جالس كالعادة علي مكتبه ودبلتها في يده يقلبها بشرود صورتها التي لا تفارقه أبدا وقلبه الذي لا يتوقف عن النبض باسمها وعقله الذي لا يتوقف عن تأنيبه وكأنه مذنب بذنب لا يغتفر.. هي لم تحاول رؤيته ولم تشرح له سببا لتركها إياه...
دخلت دينا لتبلغه بوجود إسلام و يريد رؤيته ..
أخفي دبلتها في الدرج قبل دخول إسلام...
إسلام: ازيك يا إياس.... ؟!
إياس: الحمد لله.. اقعد....!!!
إسلام: أنا كنت جايلك بخصوص مشروع المنتجع في شرم.... يعني عشان التصاميم خلصت ولا لا....
إياس: مش عارف والله. بس استني أشوف....!!
طلب من دينا القدوم فورا فأقبلت الأخري مسرعة..
دينا: أوامرك يافندم.... ؟!!!
إياس: دينا.... عايزك تشوفي أخبار التصاميم عند إب...
قطع كلمته وعاد ليصححها: قصدي هدي ونادر كمان...!
أومأت برأسها لتقول: حاضر يافندم... ؛!!
خرجت دينا لتذهب نحو مكتب المهندسين لتأتي بأخر الأخبار...
دينا: شباب... إياس بيه عايز التصاميم بتاعت مشروع شرم....!!!
زينب: التصاميم مع هدي وهي نزلت شوية وجاية....
دينا: طب لما تيجي تبعتيها فورا علي المكتب...
أومأت زينب وهي تقول: طيب....
#####
أمام الشركة
هدي: كويس إنك جيتي... ؟!!!
إبان: أنا كنت مخلصة التصاميم من قبل اللي حصل ده...!!
هدي: طب تمام.. هاتي بقا وبعدين أكلمك...!!!
إبان: ماشي.... سلام.....
غادرت إبان لتتجه هدي نحو المكتب وهي تقول
: الحمد لله قدرت الموقف لما كلمتها ومتأخرتش....!
اتجهت هدي فورا نحو المكتب لتقابلها زينب: إيه يا بنتي روحتي فين إياس بيه طلب التصاميم...!
هدي: كنت بجيب بقية التصاميم من إبان...!
زينب: طب خلصي يلا. وروحي...
هدي وهي تجمع التصاميم: طيب اهو خلصت...
حملت هدي التصاميم لتتجه نحو مكتب إياس..
قابلتها دينا لتقول : خديهم بقا وعلي مكتب سيف بيه..
هدي بضيق: طب ليه التعب ده طيب.... ؟!
ضحكت دينا: هههههههههه... أدي أخرت التأخير...
تأففت هدي وهي متجهة نحو مكتب سيف...
هدي : ها يا مروة... موجودين ولا هتبعتتني لحد غيره...
مروة: هههههههههه... لا استني موجودين ...ادخلي هما مستنينك...!!
أومأت برأسها لتتجه نحو باب المكتب وطرقته لتدخل بعدما سمحوا لها بالدخول...
هدي: أنا آسفة يافندم علي التأخير....
إياس: بس يارب يكون بفايدة....!!
هدي: أنا خلصتهم.... وأكملت وهي تمد يدها بهم: اتفضل..
فحصهم إياس جيدا لتقع عيناه علي تصميمها هو يعرف ميزتها تلك التي تحيط ببعض الدوائر للأشياء التي تريد المناقشة فيها...
أخرج التصميم ليمسكه ويفصحه جيدا وكأنه يراها فيه ثم مزقه تحت أنظار هدي المصدومة وتعبيرات سيف الجامدة...
هدي بصدمة: ليه يافندم.... ؟؟؟
إياس: مش كويس... وعايز تصميم غيره و يكون لحد من الشركة هنا... أظن إنك فاهماني كويس يا هدي... ومش عايز ده يتكرر تاني... احنا عندنا مهندسين ممتازين ومعتقدش انهم طالبين مساعدة حد من برره.... ولو مش أد المسئولية قولوا واحنا نجيب غيركم.....
ابتلعت هدي ريقها باحراج وهي تقول: احم ..لا طبعا يافندم أدها إن شاء الله....
إياس' طب تمام عايز تصميم غير ده بكرة الصبح..
هدي: حاضر يافندم...!!!
إياس: اتفضلي علي مكتبك....! ؟
أومأت برأسها لتغادر بعدها المكتب...
تكلم سيف بعد صمت: واحنا من امتي بندخل العلاقات في الشغل....!! ؟؟؟
إياس بضيق: واحنا كمان عندنا مهندسين ومش محتاجين خدماتها....!!
سيف: لسه برضو معرفتش السبب لكل ده.... ؟!
