ﻋﻨﺪ ﻫﻨﺎﺀ ..
ﺍﻳﺔ : ﻭﺍﺍﺍﺍ ﻋﺘﻘﻴﻴﻴﻲ
ﻫﻨﺎﺀ : ( ﻣﺨﻠﻮﻋﺔ ) ﺑﺴﻢ ﺍﻟﻠﻪ ﺍﻟﺮﺣﻤﺎﻡ ﺍﺍﺭﺣﻴﻢ ﺩﺍﻳﺮﻳﻦ ﻟﻴﺎ ﻧﻮﺑﺔ ﺩﺍﺧﻠﻴﻦ ﺧﺎﺭﺟﻴﻦ ﺍﺵ ﻛﺎﺍﻳﻦ؟؟ !!
ﺍﻳﺔ : ﻧﺎﺍﺍﺭﻱ ﻋﻠﻰ ﺗﻴﺘﻴﺰ ﻭﺍﻗﻒ ﺣﺪﺍ ﺑﺎﺏ ﺍﻟﺪﺍﺭ ﻭﺍﺍﺍﺍ ﻫﻴﺎﺍﺍﺍ ﺍﻟﻤﻠﻚ ﻭﻫﻴﺎﺍﺍ ﻣﺤﻤﺪ ﺳﺎﺩﻳﺲ
ﻫﻨﺎﺀ : ﺷﻜﻮﻥ ﻫﺪﺍﺍﺍ
ﺍﻳﺔ : ( ﻛﺘﻠﻬﺖ ) ﻭﺍﺍﺍ ﻛﻴﺸﺒﻪ ﻟﻬﺪﻭﻙ ﺩﺍﻟﻤﺴﻠﺴﻼﺕ ﻭﻛﻴﺴﻮﻝ ﻋﻠﻴﻚ .
ﻫﻨﺎﺀ : ﻋﻠﻴﺎﺍﺍﺍ ﺍﻧﺎﺍﺍ !! ؟
ﺍﻳﺔ : ﻭﺍﺍﺍﻳﻴﻴﻪ ﻗﺎﻝ ﺳﻤﻴﺘﻮ ﻳﺎﺳﻴﻦ
ﻫﻨﺎﺀ : ( ﺗﻨﻔﺴﺎﺕ ) ﺍﻩ ﻳﺎﺳﻴﻦ ﻃﻴﺮﺍﻳﻨﻲ ﺧﻠﻌﺔ ﺍﻛﻤﺎﺭﺕ ﺍﻟﺴﻠﻮﻛﻴﺔ ﻓﻴﻦ ﻫﻮ
ﺍﻳﺔ : ﺭﺍﻩ ﻓﺰﻧﻘﺔ ﺷﺎﻓﻨﻲ ﺧﺮﺟﺖ ﻣﻦ ﺩﺍﺭ ﻭﺳﻮﻟﻨﻲ ﻋﻠﻴﻚ ﻛﻲ ﺑﻘﻴﺘﻲ ،ﻗﺎﻟﻴﻚ ﺑﻐﺎﺍ ﻳﺸﻮﻓﻚ
ﻫﻨﺎﺀ : ( ﻭﻗﻔﺎﺕ ) ﺍﻭﻱﻟﻲ ﻓﻴﻦ ﻏﻴﺸﻮﻓﻨﻲ
ﺍﻳﺔ : ﻭﺭﺍﻩ ﻛﺘﻬﻀﺮ ﻣﻌﺎﻩ ﻣﺎﻣﺎ ﻓﺎﻟﺒﺎﺏ ﻧﺰﻟﻲ ﻋﻨﺪﻭ ( ﻛﻄﻠﻊ ﻓﻴﻬﺎ ) ﻭﻗﺎﺩﻱ ﺣﺎﻟﺘﻚ ﺭﺍﻛﻲ ﻛﺘﺤﺸﻤﻴﻨﺎ ﻣﻪ ﺗﻮﺕ ﺍﻟﺒﺮﻱ ﺧﺨﺨﺦ ...
