في الشركة
جلس إياس بمواجهة شريف الذي أصر علي البقاء معه ..
يبدو أنه كتب عليه البقاء هنا وعدم الذهاب لشركته ..
دخلت لينا المكتب فاقتربت من إياس قائلة: يلا يا إيسو ..!
إياس بتعجب: علي فين...!! ؟
لينا :هنطلع نتعشي سوا برره ...!!
إياس: مش هينفع ...شريف كان عايزني في موضوع..!!
لينا :عايز حاجة ضروري يا شريف ...؟!
شريف: لا عادي تتعوض ...!!
حاول الاعتراض فقاطعتها لينا وهي تشده من يده لينهض معها .....فانصاع للأمر فليس باليد حيلة ...وكله من ورا بنت الشافعي ...
رن هاتف إياس فاستئذن ليخرج ....
اقتربت لينا من شريف لتحتضنه قائلة :حبيبي يا شريف .!
ضحك شريف قائلا:عشان خاطر عيونك بس ...بس حاولي تقربيه منك أكتر ...!!
لينا بحزن: والله بحاول ...بس هو اللي بيحبها. .!!
شريف بغضب:لينا ...قولتلك ملكيش دعوة بيها ..!!
لينا بضيق:أنا عايزة أعرف بتحبوها علي إيه يعني ..أنا حاسة إنها ساحرالكم ...
شريف بهيام :إبان ...إبان دي حاجة تانية خالص. .
لينا :باي يا شريف ...ربنا يشفيك ...!!
أخرج محفظته ويفتحها متأملا صورتها التي تتوسط قلبه قبل محفظته ..!!!
بحث عن هاتفه ولم يجده ...فظن انه قد نسيه في مكتب والده ...فأجل البحث لاحقا ...!!
##$##
في الخارج
أمسك إياس بهاتف شريف عندما رأي صورة إبان تتوسطه
فرد هو عليها ...
إياس :خير ...!!
تعجبت إبان من الصوت فهتفت متعجبة :إياس ..
إياس بضيق :هو بعينه ...عايزة إيه منه ..؟!
إبان :وتليفون شريف بيعمل إيه معاك ...!!؟
إياس بغضب:إبان ...عايزة إيه من شريف..! ؟
ردت عليه بنفس النبرة :وأنت عايز إيه يعني ...أنا اتصلت بشريف فيعني مش محتاجاك أنت ....!
إياس بغضب :بقا كده ....طيب ...
أمسك الهاتف ليرميه على الحائط فنزل محطما مكونا عدة أشلاء تراصت بجانب بعضها بالاضافة الي الصوت الذي هز لينا من الفزع عندما خرجت ...
لينا.:إياس ...مالك ...؟
ألقى إليها نظرة غاضبة قبل أن يتركها ويرحل من خارج تلك الشركة... والمكان الذي يشعر به باختناق. ..
##$##
في المساء...
اجتمعت العائلة كلها بما فيهم أمجد وبتول ..
حازم :أيه يا ميجو ..محدش شايف يعني ..؟!
أمجد بأسف :والله يا حازم مش بايدي ...ماسك اليومين قضية ومش راضيه تتفك ...!!
حازم :لا الله يكون في عونك....
بتول :مش راضي يسيبها ...
حازم بتعجب :يسيبها ...؟!!
بتول بقلق :أيوة يسيبها ...عشان دي وراها مصايب زي ما بيقول وناس كبيرة ....!!
حازم :ما طول عمر الشغلانة دي كده ...وأنتي كصحفية المفروض عارفة الحاجات دي....!!
بتول بسخرية: آه صحفية ....دانا مشتغلتش سنة كاملة. .وكان كل حاجة فيه ممنوع ....
ضحك حازم قائلا:الله ..الراجل بيغير...ده بدل ما تبقي مبسوطة ...؟!
ألقت إليه نظرة مزيج بين الحنق والغضب ...فلف وجهه بعيدا عنها وهو يكتم ضحكاته ...
أتت إبان بصحبة والدتها يحملان أطباق الطعام.
التفوا جميعا حول الطاولة حين رن جرس الباب ..
ضحك حازم قائلا:مين اللي حماته بتحبه ده ..؟؟
بتول بخفوت :ماما بتحب عريس إبان ...!!؟
مني :أو عريس ياسمين برضو ...!!
