ﻋﻨﺪ ﻫﻨﺎﺀ ... ﻋﻨﺪ ﻫﻨﺎﺀ ...
ﺩﺧﻞ ﻋﻠﻴﻬﺎ ﺍﻟﺪﻛﺘﻮﺭ ﺍﻟﻤﺸﺮﻑ ﻋﻠﻰ ﺣﺎﻟﺘﻬﺎ ﺷﺎﺩ ﻓﻴﺪﻭ ﺷﻲ ﻭﺭﺍﻕ، ﻟﻘﺎﻫﺎ ﻛﺘﻄﻔﻲ ﺗﻴﻠﻴﻔﻮﻥ ﻳﺎﻻﻩ ﻏﺎﺗﺤﻄﻮ
ﺩﻛﺘﻮﺭ : ﺑﻮﻥ ﺻﻮﺍﻍ .. ﻛﻴﻒ ﺑﻘﺎﺍﺍﺕ ﻣﺮﻳﻀﺘﻨﺎ ﺻﺎﻓﺎ
ﻫﻨﺎﺀ : ( ﻋﻼﺕ ﻓﻴﻪ ﻋﻴﻨﻴﻬﺎ ﻛﺘﺤﺎﻭﻝ ﺗﺒﺘﺎﺳﻢ ) ﺣﻤﺪ ﻟﻠﻪ
ﺩﻛﺘﻮﺭ : ﻛﺘﺒﺎﻧﻴﻠﻲ ﺗﺤﺴﻨﺘﻲ ﻭﺣﺘﻰ ﺩﻛﺘﻮﺭﺓ ﻧﺴﺎﺋﻴﺔ ﻃﻤﻨﺎﺗﻨﻲ ﻋﻠﻰ ﺣﺎﻟﺘﻚ .. ( ﻛﻴﺸﻮﻑ ﻓﺘﺤﺎﻟﻴﻞ ) ﺗﺄﻟﻴﻒ : ﻫﻨﺎﺀﻭﺳﺎﺭﺓ
ﻣﻤﻤﻢ ﻋﻨﺪﻙ ﺷﻮﻳﺔ ﺩﻳﺎﻝ ﺍﻧﻴﻤﻴﺎ ﻃﺒﻴﻌﻲ ﻣﻊ ﺍﻟﻨﺰﻳﻒ ﻟﻲ ﻭﻗﻌﻠﻚ ... ﺗﺄﺍﻳﻒ : ﻩﻧﺎﺀ ﻭﺳﺎﺭﺓ
( ﺑﺪﺍ ﻛﻴﻜﺘﺐ ﻓﺸﻲ ﻭﺭﻗﺔ ) ﻋﻨﻜﺘﺐ ﻟﻴﻚ ﺷﻲ ﻓﻴﻄﺎﻣﻴﻨﺎﺕ ﻭﺣﺪﻳﺪ ﺑﺎﺵ ﺗﺮﺟﻌﻠﻴﻚ ﻗﻮﺗﻚ ﻭﻧﺸﺎﻃﻚ ﻭﺍﻛﻴﺪ ﺣﺘﻰ ﺩﻛﺘﻮﺭﺓ ﻧﺴﺎﺋﻴﺔ ﻋﻄﺎﺗﻚ ﺍﻟﺪﻭﺍﺀ ..
ﻫﻨﺎﺀ : ﺍﻩ ﻋﺎﺩ ﻛﺎﻧﺖ ﻋﻨﺪﻱ ﻗﺒﻴﻠﺔ ...