ﻫﻨﺎﺀ : ﺳﻴﺮﻱ ﺳﻴﺮﻱ ﻗﻮﻟﻴﻠﻴﻪ ﺍﻧﺎ ﻧﺎﺯﻟﺔ
ﺍﻳﺔ : ﻫﻮ ﻟﻮﻝ
ﻧﺎﺿﺖ ﺩﻏﻴﺎ ﻛﺘﻘﺎﺩ ﺣﺎﻟﺘﻬﺎ ﻭﺷﻌﺮﻫﺎ ﻭﺩﺍﺭﺕ ﺷﻮﻳﺔ ﻋﻜﺮ ﻛﻴﺒﺎﻥ ﻧﺎﺗﻮﻏﻴﻞ ﻭﺭﺷﺎﺕ ﺑﺎﺭﻓﺎﻧﻬﺎ ﻭﺑﺪﺍﺕ ﻧﺎﺯﻟﺔ ﻓﺪﺭﻭﺝ ﺑﺸﻮﻳﺔ ﺣﺘﻰ ﻭﺻﻼﺕ ﻟﺼﺎﻟﻮﻥ ﻟﻘﺎﺗﻮ ﺟﺎﻟﺲ ﻛﻴﻬﻀﺮ ﻣﻊ ﺭﺷﻴﺪﺓ ﻭﺍﻳﻤﺎﻥ ﻓﺎﺗﺤﺔ ﻓﻤﻬﺎ ﻓﻴﻪ ...
ﻳﺎﺳﻴﻦ : ( ﺷﺎﻓﻬﺎ ﻭﻫﻮ ﻳﻨﻮﺽ ) ﻫﻨﺎﺀ ﻛﻲ ﺑﻘﻴﺘﻲ
ﻫﻨﺎﺀ : ﺣﻤﺪ ﻟﻠﻪ ﺷﻮﻳﺔ
ﻳﺎﺳﻴﻦ : ﺳﻤﺤﻴﻠﻲ ﻧﺰﻟﺘﻚ ﻣﻦ ﺑﻴﺘﻚ ﻭﻻﻛﻦ ﻣﻘﺪﺭﺗﺶ ﻣﻨﺠﻴﺶ ﻧﻄﻤﻦ ﻋﻠﻴﻚ
ﻫﻨﺎﺀ : ﺍﺣﻢ ﻻ ﻫﺎﻧﻴﺔ ﻧﺘﺎ ﻟﻲ ﺷﻜﺮﺍﺍﺍ ﺣﻴﺖ ﻣﻬﺘﻢ ﺑﺼﺤﺘﻲ
ﺭﺷﻴﺪﺓ : ( ﻛﻄﻠﻊ ﻭﺗﻬﺒﻂ ﻓﻴﻪ ) ﻳﺴﻮﻝ ﻓﻴﻚ ﺍﻟﺨﻴﺮﺍﻭﻟﺪﻱ ﺍﺵ ﺗﺸﺮﺏ ﺑﻌﺪﺍ
ﻳﺎﺳﻴﻦ : ﻻ ﻣﺒﻐﻴﺖ ﻭﺍﻟﻮ ﺍﻧﺎ ﻏﻴﺮ ﺟﻴﺖ ﻧﺰﻭﺭ ﻫﻨﺎﺀﻭﻏﺎﺩﻱ ﻓﺤﺎﻟﻲ ...
ﺭﺷﻴﺪﺓ : ﻻﻭﺍﻩ ﺿﺮﻭﺭﻱ ﻣﺘﺸﺮﺏ ﺷﻲ ﺣﺎﺟﺔ ، ﺍﻳﻤﺎﻥ ﻧﻮﺿﻲ ﺍﺑﻨﺘﻲ ﻭﺟﺪﻱ ﺍﺗﺎﻱ ...
ﺍﻳﻤﺎﻥ : ( ﻧﺎﺿﺖ ﻛﺘﺒﺮﻛﻢ ) ﻣﺘﺨﻠﻴﻮ ﺣﺪ ﻳﺸﻮﻑ ﺍﻟﻌﺴﻴﻠﺔ ..
ﺭﺷﻴﺪﺓ : ﺷﻨﻮﻭﻭ
ﺍﻳﻤﺎﻥ : ﺍﺍﺀﺀ ﻗﺘﻠﻴﻚ ﻭﺍﺵ ﻧﺰﻟﻮ ﻟﻌﺴﻞ .. ﻟﻌﺴﻞ .. ( ﺑﺎﻟﺤﺲ ) ﺗﻔﻮﻭﻭ
ﻣﺸﺎﺓ ﻟﻜﻮﺯﻳﻨﺔ ﻭﺑﻘﺎﺕ ﻫﻨﺎﺀ ﺟﺎﻟﺴﺔ ﻣﻊ ﻳﺎﺳﻴﻦ ﻓﺼﺎﻟﻮﻥ
ﻳﺎﺳﻴﻦ : ﺑﺎﻗﻲ ﻛﻴﻀﺮﻭﻙ ﺭﺟﻠﻚ ﻭﻳﺪﻙ . ؟ !!
