ﻋﻨﺪ ﺳﺎﺭﺓ
ﺩﺧﻠﻨﺎ ﻭﻫﻮ ﻛﺎﻥ ﻏﺎﻃﺲ ﺭﺍﺳﻮ ﺑﻴﻦ ﻳﺪﻳﻪ .. ﺷﺎﻓﺘﻮ ﺩﻳﻚ ﺍﻟﺴﻴﺪﺓ ﻭﻫﻲ ﺗﺸﻮﻑ ﻋﻨﺪﻱ .. ﻭﻣﻴﺖ ﻟﻴﻬﺎ ﺗﺰﻳﺪ ... ﻃﻠﻊ ﻣﻌﺎﻧﺎ ﻋﻴﻨﻮ ﻟﻲ ﻭﻻﻭ ﻋﻴﺎﻧﻴﻦ
ﺭﻳﺎﺽ : ﺷﻜﻮﻥ ﻫﺎﺩﻱ .. ﺗﺄﻟﻴﻒ : ﻫﻨﺎﺀ ﻭﺳﺎﺭﺓ
ﺳﺎﺭﺓ : ﻫﺎﺩﻱ ﺭﺍﻫﺎ ﻣﻮﻻﺕ ﺍﻟﺠﻤﻌﻴﺔ ﻟﻲ ﻛﺎﻧﺖ ﻓﻴﻬﺎ ﻣﺎﻣﺎﻙ ... ﻭﺩﺍﺑﺎ ﻏﺎﺗﻴﻘﻨﻲ !
ﺭﻳﺎﺽ : ﻻ ﻫﺎﺍﺍﺩﺷﻲ ﻣﻴﻤﻜﻨﺶ ﻻ
ﺍﻟﺴﻴﺪﺓ : ( ﻛﻠﺴﺎﺕ ﻭ ﺷﺪﺍﺕ ﻋﻠﻰ ﻳﺪﻭ ﻧﺘﺮﻫﺎ ﻣﻨﻬﺎ ﻭ ﻧﺎﺽ )
ﺭﻳﺎﺽ : ﺧﺮﺟﻲ ﻣﻦ ﺩﺍﺍﺍﺍﺍﺭﻱ ﺩﻏﻴﺎ
ﺳﺎﺭﺓ : ﺭﻳﺎﺽ ﺗﻬﺪﻥ
ﺍﻟﺴﻴﺪﺓ : ﻭﺍﺧﺎ ﺍﻭﻟﺪﻱ ﻫﻨﺎ ﺧﺎﺭﺟﺔ ﻭﻻﻛﻦ ﺑﺎﺵ ﻣﻴﺒﻘﺎﺵ ﺗﻘﻠﻴﺪ ﻋﻠﻴﺎ ... ﻣﺎﻣﺎﻙ ﺭﺍﻫﺎ ﻣﺎﺗﺖ ﺍﻭﻟﺪﻱ .. ﻭﻳﻼ ﻣﺘﻴﻘﺘﻨﻴﺶ ﻫﺎ ﺍﻟﻮﺛﺎﺋﻖ .. ﺷﻬﺎﺩﺓ ﺍﻟﻮﻓﺎﺓ .. ﺍﻭﺭﺍﻕ ﺍﻟﺪﻭﺍ ﻟﻲ ﻛﺎﻧﺖ ﻛﺘﻌﺎﻃﻰ ﻟﻴﻪ ﺷﻴﻤﻴﻮ ﻭ ﻛﻠﺸﻲ ... ( ﻫﺰﺍﺕ ﺻﻮﺭﺓ ) ﻭﻫﺎﺩ ﺻﻮﺭﺓ .. ﻫﻲ ﻟﻲ ﻛﺘﺒﻴﻦ ﻛﻠﺸﻲ ... ( ﺗﻠﻔﺖ ﻛﻴﺸﻮﻑ ) ﻫﺎﺩﻱ ﺍﻧﺎ ﻭﻫﺎﺩﻭ ﺍﻟﻤﺮﺿﻰ ﻭ ﻛﻴﻒ ﻛﺘﺸﻮﻑ ﻫﻨﺎ ﻣﺎﻣﺎﻙ ﻛﺎﻧﺖ ﺑﻼ ﺷﻌﺮ ﻭﺣﺎﻟﺘﻬﺎ ﺭﺍﻫﺎ ﺑﺎﻳﻨﺎ
ﻳﺪﻭ ﺑﺪﺍﺕ ﺗﺘﺮﻋﺪ ﻭ ﺷﺪ ﻓﺎﻟﺼﺼﻮﺭﺓ ﻛﻴﻴﺤﻘﻖ ﺣﺴﻴﺘﻮﻭﻭ ﺗﺰﺯﻳﺮﺭ ﻛﻴﺸﻮﻑ ﻓﻴﻬﺎ ﻭﻳﻌﺎﻭﺩ ﻭﻫﺒﻄﻮ ﺩﻣﻮﻋﻮ ﺍﻧﺎ ﻗﺮﺑﺖ ﻟﻴﻪ ﻭ ﻻﻛﻦ ﺷﺪﺍﺗﻨﻲ ﺩﻳﻚ ﺍﻟﻤﺮﺍ ﻗﺎﺗﻠﻲ ﺧﻠﻴﻪ ..
