ﻋﻨﺪ ﻫﻨﺎﺀ ...
ﺭﺷﻴﺪﺓ : ﺍﻟﻠﻪ ﻳﻬﺪﻳﻚ ﺍﺑﻨﺘﻲ ﺩﻳﺮﻱ ﻋﻘﻠﻚ ﻭﺣﻴﺪﻱ ﻣﻦ ﺑﺎﻟﻚ ﻫﺎﺩ ﺗﺨﺮﺑﻴﻖ ﺳﻴﻒ ﻧﺎﺩﻡ ﻭﺑﻐﻰ ﻳﺼﺎﻟﺤﻚ ﻭ ﻟﻲ ﻏﻠﺐ ﻳﻌﻒ ﻭﺍﻥ ﺷﺎﺀﺍﻟﻠﻪ ﺗﺠﻴﺒﻮ ﺗﺮﻳﻜﺎ ﺩﻳﺎﻝ ﻟﻮﻟﻴﺪﺍﺕ ﺭﺍﻛﻢ ﺑﺎﻗﻴﻦ ﺻﻐﺎﺍﺭ ... ﺗﺄﻟﻴﻒ : ﻩﻧﺎﺀﻭﺳﺎﺭﺓ
ﻫﻨﺎﺀ : ﺻﺎﺍﻓﻲ ﺍﻣﺎﻣﺎ ﻣﻌﻨﺘﺮﺍﺟﻌﺶ ﻋﻠﻰ ﻗﺮﺍﺭﻱ ﺍﻧﺎ ﺑﻐﻴﺖ ﻃﻼﻗﻲ ﻟﻴﻮﻡ ﻗﺒﻞ ﻏﺪﺍﺍﺍﺍ ﻣﺒﻘﻴﺘﺶ ﺣﺎﺍﻣﻠﺔ ﻧﺸﻮﻑ ﻓﻴﻪ ﻭﺍﺵ ﻣﻜﺘﻔﻬﻤﻮﻭﻭﺵ
ﺍﻳﻤﺎﻥ : ﺧﻠﻴﻚ ﺣﺘﻰ ﺗﺸﺎﻓﺎﻱ ﻭﺗﻬﺪﻧﻲ ﻋﺎﺩ ﻗﺮﺭﻱ ﺩﺍﺑﺎ ﻧﺘﻲ ﻣﻘﻠﻘﺔ ﻭﺷﻴﻄﺎﻥ ﻛﻴﻮﺳﻮﺱ ﻓﻌﻘﻠﻚ ﻫﺎﺩ ﺳﺎﻋﺔ ...
ﺭﺷﻴﺪﺓ : ﺩﺍﺑﺎ ﺧﻠﻴﻮﻧﺎ ﻣﻦ ﻫﺎﺩ ﺍﻟﻬﻀﺮﺓ ﺍﻟﺨﺎﻭﻳﺔ ﻭﺩﻳﻬﺎ ﻏﻴﺮ ﻓﺼﺤﺘﻚ ﺣﺘﻰ ﺗﻮﻗﻔﻲ ﻋﻠﻰ ﺭﺟﻠﻴﻚ ﻭﻧﻬﻀﺮﻭ ..
ﻫﻨﺎﺀ : ﻟﻴﻮﻡ ﻓﻠﻴﻞ ﻏﻨﺨﺮﺝ ﻣﻦ ﺳﺒﻴﻄﺎﺭ ﻣﺒﻐﻴﺘﺶ ﻳﻮﺻﻠﻨﻲ ﻫﻮ ﻭ ﻳﺮﺟﻌﻨﻲ ﻟﺪﺍﺭﻭ ﺑﻐﻴﺘﻜﻢ ﺗﺠﻴﻮ ﻣﻮﺭﺍﻳﺎ ﺣﻴﺖ ﻋﻨﺠﻠﺲ ﻋﻨﺪﻛﻢ ﻓﺪﺍﺭ ...
ﺭﺷﻴﺪﺓ : ﺩﺍﺭ ﺩﺍﺭﻙ ﺍﺑﻨﻴﺘﻲ ﺭﺗﺎﺣﻲ ﻓﻴﻬﺎ ﺣﺘﻰ ﺗﺸﺎﻓﺎﻱ ﻭﻳﻜﻮﻥ ﺧﻴﺮ،ﺑﻼﺗﻲ ﻧﻜﺐ ﻟﻴﻚ ﺷﻲ ﺯﻻﻓﺔ ﺩﻳﺎﻝ ﺻﻮﺑﺔ ﺻﻮﺑﺘﻬﺎﻟﻚ ﻛﻴﻤﺎ ﻛﺘﺒﻐﻲ ...