إياس: لا. ومش عايز أعرف.... مش حتة بت اللي ممكن تذل إياس منصور.... ؛!
تنهد سيف بقلة حيلة وهو يقول': اللي أنت عايزه اعمله..
كتم إياس غضبه منها هو يريد أن يعرف ما الذي حدث لتفعل كل هذا....
#######
جالسون علي طاولة الطعام ومراد يقلب في طبقه بغضب.. لتتجه نحوه أنظار فريدة
فريدة: مالك يا مراد... ؟!!
انتبه لها مراد ليقول: ها.... لا مفيش أنا كويس...!!
- مش بتاكل ليه.... لتكون بنت صفية هي السبب. !
مراد بضيق: أنا نفسي أعرف حضرتك ليه مش متقبلة سمر.. ؟!!!
فريدة: بكرة تعرف ليه... ودلوقتي قولي مالك...؟!!!
مراد: مفيش... بس هي عايزانا نكتب الكتاب في اليومين دول...!!!!
إياس بسخرية: ده بدل ما تكون انت اللي تطلب...!!
مراد: مش القصد... أصل أنا كنت فاتحتها في الموضوع ده قبل كده وهي قالت نستني شوية لحد ما اتعود عليك بس هي امبارح قالتلي كده....!!
فريدة: وانت قولتلها ايه بقا...!!! ؟؟
مراد بحنق : رفضت يا ماما وقولتلها نستني شوية لحد ما إياس يعني.... وصمت
ليكمل إياس عنه: وإياس ماله بقا...!!
فريدة بضيق : ما هي بنت صفية... عايز منها إيه غير إنها تشمت فيك...!. ؟؟
مراد: يوووه يا ماما.. أنا زهقت أنا ماشي.... سلام..
التفت إياس لفريدة : إيه ده يا ماما اللي قولتيه ده...!!!
فريدة :مش هخلي بنت صفية تعمل اللي في دماغها... ؟
إياس: طب تقبليها عشان خاطر مراد.. !!!
فريدة بحزن: ويعني اللي مصبرني عليها غير مراد...!
إياس: ربنا يهديها..... !
فريدة: وأنت ناوي علي إيه.... ؟!!!
-ولا حاجة هخلص المشروع اللي في ايدي وبعدين هسافر..!!!
فريدة: اعمل اللي تعمله أأنا أصلا زهقت...
تركته وذهبت غاضبة...فيكفي ما بها. فهي لم تعد شيئا يذكر لدى أولادها.....
#####
وعلي الجانب الأخر. توجه مراد نحو مكتب والده بعدما يئس من محاولة اقناع والدته...
سيف: طب ما تصبر شوية وبيري جاية كمان شهرين...
مراد.: أنا موافق علي المدة... بس اقنع ماما تتقبل سمر.. وتسيبها من امها صفية....
سيف: ملكش دعوة انت بالموضوع ده ....وبعدين انت ناوي تعيش فين.... ؟!!
مراد: انا بفكر اقعد في الشقة اللي كنت فيها قبل كده..
سيف: طب اعمل حسابك.. إن مرات عمك مش ترضي بأقل من فيلا أو قصر....!!!
مراد: ربنا يسهل....
#######
كانت جالسة أمام التلفاز تنظر إليه بشرود عينيها في الفراغ وعقلها في مكان اخر بعيد كل البعد عنها...
تفكر بمن سيطر علي القلب وأشغل عقلها بالتفكير به...
أخرجها من شرودها رنين هاتفها والتقطته لتري اسم صديقتها ينير الشاشة...
إبان: ازيك يا صافي.... ؟؟؟!
صافي: تمام... ليكي عندي خبر حلو....!!!
إبان بمزاح: هههههههههه... إيه حامل....!! !!
صافي: لا... بقولك ليكي انتي.... المهم شريف وافق انك تشتغلي عندهم... بس....
-بس إيه.... ؟؟!!
صافي: أصلهم داخلين في مشروع مع شركة المنصور...!!
ابتلعت إبان ريقها بصعوبة فهذه العائلة لن تتركها وشأنها أبدا...
إبان بصوت مختنق: وإذا يعني فيها إيه.... ده شغل ملوش دعوة بالعلاقات اللي مفيش..... ؛!
صافي: طب تمام بكرة تروحي الشركة عشان تستلمي الشغل.....
إبان: ماشي..... متشكرة جدا يا صافي...
صافي: عيب يابت... وأنا شايلاهملك لبعدين.... معه
إبان: هههههههههه.... رقبتي سدادة... سلام...
أغلقت الخط لتتجه بعدها لغرفة والدها لتخبره بما قالته صافي....
مصطفى: طب وأنتي هتعملي إيه.... ؟!!
إبان: مفيش.... هروح بكرة أستلم الشغل....
مصطفى: أنتي فاهمة قصدي كويس يا إبان... ؟!
