تم القبص علي شريف السيوفي بتهمة القتل رغم اعتراضاته وتصريحه بالهمجية والوعد بحسابهم جميعا. .
دخل إليه محاميه وتركوه مفردا معه كما طلب ..
المحامي:البلاغ متقدم من واحدة اسمها إبان...
شريف بوعيد:ورحمة أمي ما هسيبها ...هي هتلعب معايا ولا إيه ...!!
المحامي: الطب الشرعي هيثبت إن إسماعيل بيه اتقتل في المكتب وتم نقله فعلا لبيته ...وبشهادتها يبقي هتتسجن كده....
شريف بغضب:هو أنت جاي تطمني ولا تشيلني الهم ...شوفلي صرفة خرجني بيها من هنا ...!!
المحامي: مفيش غير حلين ...
شريف:دلني عليهم بسرعة....
المحامي: مفيش غير لاننا نرشي الطب الشرعي وده شبه مستحيل أصلا....
شريف بترقب: والتاني... ؟!
المحامي بحذر:لا نقتل الشاهدة ...لانه حتي لو في قضية هتبقي من غير دليل ....
شريف: يبقي نقتل الشاهدة وماله ليه لا....ويبقي ضربنا عصفورين بحجر ....
##$##
في منزل الشافعي...
طلبت مني من إبان شراء بعض الأشياء من محل البقالة في الأسفل.....فامتثلت لأمرها ونزلت ....
كانت تعبر الشارع حينما رأت سيارة تقود بسرعة ناحيتها وخروج شخص منها يحمل بيده مسدسا وكما توقعت فهو موجه نحوها.... انطلقت الرصاصة منه واستقرت في المكان المضبوط التي وازتها صرخة إياس باسمها...
إياس الذي ورده اتصالا يخبره بأن حياة إبان في خطر ...
أمسك بها بقوة يبعدها عن مرمي الرصاصة فأد ذلك لاصابتها بضربة في رأسها جعل خيطا من الدماء يسيل من جانب جبهتها....
إياس بقلق:إبان...انتي كويسة ...؟!
أمسكت رأسها وقالت بألم:آه ..دماغي....!!
إياس:طب قومي يلا ...خلينا نمشي من هنا ....
إبان:مش شايفة حاجة قدامي ...!!
إياس:أنا همشي جمبك يلا قومي ...بسرعة قبل ما يرجعوا......
صعدا للأعلي في حين كانت مني تنزل للأسفل...مني بقلق:بنتي. ...
إياس: متخافيش يا طنط سليمة الحمدلله...
مني :ايه اللي حصل....
إياس:خلينا نطلع الأول وبعدين أقولكم علي اللي حصل ..
مني:ها ...طب يلا ...بالراحة يا حبيبتي ...
في الشقة
وصل أمجد بعد أن اتصلوا به وطلبوا منه القدوم بسرعة...ورؤية الطبيب لجرح إبان واسعافه لها ...
إياس:كل اللي حصل إنه جالي تليفون بيقول إن حياة إبان في خطر وبعد اللي حكاه بيأكد الكلام ده وقالي إن ليه علاقة بموضوع القضية وأنا جيت بسرعة ولقيت عربية جاية ناحيتها وخرج منها واحد شايل مسدس وبيضرب عليها فانا لحقتها الحمدلله....بس وقعت مني لما شدتها ونزفت من دماغها ....
مصطفى: الحمدلله أنها جات علي أد كده ....!!
أمجد: أنا كنت عارف إن ده ممكن يحصل فأنا طلبت من هاشم اللي ماسك القضية معايا خصوصا بعد ما لقيت إن احتمال إن شريف بيتاجر في المخدرات ...فاحنا طلبنا حماية ليها لحد ما القضية تخلص خصوصا إنها الشاهدة الوحيدة لحد دلوقتي لحد ما صافي تظهر ...عشان كده هي هتمشي من هنا لحد ما القضية تخلص...!!
إياس:تمشي ...تروح فين ...؟
أمجد:مكان آمن يا إياس متخافش عليها ....
إياس: أيوة بس انا لا يمكن أسيبها تروح لوحدها ..
أمجد:مش هينفع لان بكده هيعرفوا مكانها..!!
إياس:يعني اهو مش هشوفها ولا أعرف مكانها. .!!
امجد:بالظبط كده ...!!!
