ﻋﻨﺪ ﻟﺒﻨﺎﺕ ...
ﻋﻤﺮﺍﻥ : ﺩﺧﻠﻮ ﺭﺍ ﻣﺤﺎﻛﻤﺔ ﻏﺎﺗﺒﺪﺍ ... ﺷﺎﻓﺖ ﻓﻴﻨﺎ ﺑﻌﻴﻮﻥ ﻓﻴﻬﺎ ﺣﺰﻥ ﻭﺧﻮﻑ ..
ﻫﻨﺎﺀ : ( ﻭﺭﻛﺖ ﻟﻴﻬﺎ ﻋﻠﻰ ﻳﺪﻫﺎ ) ﻣﺘﺨﺎﻓﻴﺶ ﻛﻮﻟﺸﻲ ﻏﻴﺪﻭﺯ ﺑﻴﺨﻴﺮ
ﺗﺒﻌﻨﺎﻩ ﻭ ﺩﺧﻠﻨﺎ ﻟﻠﻘﺎﻋﺔ ﺷﺪﻳﻨﺎ ﻛﺮﺍﺳﻴﻨﺎ ﻭ ﻛﻠﺴﻨﺎ ..
ﻋﻨﺪ ﻋﻤﺮﺍﻥ ..
ﻣﺸﺎ ﻟﻮﺍﺣﺪ ﻣﻜﺘﺐ ﺍﺧﻮﺭ ﻛﺎﻥ ﺗﻤﺎ ﻟﻌﻤﻴﺪ ﻭ ﻗﺎﺿﻲ ﺷﺆﻭﻭﻥ ﺍﻻﺳﺮﺓ
ﻋﻤﻴﺪ : ﻫﺎ ﻫﺎﻫﻮ ﺟﺎ
ﻋﻤﺮﺍﻥ : ﺳﻤﺤﻮﻟﻴﺎ ﻛﻨﺖ ﻣﺸﻐﻮﻝ ﻣﻊ ﺍﻟﻤﻠﻔﺎﺕ ... ﻭﺍﺵ ﻛﻠﺸﻲ ﻫﻮ ﻫﺬﺍﻙ .. ﺣﻴﺖ ﻏﺎﻧﺪﻳﺮﻭ ﻃﻼﻕ ﺣﺒﻴﺎﺍﺍ
ﺍﻟﻘﺎﺿﻲ : ﻣﺪﺍﻡ ﻃﻼﻕ ﻋﻦ ﺗﺮﺍﺿﻲ ﻓﻬﻮ ﺍﻣﺮ ﺳﻬﻞ ﻣﻜﻴﺤﺘﺎﺟﺶ ﺗﻌﻘﻴﺪﺍﺕ ﺧﺼﻮﺻﺎ ﻓﺤﺎﻟﺘﻜﻢ ...
ﺍﻟﻌﻤﻴﺪ : ﻋﻤﺮﺍﻥ .. ﻭﺍﺵ ﻣﻌﻠﻤﺘﻴﺶ ﺩﺍﺭﻛﻢ ﻭ ﺩﺍﺭﻫﻢ !
ﻋﻤﺮﺍﻥ : ﻣﺰﺍﻝ ﻗﻠﺖ ﺣﺘﺎ ﺗﺴﺎﻟﻲ ﻣﺤﺎﻛﻤﺔ ﻭ ﻧﻄﻠﻘﻮ ﻋﺎﺩ ﻧﻬﻀﺮﻭ ﻣﻌﺎﻫﻢ
ﻓﻘﺎﻋﺔ ﺍﻟﻤﺤﻜﻤﺔ ...
ﻋﻨﺪ ﺩﻋﺎﺀ
ﺑﻘﻴﻨﺎ ﻛﺎﻟﺴﻴﻦ ﺍﻧﺎ ﻭﺳﺎﺭﺓ ﺗﺎﺗﺤﻼﺕ ﺍﻟﺒﺎﺏ ﺍﻟﻜﺒﻴﺮﺓ ﻛﺎﻥ ﻋﻤﺮﺍﻥ ﺩﺍﺧﻞ ﻭ ﻣﻌﺎﻩ ﺩﻳﻚ ﺍﻟﺒﻨﺖ ﻏﻲ ﺷﺎﻓﺘﻨﻲ ﺟﺎﺕ ﻟﻌﻨﺪﻱ ﻭ ﻋﻨﻘﺎﺍﺍﺗﻨﻲ ﻛﺘﺒﻜﻲ ﻋﻨﺪﻱ ﻭ ﻧﺎ ﻣﺼﻤﺮﺓ ﻓﻌﻤﺮﺍﻥ ﻭﻫﻮ ﻣﺒﺘﺴﻢ ﻟﻴﺎﺍﺍ
ﺩﻋﺎﺀ : ﺣﺒﻴﺒﺔ ﻣﺘﺒﻜﻴﺶ ... ﺻﺎﺍﺍﻓﻲ ﻟﻴﻮﻡ ﻏﺎﻳﺘﻌﺎﻗﺒﻮ ﺩﻭﻙ ﺍﻟﻤﺠﺮﻣﻴﻦ ﻭ ﻛﻠﺸﻲ ﻏﺎﻳﺒﺎﻥ
ﺍﻟﺒﻨﺖ : ﻣﻌﻤﺮﻱ ﻧﺴﺎ ﺧﻴﺮﻙ ﻭﺷﻨﻮ ﺩﺭﺗﻲ ﻋﻠﻰ ﻗﺒﻠﻲ ﻣﻌﻌﻌﻤﺮﻱ ...