إبان بغموض : مليش دعوة بحد ده شغل....
مصطفى : ياريت يكون كلامك صح...
- ربنا يسهل....
ذهبت إبان من أمام والدها لتتجه نحو غرفتها التي تحفظ بداخلها جميع الأسرار....
أخذت تقلب في هاتفها إلي أن وقعت عينيها علي صورة تجمعها معه في حفل الخطبة... تنهدت بحزن ودمعة حارقة سالت علي عيونها ومسحت بيدها علي صورته التي تنير شاشة هاتفها...
إبان بحزن: أنا السبب في كل ده.... بس ده عقاب صعب أوي... يارب ساعدني...
أمعنت النظر إلي الصورة وكأنها تحفظ شكله خوفا من ألا تراه مرة أخرى...... ثم وبدون سابق إنذار مسحت الصورة. وهي تتألم وتبكي علي الحالة التي وصلت إليها....
#######
في اليوم التالي
تجهزت إبان واستعدت جيدا لتذهب نحو عملها الجديد..
لم تسلم من والدها حتى وعدته بأنها لن تقترب من هذه العائلة مرة أخرى. .
انتظرت إبان عدة دقائق حتي أتت إليها صافي لتأخذها نحو عملها الجديد..
استقلت السيارة بجانب صديقتها المفضلة والتي لم تتخلى عنها يوما....
إبان: مكانش فيه داعي إنك تيجي...
صافي: اخص عليكي يا إيبو...
إبان: ماشي يا ستي..... متشكرة...
- أنا هسكت أحسن بدل ما ارتكب جريمة....
وصلتا بعدة نحو شركة السيوفي التي يمتلكها كلا من فؤاد وإسماعيل السيوفي ونصيب عائلة صافي الصغير.
نزلت الفتاتان لتتجه نحو مكتب المدير مباشرة فصافي لا تحتاج إلي ميعاد لتدخل....
صافي: صباح الخير.. شريف موجود....!!! ؟
السكرتيرة: آه... شريف بيه موجود في مكتب فؤاد ل
بيه...!!
-اها تمام.... ووجهت كلامها نحو إبان: يلا...
إبان: استني لما ييجي...!!
-لا تعالي عشان أروح وأكون مطمنة عليكي ....!!
ضحكت إبان: هههههههه... حاضر...
توجهتا نحو مكتب فؤاد السيوفي....
دخلت صافي أولا لتعلمه بوجود إبان حتى لا تتسبب لها بالاحراج....
صافي: صباح الخير يا عمو....
فؤاد: صباح النور... ها إيه الجديد... ؟!!
صافي: إبان معايا برره .....
ابتسم شريف وهو يقول: طبعا دخليها....
أومأت برأسها موافقة واتجهت نحو الخارج لتدخل إبان.
صافي: أعرفكم إبان الشافعي... بكالوريس هندسة متخرجة بتقدير جيد جدا واشتغلت قبل كده في شركة المنصور.....
قاطعها شريف: بس ...إيه بالعة السي في بتاعها
ضحكت صافي لتقول: هههههههههه... مش صاحبتي..
فؤاد: طب خلينا نسمع صوت صاحبتك وأنتي روحي...
شريف: أيوة روحي.. من غير ما تروحي الحسابات...!!!
صافي: ههههه.... لا طبعا رايحة... سلام بقا....
خرجت صافي من المكتب تاركة إبان وحدها معهما تبتلع ريقها بتوتر... فهي لأول مرة تحظى بمقابلة تلك...
شريف: ها يا آنسة إبان هتسمعينا صوتك...!!
ابتلعت ريقها بتوتر لتقول: احم.....أكيد يافندم..!!
شريف: طب تمام ...مكتوب هنا إنك قدمتى استقالتك من شركة المنصور.... !!!
إبان: زي ما حضرتك شايف... أنا اللي استقلت مش اتطردت... والملف اللي قدام حضرتك يثبت إن مفيش غلط...
شريف: أها طبعا.... طب حضرتك بقا تقدري تستلمي شغلك من النهاردة لو تحبي...!! ؟.
إبان: اه طبعا... ياريت...!!
شريف: طب تمام... اتفضلي بقا أوصلك علي المكتب..! !
أومأت برأسها موافقة لتخرج خلفه من المكتب وقلبها ينبض بخوف لا تعلم سببه...ولكنها بررت لحالها بأن تلك المرة التي تعمل بحق....
أنت تقرأ
سأظل لك (قلبي لك ج2) للكاتبه أميرة صلاح
Romanceجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح مقدمة إن كان للعشق اسم... فكنت سأسميه أنت .. وأن كان للحب موطن ....كنت سأجعله قلبك ... إن كنت أنت الحب ....فأنا القلب .. وإن كنت أنت أحببتني. ..فأنا عشقتك... ...
