سأظل لك (قلبي لك ج2) للكاتبه أميرة صلاح

الفصل الثالث

قلوب مجروحة ....وعيون لا تنام ....أحلام تحولت إلي كوابيس ....من السبب من الملام. ....من الجلاد. ...ومن المتهم ....
رن هاتفها فالتقطته لتري اسم صديقتها الوحيدة ينير الشاشة وقلبها قبله ..فتحت الخط بلهفة ليأتيها الصوت الذي طالما اشتاقت إليه وودت لو سمعته من زمن ...
: وحشتيني أوي ...!!!
: هههههههههه. لا أنتي لا....
: عشان أنتي جزمة مثلا. هههههههههه
: أو أنتي اللي علي بالي علطول ...،،!
: وحشتيني أوي يا صافي ....
صافي: وأنتي كمان والله يا إبان وحشتيني أوي ..
إبان : قوليلي أخبار شهر العسل إيه ...هههههه ..!
صافي: كان حلو حتى أبقي اسألي شهد ..
إبان : شهد كانت معاكم ....يا حرام ..
!!
صافي: أيوة قولي يا حرام للصبح ..هههههههههه
المهم أنتي أخبارك إيه ...؟؟!
تنهدت إبان بحزن لتقول بصوت مختنق : محتاجاكي جنبي يا صافي....!!
صافي: بصي ...محمود هيرجع الشغل بكرة ونتقابل ..ماشي ....؟!!
إبان: ماشي ....اتفقنا ....
أغلقت إبان المكالمة مع صديقتها بعدما اتفقتا علي المكان والزمان .....
######
جالس علي مكتبه يعمل فمنذ أن تركته وهو لا يفعل شيئا غير العمل والعمل فقط .....
دخلت سكرتيرته دينا لتخبره بوجود شخصا يريد مقابلته دون أن يذكر اسمه ......فسمح لها بأن تدخله وترك عمله منتظرا دخول ذاك الشخص المجهول .....
دخل الشخص ليقف إياس مذهولا للحظة لا يصدق ما رآه
إياس بصدمة: شريف ...!!!!!!!
شريف : هههههههه... إيه يا بني مالك اتصدمت كده ليه .؟!
نفض إياس ملامح الصدمة والتعجب عن وجهه : أصلها مفاجأة مش متوقعة الصراحة ....!!!
شريف: أمشي يعني ...ولا إيه ..؟!
إياس : لا مش قصدي طبعا ده المكتب نور ..اقعد ...!
شريف: شكرا يا سيدى .. وقهوة مظبوطة بقا ....؛!!!
إياس :حاضر. ...وطلب له القهوة ...
شريف : بص هأدخل في الموضوع علطول ....
أومأ بصمت ليحث الأخر علي التكملة .....
دخل الساعي ليضع القهوة وانصرف بعدها ...
أكمل شريف: بص يا سيدي احنا عاملين حفلة كده ع الضيق بنحتفل فيها بعيد ميلاد لينا وعازمينك بقا ..
إياس : طب أنا قبل الحفلة ولا بعدها ....
ضحك شريف بقوة : هههههههه طول عمرك لماح يابن المنصور ،....!
إياس : لو مكنتش كده مكنتش هأبقي ابن المنصور ولا إيه؟.
شريف: المهم هستناك ...براحتك بقا تيجي بعدها أو قبلها هستناك ....سلام. ....
تركه غارقا مع تفكيره ....إذا لقد انتشر الخبر ....
####
في أحد المطاعم الراقية...
جلس مراد علي كرسي أمام طاولة وبمقابله جلست سمر
مراد: ها يا سمر إيه الموضوع المهم بقا اللي عايزاني فيه ضروري ....؟؟!!
سمر: مش أنت كنت كلمتني قبل كده علي إننا نكتب الكتاب...!!!
-أيوة ده حصل وأنتي قولتيلي نستني شوية..!!
سمر: طب إيه رأيك بقا إننا نعمله دلوقتي....!!
مراد: دلوقتي... اللي هو ازاي يعني.... ؟؟!
-قصدي يعني اليومين دول...!!
مراد بتعجب: دلوقتي ازاي.... إياس لسه فاسخ خطوبته من كام يوم وحالته النفسية مش كويسة أروح أنا وأعمل كتب كتاب .....!
سمر بغضب: وأنا مالي بإياس يعني هو أول واحد يفسخ خطوبته .....!!؟؟
مراد: لا مش أول واحد بس ده أخويا الكبير...
قامت سمر وهي تقول بغضب: طب يا مراد ...بما إنك بقا بتخاف علي أخوك وبتحبه أكتر مني.. فخليه بقا يخطبلك واحدة غيري.... سلام.....
#####
في مطعم أخر...
جلست إبان علي إحدى الطاولات. وبمقابلها جلست صافي....
صافي: وحشتيني أوي يا إبان....!!!
إبان: بأمارة إنك روحتي وقولتي عدولي. ....
صافي: مش كفاية مرضتيش تسافري معايا....! ؟؟؟
إبان بدهشة: ده علي أساس إنك مكنتيش عارفة اللي فيها..! ؟؟؟
صافي. : طب مانتي اتخطبتي وفسخت الخطوبة من غير ما اكون معاكي ...؟!!!
إبان بصدمة: عشان كده معمرناش فيها... ؟!!!
صافي: هههههههه هههههههههه معلش...قوليلي هتعملي إيه... ؟!!
تنهدت إبان بحزن وهي تقول: مش عارفة بس محتاجة فلوس ضروري...!!