إياس:يبقي رجلي علي رجلها....مش هخليها تتحرك من هنا إلا وانا معاها ....
أمجد: أيوة بس...
قاطعه إياس بحزم: من غير بس ...هو ده اللي عندي ....
مصطفى: خليه يبقي معاها علي الأقل ابقي مطمن عليها .
أمجد:ماشي. ..وهو كذلك....أسيبها ترتاح شوية وأجي اخدها الصبح ....
إياس:تمام....أكون أنا رتبت أموري ...
أمجد:علي بركة الله ...أستأذن انا بقا....
مصطفى :ما تخليك تتعشي معانا ...!!
ضحك أمجد قائلا :ليه عشان بتول تقتلني ...!!
مصطفى: ربنا معاك... مع السلامة.....
#$##
في القصر
جلس أياس مع والديه ليخبرهما مع حدث معه ومع إبان..
فريدة: ياربي ...يعني قتله فعلا....؟!
إياس:والله ده اللي شافته إبان وصافي ...وصافي لحد دلوقتي مش ظاهرة ومحدش يعرف عنها حاجة ....
سيف: لا حول ولا قوة الا بالله ...يعني قتل عمه ليه..
إياس:تقريبا كده عشان حاجة في الشغل ...
فريدة: شغل ايه وزفت ايه اللي قتل عمه عشانه...
سيف: بكرة الحقيقة تتعرف ...بس المهم انك تروحي تعزي مراته ....
فريدة: ايوة طبعا بكرة الصبح اخد مي ونروح هناك... ربنا يصبرها.....
إياس: طب الخق انا اجهز حاجتي ....
فريدة: إياس عشان خاطري خلي بالك من نفسك...!!
قبل رأسها قائلا:متخافيش ...ربنا يستر ان شاء الله.فريدة: ربنا يحميكم يا حبيبي ...ويبعد عنكم الشر... ،!
##$##
في الصباح
وصل إياس لمنزل إبان كما اتفق معهم ....وبعدها استقلوا سيارة أمجد واتجهوا نحو المكان المخصص لاقامتهما....
وصلا لمكان يشبه الحارة الشعبية بشوارعها الضيقة ومبانيها الهشة والمطلة علي المباني المقابلة لها ...تشعر كان المنزلين عبارة عن منزل واحد ذو شرفتين...
إبان:عرفت منين المكان ده ...؟!
أمجد ضاحكا: بغض النظر عن طبيعة عملي إلا ان المكان ده أامن مكان هقدر أطمن عليكم فيه....!!
إياس بتعجب:ياراجل ده ....؛!
أمجد: آه ...شوفت.... المهم بقا هعرفكم علي اللي هتبقيوا مسئوليتها....
إبان بتعجب:مسئوليتها..... قصدك واحدة ست...
أمجد:طبعا ده سر بينا ...!
إبان:أيوة طبعا ....وده هيكلفك كتير ...
أتت امرأة متوسطة العمر تبدو في بداية الثلاثينات او أقل وملابسها عبارة عن عباءة سوداء تفصل جسدها الممتلئ قليلا وشالها الأسود المربوط علي رأسها فجعلها تشبه المعلمة سماح....
أمجد: أعرفكم دي سوما اللي هتبقي مسؤلة عنكم هنا ...ودول بقا إياس وإبان اللي كلمتكم عنهم...
سوما:أهلا وسهلا بيكم ...شرفتونا...
إياس :متشكر يا مدام ...
ضحكت سوما قائلة:لا بلاش مدام دي يا سي إياس مشيها ست سوما لو تحب ...
إياس:وماله ياست سوما ...
إبان بغيظ :وانا مراته إبان ...!!
أمجد: طب اسيبكم انا بقا ...وزي ما وعدتك يا سوما لو خليتيهم في عنيكي ....
سوما:متقلقش يا أمجد باشا ....في عنيا ...
رحل أمجد وترك مهمة التعريف بالمكان لسوما ...
دخلا منزلا يبدو قديما جدا من حالته المزرية والأتربة التي تملأ المكان....
سوما:معلش أصل من زمان محدش دخله ...
إياس:معلش بقا هنتقل عليكي ...
سوما:عيب عليك يا سي إياس ..متقولش تاني كده ..!!
إياس: عشان خاطر سي إياس دي مش هقولها تاني...
