عادت ياسمين للمنزل بصحبة يوسف الذي أصر على ايصالها للبيت ...
رن يوسف جرس منزل مصطفى الشافعي فأتت مني لتفتح ...
فتحت مني لتتفاجئ بيوسف وهو يمسك بيد ياسمين المليئة بالكدمات ...
مني ب
:يالهوي مالك يا بنتي إيه اللي حصلك ..؟!
يوسف:هي كويسة متقلقيش.. بس محتاجة راحة تامة ..
مني :ها ...اه وماله ...اتفضل يابني ...
يوسف: الله يكرمك يا طنط ..اتفضلي ده الدوا بتاعها ومكتوب عليه المواعيد ...
مني :تسلم يابني.. اتفضل...
يوسف: لا متشكر ...وألف سلامة عليها...
مني:الله يسلمك ....
غادر يوسف ليستقل سيارته عائدا للمنزل ...
وجد في سيارته ملف شخصي لياسمين يبدو أنها نسيته ..
فتحه ليقرأ بياناتها. ..وتوقف عند حالتها الاجتماعية التي تقول بأنها. مطلقة ...
يوسف بصدمة: مطلقة ...!!!؟
##$##
في شركة السيوفي
وقف إياس حاجزا أمام إبان ليمنعها من المرور .
إبان بضيق :على فكرة عيب أوي اللي بتعمله ده ..؟!
إياس:وهو أنا بعمل إيه يعني ...؟!
إبان بغيظ:حضرتك بتجري ورا واحدة ..وأنت خاطب غيرها ...!!
إياس بغضب :أعمل إيه ...م الواحدة دي غبية ومبتفهمش..
إبان بغضب :مسمحلكش ...
إياس بغضب :إبان مش هعيد كلامي كتير... هتخلصي امتي ...؟!!
تلفتت حولها لتجد الأعين موجهة نحوها فقالت: لو سمحت ميصحكش كده الناس بتتفرج علينا ...؟!
زفر إياس بحنق :طيب أنا عايز دلوقتي أتكلم معاكي ..ازاي بقا ...!!!؟؟
ٱبان:طب ممكن تستناني عند "سمعة" لحد ما أخلص .؟!
تركته وغادرت دون توضيح ما تقصده من سمعة ذاك ..!!
أوقف أحد الموظفين ليسأله :هو مين سمعة ده ...؟!
-لا مفيش حد بالاسم ده هنا ...؟!
إياس:افتكر كويس ...يمكن فيه ومشي طيب ..؟!
-يمكن حضرتك تقصد إسماعيل بيه عشان إبان بتقول عليه سمعة ...!!
إياس بغضب: غور من وشي طيب ...هي حصلت يقولها إبان قدامي ...!!!
بحث عن مكتب إسماعيل ذاك لينتظر سيادتها عنده متوعدا لذاك باسوأ الكوابيس ...
دخل المكتب دون طرق فوجد فيه رجلا مسنا ربما أكبر من والده ..فسأله متعجبا: أنت إسماعيل... ؟!
أومأ موافقا وهو يقول:أيوة أنا ...خير ...
تقدم منه مادا يده باحترام معرفا عن نفسه وهو يتوعد لتلك الغبية التي وضعته في هذا الموقف ..:أنا إياس..أياس منصور....
إسماعيل: أيوة طبعا عارفك ...وأنا إسماعيل عم لينا خطيبتك ....
ابتلع ريقه بحرج قائلا:اها ...تشرفت بحضرتك ..معلش بقا الشغل وكده ...
ضحك إسماعيل قائلا:الله يكون في العون ...اتفضل ..!!
جلس إياس على الكرسي المقابل للمكتب ...وطلب إسماعيل له القهوة ...
##$##
في القصر .
عاد يوسف بعدما عجز عن التصرف خاصة بعد معرفته بأمر ياسمين وأنها مطلقة ...لم يتوقع ذلك ...هو في البداية ظنها زوجة حازم وبعدها اكتشف أنها أخته ...والآن هي مطلقة ...جلس على الكرسي يقلب أوراق ماضيه ..فهو أيضا تزوج من قبل ولديه ابن أيضا ...
