سأظل لك (قلبي لك ج2) للكاتبه أميرة صلاح

فصل 27

في منزل الشافعي
جلس إياس بمقابل إبان المنهارة في البكاء....
إياس بغضب: أنا كنت عارف إنه وراها حاجة...!!
إبان ببكاء: أمال عزمتها ليه... ؟!
إياس: محدش عازمها هي جات لوحدها....
مصطفى: طيب هتعمل إيه دلوقتي... ؟!
إياس: قومي معايا...
مني: علي فين... ؟!
إياس: هخلص بس مشوارها وبعدين هشوف حل للموضوع ده...!!
مصطفى بتحذير: عشان خاطري يا بني بلاش تهور...
إياس: متخافش عليا ياحاج أنا هعرف أتصرف مع العيلة دي ..!!
******
توقفت إبان في المنتصف عندما لمحت صورة إياس في الصحيفة.... أمسكتها من والدها وأخذت تقرأ الخبر علي صورته ولينا بأحضانه ...
"خيانة علنية في حضور الزوجة".....
شهد البارحة حفل خطبة وعقد قران إياس منصور وكانت قد حضرت لينا السيوفي مخطوبته السابقة الأمس وقد شهد وجودها بداخل أحضان إياس منصور وزوجته حاضرة ولم تعترض... أي تعبير لهذا ....الزوج الخائن والزوجة المخدوعة..."...
جلست إبان علي كرسيها غير مصدقة ما قرأته ..الزوجة المخدوعة ....وضعت وجهها بين كفيها وأجهشت في البكاء....
مصطفى: إبان يا حبيبتي..... دول ناس فاضية يكتبوا اللي يلم الجمهور عليهم ويموتوا في الفضايح....!!
إبان ببكاء: أيوة بس شوف كاتبين ازاي ....خيانة علنية... وهو فعلا كان قدام الكل....!!
مصطفى: يعني أنتي بتشكي في إياس.... ؟!
إبان:لا طبعا بس الموقف نفسه بيدل علي كده ...!!
رن هاتفها ورأت اسمه يضئ الشاشة....
إبان:ده هو ....
-طب هاتيه كده ....!!
رد مصطفى:إياس لو سمحت ممكن تيجي دلوقتؤ لو فاضي... ؟!
إياس بقلق: خير يا عم مصطفى....!!
مصطفى:خير إن شاء الله بس لو فاضي تعالي...!!
إياس: حاضر ربع ساعة وأكون عند حضرتك ...!!
مصطفى: ماشي وأنا في انتظارك ....!!
أتي إياس بعدها واستقبله مصطفى وأعطاه الجريدة ليقرأها قائلا:شوف ده كده....!!
##$##
في مكان شبه مهجور....
وقف شريف يدخن سجائره وهو يقرأ الجرائد وابتسامته الماكرة تتسع شيئا فشيئا....
شريف :مكنتش أعرف إنكي بتكرهي العيلة دي اوي ...!!
-بكرها بس دانا لو أطول أمحيهم من علي وش الدنيا خالص كده ....!!!
شريف :بس بصراحة شغل إيه محترفين....!!
-عيب عليك أنا وعدتك وأهو نفذت ...!!
شريف: بس بصراحة خطة في منتهي الذكاء ...
-ميرسي ....
أمسك يدها يقبلها وهو يقول :حبيبتي يا صفية...!
ضحكت صفية بقوة قائلة:وأنت لسه شوفت حاجة ...!!
شريف:طب تمام ...يبقي علي اتفاقنا أنا هخلصك من إياس وأنتي تديني الملفات ....
صفية: مش قبل ما أخد فلوسي....!!
شريف:عيب عليكي يا ام باسم.....!!
صفية بشر: يانا ياهو ابن فريدة....!!
##$##
في مطعم ما ....
جلست إبان بصحبة إياس بعدما أصرت عليه عدم الذهاب الآن وتأجيل الموعد حتي انتهاء العمل ....فعرض عليها أن يفطرا سويا فوافقت خاصة أنها استطاعت تهدئة غضبه.