ضحكت سوما بدلال فطري فاغتاظت إبان خاصة بعدما علق إياس قائلا:يا عيني علي سي إياس....
ضربت علي قدمه بقدمها بغيظ وغيرة قائلة: طب بعد إذنك ممكن أنضفه بس عشان خاطر عايزة أنام ...
سوما:لا عيب عليكي.... أنا بس هستأذنكم تقعدوا بره لحد ما أخلص تنضيف ....
قاطعت إبان إياس الذي كان علي وشك التحدث قائلة:طب تمام هنسيبك علي راحتك....
أمسكت بيد إياس كطفل تجره أمه دون ممانعة وهو يكتم ضحكاته علي شكلها عندما تغار قائلا في نفسه:شكلها سي إياس دي هي الحل ....وهقدر أرد علي بنت الشافعي..
تركت يده بعدما خرجا واتجهت بعيدا عنه ...
رفع إياس حاجبه بتعجب وقال:يعني أنتي مخاصماني دلوقتي....!! ؟
إبان:وأنت يهمك في إيه بقا ...ما حتي اتفلق ...؟!
إياس: ريحيني بس عشان لو زعلانه أسيبك وأروح أساعد الغلبانة اللي جوه ....
إبان بغيظ:لا روحلها ...خليها تنفعك يا سي إياس...
إياس:قولي سي إياس كده تاني ...!!
إبان:لا مش هقول. ..!!
إياس: طب وعشان خاطري ...!!
قلدت إبان سوما قائلة: يووه ...عيب يا سي إياس...
ضحك إياس بقوة واحمرت هي خجلا....
خرجت سوما بعد مدة كانا مازالا يتضاحكان فيها وقد صفيت النفوس....
سوما:ها ...احنا خلصنا تقدروا تدخلوا ترتاحوا فيها ...
إياس:مش عارف أقولك الصراحة. ....!!
إبان بغضب : إياس....!!
ضحكت سوما وهي تقول:طيب امشي انا....
إبان: مع السلامة....!!
دخلا سويا لطلب الراحة فهما لم يناما الليل ....
##$##
في مكتب يوسف...
ذهبت ياسمين الي المكتب لتلم حاجياتها وكم تمنت ان تراه ولو لمرة أخيرة بعد ولكن يبدو ان القدر لن يقف في صفها ولو لمرة واحدة فهو لم يأت بعد وعندما سألت عليه العامل اخبرها بانه لم يأت من يومين ...
فتح الباب فجأة عندما كانت تلم آخر ما تبقي عندما لمحته ورفعت اليه أنظارها وجدته أمامها حبيبها من دق القلب له ....أول وآخر حب لها....
نظرا لبعضهما في صمت ولغة العيون أبلغ من الحديث بالكلام ....نظراته المعاتبة أتت في مركز القلب مباشرة... فتألمت ...
يوسف:عم سيد....!
اتي العجوز وقال:أيوة يا أستاذ يوسف ...!
أخرج من جيبه ورقة مالية وأعطاها للعامل قائلا:لو سمحت يا عم سيد ممكن تشتريلي علبة سجاير من تحت
عم سيد:تحت امرك يا بيه ....
خرج العامل وأوصد خلفه يوسف الباب جيداً بالمفتاح وهي لم تعقب ....
اقترب منها عندما لم ارتجاف جسدها عندما يكونان بمفردهما دون وجود شخص ثالث ....لف يده حول خصرها فشهقت بقوة وحاولت الابتعاد إلا انه أحكم سيطرته عليها واضعا رأسه علي كتفها يشتم حريرها فاقشعر جسدها من أنفاسه التي تلفح عنقها ....
وزاد همسه سرعة ضربات القلب وزيادة ضخ الدم في جسدها فارتفع عاليا ليصل الي وجهه الذي أصبح كحبة البندورة.....
يوسف بهمس:وبعدين... ؟!
ياسمين بتوتر:لو سمحت ...ابعد.عني....
يوسف: وبعدين ...؟!
ياسمين: همشي ...!!
يوسف :وأنا ....؛؟
-هسيبك ترجع لمراتك الأولي....
-وانتي... ؟!
-هبعد عنك...
-ويرضيكي أموت ...!؟
-بعد الشر عليك ...!