هل أحبته ...سؤال كرر نفسه في رأس يوسف الذي كاد ينفجر من كثرة التفكير... هو وقع أسير ضحكتها ذاك اليوم ومن وقتها لم تفارقه صورتها وضحكتها التي عزفت لحنا طربا علي قلبه ....لم الطلاق ....هي من طلبته أم هو من فعل ذلك ....
زفر بحنق ليخرج من دائرة أفكاره ويريح عقله قليلا. ..
اقتربت منه فريدة لتسأله بقلق :مالك يا يوسف ..؟!
يوسف:ها....لا مفيش... أنا كويس.....تلفت في المنزل فلم يجد أحد :أمال مفيش حد هنا ولا إيه ...؟!
فريدة :لا مفيش ...مراد سافر بالليل وبيري راحت لمي وإياس خرج من الصبح ومرجعش ...وأدم مع سيف في الشركة ... .
يوسف بتعجب: في الشركة... ؟!
فريدة: أيوة ...اتعلق بباباك أوي... تصدق امبارح قعد معاه اليوم كله ...عقبال أبوه ..!!
نظر إليها ولم يعقب ...هو غير مستعد للدخول في جدال عقيم ...لن ينتهي إلا بخسارة أحد الطرفين ...!!
$$###
انتهي الدوام في الشركة ...فاتجهت لمكتب إسماعيل لمقابلة ذاك الاحمق ...
طرقت الباب قبل الدخول ...وجدت إياس وإسماعيل يضحكان ويبدو أن الجو بينهما منعش .....
إسماعيل :تعالي يا إبان ...
إبان :احم ...ازي حضرتك يافندم... ؟!
ضحك إسماعيل قائلا:لا يافندم إيه ...مانا قولت لإياس عليكي ...
ابتلعت ريقها بتوتر فهو الآن قد وجد سببا ليخرج عصبيته عليها ....جلست بمقابل إياس الذي لم يعرها انتباه منذ أن دخلت ...فتوجست خيفة مما سيحدث لاحقا ...
إياس :طب أمشي أنا بقا ...سعدت بالقعدة مع حضرتك والله...
إسماعيل: شرفتني يا إياس...
-عن إذنكم ....
رحل تاركا خلفه إبان بعلامة تعجب كبيرة ..وفمها الذي سقط على حجرها من الصدمة... فالمفترض أنه يريد محادثتها في شئ ما ...!!
التفتت للعجوز قائلة: هو حضرتك قولتله إيه بالظبط عني..؟!
إسماعيل بتعجب :ولا حاجة ...ليه خير ..؟!
إبان: أصل المفروض إنه عايز يكلمني في موضوع بس هو مشي من غير حتى ولا كلمة ..!!!!
إسماعيل: أكيد افتكر حاجة مهمة وراح يخلصها ..!!
-طيب أمشي أنا بقا....!!
##$##
في المساء
اجتمعت العائلة علي طاولة الطعام وطلبت فريدة من يوسف الجلوس بجانب سيف ....فانصاع لها وجلس بجانبه إياس ...
أخذ يقلب في الطبق دون شهية لتناول ما به ..
إياس :عملت إيه يا يوسف ...لقيت مساعدة.. ؟!
يوسف :ها ...يعني ..!!
إياس بتعجب: دي معناها آه ولا لا....؟!
يوسف: آه ومش آه ...لقيتها مناسبة بس هي تعبانة ..
إياس :طب ما تشوف غيرها ...!!؟
يوسف: لا ...قصدي هي مناسبة يعني ....
تعجب من اصراره علي الفتاة رغم مرضها ولكن اكتفى بهزة رأس متفهمة ....
فريدة: طب وآدم هتعمل معاه إيه ...؟!
أدم:هشوفله حضانة قريبة من المكتب ...!!
فريدة :طب باباك عرض حضانة قريبة من الشركة إيه رأيك ...؟!.
يوسف:طالما مصاريفها مناسبة يبقي تمام ...!!
فريدة: قصدك إيه يعني ....؟!