صافي: هما أد إيه... ؟!!!!
-حوالي 200 ألف جنيه...!!!
صافي بصدمة: ياربي...ده حيوان....
إبان: لا مش حيوان ده واحد ذكي بيعرف يستغل الفرص..!
صافي: طب خلاص... المهم هتواجيه ولا لأ.... ؟؟!
إبان: لا طبعا مش هاواجه غير لما يكون معايا فلوس.. دي حتى مامته بطلت أرد عليها... عشان مش عايزة مشاكل مع حد... ؟!!
صافي. : ده بدل ما توقف معاكي تعملك مشكلة.. ؟!
إبان: لا مش مشكلة معايا... مشكلة مع إياس هي ممكن تعمل معاه مشكلة لما تعرف باللي حصل...!!
صافي: للدرجادي بتحبيه... ؟!!
إبان بحزن: للأسف مش قادرة أكرهه... بس هأقدر أواجهُ..
صافي: طب خلاص اشتغلي لو مش معاكي فلوس..!
إبان: مهو أنا ده اللي هأعمله.. بس بدور علي شغل.. ؟!
صافي: أنا هاشوف شريف ويمكن يلاقي شغل فاضي عنده...!! ؟
-ماشي وأنا هدور كمان...!!
صافي: تمام تعالي أوصلك وكمان أسلم علي طنط وعمو..
-طب تمام يلا...
خرجتا من المطعم متجهتين نحو منزل الشافعي..
وصلتا بعد مدة للمنزل...
إبان : ماما... ماما....
ردت عليها مني: تعالي يا إبان أنا في البلكونة...
أشارت لصافي بأن تتبعها إلي غرفة الضيوف حيث الشرفة الكبيرة نسبيا...
إبان: احم يا أهل الدار... معي ضيف...!!!
مني بعتاب : وهي من امتي صافي تعتبر ضيفة...
صافي: الله. يكرمك يا طنط... ناس أذواق...
احتضنتها مني وهي تقول بفرحة : مبروك يا حبيبتي... عقبال ما أشوف أحفادي كده.....!!
إبان متصنعة الصدمة : أمال تير مش حفيدتك... لا لا يا الهي. ما الذي أسمعه.... ؟!!!
صافي: هههههههه... بس يابت... معلش أصلها جربت مع عيالها منفعش تجرب برره بقا.... هههههههههه
اقتربت صافي من مصطفى لتركع أمامه وأمسكت يده لتقبلها وهي تقول: وأنت بقا يا حاج مش عايز تقولي حاجة....!! ؟؟؟
مسد علي شعرها وهو يقول: ربنا يحفظك ويكرمك ويرزقك بالذرية الصالحة...! !!
صافي وهي تغيظ إبان: أيوة بقا.. إبان ممكن تروحي شوية كده وترجعي....!!
إبان: لا مش متحركة من هنا.. وهشوف هتعملي إيه ...؟!!
صافي: أصلا أنا مش محتاجة أعمل حاجة أخدت دعوة ببلاش....
رن جرس الباب فذهبت إبان لتفتحه...
إبان: بتول...!!!!
بتول: أيوة بتول دخليني اوعي بقا....
أزاحتها بعيدا لتدخل... في حين وقف أمجد خارجا..
أمجد : احم.... ازيك يا إبان.... ؟!!!
إبان: الحمد لله اتفضل يا أمجد...!!!
اتجهت بتول نحو أباها لتحتضنه: ازيك يا بابا... ؟؟!
مصطفى: الحمد لله يا بتول.... وأنتي أخبارك إيه.... ؟!
إبان: زي القردة ا هي ميهدهاش حمل....!!!
شهقت بتول لتعنفها.: الله أكبر في عينك ...واحتضنت صافي وهي تقول: أخبار عروستنا إيه.... ؟؟!
صافي : ههههه... الحمد لله.... أنتي أخبارك إيه... ؟!
بتول: الحمد لله... الحقي اتهني بصحتك قبل ما تتدبسي في العيال...!!!
صافي: هههههههه... الله يطمنك.... طب استأذن أنا بقا...!
بتول: طب استني اقعدي شوية...
صافي: بقينا أصحاب بيوت بقا.... عن إذنكم...!
- مع السلامة......
بتول: عاملة يا إبان... ؟!!
إبان: مالي اهو الحمد لله...!!
بتول: طب أنا عايزة أعرف هتعملي مع اللي اسمه إياس ده... ؟!!!
إبان: أنا مالي بيه ....كل واحد راح لحاله ...!!
بتول: قصدي في موضوع الفلوس... ؟!!
إبان: وأنتي عرفتي منين موضوع الفلوس ده... ؟!
بتول: أمجد قالي....!!!
أمجد بضيق: وأنتي إيه متتبلش في بؤقك فولة..!.
إبان: سيبك من بتول وقولي عرفت منين الموضوع ده.. ؟!
أمجد: احم من الحاج....!!!
ضحك مصطفى قائلا: هي برضو اللي متتبلش في بؤقها فولة...
إبان بغضب: يعني كلكم كنتو عارفين وأنا لا..... لا وكمان وافقتوا علي الخطوبة....!!!! ؟؟
مصطفي: أنا كنت عارف حكايتك معاه من الأول.. وموافقتش علي الخطوبة دي غير لما شوفت الحب في عنيكوا أنتوا الاتنين...
إبان بغضب: لا هو مش بيحبني.... وأنا...... و أنا بكرهه... بكرهه