ﻋﻨﺪ ﻫﻨﺎﺀ ...
ﺍﺻﺒﺤﻨﺎ ﻭﺍﺻﺒﺤﺖ ﺷﻤﺲ ﺍﻟﺴﻤﺎﺀ ﺗﻀﻴﺊ ﻏﺮﻓﺘﻬﺎ ﺍﻟﺒﻴﻀﺎﺀ ...
ﻓﻴﻘﻬﺎ ﺷﻲ ﻭﺟﻊ ﻓﻜﺮﺷﻬﺎ ﻭﻓﺘﺤﺎﺕ ﻋﻴﻨﻴﻬﺎﻛﺘﻘﻴﺲ ﻓﻴﻬﺎ ﻛﺘﺄﻟﻢ ﻭﺗﻨﻬﺪﺍﺕ
ﻫﻨﺎﺀ : ﻫﺎﺩ ﺷﻲ ﻣﻨﺴﺘﺎﻫﻞ ﻣﻨﻚ ﺍﺳﻴﻒ
( ﺗﻌﻤﺮﻭ ﻋﻴﻨﻴﻬﺎ ﺑﺪﻣﻮﻉ ﻭﻫﻲ ﻛﺘﻤﺴﺢ ﻓﻴﻬﻢ ﻛﺘﺤﺎﻭﻝ ﺗﻘﻮﻱ ﺭﺍﺳﻬﺎ )
ﻫﻨﺎﺀ : ( ﺿﺮﺑﺎﺕ ﻓﺎﻟﻔﺮﺍﺵ ﺑﻌﺼﺒﻴﺔ ) ﻫﺪﺍ ﻫﻮ ﺍﻟﺤﺐ ﻟﻲ ﻃﻴﺢ ﻃﺎﺳﻴﻠﺘﻲ ﻓﻬﺎﺩ ﺍﻟﻤﺼﻴﺒﺔ ﻧﺴﺘﺎﺍﺍﻫﻞ ﺍﻧﺎ ﻟﻲ ﻛﻨﺖ ﻧﻀﻞ ﻧﻔﻜﺮ ﻓﻴﻪ ﻭﻧﺤﻠﻢ ﺑﻨﻬﺎﺭ ﻟﻲ ﺗﻮﻟﻲ ﺭﺍﺟﻠﻲ ( ﻧﺰﻟﻮ ﺩﻣﻮﻋﻬﺎ ) ﻛﻴﺨﻮﻧﻲ ﻣﻊ ﻣﻮﺳﺨﺔ ﺩﺍﻟﺨﻼ ﻭﻋﻼﺵ ﺗﺰﻭﺝ ﺑﻴﺎﺍﺍ ﻋﻼﺍﺍﺵ .... ﻛﻮﻥ ﻣﺸﺎ ﺗﺰﻭﺝ ﺑﻴﻬﺎ ﻭﻣﻴﺤﺮﻗﻨﻴﺶ ﻓﻘﻠﺒﻲ ﻓﺤﺎﻝ ﺩﺍﺍﺑﺎ ﻣﻌﺮﻓﺘﺶ ﻛﻴﻔﺎﺵ ﻏﻨﻄﻔﻲ ﻫﺎﺩ ﺍﻟﻨﺎﺍﺭ ﻟﻲ ﻓﻘﻠﺒﻲ ( ﻋﻼﺕ ﻋﻴﻨﻴﻬﺎ ﻟﺴﻤﺎﺀ ) ﻳﺎﺍﺍ ﺭﺑﻲ ﺻﺒﺮﻧﻲ ﻣﻌﻨﺪﻱ ﻣﻦ ﻏﻴﺮﻙ ﻳﺎ ﺳﻴﺪﻱ ﺭﺑﻲ ﺧﺮﺟﻮ ﻣﻦ ﻋﻘﻠﻲ ﻭﻗﻠﺒﻲ ﻟﻴﻮﻡ ﻗﺒﻞ ﻏﺪﺍﺍﺍ ﻳﺎ ﺣﺒﻴﺒﻲ ﻳﺎ ﺭﺑﻲ ...