ﺩﻛﺘﻮﺭ : ﺍﻭﻛﻲ ﻭﺑﻨﺴﻴﺔ ﻟﻴﺪﻙ ﻭﺭﺟﻠﻚ ﻛﻴﻤﺎ ﻗﺘﻠﻴﻚ ﻣﻨﻬﻨﺎ 2 ﺳﻴﻤﺎﻧﺎﺕ ﺭﺟﻌﻲ ﺑﺎﺵ ﻧﺸﻮﻓﻠﻴﻚ ﺍﻟﺮﺍﺩﻳﻮ ﺍﻭﻛﻲ .. ﻭﺍﺵ ﻣﺠﺎﻭ ﻋﺎﺋﻠﺘﻚ ﺑﺎﺵ ﻳﺨﺮﺟﻮﻙ
ﻫﻨﺎﺀ : ﺍﻩ ﻋﺎﺩ ﺟﺎﻳﺎ ﻣﺎﻣﺎ ﻭﻻﻛﻦ ﻣﻌﺮﻓﺘﺶ ﻋﻼﺵ ﺗﻌﻄﻼﺕ ...
ﺩﻛﺘﻮﺭ : ( ﻛﻴﺤﻴﺪ ﻟﻴﻬﺎ ﺳﻴﺮﻭﻡ ) ﻣﺰﻳﺎﻥ ﺍﻟﻠﻪ ﻳﺰﻳﺪ ﻓﺮﺍﺣﺘﻚ ﻭﺗﻬﻼﻱ ﻓﺮﺍﺳﻚ ﻭﻃﺒﻘﻲ ﺗﻌﻠﻴﻤﺎﺕ ﺑﺎﺵ ﺗﺒﺮﺍﻱ ﺩﻏﻴﺎ ( ﺍﺑﺘﺎﺳﻢ ) ..
ﻫﻨﺎﺀ : ﺷﻜﺮﺍ ﺩﻛﺘﻮﺭ ...
ﻭﺩﻋﻬﺎ ﻭﺧﺮﺝ ﻭﻫﻲ ﻛﺘﺸﻮﻑ ﻓﺴﺎﻋﺔ ...
ﻫﻨﺎﺀ : ﺍﻭﻭﻑ ﻓﻴﻦ ﺑﻘﺎﺍﺕ ﻣﺎﻣﺎ ...
ﻣﺸﺎﺕ ﻟﺠﻬﺖ ﺍﻟﻤﺎﺭﻳﻮ ﻛﺘﻌﺮﺝ ﺑﺮﺟﻠﻬﺎ ﻭﺟﺒﺪﺍﺕ ﺟﻼﺑﺘﻬﺎ ﻭﺑﺪﺍﺕ ﻛﺘﻠﺒﺴﻬﺎ ﻭﻫﻮ ﻳﺘﻔﺘﺢ ﻟﺒﺎﺏ ﻃﻠﻌﺎﺕ ﻋﻴﻨﻴﻬﺎ ﺟﻬﺘﻮ ﻛﺘﻠﻘﺎﻩ ﻭﺍﻗﻒ ﺑﻨﻔﺲ ﺍﻟﻌﻴﻮﻥ ﻟﻲ ﻛﻴﺒﺎﻥ ﻓﻴﻬﺎ ﺿﻤﺎﺭ ﻭﺣﺰﻥ ...
ﻫﻨﺎﺀ : ﺍﻭﻭﻭﻑ ﺍﺵ ﺟﺎﺍﻱ ﺩﻳﺮ ﻫﻨﺎﺍﺍ ﻋﺎﻭﺗﺎﺍﺍﻧﻲ ﻭﺍﺵ ﺑﺎﻏﻲ ﺗﺼﻄﻴﻨﻲ ﺍﻟﻒ ﻣﺮﺓ ﻗﺘﻠﻴﻚ ﻣﺘﺒﻘﺎﺍﺵ ﺗﺒﺎﺍﻥ ﺣﺪﺍﺍﻳﺎ ...
ﺳﻴﻒ : ( ﻗﺮﺏ ﻣﻨﻬﺎ ﺑﻐﺎﻳﻌﺎﻭﻧﻬﺎ ﺑﺎﺵ ﺗﻠﺒﺲ ) ﻫﻨﺎﺀ ﻋﻔﺎﺍﻙ ﻣﺎﺷﻲ ﻭﻗﺖ ﻫﺎﺩ ﺍﻟﻬﻀﺮﺓ ﺧﻠﻴﻨﻲ ﻧﻌﺎﻭﻧﻚ ﺗﻠﺒﺴﻲ ...
