﻌﺮﺝ ﻏﺴﻠﺖ ﺣﺎﻟﺘﻲ ﻭﺻﻠﻴﺖ ﺑﺰﺭﺑﺔ ﺍﻟﻠﻪ ﻳﺴﻤﺤﻠﻲ ﻭﻟﺒﺴﺖ ﻋﻠﻴﺎ ﺟﻼﺑﺔ ﺑﺎﺵ ﻣﻨﺘﻌﻄﻠﺶ ﻭﺟﻤﻌﺖ ﺷﻌﺮﻱ ﻧﺼﻒ ﺟﻤﻌﺔ ﻭﻫﺰﻳﺖ ﺻﺎﻛﻲ ﻭﺗﻴﻠﻴﻔﻮﻧﻲ ﻭﻧﺰﻟﺖ ﻣﻊ ﺩﺭﻭﺝ ﺑﺎﻟﺤﺲ ﺑﺎﺵ ﻣﻴﺸﻮﻓﻨﻲ ﺣﺪ ﻣﺒﻐﻴﺘﺶ ﻣﺎﻣﺎ ﺗﺒﻘﻰ ﺗﺨﻄﺐ ﻋﻠﻴﺎ ﺧﻄﺒﺔ ﺍﻟﺠﻤﻌﺔ ﻭ ﺑﻠﻲ ﺑﺎﻗﻲ ﻣﺮﻳﻀﺔ ﻭﻣﺨﺎﺻﻨﻴﺶ ﻧﺨﺮﺝ ﻭﺧﺎ ﻧﻌﺮﻑ ﻧﺨﺮﺝ ﻓﺎﺑﺎﻳﺎﺹ ﻏﻨﺨﺮﺝ ﻣﻬﻢ ﻧﻜﻮﻥ ﻣﻊ ﺧﺘﻲ ﺩﻋﺎﺀ ﻣﻜﻴﻬﻤﻨﻴﺶ ﺭﺍﺳﻲ ﺍﻧﺎ ﻋﺎﺩ ﺑﻐﻴﺖ ﻧﻔﺘﺢ ﺑﺎﺏ ﺩﺍﺭ ﻭﻫﻲ ﺗﺨﺮﺟﻠﻲ ﺷﻤﺎﻛﺮﻳﺔ ﺩﺍﻳﻤﺎﻥ ...
ﺍﻳﻤﺎﻥ : ( ﺷﻌﻜﺎﻛﺘﻬﺎ ﻃﺎﻟﻌﺔ ﻭﺣﻮﺍﻳﺠﻬﺎ ﻭﺍﺳﻌﻴﻦ ﻭﻣﺨﺮﺑﻘﺒﻦ ) ﻓﻴﻦ ﻏﺎﺩﺓ ﻛﺘﺴﺤﺒﻲ ﻫﺎﺍ !! ؟
ﻫﻨﺎﺀ : ( ﺩﺍﺭﺕ ﻣﺨﻠﻮﻋﺔ ) ﺑﺴﻢ ﺍﻟﻠﻪ ﺍﻟﺮﺣﻤﺎﻥ ﺍﻟﺮﺣﻴﻢ ﻣﻨﻴﻦ ﺧﺮﺟﺘﻲ ﻣﻦ ﺷﻲ ﻏﺎﺭﺓ ﺩﺍﻟﻤﻌﺘﻘﻠﻴﻦ
ﺍﻳﻤﺎﻥ : ﻻ ﺧﺮﺟﺖ ﻣﻦ ﺍﻻﺭﺽ ﻧﺘﻲ ﻟﻲ ﻓﻴﻦ ﻏﺎﺩﺓ ﻓﻬﺎﺩ ﺍﻟﻮﻗﺖ ؟ !!!
ﻫﻨﺎﺀ : ( ﻛﺘﺸﻴﺮ ﻟﻴﻬﺎ ﺑﺎﺵ ﺗﺴﻜﺖ ) ﺷﻮﻭﻭﻭ ﺳﻜﺘﻲ ﻋﺎﻧﺪﻱ ﺷﻲ ﺷﻐﺎﺍﻝ ﺩﺧﻠﻲ ﺩﺧﻠﻲ ﻣﺸﻄﻲ ﺣﺎﻟﺘﻚ ﻭﻧﺘﻲ ﺧﺎﺭﺟﺔ ﻋﻠﻴﺎ ﺑﺸﻌﻜﺎﻛﺘﻚ ﺷﺎﺩﺓ ﺍﻟﺮﻳﺰﻭ ﺩ ﺃﺳﻄﺮﺍ ...
