سأظل لك (قلبي لك ج2) للكاتبه أميرة صلاح

فصل 28

صرخت بكل قواها قائلة:صافي....!!
حملت رأسها علي يديها وهي تبكي قائلة: صافي ...ردي عليا يا صافي ....
صافي بوجع:آه . ...اهربي.... بلغي البوليس عشان ...عشان عمو.... اهربي بقولك....
نظرت جهة المكتب فرأت شريف يركض ناحيتهما وصافي تقول: إبان..... اهربي....
هربت إبان حينما لمحت شريف كان قد اقترب منهما...فركضت بقوة ودون ان تنظر لخلفها ...ركضت وركضت وقلبها يدق بقوة وبسرعة والدماء تتدفق لوجهها...
وجدت نفسها امام الباب فركضت ناحية إياس الذي كان يقف مستندا علي سيارته متأففا وكل لحظة وأختها ينظر لساعته.... .
فتحت باب السيارة وصرخت: اطلع ...
إياس بقلق:في إيه ...؟!
إبان: بقولك يلا....اطلع بسرعة....!!
شغل محرك سيارته وانطلق بها حسب ما طلبته... وهو يراها تحاول التحكم بهاتفها وجسدها الذي يرتعش بقوة وأصابعها التي فقدت القدرة علي الامساك بالأشياء فالهاتف قد سقط منها ....
أمسك به إياس وأعطاه لها .....فقالت إبان بتوتر :ا...اطلب ..أمجد ..اطلبه...!!
حاول أن يركن بجانب الطريق فصرخت قائلة:اوعي..
اوعي توقف....اطلع ....
إياس : اهدي طيب واحكيلي مالك...!؟!
إبان:أمجد ...و...وبعدين هقولك... !!
طلب إياس رقم أمجد وأعطاها الهاتف....
إبان:أمجد ...صافي وعمو إسماعيل....
أمجد:طب اهدي كده وفهميني بالراحة...!!
بكت ولم تستطع التحدث بعدها....
أخذ منها الهاتف ورد هو قائلا:أمجد.... أنا رايح دلوقتي علي بيت عم مصطفى ولو فاضي تعالي ....!!
أمجد: طيب ماشي ....
##$##
في منزل الشافعي
اجتمعوا حول إبان التي لم تترك أحضان والدتها منذ أن عادت وجسدها الذي لم يتوقف عن الارتعاش ولو قليلا وكأنها قد رأت ملك الموت.... حاولت مني ان تدخلها غرفتها ولكنها أبت وبقوة ....
مصطفى: طب هو إيه اللي حصل ده كله...؟!
إياس:مش عارف ...هي من وقت ما خرجت من الشركة وهي كده....
رن جرس الباب فنهض إياس ليفتحه فوجد أمجد...
دخل أمجد متسائلا بقلق:خير في إيه ...؟!
مصطفى وهو يشير نحو إبان:زي مانت شايف كده... من وقت ما رجعت ...
تركت إبان حضن والدتها لتركض نحو أمجد:أمجد الحقه..ق...قتلهم ....وصافي...
بكت إبان فهدأها إياس:اهدي طيب وكملي اللي شوفتيه .
إبان ببكاء: قتلهم ...قتلهم يا إياس....
إياس: مين اللي قتل ومين اللي اتقتل ...؟؟
إبان:عمو إسماعيل و...وصافي... شريف قتلهم ..!!
صدمة احتلت الجميع ومن بهم إياس الذي صرخ بها:وليه مقولتيش من وقتها ...كنت اتصرفت ...!!
إبان: كان هيقتلك أنت كمان.... هو قتل صافي وعمو إسماعيل. ..مكنتش هقدر أستحمل ....
أمجد:هدي نفسك هي كانت خايفة ومعرفتش تتصرف..!!
مصطفى: لا حول ولا قوة إلا بالله ...طب وبعدين هتعمل إيه يابني.... ؟!
أمجد:هتصل بالادارة وتبعتلي مساعدة من هناك واروح أشوف....
مصطفى: ربنا معاك ويحميك ....!!
