ﻋﻨﺪ ﺳﺎﺭﺓ ...
ﺳﺎﺭﺓ : ( ﺻﺎﻳﻜﺎ ﻭ ﻛﻨﻬﻀﺮ ﻣﻊ ﺳﺎﻣﻴﺔ ) ﻭﺍﺵ ﻋﺎﺍﺍﻗﻠﺔ ﻣﺰﻳﺎﺍﻥ
ﺳﺎﻣﻴﺔ : ﺍﺍﺍﻩ ﺩﻳﻚ ﺑﻼﺻﺔ ﻋﻤﺮﻧﻲ ﻧﺴﺎﻫﺎ ... ﺯﻳﺪﻱ ﺣﺘﺎ ﻟﺴﺎﺣﺔ ﺩ ﺣﺴﻦ ﺛﺎﻧﻲ
ﺳﺎﺭﺓ : ﻳﺎﺍﺍﺍﺍﺭﺑﻲ ﻳﻜﻮﻧﻮ ﺑﺎﻗﻴﻦ ﻣﺤﺘﺎﻓﻀﻴﻦ ﺑﻼﺭﺷﻴﻔﺎﺕ ﻋﻠﻰ ﺍﻻﻗﻞ ... ﻛﻨﺘﻤﻨﻰ ﻩ
ﺍ ﺍﻣﻠﻲ ﺍﻟﻮﺣﻴﺪ
ﺳﺎﻣﻴﺔ : ﺍﻧﺸﺎﺍﺍﺀﺍﻟﻠﻪ ﺍﺳﺎﺭﺓ ﻣﺎﻳﻜﻮﻥ ﻏﻲ ﺍﻟﺨﻴﻴﻴﻴﺮ .....
ﻭﺻﻠﺖ ﻟﺸﺎﺭﻉ ﻟﻘﺎﺗﻠﻲ ﺳﺎﻣﻴﺔ ﻭ ﺑﺪﻳﺖ ﻛﻨﺘﺒﻊ ﻓﺎﻟﻨﻌﺖ ﺩﻳﺎﻟﻬﺎ ﺗﺎﻭﺻﻠﻨﺎ ﻟﻠﻌﻤﺎﺭﺓ ﻟﻲ ﻛﺎﻧﺖ ﻓﻴﻬﺎ ﺍﻟﺠﻤﻌﻴﺔ ﻧﺰﻟﻨﺎ ﻭ ﻧﺎ ﻛﻨﻄﻠﻊ ﻋﻴﻨﻲ ﻣﻌﺎﻫﺎ ﻭ ﻛﻨﻘﺮﺍ ﻑ ﻟﻲ ﺯﺍﻧﻮﻧﺺ ﺩ ﻧﺎﺱ ﻟﻲ ﻓﻴﻬﺎ ...
ﺳﺎﺭﺓ : ﻣﺎﺑﺎﻥ ﻟﻲ ﺗﺎﺷﻲ ﺟﻤﻌﻴﺔ .. ﻫﻨﺎ ﻏﻲ ﺩﻛﺘﻮﺭ ﺍﺳﻨﺎﻥ ﻣﺤﺎﻣﻲ ﻭ ﻣﻜﺘﺐ ﻋﻘﺎﺭﺍﺕ ﻭﻣﺪﺭﺳﺔ ﺍﻋﻼﻣﻴﺎﺕ ... ﻣﺘﺄﻛﺪﺓ ﺍﺳﺎﻣﻴﺔ !!!
ﺳﺎﻣﻴﺔ : ﺭﺍﺍﺍﻧﻲ ﻋﺎﻗﻠﺔ ﻣﺰﻳﺎﺍﺍﻥ ﻫﻨﺎ ﻛﺎﻧﺖ ﻳﺎﻻﻩ ﻧﺴﻮﻟﻮ ﺑﺤﺎﺍﺍﻝ ﻭﺍﻟﻮﻭﻭ ﻳﻜﻮﻧﻮ ﺑﺪﻟﻮ ﻟﻴﻬﺎ ﺍﻟﻤﻘﺮ ﺍﺻﻼ ﻭﻻﺕ ﺗﺎﺑﻌﺔ ﻝ ﻻﻟﺔ ﺳﻠﻤﻰ ﺩﺍﺑﺎ .. .