ﺍﻳﻤﺎﻥ : ( ﻛﺘﻘﺎﺩ ﻓﺸﻌﺮﻫﺎ ) ﺑﺰﺍﺍﻑ ﻋﻠﻴﻚ
ﻫﻨﺎﺀ : ﻧﺎﺍﺍﺭﻱ ﻛﻲ ﻛﺘﺒﺎﺍﻧﻲ ﻓﺤﺎﻝ ﻃﻼﺑﺔ ﺩﻳﺎﻝ ﺑﻠﻌﺎﻧﻲ ﻫﻬﻬﻪ ﻭﺩﻙ ﺳﺮﻭﺍﻝ ﺍﻟﻔﻮﻗﻴﺔ ﺩﻳﺎﻟﻮ ﺍﻟﺨﻀﺮﺓ ﺑﺎﻗﻲ ﻣﻨﺸﻮﺭﺓ ﻓﺴﻄﺢ ﻋﻼﺵ ﻟﺒﺴﺘﻴﻪ ﻣﻊ ﺍﻟﺒﻴﺠﺎﻣﺎ ﺍﻟﺰﺭﻗﺔ ﺍﻭﻳﻠﻲ ﺩﺍﻳﺮﺍ ﺭﺍﻳﺔ ﺍﻳﻄﺎﻟﻴﺎ ﻫﻬﻪ
ﺍﻳﻤﺎﻥ : ﺩﻭﻱ ﻓﻴﻦ ﻏﺎﺩﺓ ﺑﻼ ﻣﺘﺒﻘﺎﻱ ﺗﺒﺪﻟﻲ ﻟﻬﻀﺮﺓ؟؟؟
ﻫﻨﺎﺀ : ( ﺧﺎﺭﺟﺔ ) ﻏﺎﺩﺓ ﻧﻤﺸﻲ ﻟﻤﺤﻜﻤﺔ ﻋﻨﺪ ...
ﺍﻳﻤﺎﻥ : ( ﺿﺮﺑﺎﺕ ﻓﺤﻨﺎﻛﻬﺎ ) ﺍﻭﻳﻠﻲ ﻏﻄﻠﻘﻲ ﻣﻦ ﺳﻴﻒ ﻟﻴﻮﻭﻭﻡ ﺍﻟﻤﺴﺨﻮﻃﺔ ؟ !!!!
ﻫﻨﺎﺀ : ﺳﻜﺘﻲ ﺍﻟﻠﻪ ﻳﻄﻠﻖ ﻟﻴﻚ ﻟﻌﻀﻮﻣﺔ ﻏﺘﻔﻀﺤﻴﻨﻲ ﻳﺎ ﻟﻤﺠﺤﻮﻣﺔ ،ﺍﻧﺎ ﻏﺎﺩﺓ ﻟﻌﻨﺪ ﺩﻋﺎﺀ ﻋﻨﺪﻫﺎ ﻭﺣﺪ ﺍﻟﻘﻀﻴﺔ ﻓﺎﻟﻤﺤﻜﻤﺔ .
ﺍﻳﻤﺎﻥ : ( ﻣﺨﺮﺟﺔ ﻋﻴﻨﻴﻬﺎ ) ﺍﻭﻳﻠﻲ ﻋﻠﻰ ﺑﻨﺖ ﺍﻟﻬﻢ ﻏﺘﺒﻘﻰ ﺗﺎﺑﻌﺎ ﻟﻴﺎ ﺩﻭﻙ ﺍﻟﻤﺰﺍﻟﻴﻂ ﺣﺘﻰ ﻳﺘﺎﻫﻤﻮﻙ ﺑﺸﻲ ﺟﺮﻳﻤﺔ ﺍﺟﻲ ﺑﻌﺪﺍﺍﺍ ﻭﺍﺵ ﻗﺘﻼﺕ ﺷﻲ ﺣﺪ
ﻫﻨﺎﺀ؛ ( ﻛﺘﻬﻤﺲ ﻟﻴﻬﺎ ) ﻗﺮﺑﻲ ﻧﻌﺎﻭﺩ ﻟﻴﻚ ( ﻗﺮﺑﺎﺕ ﻣﻌﻠﻴﺔ ﺣﺠﺒﺎﻧﻬﺎ ) ﻗﺘﻼﺕ ﻭﺣﺪ ﺍﻟﻤﺮﺍﺓ ﺑﺎﻟﻤﻘﺪﺓ ﻭﺧﺮﺟﺎﺕ ﻟﻴﻬﺎ ﻣﺼﺎﺭﻧﻬﺎ