ﺩﻋﺎﺀ : ﻣﺘﻘﻮﻟﻴﺶ ﻫﺎﻛﺪﺍ ﻫﺬﺍ ﻭﺍﺟﺐ
ﻛﻠﺴﻨﺎ ﻭﻫﻲ ﺩﺍﻭﻫﺎ ﺻﻒ ﺍﻭﻝ ﻋﻤﺮﺍﻥ ﻛﻠﺲ ﻓﺎﻟﻤﺪﺭﺝ ﻟﻲ ﺣﺪﺍﻧﺎ ... ﻭﻧﺎ ﻏﻲ ﻛﻨﺸﻮﻑ ﻓﻴﻪ
ﻭﻟﺒﻨﺎﺕ ﻛﻴﺸﻮﻓﻮ ﻓﺪﻋﺎﺀ ﺳﺎﻫﻴﺔ ﻓﻌﻤﺮﺍﻥ ﺿﺮﻫﻢ ﻗﻠﺒﻬﻢ
ﺳﺎﺭﺓ : ﻳﺎﺭﺑﻲ ﺩﻳﺮ ﺷﻲ ﻣﻌﺠﺰﺓ ﻭﻻﻗﻴﻴﻴﺒﻬﻢ ﺗﺤﺖ ﺳﻤﺎﺍﻙ ..
. ﻫﻨﺎﺀ : ﺍﻣﻴﻴﻴﻦ ﻳﺎﺍﺭﺑﻲ ﺣﺎﺗﻬﺎ ﻛﺘﻘﻄﻊ ﻓﺎﻟﻘﻠﺐ ( ﺗﻨﻬﺪﺍﺕ ) ﻫﺪﺍ ﻫﻮ ﺍﻟﺤﺐ ﻟﻲ ﻭﺻﻠﻨﺎ ﻟﻬﺎﺩ ﻟﻤﻮﺍﺻﻴﻞ ..
ﺗﺤﻼﺕ ﻟﺒﺎﺏ ﻛﺒﻴﺮﺓ ﺩﺧﻞ ﺍﻟﻘﺎﺿﻲ ﻭ ﻣﺤﺎﻣﻴﻦ ﻭ ﺩﻓﺎﻉ ﻭ ﻛﺎﻉ ﺍﻟﻌﻨﺎﺍﺻﺮ ... ﺷﻮﻳﺔ ﺗﻔﺘﺤﺎﺕ ﻭ ﺩﺧﻠﻮ ﺍﻟﺒﻮﻟﻴﺲ ﺩﺧﻠﻮﻭﻭ ﺩﻭﻙ ﺍﻟﻤﺠﺮﻣﻴﻦ ﺩﻋﺎﺍﺀ ﺣﺴﺎﺕ ﻗﻠﺒﻬﺎ ﻏﺎﺍﺍﻳﻔﻠﺖ ﻣﻨﻬﺎﺍﺍﺍ ﻭ ﻻﻛﻦ ﻃﻤﻨﺎﺕ ﻛﺘﺮ ﻣﻠﻲ ﺷﺎﺩﻳﻨﻬﻢ ... ﻛﺎﻧﻮ ﺭﺑﻌﺔ ﺑﻴﻬﻢ ﻧﻨﻨﻨﻔﺲ ﺍﻻﺷﺨﺎﺹ ﻟﻲ ﺷﺎﻓﺘﻬﻢ ﻛﻴﻐﺘﺼﺒﻮ ﺍﻟﺒﻨﺖ ﺑﻜﻞ ﻭﺣﺸﻴﺔ ﻧﻔﻔﻔﺴﻬﻢ ....
ﺗﺒﻌﺎﺗﻬﻢ ﺑﻌﻴﻨﻴﻬﺎ ﺗﺎ ﻭﻗﻔﻮﻫﻮﻡ ﻓﺒﻼﺻﺘﻬﻢ ﻭ ﺑﺪﺍ ﺍﻟﻘﺎﺿﻲ ﺍﻟﺠﻠﺴﺔ ﻛﻴﺴﻮﻝ ﻓﻴﻬﻢ ..