ﺳﺎﺭﺓ : ﺍﻡ ﺩﺍﻛﻮﻍ ..
ﻃﻠﻌﻨﺎ ﻓﺪﺭﻭﺝ ﻛﺎﻥ ﺍﻭﻝ ﻃﺎﺑﻖ ﻓﻴﻪ ﻣﺪﺭﺳﺔ ﺩ ﺍﻧﻔﻮﺭﻣﺎﺗﻴﻚ ﺩﺧﻠﺖ ﻛﻨﺴﻮﻝ ﺍﻟﺴﻮﻛﺮﻳﻄﻴﺮ
ﺳﺎﺭﺓ : ﺧﺘﻲ ﺳﻤﺤﻠﻲ ﻧﺴﻮﻟﻚ .. ﻭﺍﺵ ﻣﻜﺎﻧﺘﺶ ﻫﻨﺎ ﺷﻲ ﺟﻤﻌﻴﺔ ﺩﻳﺎﻝ ﻣﺄﻭﻯ ﻣﺮﺿﻰ ﺍﻟﺴﺮﻃﺎﻥ ﻓﻬﺎﺩ ﺍﻟﻤﻮﺑﻞ !
ﺍﻟﺴﻜﺮﻳﻄﻴﺮ : ﺍﺧﺘﻲ ﻣﻨﻘﺪﺭﺵ ﻧﻔﻴﺪﻙ ﺍﻧﺎ ﻋﺎﺩ ﺟﺪﻳﺪﺓ ﻫﻨﺎ .. ﻣﻲ ﺭﺍﻩ ﻳﻤﻜﻨﻠﻚ ﺗﺴﻮﻟﻲ ﺍﻟﺤﺎﺟﺔ ﻟﻲ ﻓﻄﺮﻭﺍﺯﻳﺎﻡ ﺭﺍﻫﺎ ﻣﻦ ﻣﻮﺍﻟﻴﻦ ﻫﺎﺩ ﺍﻟﻤﻮﺑﻞ ﺭﺍﻫﺎ ﺗﻘﺪﺭ ﺗﻔﻴﺪﻙ
ﺳﺎﺭﺓ : ﺍﺍﺍﺑﺼﺎﺍﺡ !! ﺍﺷﻤﻦ ﺩﺍﺭ ﺑﻀﺒﻂ !
ﺍﻟﺴﻜﺮﻳﻄﻴﺮ : ﺍﻟﺸﻘﺔ ﺭﻗﻢ 12 ﺍﺧﺘﻲ
ﺳﺎﺭﺓ : ﺭﺭﺭﺑﻲ ﺧﻠﻴﻴﻴﻚ .. ﻳﺎﻻﻩ ﺍﺳﺎﻣﻴﺔ ..
ﻃﻠﻌﻨﺎ ﻻﺑﺎﺭﻃﻤﻮﻥ 12 ﺩﻗﻴﻨﺎ ﻭ ﺧﺮﺟﺎﺕ ﻏﻲ ﺑﻨﺖ ﺻﻐﻴﺮﺓ
ﺳﺎﺭﺓ : ﺣﺒﻴﺒﺔ ﻣﻤﻜﻦ ﺗﻜﻠﻤﻲ ﻟﻴﻨﺎ ﺍﻟﺤﺎﺟﺔ !
ﺍﻟﺒﻨﻴﺘﺔ : ﺟﺪﺍﺍﺍﺍﺍ ﺷﻲ ﺣﺪ ﺑﻐﺎﻙ ..