ﻫﻨﺎﺀ : ( ﻧﺘﺮﺍﺕ ﻣﻨﻮ ) ﺑﻌﺎﺍﺍﺍﺩ ﻣﻨﻲ ﻣﺘﻘﺮﺑﺶ ﻟﻴﺎﺍﺍﺍﺍ
ﺳﻴﻒ : ﺻﺎﺍﺍﻓﻲ ﻣﻐﻨﻘﺮﺑﺶ ﻏﻴﺮ ﺗﻬﺪﻧﻲ ﺟﻴﺖ ﺑﺎﺵ ﻧﺨﺮﺟﻚ ﻣﻦ ﻧﻬﻨﺎ ﻭﻧﺪﻳﻚ ﻟﺪﺍﺭﻧﺎ
ﻫﻨﺎﺀ : ﺗﺎ ﺣﺪ ﻣﻜﻠﻒ ﻋﻠﻴﻚ ﻏﻴﺮ ﺭﺟﻊ ﻣﻨﻴﻦ ﺟﻴﺘﻲ ﺩﺍﺑﺎ ﻭﻫﻲ ﺟﺎﺕ ﻣﺎﻣﺎ ﺗﺪﻳﻨﻲ ﺣﻴﺖ ﻏﺎﺩﺓ ﻣﻌﺎﻫﺎ ﻟﺪﺍﺭ ﻭﺩﺍﺭﻙ ﻋﻤﺮﻧﻲ ﻣﻨﻌﺘﺒﻬﺎ ﺳﻤﻌﺘﺘﻲ
ﺳﻴﻒ : ﻣﺎﻣﺎﻙ ﻣﺠﺎﻳﺎﺵ
ﻫﻨﺎﺀ : ﺷﻨﻮﻭﻭﻭ
ﺳﻴﻒ : ﻛﻴﻒ ﺳﻤﻌﺘﻲ ﺍﻧﺎ ﻟﻲ ﺟﻴﺖ ﻧﺪﻳﻚ ...
ﻫﻨﺎﺀ؛ﻭﺍﺵ ﻛﺘﺴﻄﻰ ﻋﻠﻴﺎ ﻭﻻ ﻣﺎﻟﻚ
ﺳﻴﻒ : ﻛﻴﻔﻤﺎ ﺳﻤﻌﺘﻲ ﺧﺎﻟﺘﻲ ﺭﺷﻴﺪﺓ ﻣﺎﺟﺎﻳﺎﺵ ﻫﻲ ﺑﻐﺎﺗﻨﺎ ﻧﻬﻀﺮﻭ ﻭﻧﺤﻠﻮ ﻣﺸﺎﻛﻴﻠﻨﺎ ﺑﺠﻮﺝ .
ﻫﻨﺎﺀ : ( ﺗﻌﺼﺒﺎﺕ ) ﻫﻜﺎﺍﻙ ﺍﻣﺎﻣﺎ ﺩﻳﺮﻱ ﻓﻴﺎﺍﺍ ﻫﺪ ﺷﻲ ﻧﺪﻣﺖ ﻧﺪﻣﺖ ﻟﻲ ﻣﻘﺘﻠﻬﻤﺶ ﺍﻟﺤﻘﻴﻘﺔ ﻭﺑﻠﻲ ﻧﺘﺎ ﺧﺎﺍﺍﺋﻦ ﻭﻣﻜﺘﺴﻮﺍﺍﺍﺵ
ﺳﻴﻒ : ﺷﻮﻓﻲ ﺍﻫﻨﺎﺀ ﻋﻔﺎﺍﻙ ﻏﻴﺮ ﺳﻤﻌﻴﻨﻲ ﻭﻋﺘﻌﺮﻓﻲ ﻛﻮﻟﺸﻲ ﺍﻧﺎ ﻣﺪﺭﺕ ﻭﺍﺍﻟﻮ ﻫﻲ ﻟﻲ ﺟﺎﺕ ﻋﻨﺪﻱ ﺩﻙ ﻧﻬﺎﺭ ﻭﻛﺎﻥ ...