خرج أمجد من المنزل متجها نحو شركة السيوفي...
اتصل بصديقه ليأتي له بالمساعدة .....
أمجد: هاشم ...ركز معايا كده واسمعني....!!
هاشم: اؤمر يا باشا....!!
أمجد: في تبليغ عن حالة قتل في شركة السيوفي... عارفها....!!؟!
-أيوة طبعا....!!
أمجد:طب تمام هسبقك علي هناك وأنت تعالي ورايا وهات معاك كام عسكري كده....!!
-تمام يا باشا ...!!
##$##
في شركة السيوفي...
اتجه أمجد الي هناك .....سأل في الاستقبال عن مكتب شريف فأخبروه بانه لم يأتي الي هنا اليوم ....
أمجد بتعجب:مجاش ازاي.... ؟؟
-والله يافندم أنا لسه جاي من شوية واللي قبلي اللس يسأل عن شريف بيه قوله إنه مسافر ....وهو فعلا سافر امبارح....
أمجد: طب ينفع أشوف مكتب إسماعيل بيه....؟!!
اعترض الموظف قائلا:مش هينفع.....
قاطعه امجد وهو يخرج بطاقته: بوليس...!!
ابتلع الموظف ريقه بصعوبة وهو يري بطاقته فانصاع له واتجه معه ليدله علي المكان .....
وصلا الي المكتب وبعدها بدقائق وصل صديقه هاشم ومعه عسكريان مما سبب الهرج والمرج داخل الشركة وبالتالي وصل الخبر الي رئيس مجلس الادارة فؤاد السيوفي واتجه فورا ليري ماذا حدث ....
وصل فؤاد المكتب فوجد أمجد ومن معه يفتشون المكان
فؤاد: هو في ايه يافندي اللي بيحصل هنا.. ؟!
أمجد:المقدم أمجد الصاوي مباحث....واكمل وهو يشير نحو صديقه:وده الرائد هاشم مباحث....
فؤاد: ايوة وحضراتكم بتعملوا ايه هنا... ؟!
أمجد: جالنا بلاغ من واحدواحد بيقول انه شاف إسماعيل بيه وهو بيموت.....
فؤاد بسخرية: اكيد من منافسينا في السوق وعايزين يبوظوا سمعتنا في السوق .....!!
أمجد: طب ممكن أشوف إسماعيل بيه ....؟؟
فؤاد: هو كان هنا الصبح ومشي مع صافي ....!!
أمجد: طب انا عايز أعرف مكانه وأتأكد بنفسي ...
فؤاد: هتصلك بيه حاضر...!
ضرب فؤاد بعض الأرقام وانتظر الرد....
فؤاد:الو ....ازيك يا اسماعيل ....لا ده فيه ظابط بيقول إنه ففي بلاغ متقدم بيتهم انه حد قتلك....هههههه معلش بقا انت عارف الشعب كويس ....حاجة زي كده .....طب الظابط عايز يتأكد من صوتك ....
أمجد: اسماعيل باشا ....لا مفيش أكيد بلاغ كيدي زي ما قال فؤاد بيه .....طب تمام ....سلام يا باشا.... ،!!!
امجد: احنا اسفين يا فؤاد بيه .....
فؤاد: ابقي اتأكد من معلوماتك كويس يا حضرة الظابط ...ومع ذلك اتفضل خد قهوتك ....!!
أمجد: متشكرين ....عن اذنك بقا ....!!
فؤاد: مع السلامة....!!
خرج امجد من هناك وهو يلعن تسرعه ولكن ارتجافها وخوفها يثبتان ما قالته...!!
أمجد: ده يوم ايه ده.... الصبح بتول وبعد الضهر أختها يارب توب عليا من العيلة دي....!!
اتصل أمجد برقم إياس وأخبره بما حدث في الشركة وعاد هو لعمله الذي سيفصل منه علي يد تلك العائلة....
$$###
صرخت إبان ببكاء : لا يمكن.... انا شوفته والله شوفته ....
مصطفى: يمكن اتخيلتيه وهو واقع ولا حاجة ...!!