ﺍﻳﻤﺎﻥ : ( ﻣﺨﻠﻮﻋﺔ ) ﺍﻭﻳﻠﻠﻠﻠﻲ
ﻫﻨﺎﺀ : ( ﺑﺎﻟﺤﺲ ) ﻭﺣﺘﺎ ﺍﻧﺎ ﺻﺎﺣﺒﺘﻬﺎ ﻛﻨﻘﺘﻞ ﻓﺤﺎﻟﻬﺎ ( ﻛﺘﺨﻮﻓﻬﺎ ) ﻫﻮﻭﻭﻭﻭﻭﻭﻭﻭﻭ
ﺍﻳﻤﺎﻥ : ( ﺧﺎﻳﻔﺔ ﻭﺭﺍﺟﻌﺎ ﻟﻮﺭ ) ﺵ ﺵ ﺵ ﺍﺵ ﻛﺘﻘﻮﻟﻲ
ﻫﻨﺎﺀ ( ﺗﻨﻬﺪﺍﺕ ) ﻭﺍﺍﺍﺗﻲ ﺳﻴﺒﺮﻱ ﺗﻜﻤﺸﻲ ﻳﺎ ﻟﺒﺮﻫﻮﺷﺔ ﻫﻬﻬﻬﻪ ﻟﻲ ﺟﺎ ﻳﺪﻳﺮﻫﺎ ﺑﻴﻚ ﺑﻌﺪﻱ ﻣﻦ ﺣﺪﺍﺍﻳﺎ ﻋﻨﺪﻙ ﺍﻧﺎ ﻟﻲ ﻏﻨﻘﺘﻞ ﺷﻲ ﺭﻭﺡ ﻫﺎﺩ ﻧﻬﺎﺭ ﺭﺍﻩ ﻗﺘﻠﻴﻚ ﻋﻨﺪﻫﺎ ﻣﺸﻜﻴﻞ ﻏﺘﺸﻬﺪ ﻋﻠﻰ ﻭﺣﺪ ﺍﻟﺠﺮﻳﻤﺔ ﻣﻨﺒﻌﺪ ﻭﻧﻌﺎﻭﺩﻟﻚ ﺩﺍﺑﺎ ﺧﻠﻴﻨﻲ ﻧﻤﺸﻲ ﻗﺒﻞ ﻣﺘﻔﻴﻖ ﻣﺎﻣﺎ
ﺍﻳﻤﺎﻥ : ﻭﺍﺍﺳﻴﺮﻱ ﺳﻴﺮﻱ ﻭﻣﻠﻲ ﻳﺸﺪﻭﻙ ﺑﻘﺎﺍﺍﻱ ﺗﺰﺍﺍﻭﻛﻲ ﺑﺎﺵ ﻧﺠﻴﺒﻮﻟﻴﻚ ﺍﻟﻜﻔﺔ ﻟﻠﺤﺒﺲ
ﻫﻨﺎﺀ : ﻛﻤﺎﺭﺓ ﺍﻟﺤﺒﺎﺳﻠﺖ ﻫﻴﺎ ﻛﻤﺎﺭﺗﻚ ﻭﻧﺘﻲ ﺧﺎﺭﺟﺔ ﻋﻠﻴﺎ ﺑﺴﺮﻭﺍﻟﻚ ﻣﺸﻨﺪﻝ ﻓﺤﺎﻝ ﺷﻲ ﺷﻤﺎﻛﺮﻳﺔ ﻃﻠﻌﻲ ﻏﺎ ﺳﺮﻭﺍﻟﻚ ﺑﻌﺪﺍﺍﺍ ﻳﺎﺍﺍﺥ ﻗﺎﺗﻠﻴﻚ ﺑﻐﺎﺗﻮ ﺯﻋﺮ ﻭﺑﻴﺾ ﺩﺧﻠﻲ ﺩﺧﻠﻲ ﺷﻮﻫﺘﻴﻨﺎﺍﺍ
ﺧﻠﻴﺘﻬﺎ ﻛﺘﺴﺐ ﻭﺗﻌﺎﻳﺮ ﻭﻣﺸﻴﺖ ﻛﻨﻌﺮﺝ ﻋﻼﻩ ﻧﻠﻘﻰ ﺷﻲ ﻃﺎﻛﺴﻲ ﻳﻮﺻﻨﻲ ﻟﻠﻤﺤﻜﺔ ﻓﺎﻟﻮﻗﺖ ....
ﻧﻬﺎﻳﺔ ﺍﻟﺤﻠﻘﺔ ﺍﻟﺴﺎﺩﺳﺔ ﻭﺗﺴﻌﻮﻥ