ﻫﻨﺎﺀ : ( ﻗﺎﻃﻌﺎﺗﻮ ) ﻛﺎﺍﻥ ﺳﺤﺎﺑﻠﻴﻚ ﻣﻐﻨﺠﻴﺶ ﻭﻧﺸﻮﻓﻜﻢ ﻳﺎ ﻏﺪﺍﺍﺭﺓ
ﺳﻴﻒ : ﻻﻣﺎﺷﻲ ﻫﻜﺎﺍﺍﻙ ﺍﻗﺴﻢ ﺑﺮﺏ ﺍﻟﻜﻌﺒﺔ ﻣﺎ ﺧﻨﺘﻚ ﺍﻧﺎ ﻛﺎﻥ ﻳﺤﺴﺎﺑﻠﻲ ﻧﺘﻲ ﻟﻲ ﺟﻴﺘﻲ ﻋﻨﺪﻱ ﻣﺎﺷﻲ ﻫﻲ ... ﺑﻘﻠﻢ : ﻫﻨﺎﺀﻭﺳﺎﺭﺓ
ﻫﻨﺎﺀ : ﺳﻜﺎﺍﺍﺍﺕ .... ﺳﻜﺖ ﺍﻟﻐﺪﺍﺭ ﻣﺘﻌﺎﺍﻭﺩ ﺗﻜﺪﺏ ﻭﺗﺒﺮﺭ ﺧﻴﺎﺍﻧﺘﻚ ﺻﺎﻓﻲ ﺍﻧﺎ ﻣﺒﻘﻴﺘﺶ ﺣﺎﺍﻣﻠﺔ ﻧﺸﻮﻭﻓﻚ ﻭﻻ ﻧﺴﻤﻌﻚ ﺧﺎﺻﻚ ﺗﻔﻬﻢ ﻟﻲ ﺑﻴﻨﺎﺗﻨﺎ ﺳﺎﺍﺍﻻ ﻭﻏﻴﺮ ﺳﻴﺮ ﻓﺤﺎﺍﻟﻚ ﺍﻧﺎ ﻣﻐﺎﺩﺍﺵ ﻣﻌﺎﻙ ﻭﺧﺎ ﺗﺤﻠﻢ ...
ﻫﺰﺍﺕ ﺻﺎﻛﻬﺎ ﻭﺧﺸﺎﺕ ﻓﻴﻪ ﻭﺭﺍﻗﻬﺎ ﻭﺑﺪﺍﺕ ﻏﺎﺩﺓ ﻭﻫﻲ ﻛﺘﻌﺮﺝ ﻭﻛﺘﺄﻟﻢ ﻭﻻﻛﻦ ﻛﻨﺘﺤﺎﻭﻝ ﻣﺘﺒﻴﻨﺶ ﺿﻌﻔﻬﺎ ﻗﺪﺍﻣﻮ ..
ﺳﻴﻒ : ﻫﻨﺎﺀ ﺍﺵ ﻛﺪﻳﺮﻱ ﻧﺘﻲ ﺑﺎﻗﻲ ﻣﺮﻳﻀﺔ ﺧﻠﻴﻨﻲ ﺑﻌﺪﺍ ﻏﻴﺮ ﻧﺠﻴﺒﻠﻴﻚ ﺍﻟﻜﻮﺭﺳﻲ ﺍﻟﻤﺘﺤﺮﻙ ﺑﺎﺵ ﻳﻌﺎﻭﻧﻚ ﺗﻤﺸﻲ ...
ﻫﻨﺎﺀ : ( ﻭﻗﻔﺎﺕ ﺑﻨﻔﺎﺩ ﺍﻟﺼﺒﺮ ) ﺍﻭﻛﻲ ﺳﻴﺮ ﺟﻴﺒﻮ ...