ﺿﻮﺭﺍﺕ ﻭﺟﻬﺎ ﻟﺴﺮﺟﻢ ﻛﺘﻤﺴﺢ ﻓﻌﻴﻨﻴﻬﺎ ﻭﻫﻲ ﺗﻔﺘﺢ ﻟﺒﺎﺏ، ﻋﻼﺕ ﻋﻴﻨﻴﻬﺎ ﻛﺘﻠﻘﻰ ﺭﺷﻴﺪﺓ ﻭﺍﻳﻤﺎﻥ ﻭﺍﻳﺔ ﻭﻓﻌﻴﻨﻴﻬﻢ ﺑﺎﻳﻦ ﺍﻻﺳﻰ ﻭﺍﻟﺤﺰﻥ ﻟﻲ ﻛﻴﺤﺎﻭﻟﻮ ﻳﺨﺒﻴﻮﺍﻩ ﺑﻨﻀﺮﺍﺗﻬﻢ ...
ﺭﺷﻴﺪﺓ : ( ﻧﺰﻻﺕ ﺍﻟﻘﻔﺔ ﻓﺎﻻﺭﺽ ) ﺑﻨﺘﻲ ﺷﻮﻳﺔ ﺩﺍﺑﺎ؟؟؟
ﺍﻳﻤﺎﻥ : ( ﻗﺮﺑﺎﺕ ﻋﻨﺪﻫﺎ ) ﺧﺘﻲ ﻛﻴﻒ ﺑﻘﻴﺘﻲ ﺍﺣﺒﻴﺒﺘﻲ ..
ﻫﻨﺎﺀ : ﻛﻴﻒ ﺑﻐﻴﺘﻴﻨﻲ ﻧﺒﻘﻰ ﺍﺧﺘﻲ ﺭﺍﻛﻲ ﻛﺘﺸﻮﻓﻲ ﺣﺎﻟﺘﻲ ﺗﺸﻔﻲ ﻟﻌﺪﻭ ...
ﺭﺷﻴﺪﺓ : ﺍﻟﻠﻪ ﻋﻠﻰ ﺑﻨﻴﺘﻲ ﻭﺿﺮﺑﺎﺗﻬﺎ ﻋﻮﻳﻨﺔ ﺍﻟﻠﻪ ﻳﻠﻜﻴﻬﺎ ﻟﻴﻬﻢ ﻓﻬﺎﺩ ﻧﻬﺎﺭ
ﺍﻳﻤﺎﻥ : ﻏﻴﺮﺻﺒﺮﻱ ﺍﺧﺘﻲ ﺩﺍﺑﺎ ﻳﻔﻮﺕ ﻛﻮﻟﺸﻲ ﺑﺎﻟﺼﺒﺮ .
ﻫﻨﺎﺀ : ( ﺷﺎﻓﺖ ﻓﻴﻬﺎ ﺑﺤﺮﻗﺔ ) ﻧﺼﺒﺮ ﻩ ﻩ ﺍﺷﻨﻮ ﻟﻲ ﻧﺼﺒﺮ ﻋﻠﻴﻪ ﻭﺍﺵ ﻭﻟﺪﻱ ﻟﻲ ﻣﺎﺕ ﻭﻻ ﺣﺎﻟﺘﻲ ﻟﻲ ﻛﺘﺒﻜﻲ ﻭﻻ ﺍﻟﺮﺍﺟﻠﻲ ﻟﻲ .... ﺍ ( ﺳﻜﺘﺎﺕ ﻭﺑﺪﺍﺕ ﻛﺘﺒﻜﻲ )
ﺍﻳﺔ : ( ﻋﻨﻘﺎﺗﻬﺎ ﻭﺑﺪﺍﺕ ﻛﺘﺒﻜﻲ ﻣﻌﺎﻫﺎ ) ﺩﺍﺑﺎ ﺗﺠﻴﺒﻠﻴﻨﺎ ﺷﻲ ﺑﻴﺒﻲ ﺍﺧﺮ ﻣﺘﺒﻜﻴﺶ ﺍﺧﺘﻲ ﺍﻟﻠﻪ ﻳﺸﺎﻓﻴﻚ ...