ﻭﻳﺴﻮﻝ ﻓﺎﻟﺒﻨﺖ ﻟﻲ ﻛﺘﺒﻜﻲ ﻭﺗﻌﺎﻭﺩ ﺍﻟﻤﺄﺳﺎﺕ ﻟﻲ ﺗﻌﺮﺿﺎﺕ ﻟﻴﻬﺎ ﻣﻦ ﻋﻨﺪ ﺍﻟﻮﺣﻮﺵ ﺷﻮﻳﺔ ﺳﺘﺪﻋﻰ ﺩﻋﺎﺀ ﻭﻣﺸﺎﺕ ﻭﻗﻔﺎﺕ ﺑﻼﺻﺔ ﺍﻟﺸﻬﻮﺩ ﻭﺍﺩﺍﺕ ﺍﻟﻘﺴﻢ ﻭﺑﺪﺍ ﻛﻴﻄﺮﺡ ﻋﻠﻴﻬﺎ ﺍﺳﺌﻠﺔ ﻭﻫﻲ ﻛﺘﺠﺎﻭﺏ ﺑﺨﻮﻑ ﻭﻻﻛﻦ ﺍﺩﻻﺕ ﺑﻜﻠﺸﻲ ﺷﺎﻓﺘﻮ ﻭﺍﻟﻤﺠﺮﻣﻴﻦ ﻛﻴﺸﻮﻓﻮ ﻓﻴﻬﺎ ﺑﻨﻀﺮﺍﺕ ﻗﺎﺗﻠﺔ ﺳﺎﺍﻻﻭ ﺍﻻﺳﺘﺠﻮﺍﺏ ﻭﺣﻜﻢ ﺍﻟﻘﺎﺿﻲ ﻋﻠﻰ ﺍﻟﻤﺠﺮﻣﻴﻦ ﺏ 10 ﺳﻨﻮﺍﺕ ﺳﺠﻦ ﻭﺧﺎﺍ ﺍﻟﻤﺪﺓ ﺍﻟﺤﻜﻢ ﻏﻴﺮ ﻣﻨﺼﻔﺔ ﻓﻲ ﺣﻖ ﺍﻟﻤﻐﺘﺼﺒﺔ ﻭﻻﻛﻦ ﻫﺪﺍ ﻫﻮ ﺍﻟﻘﺎﻧﻮﻥ ﻟﻲ ﺧﺎﺻﻮ ﺗﺒﺪﻳﻞ ﺟﺪﺭﻳﺎﺍﺍﺍ ...
ﺧﺮﺟﻮ ﺍﻟﻤﺠﺮﻣﻴﻦ ﺷﺎﺩﻳﻨﻬﻢ ﻭﻋﻴﻨﻴﻬﻢ ﻛﻴﺘﺤﻠﻔﻮ ﻋﻠﻰ ﺩﻋﺎﺀ ﻟﻲ ﻣﻜﺘﺸﻮﻓﺶ ﻓﻴﻬﻢ ﺗﺠﻨﺒﺎﺍ ﻟﻨﻀﺮﺍﺗﻬﻢ ﻣﺸﺎﺕ ﻋﻨﺪ ﻟﺒﻨﺎﺕ ﻭﻋﻨﻘﻮ ﺑﻌﻀﻬﻢ ﺷﻮﻳﺔ ﺷﺎﻓﺖ ﻋﻤﺮﺍﻥ ﻭﺍﻗﻒ ﻗﺪﺍﻡ ﺑﺎﺏ ﺍﻟﻠﻤﺤﻜﻤﺔ ﻛﻴﺴﻠﻢ ﻋﻠﻰ ﺍﻟﻤﺤﺎﻣﻲ ....
ﺩﻋﺎﺀ : ﻟﺒﻨﺎﺕ ﻫﺪﺍ ﻫﻮ ﺍﻟﻮﻗﺖ ﺧﺎﺻﻨﻲ ﻧﻤﺸﻲ ﻧﻌﺘﺎﺭﻑ ﻟﻌﻤﺮﺍﻥ
ﻫﻨﺎﺀ : ﺳﻴﺮﻱ ﺍﺧﺘﻲ ﻭﻗﻮﻟﻴﻠﻮ ﻛﺎﺍﻉ ﻟﻲ ﻓﺨﺎﺍﻃﺮﻙ ﻣﺘﺤﺸﻤﻴﺶ ﻣﻨﻮﻭ
ﺳﺎﺭﺓ : ﺍﻟﻠﻪ ﻳﺠﻤﻌﻜﻢ ﻳﺎ ﺭﺑﻲ ﺳﻴﺮﻱ
ﻣﺸﺎﺕ ﺑﺘﺠﺎﻫﻮ ﻭﻛﻠﻬﺎ ﺍﻣﺎﺍﻝ ﻭﺍﺣﻼﻡ ﻭﺭﺩﻳﺔ