ﻫﻨﺎﺀ : ﻣﻘﺪﻳﺘﺶ ﺍﻣﺎﻣﺎ
ﺭﺷﻴﺪﺓ : ( ﻛﺘﻜﺐ ﻓﺰﻻﻓﺔ ) ﻻﻭﺍﻩ ﺍﺑﻨﺘﻲ ﻧﺘﻲ ﺿﺎﻉ ﻣﻨﻚ ﺩﻡ ﺑﺰﺍﺍﻑ ﺧﺎﺻﻚ ﺗﻌﻮﺿﻴﻪ ﺷﺮﺑﻲ ﺷﺮﺑﻲ ...
ﻫﻨﺎﺀ : ﻣﺎﻣﺎﺍﺍ ﻋﻔﺎﺍﻙ ﻣﻘﺪﻳﺘﺶ
ﺭﺷﻴﺪﺓ : ﺍﻧﺎ ﻟﻲ ﻏﻨﻮﻛﻠﻚ ﻧﺘﻲ ﻏﻴﺮ ﺭﺗﺎﺣﻲ ..
( ﺑﺪﺍﺕ ﻛﺘﻮﻛﻠﻬﺎ )
ﺍﻳﻤﺎﻥ : ﻓﻮﻗﺎﺵ ﻏﺘﺤﻴﺪﻱ ﻫﺎﺩ ﻓﺎﺻﻤﺎﺕ ﻟﻲ ﻓﺮﺟﻠﻚ ﻭﻳﺪﻳﻚ
ﻫﻨﺎﺀ : ﻣﻌﺮﻓﺘﺶ ﻣﻦ ﻧﻬﻨﺎ ﺟﻮﺝ ﺳﻴﻤﺎﻧﺎﺕ ﻗﺎﻟﻲ ﻃﺒﻴﺐ ﻧﺮﺟﻊ ﺑﺎﺵ ﻳﺸﻮﻓﻬﻢ ﻟﻴﺎ
ﺍﻳﻤﺎﻥ : ﺍﻩ ﻭﺍﻟﻠﻪ ﻳﺸﺎﻓﻴﻚ ﻭﻳﻌﺎﻓﻴﻚ ...
ﺭﺷﻴﺪﺓ : ﺍﻳﻤﺎﻥ ﺩﻱ ﺧﺘﻚ ﻭﺳﻴﺮﻭ ﻟﺪﺍﺭ ﺍﻧﺎ ﻋﻨﺒﻘﻰ ﻟﻴﻮﻡ ﻣﻊ ﻫﻨﺎﺀ ﺣﺘﻰ ﻧﺨﺮﺟﻬﺎ ﺑﻠﻴﻞ ..
ﻫﻨﺎﺀ : ﻻ ﻟﻤﺎﻣﺎ ﺑﻼﺵ ﻏﻴﺮ ﺳﻴﺮﻱ ﺭﺗﺎﺣﻲ ﻓﺪﺍﺭ ﻭﺗﻐﺪﺍﻱ ﺍﺻﻼ ﻣﻜﻴﺨﻠﻴﻮﺵ ﺷﻲ ﺣﺪ ﻳﺒﻘﻰ ﺣﻴﺖ ﻛﻞ ﺷﻮﻳﺔ ﻛﻴﺠﻴﻮ ﻳﻄﻠﻮ ﻋﻠﻴﺎ ﻏﻴﺮ ﺳﻴﺮﻱ ﺣﺘﻰ ﻟﻴﻞ ﻭﺍﺟﻴﻮ ﻋﻨﺪﻱ ...
ﺭﺷﻴﺪﺓ : ﺍﻳﻼ ﻛﺎﻥ ﻫﻜﺎﻙ ﺻﺎﻓﻲ ﻓﻠﻌﺸﻴﺔ ﻧﺠﻴﻮ ﻋﻨﺪﻙ ﺑﺎﺵ ﻧﺨﺮﺟﻮﻙ ﻭﺗﻬﻼﻱ ﻓﺮﺍﺳﻚ ﻭﻣﺘﺒﻘﺎﻳﺶ ﺗﻔﻜﺮﻱ ﺑﺰﺍﻑ ﻋﻔﺎ ﺑﻨﺘﻲ ...