يوسف وهو ينهض :قصدي إني مش هقبل حد يصرف علي ابني ...!!
فريدة :يوسف.....
التفتت لإياس قائلة بغضب :عقله وإلا أنا ليا تصرف تاني...؟!
إياس :حاضر ...ينفع أكل الأول....!!
ألقت إليه نظرة ضيق والتفتت لتطعم الصغير ..
***
قدمت له كوب القهوة الخاص به وجلست بجانبه ..
فريدة :سيف ...مش عايزاك تزعل منه ...مسألة وقت بس .
تنهد بقوة قائلا: أنا مش زعلان ..بالعكس أنا مبسوط إنه رجع تاني ...ده كفاية إني أشوف ولادي حواليا ...
فريدة :ربنا ما يحرمنا منك أبدا...
ابتسم سيف قائلا:ولا منك ....
##$##
عادت إبان للمنزل لتتفاجئ بوجود الجميع حتى بتول ..
إبان: خير يارب ...!!!
بتول :أنتي شرفتي ...يا أهلا ...!!
إبان :أيوة ياختي شرفت ونورت ...هو في إيه ..؟!
مني :أصل ياسمين عملت حادثة بس هي الحمدلله كويسة..!!!
صرخت إبان قائلة:إيه ...حادثة... طب هي فين ..؟!
مني :في أوضتك جوه ..!!
هرولت إبان لداخل غرفتها ...وجدتها مسطحة ومغطاة بالضمادات....
جرت نحوها لتحتضنها..... ابتعدت عنها تحدق في جروحها بقالت :امتي حصل ده وازاي ...طب فين ...طب عملتي محضر ولا لا .....احنا لازم نعمل محضر ....صرخت قائلة :هو فين أمجد ...؟!
صرخت ياسمين :بس ....إيه بالعة راديو ...!!
تفحصتها بقلق قائلة :طب هو أنتي كويسة ...؟!
ياسمين: أيوة كويسة. ...اهدي بقا... !!
-طب احكيلي حصل ازاي وامتي ...؟!
ياسمين:الصبح وأنا رايحة أعمل مقابلة مشوفتش العربية بس الحمدلله ربنا ستر واهو قدامك زي مانتي شايفة. .!!
إبان :الحمدلله.... طب والمحضر ...؟!
ياسمين:ملوش لزوم ...لأني أنا اللي غلطانة ..؟!
إبان :غلطانة ...!!؟
ياسمين:أيوة غلطانة بدعي الشارع من غير ما ابص..
إبان :اوعي يكون بسبب المقابلة....!!
ياسمين:أيوة بسببها مقدرتش لما لمس ايدي وهو بياخد السي في مني حسيت ......
لم تستطع أن تكمل فاحتضنتها إبان لتبكي بأحضانها ...
ظلت معها مدة حتى هدأت ...فدثرتها جيدا بالغطاء وتركتها لتخرج ...
صرخت بوجه حازم بغضب :أنت لازم تتصرف ..هي هتفضل لحد كده لامتي ...؟!
حازم :طب وأنا في ايدي إيه يعني ومعملتوش ..رفضت إنها تروح لدكتور نفسي ...!!؟
إبان بتفكير :طب إيه رأيك لو جه الدكتور هنا ..!!
حازم :ازاي يعني ...وهي هتوافق ...؟!
إبان :ملكش دعوة أنت ...!!
بتول :استر يارب ...!!
إبان :بت أنتي اطلعي منها..... بكي الصغير زياد فأكملت :روحي شوفي ابنك محتاجلك ...!!
بتول وهي تنهض: طيب ياختي ...
أمسكت إبان هاتفها لتضرب بعض الأرقام منتظرة الرد من الناحية الأخرى ....؛!
إبان :إياس ...
أنت تقرأ
سأظل لك (قلبي لك ج2) للكاتبه أميرة صلاح
Romanceجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح مقدمة إن كان للعشق اسم... فكنت سأسميه أنت .. وأن كان للحب موطن ....كنت سأجعله قلبك ... إن كنت أنت الحب ....فأنا القلب .. وإن كنت أنت أحببتني. ..فأنا عشقتك... ...