إبان:طب وصافي.... مش معقول أكون سكرانه ولا حاجة عشان أشوف اتنين بيموتوا قدامي .....
إياس:انا هتصرف....!!
إبان:لا مترحش هناك ...عشان خاطري....
-متخافيش عليا ....هبقا كويس....!!
إبان: لا ...مش هسمحلك تروح هناك ....!!
مني :خلاص يا بني مرة تانية أبقي روح ...!!
إياس:ماشي ....امشي أنا بقا ....!!
إبان بقلق :إياس....
إياس:متخافيش مش هروح.... !!
مصطفى: مع السلامة يا حبيبي ...!!
خرج إياس من المنزل واستقل سيارته عائدا للمنزل فلم يعد يتحمل شيئا آخر فحالتها وهي ترتجف أمامه منظرا لا يعطيه قوة بعدها.....
##$##
في مكتب يوسف
دخلت ياسمين مكتبه ووضعت بعض الملفات بغضب علي المكتب وتركته لتخرج ....
نفخ يوسف بضيق فهي لا تعطيه فرصة للتفسير وتقلب عليه 360 درجة "قال يعني كنت ناقص .."....
خرج خلفها ووقف أمام مكتبها قائلا وبعدين معاكي بقا...؟
ياسمين: مالي بقا ...؟!
يوسف بغضب:ياسمين.... مش كل حاجة هتقلبي عليها ...
ياسمين بغضب:يا سلام ...يعني أشوف حضرتك بتحضنها قدامي عادي كده ...!!
يوسف: إيلينا كانت مسافرة وهي عادي جدا ليها وكمان هي أم أدم ليس إلا....!!
ياسمين بغضب:شكلك حنيت وعايز ترجع ....واكملت وهي تخلع دبلتها قائلة:وأدي دبلتك اهي....حررتك من المسئولية وتقدر تروح ترجعلها ....
تركت دبلتها في يده وأمسكت بحقيبتها خارجة من المكتب ....وهو من هول المفاجأة والصدمة تسمرت قدماه ولم يستطع التحرك....
##$##
يوسف:زي مانتي شايفة كده سابتلي الدبلة ومشيت....
بيريهان:طب وأنت هتعمل إيه ...؟!
يوسف: ولا حاجة ....أصلا أنا تعبت ....هي بتخاف ألمسها وبتغير عليا برضو وانا الصراحة مبقتش فاهم حاجة..
بيريهان: يبقي مش بتحبها ....!!
يوسف باستنكار: أنا مش بحبها ...أنا عملت اللي أقدر عليه بس تعبت ....والله تعبت....!!
بيريهان في نفسها: يا نهاره ...يعني كده مش هقدر أشوف ندي ولا أبو ندي ....ضحكت بسخرية علي تفكيرها وانتبهت لأخاها لما يقوله ....
يوسف: متشغليش بالك أنتي ....المهم فين ماما... ؟!
بيريهان: ماما ...قاعدة في الجنينة مع الولاد....
يوسف :طيب ....اوعي كده ...
بيريهان بعد مغادرته :أبو شكلك هتبوظلي المهمة....
##$##
في صباح اليوم التالي ...
وكعادة كل صباح الذي لا يخلو من قراءة مصطفى للصحف لمعرفة آخر الأخبار التي تسليه قراءتها قليلا رغم الملل ولكن نسيانه قليلا أفضل من الوحدة....
شرع في قراءة الأخبار حينما جحظت عيناه وهو يقرأ الخبر التالي "عثرت علي حثة رجل الأعمال إسماعيل السيوفي مقتولا في منزله بعد محاولته لايقاف عملية سرقة علي منزله إلا أنه لم يستطع وأودي مصرعه ولم يتم العثور علي اللصوص..."""
إبان ببكاء: لا عمو إسماعيل....!!
مصطفى: لا حول ولا قوة إلا بالله ...
إبان: انا لازم أتصرف....
أمسكت بهاتفها وحاولت الوصول لأمجد إلا انه لم يجيب علي اتصالاتها....