ﻏﻴﺮ ﺳﻤﻌﻬﺎ ﻓﺮﺡ ﻭﻣﺸﺎ ﺩﻏﻴﺎ ﻛﻴﻘﻠﺐ ﻋﻠﻰ ﻛﻮﺭﺳﻲ ﻭﻫﻲ ﻏﻴﺮ ﺷﺎﻓﺘﻮ ﻏﺒﺮ ﺳﺘﻐﻼﺕ ﺍﻟﻔﺮﺻﺔ ﺑﺎﺵ ﺗﻬﺮﺏ ﻭ ﺑﺪﺍﺕ ﻛﺘﺰﺭﺏ ﻓﺎﻟﺨﻄﻮﺍﺕ ﺩﻳﺎﻟﻬﺎ ﻭﻏﺎﺩﺓ ﺑﺘﺠﺎﻩ ﻻﺳﻮﻧﺴﻮﻍ ﻣﻮﺻﻼﺕ ﻟﻴﻪ ﺣﺘﻰ ﺳﺨﻔﺎﺕ ﻭﻛﺘﺤﺲ ﺑﺮﺟﻠﻴﻬﺎ ﻛﻀﺮﻫﺎ ....
ﻧﺰﻻﺕ ﻟﻄﺒﻘﺔ ﺍﻻﻭﻟﻰ ﻭﺧﺮﺟﺎﺕ ﻣﻦ ﻻﺳﻮﻧﺴﻮﻍ ﻛﺘﺤﺎﻭﻝ ﻣﺎ ﺍﻣﻜﻦ ﺗﺰﺭﺏ ﺑﺎﺵ ﻣﻴﻠﺤﻘﺶ ﻋﻠﻴﻬﺎ ﺷﻮﻳﺔ ﻭﻫﻲ ﺗﺴﻤﻊ ﺻﻮﺕ ﻛﻴﻨﺎﺩﻱ ﻋﻠﻴﻬﺎ ﺿﺎﺭﺕ ﺩﻏﻴﺎ ﻛﺘﻠﻘﺎ ﻳﺎﺳﻴﻦ ﻭﺍﻗﻒ ﻣﺴﺘﻌﺠﺐ ﻣﻨﻬﺎ ﻭﻫﻲ ﻏﺎﺩﺓ ﻛﺘﻌﺮﺝ ﻭﻣﻤﻌﺎﻫﺎ ﺣﺪ ﻭ ﺟﺎ ﺩﻏﻴﺎ ...
ﻳﺎﺳﻴﻦ : ﻫﻨﺎﺍﺀ ﺍﺵ ﻛﺪﻳﺮﻱ ﻭﻋﻼﺵ ﻣﻜﻴﻌﺎﻭﻧﻚ ﺣﺘﻰ ﺣﺪ ﻭﻧﺘﻲ ﺑﺎﻗﻲ ﻣﺮﻳﻀﺔ ...
ﻫﻨﺎﺀ : ﺧﻠﻴﻨﻲ ﻧﻤﺸﻲ ﺩﻏﻴﺎ ﺍﻧﺎ ﻣﺰﺭﻭﺑﺔ ..
ﻳﺎﺳﻴﻦ : ( ﺑﻐﺎﺕ ﺗﻤﺸﻲ ﻭﻫﻮ ﻳﺸﺪﻫﺎ ) ﻓﻬﻤﻴﻨﻲ ﺍﺵ ﻭﺍﻗﻊ
ﺧﻠﻴﻨﻲ ﻋﻠﻰ ﺍﻻﻗﻞ ﻧﻌﺎﻭﻧﻚ ...
ﻫﻨﺎﺀ : ﺍﻟﻰ ﺑﻐﻴﺘﻲ ﺗﻌﺎﻭﻧﻲ ﺧﺎﺭﺟﻨﻲ ﻣﻨﻬﻨﺎ ﺩﻏﻴﺎﺍﺍ ( ﺩﺍﺭﺕ ﻛﺘﺸﻮﻑ ﻭﺭﺍﻫﺎ ) ...