اتجهت إبان نحو الباب لتفتحه لتتفاجئ.
إبان :يوسف ....!!!
يوسف: احم ...ازيك يا إبان ...!!؟
إبان :ها. ..الحمدلله... اتفضل يا أستاذ يوسف ..!!
مصطفى من الداخل: مين يا إبان. ..؟؟
إبان: ده الأستاذ يوسف يا بابا ...!!
اقترب حازم منها ليستقبل الضيف قائلا:اتفضل .....
دخل يوسف وسلم علي الجميع. ....
جلس مع الرجال في حين اتجهت النسوة للداخل ..
مصطفى وهو يشير للطعام: اتفضل يا بني .....!!
يوسف:احم....لا شكرا سبقتكم بالهنا....!!!
أصر مصطفى قائلا:لا يمكن ...عشان يبقي عيش وملح ..
وافق يوسف على العرض خاصة أنه نسي كيف يبدأ..
انتهوا من تناول الطعام جميعا ليكملوا جلستهم بتناول بعض المشروبات الساخنة ....
حازم :مش عارف أشكر حضرتك ازاي علي اللي عملته مع ياسمين ....!!؟
يوسف :مش حاجة يعني ...أنا معملتش غير الواجب..!!
حازم :الله يكرمك .....
يوسف :احم ...الصراحة أنا جاي في موضوعين. ...!
مصطفى: طبعا ....اتفضل. ...
يوسف :الأول بخصوص القضية بتاعت حضرتك ...
أمجد :أيوة عارفها ...خير. ..!!؟
يوسف :القضية خلصت من أسبوعين تقريبا... بس كانت المشكلة في الورق واستلام الحكم. ...بس الحمدلله كله خلص والورق مع إياس ....
مصطفى: يعني احنا كسبنا القضية ....؟!
يوسف :الحمدلله ...
مصطفى:الحمدلله... الحمدلله... ألف حمد وشكر ليك يارب..!!
يوسف :ومش بس كده ...ده كمان اتشال الحظر عنك وتقدر تسافر زي مانت عايز ...؛!!؟
مصطفى:لا الحمدلله على كده ....كفاية غربة بقا ..!!
أمجد :إيه يا حماتي ...مش هتزغرطي. ..؟!
وزغروطة مني انطلقت في الشقة ...مما دفع الفضول في قلوب بتول وإبان ...وزيادة ضغط الدم لدي ياسمين...
بتول وإبان: خير يا ماما ...!!؟
مني: أبوكم كسب القضية ...!!
احتضنت إبان والدها قائلة بمرح :الحمدلله.... الحمدلله يارب ...مبروك يا بابا....!!
مصطفى:الحمدلله....
بتول:بس هي قضية إيه. ..؟!.!!.
ضحك حازم وأمسك أمجد بيد زوجته قائلا:القضية اللي في دبي...!!
بتول :ياااه ...أنا فكرتها خلصت...!!
أمجد :القواضي اللي زي دي بتحتاج فترة طويلة أحيانا سنين ...بس الظاهر إن الأستاذ يوسف متمكن شوية ..!!
يوسف :الصراحة يعني ...شغلي منفعش كله ...لولا اتصالات إياس مكنتش خلصتها في الوقت ده ...!!
ابتسمت إبان بفخر ..فهو مازال يعطيها ما تحتاجه دون كلام ...قلوب متواصلة عشقيا ....!!!
رن جرس الباب فاتجهت إبان لتفتحه ...فوجدته أمامه آخر من توقعت رؤياه ....
##$##
في القصر. ..
جلست فريدة مع مي تطلب منها شيئا ولكن الأخرى مصرة على الرفض....
فريدة :بت أنتي متجننيش ...يوسف بيحبك ...!!
مي :مهو عشان بيحبني بلاش أنا ..!!
فريدة بغضب: اسمعي الكلام .. مش هعيد كلامي تاني..!!
مي :حاضر هقوله ...وأمري لله ..!!
##$##
تسمرت إبان مكانها فاغرة فاها بذهول قائلة :شريف ...
شريف :إيه هنفضل على الباب كده ...!!؟
تنحنحت بحرج وهي تقول :احم ...لا طبعا اتفضل. ..!
أغلقت الباب لتدخل خلفه للمجمع ...
دخل شريف ملقيا السلام:السلام عليكم ..
-وعليكم السلام...