ﺑﻘﻴﻨﺎ ﻧﺘﺴﻨﺎﻭ ﺗﺎﺧﺮﺟﺎﺕ ﻣﺮﺍﺍ ﻑ ﺳﺘﻴﻨﺎﺕ ﻭﻻﻛﻦ ﻛﺘﺒﺎﻥ ﻣﻬﻠﻴﺔ ﻓﺮﺍﺳﻬﺎ ﻭ ﺷﻌﺮ ﻣﺼﺒﺒﻮﻍ ﻛﻴﺒﺎﻥ ﻣﻦ ﺗﺤﺖ ﺍﻟﻔﻮﻻﺭ ﻭ ﻧﻀﺎﺿﺮ ﺩ ﺷﻮﻑ ﻓﻌﻴﻨﻴﻬﺎ
ﺳﺎﺭﺓ : ﺳﻤﺤﻴﻠﻨﺎ ﺍﻟﺤﺎﺟﺔ ﻋﻠﻰ ﺩﻳﺮﻭﻧﺠﻤﻮﻥ ...
ﺍﻟﺤﺎﺟﺔ : ﻻ ﻣﻜﻴﻦ ﻣﻮﺷﻜﻴﻞ ﺍﺑﻨﺘﻲ .. ﺍﺵ ﺣﺐ ﺍﻟﺨﺎﻃﺮ
ﺳﺎﺭﺓ : ﺑﻐﻴﺖ ﻏﻲ ﻧﺴﻮﻟﻚ .. ﻭﺍﺵ ﻛﺎﻧﺖ ﻋﻨﺪﻙ ﺷﻲ ﺟﻤﻌﻴﺔ ﻫﻨﺎ ﻓﻬﺎﺩ ﺍﻟﻤﻮﺑﻞ ﻫﺎﺩﻱ 30 ﺳﻨﺔ ! ؟
ﺍﻟﺤﺎﺟﺔ : ﺍﺍﺍﻩ .. ﻛﺎﻧﺖ ﻋﻨﺪﻱ .. ﻋﻼﺵ
ﺳﺎﺭﺓ : ( ﻓﺮﺭﺭﺭﺭﺡ ﻗﻠﺒﻲ ﺿﻮﺭﺕ ﺿﺤﻜﺖ ﻟﺴﺎﻣﻴﺔ ﻟﻘﻴﺘﻬﺎ ﺗﺎﻫﻲ ﻣﻼﻣﺢ ﺍﻟﻔﺮﺡ ﻇﺎﻫﺮﻳﻦ ﻋﻠﻰ ﻭﺟﻬﻬﺎ ) ﻭﺍﺵ ﻣﻤﻜﻦ ﻧﺪﻭﻳﻮ ﻣﻌﺎﻙ ﺷﻮﻳﺔ
ﺍﻟﺤﺎﺟﺔ : ( ﺑﻤﻼﻣﺢ ﻣﺘﺴﺂﺋﻠﺔ ) ﻭﻱ ﺗﻔﻀﻠﻮ ...
ﺩﺧﻠﻨﺎ ﻣﻌﻬﺎ ﻟﺼﺎﻟﻮﻭﻥ ﻟﻲ ﻛﺎﻥ ﻓﻤﻨﺘﻬﻰ ﺍﻟﺮﻗﻲ .. ﺳﺎﻣﻴﺔ ﻛﺘﻘﻮﻟﻲ ﺑﻠﻲ ﺷﺒﻬﺎﺕ ﻫﺎﺩ ﺍﻟﻤﺮﺍﺍﺓ ...
ﺍﻟﺤﺎﺟﺔ : ﺳﻤﺤﻮﻟﻴﺎ ﻣﻀﺎﻳﻔﺘﻜﻤﺶ .. ﺗﺸﺮﺑﻮ ﺷﻲ ﺣﺎﺟﺔ !
ﺳﺎﺭﺓ : ﻻ ﻻﺍﺍ ﻣﻜﺎﻳﻦ ﻻﺵ .. ﻏﺎﻧﻬﻀﺮﻭ ﻣﻌﺎﻙ ﻭ ﻧﻤﺸﻴﻮ
ﺍﻟﺨﺎﺟﺔ : ﺍﻫﺎﻩ ﺗﻔﻀﻠﻮﻭﻭ
ﺳﺎﺭﺓ : ﻭﺍﺵ ﺍﻟﺠﻤﻌﻴﺔ ﻛﺘﻌﺮﻓﻲ ﺷﻜﻮﻥ ﻛﺎﻥ ﻣﺄﺳﺴﻬﺎ !