ﻫﻨﺎﺀ : ( ﻛﺘﺸﻮﻑ ﻓﻤﺎﻣﺎﻫﺎ ) ﺷﻮﻳﺔ ﺣﻤﺪ ﻟﻠﻪ ﺑﺪﻳﺖ ﻛﻨﺘﺸﺎﻓﺎ ﻣﻊ ﺍﻟﻮﻗﺖ .
ﻳﺎﺳﻴﻦ : ( ﻛﻴﺒﺘﺎﺳﻢ ) ﻫﺎﺩ ﺷﻲ ﻟﻲ ﺑﻐﻴﻨﺎ ...
ﺭﺷﻴﺪﺓ : ﺣﻤﺪ ﻟﻠﻪ ﻟﻲ ﺩﺍﺯﺕ ﻋﻠﻰ ﺧﻴﺮ ﻧﻬﺎﺭ ﺍﻟﺤﺎﺩﺗﺔ ﺭﺍﻩ 3 ﺑﻨﺒﺎﺕ ﻟﻲ ﻛﻨﻜﺴﺎﺏ ... ( ﺍﻳﻤﺎﻥ ﺟﺎﻳﺔ ﺑﺼﻴﻨﻴﺔ )
ﺭﺷﻴﺪﺓ : ( ﺩﺍﺭﺕ ﻋﻨﺪ ﻫﻨﺎﺀ ﻛﺘﻬﻀﺮ ﻓﻮﺩﻧﻴﻬﺎ ) ﻋﺎﻟﻠﻪ ﺍﺑﻨﻴﺘﻲ ﻳﻜﻮﻥ ﻣﻦ ﻧﺼﻴﺐ ﺍﻳﻤﺎﻥ ﺭﺍﻩ ﻛﻴﺒﺎﻥ ﻭﻟﺪ ﻧﺎﺍﺱ ( ﺷﺎﻓﺖ ﻓﻴﻬﺎ ﻫﻨﺎﺀ ﻣﺨﺮﺟﺔ ﻋﻴﻨﻴﻬﺎ ) .. ﺗﺄﺍﻳﻒ : ﻫﻨﺎﺀ ﻭﺳﺎﺭﺓ
ﻳﺎﺳﻴﻦ : ﺗﺒﺎﺭﻙ ﺍﻟﻠﻪ ﺭﺑﻲ ﻳﺨﻠﻴﻬﻤﻠﻚ ﺍﻟﺤﺎﺟﺔ
ﺭﺷﻴﺪﺓ : ( ﻛﺘﺸﻮﻑ ﻓﺎﻳﻤﺎﻥ ﻭﻛﺘﺒﺘﺎﺳﻢ ) ﻋﻨﺪﻱ ﻫﻨﺎﺀ ﻭﺍﻳﺔ ﻭﺍﻳﻤﺎﻥ ﻫﺎﻫﻲ ﺗﺒﺎﺭﻙ ﺍﻟﻠﻪ ﺣﺪﺍﻛﺔ ﻭﺗﺎﻭﻳﻞ ﻣﺘﻌﺠﺒﻚ ﻓﺎﻟﺒﻨﺎﺕ ﻏﺎ ﻫﻲ ﻭﻫﻲ ﻟﻲ ﻫﺎﺯﺓ ﺍﻟﺪﺍﺭ ( ﺍﻳﻤﺎﻥ ﻛﻨﺒﺘﺎﺳﻢ ﺣﺸﻤﺎﻧﺔ ) ﺍﻟﻠﻪ ﻳﺠﻴﺐ ﻟﻴﻬﺎ ﺷﻲ ﻭﻟﺪ ﻧﺎﺍﺱ ﺗﺎ ﻫﻲ ﻟﻲ ﻳﺴﺘﺎﻫﻠﻬﺎ ...
ﻧﻬﺎﻳﺔ ﺍﻟﺤﻠﻘﺔ ﺍﻟﺘﺎﻟﺘﺔ ﻭﺍﻟﺘﺴﻌﻮﻭﻥ