إبان:الله...أول فطار لينا احنا سوا ....خلينا ناخد سيلفي ..
ضحك إياس قائلا:سيلفي يا تافهة....
إبان بغيظ: أنا مش تافهة ....أنا بنت كيوت....
إياس: لا واضح إنك كيوت بامارة الصبح. ...
ضحكت إبان قائلة: الله مش أنت اللي قليل الأدب..
إياس: الله. مش مراتي. ...!!
أوقفته باشارة من يدها قائلة:استني مانا هاخد السيلڤي يعني هاخده ....يلا.....3...2....1.تشيز .....
إياس: ارتاحتي....
إبان بسعادة: جدا.... ربنا ما يحرمني منك أبداً...
قبل يدها قائلا:ولا منك يا عمري....ها.... تفطري إيه ..؟؟
إبان:خليني أفطر علي ذوقك....!!
إياس: ماشي.... !!!
#$###
في شركة السيوفي...
وقف شريف يصرخ بغضب في مساعده لاعطائه ملف مهم لعمه ....
شريف بغضب: مشغل معايا بهايم....مش انا قولتلك ممنوع أي حد يشوف الملف ده ...؟!
-تمام يافندم ...بس والله حضرته هو اللي شافه معايا وأصر إنه ياخده مني. .!!!
شريف:غور من وشي وحسابك معايا بعدين....!!
خرج الموظف منكس الرأس فقد أخذ "تهزيق الأسبوع "...
في مكتب إسماعيل ...
دخل شريف المكتب دون استئذان فوجد عمه يتحدث في الهاتف...
إسماعيل علي الهاتف: طب هستناكي.... لا إبان اللي جاية ...إياس مش عارف الصراحة.... لا أكيد هيجي معاها يعني ....ماشي يا حبيبي هستناكي. ...
شريف:عايز الملف.... !!
إسماعيل :ملف ايه.... ؟؟
جز شريف علي أسنانه بقوة :الملف اللي أخدته من الموظف...!!
إسماعيل:لا ده هيروح للبوليس....!!
شريف:ومين بقا اللي هيوديه.....
إسماعيل:أنا اللي هوديك في ستين داهية ...أنا كنت عارف من الأول إن وراك مصيية وأبوك اللي هيدفع التمن .
شريف:لا متخافش ...لا أنت هتروح ولا هو هيحصله حاجة..... هات بقا الملف وعيش اللي بقيلك من عمرك مع مراتك.. ونسوا بعض....
إسماعيل: مانا هعمل كده.... بس بعد ما اشوف حبل المشنقة حوالين رقبتك. ....
شريف:يبقي أنت اللي جنيت علي نفسك ...
أخرج من خلف ظهره مسدسا ووجهه نحو عمه الذي وقف كالجبل لا يهزه ريح ....
##$##
في سيارة إياس. ..
أصر إياس علي الذهاب لانهاء مهمة استقالتها من الشركة علي الرغم من رفضها حتى لا يتواجه مع شريف...
رن هاتفها برقم صافي فردت :ألو مين معايا ..؟!
صافي :إيه يا زفته مسحتي رقمي ولا إيه... ؟!
إبان:دانا مسحت علاقتي بيكي أصلا...!!
صافي:اخص عليكي يا إيبو ...!!
إبان بصيق :أمال صاحبتي الأنتيم لا أحضر فرحها ولا تحضر كتب كتابي. .....
صافي بصدمة :كتب كتابك ...مش أنتي قولتي إنها خطوبة بس...!!
نظرت إبان نحو إياس وهي تقول:لا مهو كان عاملي مفاجأة وكتبنا الكتاب. ...!!
صافي:يبقي مشكلتك أنتي بقا ...!!
إبان: هعديهالك لانه لسه في الفرح ...
صافي:ماشي... المهم انتي رايحة لعمو إسماعيل ..
إبان: أيوة معايا إياس في العربية ...!!
صافي: طب تمام اسبقيني أنتي وانا هحصلك..!!
إبان:اشطا اتفقنا ...!!