ﺍﻟﺤﺎﺟﺔ : ﺍﻧﺎ ﻋﻼﺵ
ﺳﺎﺭﺓ : ﺍﺍﺍﻩ ﻳﻌﻨﻲ ﺩﻳﺎﻟﻚ !!
ﺍﻟﺨﺎﺟﺔ : ﺍﻩ .. ﺍﻧﺎ ﻛﻨﺖ ﺭﺋﻴﺴﺔ ﺩﻳﺎﻟﻬﺎ ﻭ ﺩﺍﺑﺎ ﺗﻜﻠﻔﺎﺕ ﻟﻴﻬﺎ ﻣﺮﺍﺕ ﻭﻟﺪﻱ .. ﺭﻫﺎ ﻓﺤﻲ ﺍﻟﻌﻤﺎﺭﻳﻦ ﺣﺎﻟﻴﺎ
ﺳﺎﺭﺓ : ﺍﻩ ﻳﻌﻨﻲ ﺑﺪﻟﺘﻮ ﻟﻴﻬﺎ ﺍﻟﻤﻘﺮ ... ﺍﻭﻻ ﻛﻨﺸﻜﺮﻛﻮﻡ ﻋﻠﻰ ﻫﺎﺩ ﺍﻟﻌﻤﻞ ﺍﻻﻧﺴﺎﻧﻲ ﺍﻟﻨﺒﻴﻴﻴﻞ
ﺳﺎﻣﻴﺔ : ﻭﻱ ﺳﺎﺭﺓ ﻋﻨﺪﻫﺎ ﺍﻟﺤﻖ .. ﻛﻨﺸﻜﺮﻭﻛﻮﻡ .. ﻋﻠﻴﻬﺎ ﻛﻨﻘﻮﻝ ﻓﻴﻦ ﺷﻔﺘﻚ .. .. ﺍﻧﺎ ﻛﻨﺖ ﻛﻨﺠﻲ ﻋﻨﺪ ﻭﺍﺣﺪ ﺍﻟﻤﺮﺍ ﻛﺎﻧﺖ ﻋﻨﺪﻛﻢ ﻫﺎﺩﻱ 30 ﺳﻨﺔ
ﺍﻟﺤﺎﺟﺔ : ﺑﺼﺎﺍﺡ !!! ﻣﻤﻜﻦ ... ﻣﻌﻘﻠﺘﺶ ﻣﺪﺓ ﻃﻮﻳﻠﺔ ﻫﺎﺩﻱ ﻭ ﻛﺎﻧﻮ ﻋﻨﺪﻧﺎ ﻋﻴﺎﻻﺕ ﺑﺰﺍﻑ ..
ﺳﺎﺭﺓ : ﻭﺍﺵ ﻣﻌﻨﺪﻛﺶ ﺷﻲ ﺍﺭﺷﻴﻒ ﻭﻻ ﺷﻲ ﺣﺎﺟﺔ !!