ﺭﺷﻴﺪﺓ : ﺍﻟﻠﻪ ﻳﻬﺪﻳﻚ ﺍﺑﻨﺘﻲ ﻣﺘﻘﻮﻟﻴﺶ ﻫﻜﺎﺍ
ﻫﻨﺎﺀ : ( ﺗﻬﺪﺍﺕ )
ﺭﺷﻴﺪﺓ : ﺭﺍﺟﻠﻚ ﺍﺑﻨﺘﻲ ﺟﺎﻟﺲ ﻓﺠﺮﺩﺓ ﻗﺘﻠﻮ ﻳﺪﺧﻞ ﻗﺎﻟﻲ ﻣﺒﻐﺎﺵ ﻳﻘﻠﻘﻚ ﻋﻔﺎ ﺑﻨﺘﻲ ﻟﻤﺎ ﺧﻠﻴﻪ ﻳﺪﺧﻞ ﻳﺸﻮﻓﻚ ﺭﺍﻩ ﺣﺎﻟﺘﻮ ﻋﺎﻟﻢ ﺑﻴﻬﺎ ﻏﻴﺮ ﺍﻟﻠﻪ ﻭﻣﺸﻮﺵ ﻋﻠﻴﻚ ﻣﺴﻜﻴﻦ
ﻫﻨﺎﺀ : ( ﺷﺎﻓﺖ ﻓﻴﻬﺎ ﻭﺧﻨﺰﺭﺍﺕ ) ﻣﺎﻣﺎ ﻋﻔﺎﺍﻛﻲ ﻣﺘﺒﻘﺎﻳﺶ ﺗﺠﺒﺪﻳﻠﻲ ﺣﺴﻮ ﻣﺒﻐﻴﺘﺶ ﻧﺘﻼﻗﻰ ﺑﻴﻪ
ﺍﻳﻤﺎﻥ : ﻋﻼﺵ ﺍﺧﺘﻲ ﺣﺮﺍﻡ ﻋﻠﻴﻚ ﺳﻴﻒ ﻛﻴﺒﻐﻴﻚ ﻭﻟﻲ ﻭﻗﻊ ﻣﺎﺷﻲ ﻟﺨﺎﻃﺮﻭ ﻏﻴﺮ ﺳﺎﻋﺔ ﻏﻀﺐ ﻭﺿﺮﺑﻚ ﺑﻼ ﻣﻴﻘﺼﺪ ﻭﻫﻮ ﻧﺎﺩﻡ ﺩﺍﺑﺎ ﺷﻔﺖ ﻏﻴﺮ ﺣﺎﻟﺘﻮ ﻭﺑﻘﻰ ﻓﻴﺎﺍﺍ ..
ﻫﻨﺎﺀ : ﺷﻨﻮﻭ !!!! ﺑﻘﻰ ﻓﻴﻴﻚ ﻭﻣﺒﻘﺎﺗﺶ ﻓﻴﻚ ﺧﺘﻚ ﻣﻠﻲ ﺩﺍﺭ ﻓﻴﻬﺎ ﻫﻜﺎﻙ ﻭﻫﻮ ﺳﺒﺎﺏ ﺑﺎﺵ ﻣﺎﺍﺕ ﻭﻟﺪﻱ ،ﺻﺎﺍﻓﻲ ﻣﺒﻐﻴﺘﺶ ﻧﺒﻘﻰ ﻧﻬﻀﺮ ﻓﻬﺎﺩ ﺍﻟﻤﻮﺿﻮﻉ ﺣﻴﺖ ﻟﻘﻴﺖ ﺍﻟﺤﻞ ﻫﻮ ﻃﻼﺍﺍﻕ
ﺍﻳﻤﺎﻥ : ﺷﻨﻮﻭﻭﻭ ﺍﻭﻳﻠﻲ ..
ﻧﻬﺎﻳﺔ ﺍﻟﺤﻠﻘﺔ ﺍﻟﺘﻤﺎﻧﻮﻥ