ﺭﻳﺎﺽ : ﻭﻭ ﻭﻻﻛﻦ .. ﻭﻻﻛﻦ ﻋﻼﺵ .. ﻋﻼﺵ ﺩﺍﺭﺕ ﻫﻜﺎ .. ﻃﻮﻝ ﻫﺎﺩ ﺳﻨﻴﻦ ﻭﻧﺎ ﻛﻨﻀﻨﻬﺎ ﻫﺮﺑﺎﺕ .. ﻉ ﻋﻼﺵ
ﻛﻠﺲ ﻭ ﺑﻘﺎ ﻛﻴﺸﻮﻑ ﻓﻤﻨﺤﻰ ﻭﺍﺣﺪ ﻭﺩﺍﺗﻮ ﺩﺍﻛﺮﺗﻮ ﻟﻠﻤﺎﺿﻲ ﻭ ﻛﻴﻔﺎﺵ ﻛﺎﻥ ﻛﻴﻌﺎﻭﺩ ﻋﻠﻴﻬﺎ ﺑﺎﺑﺎﻩ ...
ﻛﻠﺴﺖ ﺍﻧﺎ ﻭ ﺍﻟﺴﻴﺪﺓ ﻭ ﻋﺎﻭﺩﻧﺎ ﻟﻴﻪ ﻛﻠﺸﻲ ﻭ ﻛﻴﻔﺎﺵ ﻋﺮﻓﺖ ﻣﻦ A ﻝ Z ﻫﻮ ﻏﻲ ﺗﻴﺴﻤﻊ ﻣﺪﺍﺭ ﺗﺎﺣﺮﻛﺔ ﻭﻻﻛﻦ ﻛﻨﺤﺲ ﻟﺪﺍﻫﻞ ﺩﻳﺎﻟﻮ ﻛﻴﺘﺒﺪﻝ ﻣﻊ ﻛﻞ ﻛﻠﻤﺔ ﻣﻨﺎ ﺍﻣﺎ ﺑﺮﺍ ﺳﺎﺍﺍﺍﺍﺍﺍﻛﻦ ..... ﻣﻦ ﻏﻴﺮ ﺍﻥ ﻋﻴﻨﻴﻪ ﺣﻮﻭﻭﻭﻭﻣﺮ .. ﺗﻠﻔﺖ ﻟﺒﺎﺏ ﺑﺎﻧﺘﻠﻲ ﺳﺎﻣﻴﺔ ﻭ ﺟﺎﺩ ﺟﺎﻳﻦ .. ﻧﻮﺿﺖ ﻣﺸﻴﺖ ﺑﺰﺭﺑﺔ ﻟﺠﻴﻬﺔ ﺟﺎﺩ ﺑﺎﺵ ﻣﻴﺸﻮﻓﺶ ﺑﺎﺑﺎﻩ
ﻓﻬﺎﺩ ﺍﻟﺤﺎﻟﺔ ..
ﻣﺸﻴﺖ ﻋﻨﺪﻭ ﻭ ﻃﻠﻌﺘﻮ ﻟﻔﻮﻕ ﻭ ﺗﺒﻌﺎﺗﻨﺎ ﺳﺎﻣﻴﺔ ...
ﺳﺎﺭﺓ : ﺟﺎﺍﺍﺩ .. ﺍﺵ ﺑﺎﻧﻠﻚ ﺗﺒﺪﻝ ﺣﻮﺍﻳﺠﻚ ﻭ ﻧﻤﺸﻴﻮ ﺍﻧﺎ ﻭﻳﺎﻙ ﻭ ﺑﺎﺑﺎﻙ ﻓﻨﺰﻫﺔ ﻫﺎ !
ﺟﺎﺩ : ( ﻛﻴﺸﻮﻑ ﻟﺠﺒﻬﺘﻲ ) ﺍﺍﺍﺍﻱ ﻣﺎﻣﺎ ﺳﺎﺭﺓ ﻋﻨﺪﻙ ﺩﻡ
ﺳﺎﺭﺓ : ﻣﺎﺷﻲ ﻣﺸﻜﻞ ﻏﻲ ﺟﺮﻳﺤﺔ ﺻﻐﻴﺮﺓ ﺩﺍﺑﺎ ﺗﻤﺸﻲ ... ﺷﻨﻮ ﻧﻤﺸﻴﻮ !
ﺟﺎﺩ : ﺍﺍﺍﺍﻩ ﻧﻤﺸﻴﻴﻴﻮ .. ﺑﻐﻴﺖ ﻧﻤﺸﻲ ﺑﺎﺍﺍﺍﺭﻛﻲ
ﺳﺎﺭﺓ : ﺻﺎﺍﻓﻲ ﺍﺣﺒﻴﺒﻲ .. ﺍﻟﻰ ﻟﺒﺴﺘﻲ ﺑﻮﻭﻭﺣﺪﻙ ﻧﻴﺸﺎﻥ ﻏﺎﻧﺪﻳﻴﻮﻙ ... ( ﺑﺴﺘﻮ ﻭ ﺧﺮﺟﺖ ﺗﺒﻌﺎﺗﻨﻲ ﺳﺎﻣﻴﺔ )