ﺍﻟﺤﺎﺟﺔ : ﻭﻻﻛﻦ ﻋﻼﺵ ﺍﺑﻨﺘﻲ ! ﺍﺵ ﻭﺍﻗﻊ
ﺳﺎﺭﺓ : ﺍﻣﻤﻢ .. ﻫﻮ ﻧﺠﻴﻚ ﻟﺼﺮﺍﺣﺔ ... ﻭﺍﺣﺪ ﺍﻟﻤﺮﺍ ﻛﻨﻌﺮﻓﻮﻫﺎ ﻛﺎﻧﺖ ﻋﻨﺪﻙ .. ﻟﻲ ﻫﻲ ﻣﺎﻣﺎﺕ ﺭﺍﺟﻠﻲ .. ﻭﺭﺍﺟﻠﻲ ﺩﻳﻚ ﺳﺎﻋﺔ ﻛﺎﻥ ﺻﻐﻴﺮ ﻭﻛﻴﻀﻦ ﺑﻠﻲ ﻣﺎﻣﺎﻩ ﺗﺨﻼﺕ ﻋﻠﻴﻪ ... ﻭﻧﺎ ﺧﺎﺻﻨﻲ ﺩﻟﻴﻞ ﻟﻲ ﻧﺜﺒﺖ ﻟﻴﻪ ﺑﻠﻲ ﻣﺎﻣﺎﻩ ﻛﺎﻧﺖ ﻣﺮﻳﻀﺔ ﺑﺴﺮﻃﺎﻥ ﻭﺟﺎﺕ ﻟﻤﺄﻭﻯ ﺩﻳﺎﻟﻜﻢ .. ﻭﻣﺎﺷﻲ ﺗﺨﻼﺕ ﻋﻠﻴﻪ .. ﻭﺑﻠﻲ ﺭﺍ ﻣﺎﺗﺖ ... ﻣﻤﻜﻦ ﺗﻌﺎﻭﻧﻴﻨﻲ
ﺍﻟﺤﺎﺟﺔ : ﻣﻤﻢ .. ﻫﺎﺩﺷﻲ ﺟﺎﻧﻲ ﻣﻌﻘﺪ ﺷﻮﻳﺔ ﻣﻤﻜﻦ ﺗﺰﻳﺪﻱ ﺗﺸﺮﺣﻲ ﻟﻴﺎ .. ﻣﻔﻬﻤﺘﺶ ﻣﺰﻳﺎﻥ ..
ﺑﺪﻳﻨﺎ ﻛﻨﻌﺎﻭﺩﻭ ﻟﻴﻬﺎ ﺍﻧﺎ ﻭﺳﺎﻣﻴﺔ ﻋﻠﻰ ﺍﻟﻘﺼﺔ ﺑﺘﻔﺎﺍﺍﺍﺍﺻﻴﻞ
ﺍﻟﺤﺎﺟﺔ : ﻣﺪﺍﻡ ﻣﺮﻳﻢ !!!! ﻣﻌﻠﻤﺔ ! ... ﺻﺮﺍﺍﺍﺣﺔ ﻣﻐﺎﻧﻘﺪﺵ ﻧﻌﻘﻞ ...
ﺳﺎﺭﺓ : ( ﺟﺒﺪﺕ ﺗﻴﻠﻴﻔﻮﻧﻲ ﺣﻴﺖ ﻛﻨﺖ ﺻﻮﺭﺕ ﺻﻮﺭﺓ ﺩﺍﻃﺎﺑﻠﻮ ﻗﻠﺖ ﻧﻘﺪﺭ ﻧﺤﺘﺎﺟﻬﺎ ) ﺷﻮﻭﻓﻲ ﻓﻬﺎﺩ ﺻﻮﺭﺓ ﺗﻘﺪﺭﻱ ﺩﻛﺮﻳﻬﺎ ...
ﺍﻟﺤﺎﺟﺔ : ( ﻫﻮﺩﺍﺕ ﻧﻀﺎﺿﺮﻫﺎ ﻭ ﺑﻘﺎﺕ ﺗﺸﻮﻑ ﻓﺼﻮﺭﺓ ﺑﺘﻤﻤﻤﻤﻤﻌﻦ ﻭ ﻣﻼﻣﺤﻬﺎ ﻛﻴﺘﺒﺪﻟﻮ ) ﺍﺍﺍﺍﺍﺍﺍﻩ ﻣﺪﺍﻡ ﺍﻟﻮﺯﺍﺍﺍﻧﻲ !!!!