ﺑﺎﺳﺘﻬﺎ ﻭﺍﻳﺔ ﻭﺍﻳﻤﺎﻥ ﻋﻨﻘﻮﻫﺎ ﻭﺳﻠﻤﻮ ﻋﻠﻴﻬﺎ ﻭﺧﺮﺟﻮ ...
ﺍﻳﻤﺎﻥ : ( ﻏﺎﺩﻳﻦ ﻓﻜﻮﻟﻮﺍﺭ ) ﻣﺎﻣﺎ ﺧﻔﺖ ﻣﻦ ﻫﻀﺮﺕ ﻫﻨﺎﺀ ﻋﻨﺪﻙ ﺩﻳﺮﻫﺎ ﺑﺼﺢ
ﺭﺷﻴﺪﺓ : ﻏﻴﺮ ﻛﺘﻬﻀﺮ ﻭﺻﺎﻓﻲ ﺭﺍﻫﺎ ﺑﺎﻗﻲ ﻣﻌﺼﺒﺔ ﻣﻠﻲ ﺗﻬﺪﻥ ﻏﺘﺒﺪﻝ ﺭﻳﻬﺎ
ﺍﻳﺔ : ﺭﺍﻫﻮ ﻋﻤﻮ ﺳﻴﻒ ﺑﺎﻗﻲ ﺟﺎﻟﺲ ﻓﺎﻟﻜﻮﺭﺳﻲ ...
ﺭﺷﻴﺪﺓ : ﺍﻳﻴﻴﻪ ﺷﻮﻑ ﺣﺎﻟﺘﻮ ﻛﻲ ﻭﻻﺕ ﺑﺴﻬﻴﺮ ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ
ﻏﻴﺮ ﺷﺎﻓﻬﻢ ﻭﻫﻮ ﻳﻮﻗﻒ ﻭﺣﺎﻧﻲ ﺭﺍﺳﻮ ﻓﺎﻻﺭﺽ ...
ﺳﻴﻒ : ﺧﺎﻟﺘﻲ ﻛﻴﻒ ﺑﻘﺎﺕ ﻫﻨﺎﺀ
ﺭﺷﻴﺪﺓ : ﺩﺭﻳﻮﻳﺸﺎ ﺑﺎﻗﻲ ﻣﻘﺴﺤﺔ ﻭﻏﻴﺮ ﻛﺘﺒﻜﻲ ﻳﺤﺴﻦ ﻋﻮﺍﻧﻬﺎ،
ﺳﻴﻒ : ﺑﻐﻴﺖ ﻧﺪﺧﻞ ﻧﺸﻮﻓﻬﺎ ﻭﻻﻛﻦ ﻣﻜﺘﺒﻐﻴﺶ ﻭﻣﺒﻐﻴﺘﺶ ﻧﻌﺼﺒﻬﺎ ﻭﻫﻲ ﻣﺮﻳﻀﺔ
ﺍﻳﻤﺎﻥ : ﺳﻤﺤﻠﻴﺎ ﺍﺧﻮﻳﺎ ﺳﻴﻒ ﺣﺘﻰ ﻧﺘﺎ ﻣﺪﺭﺗﻲ ﻓﻴﻬﺎ ﻣﻴﺼﻼﺡ ﻭﺍﺵ ﻛﺎﻳﻦ ﺷﻲ ﺣﺪ ﺑﻌﻘﻠﻮ ﻛﻴﻀﺮﺏ ﻣﺮﺗﻮ ﻭﻋﺎﺩ ﺣﺎﻣﻠﺔ
ﺳﻴﻒ : ( ﺣﻨﺎ ﻋﻴﻨﻴﻪ ﺍﻻﺭﺽ )
ﺭﺷﻴﺪﺓ : ﺍﻳﻮﺍ ﺳﺎﻋﺔ ﺍﻟﻐﻀﺐ ﺭﺍﻩ ﻛﺘﻮﻗﻊ ﻭﻛﻮﻥ ﻣﻜﻨﺘﺶ ﻋﺎﺭﻓﺎﻙ ﺍﺳﻴﻒ ﻭﻋﺎﺭﻓﺔ ﺑﻠﻲ ﻛﺘﺒﻐﻲ ﻫﻨﺎﺀ ﻛﻨﺖ ﺗﺼﺮﻓﺖ ﻣﻌﺎﻙ ﺗﺼﺮﻑ ﺍﺧﺮ ﺭﺍﻙ ﻋﺎﺭﻑ ﻣﻌﺰﺗﻚ ﻋﻨﺪﻱ .