صافي:مع السلامة...
-سلام....
وصلا الي الشركة بعد مدة وركن سيارته ...
إباس:هي هنتأخر....
إبان:مش عارفة ...بس أنا بقول أدخل أسلمه الاستقالة وارجع أستناها ....
إياس:طب تمام يلا...
إبان:يلا فين. ...أنا بس اللي هروح... ،!
إياس بغضب: ده اللي هو ازاي بقا.... وأخليكي تقابليه...!!
إبان: هو دلوقتي مش بيبقي في المكتب....
نظر إليها بغضب فقالت: مش كنت شغالة فيها ...يعني عارفة المواعيد وهو كمان....
قاطعها بغضب :كفاية ....مش عايز تقرير عشان منزعلش..!
ضحكت إبان بخفوت: حبيبي بيغير....
إياس بضيق:إبان قدامك 5 دقايق ولو مجتيش هدخل أطربأ الشركة علي اللي فيها....!!
إبان: دانا حتي ملحقش أوصل... 10 دقايق وهأكون عندك.
إياس: أنتي لسه واقفة يلا....!!
تركته ورحلت وقلبها يرقص فرحا فأخيرا تُوج حبهما... هي الآن زوجته كم تعشقه ذاك الوسيم...!!
بعد دقائق وصلت صافي ركنت سيارتها وعادت لتجد إياس يقف أمام سيارته ....
صافي: هاي إياس....!!
إياس: ازيك يا صافي ...!!؟
-الحمدلله... فين إبان...؟!
إياس: لسه داخله من شوية...!!
صافي:طب تمام هدخل أجيب حاجة من عمو إسماعيل وأجيبها معايا....!!
-طب تمام ..بس ياريت متتأخروش....
-حاضر....!!
دخلت صافي الشركة خلف إبان وجدتها تقف عن المصعد .
صافي:واقفة كده ليه ...؟؟
إبان:الزفتة لينا دخلت وأنا لا....!!
ضحكت صافي وهي تقول: طب يلا نطلع علي السلم...مع أنه غلط عشاني ....!!
إبان:ليه عايزة تتخني. ..!!
صافي:لا عشان البيبي.... ؛!!
إبان:وكمان حامل ومعرفش ...!!
صافي: هقولك علي كل حاجة ...بس تعالي نشوف عمو إسماعيل وبعدين نروح نقعد نحكي لبعض ...
إبان:اشطا يلا.؛؛؛؛!!
سارتا في طرقة الشركة وقد كانت الطرقة خالية...
إبان:فين الموظفين اللي هنا.... ؟!
صافي:مش عارفة... تعالي نسأل عمو إسماعيل...!!
إبان:ماشي ...!!
في الداخل
كان شريف يوجه السلاح نحو عمه وهو لم يرف له رمش..
شريف: المسدس ده كاتم للصوت يعني لو قتلتك دلوقتي محدش هيحس بيك أصلا....!!
إسماعيل: ربنا هو اللي بيقبض الروح مش العبد..!!
شريف بغضب:هات الملف وإلا هقتلك ...
إسماعيل:وأنت قولت إني هوديه للبوليس...!!
شريف:بقا كده يبقي أنت اللي جنيت علي نفسك ..!!
أطلق رصاصة من مسدسه لتستقر في قلب إسماعيل ويقع خارا في دمائه....تركه شريف وظل يبحث عن الملف ثم وجد مفتاح الخزنة وفتحها ...
في نفس الوقت كانت إبان وصافي تتمشيان في الطرقة قادمين لرؤية إسماعيل....
فتحت صافي الباب فجأة دون الطرق....
دقائق لتستوعبا المفاجأة ثم صرختا فجأة لينتبه إليهما شريف....
أفاقت صافي من الصدمة أولا لتهرب وتجر معها إبان الغير مستوعبة ما رأته ....
أما شريف فقد أمسك بسلاحه وركض خلف الفتاتين اللتين قد وصلتا لنهاية الطرقة......
أطلق شريف رصاصة عليهما فأصابت الهدف الذي قصده...