ﺳﺎﺭﺓ : ( ﺑﻔﺮﺣﺔ ) ﻫﻬﻬﻬﻬﻲ .. ﻫﻬﻲ ... ﻭﺍﺵ ﻛﺘﻌﺮﻓﻴﻬﺎ
ﺍﻟﺤﺎﺟﺔ : ﺍﺍﺍﺍﻩ ﻣﺴﻜﻴﻨﺔ ... ﺍﺍﻩ ﺭﺍ ﻛﻨﻌﺮﻓﻬﺎ ﺩﻭﺯﺍﺕ ﻣﻌﻨﺎ ﺷﻬﺮ .. ﻭﻓﺘﺎﻟﻲ ﻣﺎﺗﺖ ﺍﻟﻠﻪ ﻳﺮﺣﻤﻬﺎ ﻣﺴﻜﻴﻨﺔ ﺣﻴﺘﺎﺵ ﺍﻛﺘﺸﻔﺎﺕ ﺍﻟﻤﺮﺽ ﺗﺎﻛﺎﻥ ﻛﻼ ﺑﺰﺍﻑ ﻣﻦ ﺍﺟﺰﺍﺀ ﻛﺒﺪﻫﺎ ... ﺍﻳﻴﻴﻴﻪ ﺍﻟﻠﻪ ﻳﺮﺣﻤﻬﺎ ﻣﺴﻜﻴﻴﻴﻴﻨﺔ ﻫﻲ ﻗﻮﻟﻴﺎ ﻧﺖ ﻣﺮﺕ ﻭﻟﺪﻫﺎ
ﺳﺎﺭﺓ : ﺍﺍﺍﻩ ... ﻭﺩﺍﺑﺎ ﺿﺎﺭﻭﺭﻱ ﻣﺨﺼﻨﻲ ﻧﺜﺒﺘﻠﻮ ﻫﺎﺩﺷﻲ .. ﺣﺎﻟﺘﻮﻭﻭ ﻣﺪﻫﻮﺭﺓ ﻛﻞ ﻣﺎﺗﻔﻜﺮ ﻣﺎﻣﺎﻩ ﻭﻻ ﺗﺠﺒﺪﺍﺕ ﺍﻟﻘﺼﺔ ﻗﺪﺍﻣﻮ ﻛﻴﺘﻌﺼﺐ .. ﺧﺎﺻﻮ ﻳﻌﺮﻑ ﺍﻟﺨﻘﻴﻘﺔ ﻭ ﻳﺘﺮﺣﻢ ﻋﻠﻰ ﻣﺎﻣﺎﻩ .. ﻭﻳﻌﺮﻑ ﺑﻠﻲ ﺍﻻﻡ ﻟﻲ ﻣﺴﺆﻭﻟﺔ ﻣﺘﻘﺪﺭﺵ ﺗﺴﻤﺢ ﻓﻮﻟﺪﻫﺎ ﻭﺧﺎ ﻳﻘﻄﻌﻮﻫﺎ ﻃﺮﺍﺍﺍﺍﻑ .. ﻭﻳﺤﻴﺪ ﺩﻳﻚ ﺍﻟﻔﻜﺮﺓ ﺩﻳﺎﻝ ﺍﻟﻌﻴﺎﻻﺕ ﻛﻠﻬﻢ ﻏﺪﺍﺭﺍﺕ ﻣﻦ ﻋﻘﻠﻮ ... ﺩﺍﺑﺎ ﻋﻔﺎﺍﺍﻙ ﻭﺍﺵ ﻋﻨﺪﻙ ﺷﻲ ﻭﺛﻴﻘﺔ ﻛﺜﺒﺖ ﺑﻠﻲ ﻛﺎﻧﺖ ﻣﻌﺎﻛﻢ ! ؟
ﺍﻟﺤﺎﺟﺔ : ﺍﻩ .. ﺭﺍ ﻛﺎﻳﻦ ﻻﺭﺷﻴﻒ ﻭ ﺗﺎ ﻭﺭﺍﻕ ﺍﻟﺘﺤﺎﻗﻬﺎ ﻣﻜﻨﺮﻣﻴﻮ ﻛﻠﺸﻲ ﻭﺧﺎ ﺍﻟﻘﺼﺔ ﺩﻭﺯ ﻋﻠﻴﻬﺎ ﻣﺌﺔ ﺳﻨﺔ .. ﻭﻋﻨﺪﻧﺎ ﺗﺎﻭﺣﺪ ﺍﻟﺼﻮﺭﺓ ﺟﻤﺎﻋﻴﺔ ﻛﻨﺎ ﺩﺭﻧﻬﺎ . ﻭﻛﺘﺒﺎﻥ ﻫﻲ ﻓﻴﻬﺖ
ﺳﺎﺭﺓ : ﻭﺍﺵ ﺑﺼﺎﺍﺍﺡ !!!! ﺍﻭﻭﻭﻭﻭﻭﻑ ﺣﻤﺪ ﺍﻟﻠﻪ ﺍﻭﺧﻴﻴﻴﺮﺍ ﺳﻤﻌﺖ ﺷﻲ ﺧﺒﺮ ﺯﻭﻳﻦ .. ( ﺑﺎﻟﻔﺮﺣﺔ ﻋﻨﻘﺘﻬﺎﺍﺍﺍﺍ )
ﺍﻟﺤﺎﺣﺔ : ﻛﻮﻧﻮ ﻫﺎﻧﻴﻦ ﻧﺸﺎﺀﺍﻟﻠﻪ ﻏﺎﻳﺴﻤﺢ ﻟﻤﺎﻣﺎﻩ ﺗﺎﻫﻲ ﻛﺎﻧﺖ ﺍﻧﺴﺎﻧﺔ ﻃﻴﺒﺔ ..