ﺳﻴﻒ : ﻋﺎﺭﻑ ﺭﺍﺳﻲ ﻏﻠﻄﺖ ﻓﺤﻘﻬﺎ . ﻭﻣﻌﺮﻓﺘﺶ ﻛﻴﻔﺎﺵ ﻧﺨﻠﻴﻬﺎ ﺗﺴﻤﺢ ﻟﻴﺎﺍﺍ
ﺭﺷﻴﺪﺓ : ﺍﻳﻮﺍ ﺍﺑﻨﻲ ﺍﻟﻠﻪ ﻳﺼﺎﻭﺏ ﻭﺻﺎﻓﻲ ﺩﺍﺑﺎ ﺻﺒﺮﻣﻌﺎﻫﺎ ﻫﺎﺩ ﺍﻻﻳﺎﻡ ﺣﻴﺖ ﻣﻌﺼﺒﺔ ﻭﻣﻠﻲ ﺗﻬﺪﻥ ﻳﻜﻮﻥ ﺧﻴﺮ ﺷﻮﻑ ﺍﻧﺎ ﻣﻐﺎﻧﺠﻴﺶ ﻧﺨﺮﺟﻬﺎ ﻣﻦ ﺳﺒﻴﻄﺎﺭ ﺑﻐﻴﺘﻚ ﻧﺘﺎ ﺗﺤﺎﻭﻝ ﺗﺼﻠﺢ ﺍﻻﻣﻮﺭ ﺑﻴﻨﺎﺗﻜﻢ ﻭﺧﻮﺩﻫﺎ ﻟﺠﻨﺐ ﺍﻟﺒﺤﺮ ﻓﺸﻲ ﺑﻼﺻﺔ ﻣﻬﺪﻧﺔ ﻭﺣﺎﻭﻟﻮ ﺗﻬﻀﺮﻭ ﺑﺎﻟﻌﻘﻞ ﻭﺻﺒﺮ ﻋﻠﻴﻬﺎ ﻭﺍﻭﻟﺪﻱ ﺭﺍﻩ ﻣﺎﺷﻲ ﺳﺎﻫﻞ ﻟﻲ ﻃﺮﺍﻟﻴﻬﺎ ...
ﺳﻴﻒ : ﺍﻟﻠﻪ ﻳﻜﺘﺮ ﺧﻴﺮﻙ ﺍﺧﺎﻟﺘﻲ ﺯﻳﺪﻭ ﻧﻮﺻﻠﻜﻢ
ﺭﺷﻴﺪﺓ : ﻻ ﻧﺘﺎ ﻏﻴﺮ ﺑﻘﻰ ﺟﻨﺐ ﻣﺮﺗﻚ ﻭﺍﻟﻠﻪ ﻳﺼﻠﺢ ﺍﻣﻮﺭﻛﻢ ...
ﻭﺩﻋﻮﻩ ﻭﻣﺸﺎﻭ ﻭﻫﻮ ﺟﺒﺪ ﻛﺎﺭﻭ ﻭﺟﻠﺲ ﻓﺎﻟﻜﻮﺭﺳﻲ ﻛﻴﻜﻤﻲ ﻭﻫﻤﻮ ﺍﻟﻮﺣﻴﺪ ﻛﻴﻔﺎﺵ ﻳﻘﺪﺭ ﻳﺒﻴﻦ ﺍﻟﺤﻘﻴﻘﺔ ﻟﻬﻨﺎﺀ ....
ﺑﻘﺎ ﺟﺎﻟﺲ ﻓﺎﻟﻜﻮﺭﺳﻲ ﻛﻴﻔﻜﺮ ﻓﺸﻲ ﻃﺮﻳﻘﺔ ﺗﺨﻠﻲ ﻫﻨﺎﺀ ﺗﻴﻘﻮ ﻭﺗﺴﺎﻣﺤﻮ ... # ﻳﺘﺒﻊ ...
ﻧﻬﺎﻳﺔ ﺍﻟﺤﻠﻘﺔ ﺍﻟﻮﺍﺣﺪﺓ ﻭﺍﻟﺘﻤﺎﻧﻮﻥ