استقلت سيارة أجرة واتصلت بإياس الذي أجابها في المرة الثانية بصوت ناعس: ألو ...
أبان:إياس.... أنا رايحة دلوقتي علي القسم ...الحقني علي هناك....
إياس:قسم.... قسم ليه ...؟!
دمعت عيناها وهي تقول:عمو إسماعيل ....شوف جرايد النهاردة وأنت تعرف ...سلام ....
أنزل الهاتف من علي أذنه يحاول استيعاب ما قالته ...
ركض للأسفل يبحث عن جريدة اليوم تحت أنظار الجميع المتعجبة....
فريدة:بدور علي إيه يا حبيبي.... ؟!
إياس وهو يبحث:جورنال النهاردة هو جه ...؟!؟
فريدة: ايوة هتلاقيه مع سيف. ....
بحث إياس عن سيف فوجده يلعب به ....اختطفه من يده وأخذ يبحث عن الخبر مع محاولات الصغير في الوصول واخذها منه ....
إياس بغضب:بس يلا...
وصل للخبر المراد ....تسمر في مكانه وأخذ يعيد قراءة الخبر مرارا وتكرارا ...دخل بسرعة وفي وقت قياسي بدل ملابسه ليخرج متجها نحو إبان ولم يعر نداءات الجميع اهتماما.....
في قسم الشرطة...
وصلت إبان الي القسم أولا...وانتظرت إياس بالخارج خصوصا بعدما علمت من العسكري بأن امجظ ليس هنا .
وصل إياس بعد مدة إليها فاتجهت إليه بسرعة قائلة: اتأخرت كده ليه ...؟!
إياس بضيق:مهو لو كنتي قولتيلي في أيه كنت هاجي بدري....!!
إبان بدموع:مقدرتش.... مقدرتش...!!
إياس: خلاص هدي نفسك... جاية هنا ليه ...؟!
إبان: هدخل أقدم بلاغ وأقول اللي شوفته...!!
إياس:طيب ...تعالي. ...
.سأل عسكري هناك فدله علي مكتب الرائد هاشم...
طرق العسكري الواقف أمام مكتب الرائد ودخل ليعلمه بوجودهما.....
رحب بهما الرائد كثيرا خاصة انهما من أقارب امجد...
هاشم: أهلا بإياس بيه شرفتنا....
ضحك إياس: الله يكرمك بس مش ناوي أعملها تاني.
ضحك هاشم أيضا وهو يقول: لا إن شاء الله خير.... اتفضوا....
إياس: الصراحة كنا جايين نقدم بلاغ بخصوص قتل إسماعيل السيوفي....
هاشم: آه طبعا اتفضلوا...!!
أياس:كانت أبان شافت عملية قتل بس الصراحة أمجد قال غير كده ...قال إن مفيش حاجة ....
هاشم:أيوة حصل وأنا كنت معاه بنفسي ...
إبان:أنا والله شوفته ...شوفته بعنيا وهو بيقتله وكمان ضرب نار علي صاحبتي وأنا معرفش حاجة عنها لحد دلوقتي ....
إياس: واللي يثبت اللي تقوله هو نزول خبر قتله الصبح ..يعني الغبي لابس ...
هاشم:وهو ده فعلا ....حضرتك تقدري تعملي البلاغ والطب الشرعي هيثبت ده كويس...
إبان :تمام وانا جاية دلوقتي عشان كده ...
-طب تمام.... دقايق وراجع ...
إياس: تمام.... اتفضل ...
إبان: تفتكر هيصدقوني ...؟!.
إياس: ليه لا. .وأنتي ايه مصلحتك في ان شريف يتسجن ...
إبان: ربنا يستر...
إياس: إن شاء الله... متخافيش طول مانا معاكي ..
أمسك يدها يبث لها أمان تفتقده هذه الأيام ...فابتسمت له بامتنان فهو دائما يثبت لها بأنها لم تختر إلا الرجل المناسب....
بعد قليل أتي هاشم وأكمل اجراءات المحضر ووعدهما بأن المجرم سيأخذ جزاؤه لا محالة....