ﺳﺎﺭﺓ : ﻛﻨﺸﻜﺮﻭﻭﻭﻙ ﺑﺰﺍﺍﺍﻑ ﺍﻟﺤﺎﺟﺔ ... ﺳﻤﺤﻴﻠﻨﺎ ﺧﺎﺻﻨﺎ ﻧﻤﺸﻴﻮ ﺍﻧﺎ ﻏﺎﻧﻜﺘﺐ ﻟﻴﻚ ﺍﻟﻌﻨﻮﺍﻥ ... ﺍﻟﻰ ﻛﺎﻥ ﻣﻤﻜﻦ ﺗﺠﻲ ﻏﺪﺍﺍﺍ ﻓﺼﺒﺎﺡ ﺑﺎﺵ ﺗﻌﺎﻭﻧﻴﻨﺎ ﻧﻌﺎﻭﺩﻟﻮ ﺍﻟﺤﻘﻴﻘﺔ
ﺍﻟﺤﺎﺟﺔ : ﻋﻠﻰ ﺭﺍﺱ ﻭ ﺍﻟﻌﻴﻦ ﻧﺸﺎﺀﺍﻟﻠﻪ ... ﻋﻔﺎﻛﻢ ﻟﻤﺎ ﻛﻠﺴﻮ ﺗﻐﺪﺍﻭ ﻣﻌﺎﻧﺎ ﺭﺍﻧﻲ ﻏﻲ ﺍﻧﺎ ﻭ ﺣﻔﻴﺪﺗﻲ
ﺳﺎﺭﺓ : ﻻ ﻣﻜﺎﻥ ﻻﺵ .. ﺟﺎﺩ ﻏﺎﻳﺠﻲ ﻣﻦ ﻣﺪﺭﺳﺔ .. ﺧﺎﺻﻨﻲ ﻧﻮﺟﺪﻟﻴﻪ ﻏﺪﺍﻩ
ﺍﻟﺤﺎﺟﺔ : ﺍﻩ ﺗﺒﺎﺍﺍﺭﻛﺎﻟﻠﻪ ﻋﻨﺪﻛﻢ ﻭﻟﺪ !
ﺳﺎﺭﺓ : ( ﺑﻘﻴﺖ ﻏﻲ ﻛﻨﺸﻮﻑ ﻣﺎﺻﺒﺖ ﻣﺎﻧﻘﻮﻝ ﻣﻦ ﻏﻴﺮ ﺍﻧﻲ ﺍﺑﺘﺴﻤﺖ ﻭ ﻭﻣﻴﺖ ﺑﺎﻻﻳﺠﺎﺏ ) ... ﻳﺎﻻﻩ ﺧﻠﻴﻨﻨﺎﻙ ﻋﻠﻰ ﺧﻴﺮ ﻭﺷﻜﺮﺍﺍﺍﺍﺍ ﺑﺰﺍﺍﺍﺍﻑ ...