إبان :ده شريف بيه السيوفي ابن صاحب الشركة اللي بشتغل فيها وابن عم صافي ....
حازم :أهلا وسهلا....اتفضل يافندم ...!!
شريف :احم ...بيه أيه ويافندم إيه ....على فكرة احنا برره الشغل فعادي جدا شريف ....
حازم :آه طبعا اتفضل يا شريف ...!!
إبان :ده حازم ابن خالتي ....
صافحه شريف قائلا :أهلا وسهلا ...تشرفت ..!!
حازم بابتسامة مجاملة :ليا الشرف ...اتفضل ...
سلم شريف على الجميع وجلس بعدها بجانب يوسف ...
استئذن يوسف بأن ينفرد بحازم ...فتوقفا في مكان بعيد نسبيا....في حين بقي شريف بصحبة مصطفى وأمجد ...بعد دخول الفتيات للداخل....
تحدث شريف قاطعا وصلة التوتر :احم... طب هدخل في الموضوع علطول ....!!!
مصطفى:اتفضل يابني ....!!!
شريف :طيب ...أنا طالب ايد الآنسىة إبان ...
نظر مصطفى وأمجد كلاهما للآخر نظرة تجمع بين التوتر والتعجب ....
أكمل شريف حديثه قائلا:الصراحة أنا اتقدمتلها قبل كده وهي رفضت ...فأجلت الموضوع لأنها كانت لسه فاسخة خطوبة قريب ....
لم يعقب مصطفى وظلت الأفكار تتراقص في رأسه وعلامات التوتر تبدو جلية على وجهه ...فتحدث أمجد قائلا:
-مش عارف أقولك إيه بس لازم العروسة تقول رأيها ...
شريف :أيوة طبعا ...وأنا مستني الرد ....استئذن أنا بقا ..
أمجد :طب اشرب القهوة ...
شريف :مرة تانية إن شاء الله نشرب الشربات....!!
ودعه أمجد وعاد لمصطفى الذي ينظر نحو نقطة في الفراغ ...
أمجد :ها ...ياعم مصطفى رأيك إيه ...؟!
انتبه مصطفى له قائلا:ها. ...مش عارف ...بس إبان ..!؟
أمجد :طب أنا هناديها....
حازم من الخلف بعدما ودع يوسف متسائلا :على مين ..؟!
مصطفى: حازم ...نادي عليهم..من جوه..!!
حازم :حاضر ...!!
أتت الفتيات بعدما طلب منهن حازم ذلك ...
منى :خير يا حاج ...؟!
نظر مصطفى لإبان بشك قائلا:ليه مقولتيش إن شريف ده اتقدملك...! ؟.؟
ازدردت ريقها بصعوبة وهي تقول :أصل... أصل ده كان في حفلة الخطوبة بتاعت ....عضت شفتيها وقلبها ينبض بالألم ولسانها لا يطاوعها في نطقها فأكملت بخفوت :بتاعت إياس. ..
حازم :خلاص يا عمي ....خلينا في الموضوع..
أطرقت رأسها هربا من نظرات أبيها التي تعلم جيدا كيف تخترقها....
أمجد: إبان ...شريف متقدملك تاني ....إيه رأيك ...؟!
بتول بمزاح :هو أنتي ليه موعودة بصحاب الشغل..! ؟
أمجد بغيظ :ده على أساس حضرتك عندك اعتراض ..
ضحكت بتول قائلة :اعتراض إيه ..ما خلاص اللي اعترض اعترض ...اوعي خليني أشوف الواد ..
رحلت بتول وتبعتها نظرات أمجد المغتاظة ...
انتبه على صوت مصطفى الغاضب لإبان: وبعدين... ؟!
منى: بالراحة عشان خاطر صحتك ..!!
حازم: ها يا إبان... محتاجة تفكري ولا إيه رأيك ..؟!
إبان بدموع: لا أنا مش محتاجة أفكر ...عشان أنا موافقة ..!
##$##
أنت تقرأ
سأظل لك (قلبي لك ج2) للكاتبه أميرة صلاح
Romanceجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح مقدمة إن كان للعشق اسم... فكنت سأسميه أنت .. وأن كان للحب موطن ....كنت سأجعله قلبك ... إن كنت أنت الحب ....فأنا القلب .. وإن كنت أنت أحببتني. ..فأنا عشقتك... ...