-طيب ...قولتلك قبل كده أنك أول واحدة أحبها ليه تخلينا أتعذب أنا وانتي ...وفي ايدينا نسعد بعض ...
ياسمين: ازاي ...؟!
لفها يوسف ناحيته واقترب يقبلها ...
يوسف:كده....!!
تلونت وجنتها بالاحمر وقالت:انت قليل الأدب ...
ضحك يوسف قائلا :أيوة عارف ...
ياسمن:طب اوعي خليني أروح ...!
يوسف بغضب: ياسمين....!!
التفتت بخوف اليه تري ما سبب غضبه ..فرأته ينظر ناحية يده وفتحها لتري دبلتها التي تركتها معه ...
اقتربت تأخذها منه وهي تقول:هات ...دانا حتي لسه مبلغتش حد باللي حصل ...!!
يوسف:ماشي... بس المرادي مش هتنازل عن كتب الكتاب...
ياسمين بصدمة: كتب كتاب ...!
يوسف مؤكدا: أيوة كتب كتاب ....
ياسمين: أيوة بس إياس وإبان...
يوسف: وحد قالك أنه فرح ده كتب كتاب علي الضيق كده
ياسمين: حتي لو ...مش هينفع. ..
يوسف بحزن:تبقي مش بتحبيني ولسه بتخافي مني ..
ياسمين بسرعة:لا والله ده بحبك ...
يوسف بفرحة: ياااه اخيرا أبو الهول نطق ...يا بركة دعاكي ياما ...
ياسمين: يوسف.... عيب ...
يوسف:طب تماما يلا بقا علي البيت....
ياسمين :ماشي يلا ....
اتجه الاثنان معا نحو منزلها لاخبار الجميع برغبتهما بعقد قرانهما ...
##$##
مصطفى :أيوة يابني ...بس الظروف مش مناسبة دلوقتي.
يوسف: عارف والله... عشان كده انا اتفقت مع ياسمين علي اننا نعمله ع الضيق كده....
مصطفى:والله الرأي رأي أخوها هو انا في الاول والاخير يدوب جوز خالتها. ....
يوسف: لا طبعا.... مش هنعمله غير بموافقة حضرتك ..
مصطفى: طب بما انكم متفقين يبقي خيرة الله ...
##$##
في السجن
جلس رجل من رجاله بصحبته ليخبره بما عرفه من أخبار .
الرجل: زي ما قولتلك يا شريف بيه.... هما قعدوها في مكان وكمان في بوليس متنكرين بلبس ناس عادية هناك في الحارة...
شريف:يعني مش هتعرفوا تخلصوا عليها....
-لا متخافش يا باشا ...احنا عاملين حسابنا ...وسايبين رجالة هناك.. ولما تيجي الفرصة هيبلغونا واحنا ندخل نخلص عليها ...
شريف:تمام يا رجالة.... عايز كل جديد أعرفه ..
-تحت أمرك يا باشا....
شريف بوعيد:ويا عيني عليها لو وقعت تحت ايدي ..
##$##
في المنزل القديم ...
أتت سوما حاملة لصينية الطعام وقدمتها لهما ...
إياس:ليه تتعبي نفسك كده ...؟!
سوما:تعبك راحة يا سي إياس....
إياس:يعيني عليا وعلي سي اللي بتنقط سكر دي ..
إبان بغضب:إياس....مش هتاكل ....
إياس:ها ...طيب جاي ...
سوما:طب بالهنا والشفا.... استأذن انا ...
إياس:طب ما تقعدي معانا ويبقي عيش وملح...!!!
سوما بهمس :مش عايزة تولع أكتر من كده ..عن إذنكم...!
إياس:عاجبك كده....!!
رفعت الملعقة في وجهها قائلة بتحذير:عارف لو مبطلتش قلة ادب وبص عليها في الرايحة والجاية هفقعلك عينك .
أمسك بالملعقة وشرع بتناول الطعام متجاهلا النار التي تخرج من أذنيها وتنفخ بضيق ...
تناولت الطعام هي الأخري دون أن تنبث ببنت شفه...
أنهيا طعامهما واتجهت نحو الفراش لتنام فأمسك إياس يدها ومنعها من الحركة وحجزها بينه وبين الحائط...
همس بالقرب من أذنها قائلا:تعرفي أنا من يوم ما شوفتك وأنا نفسي أعمل حاجة ....
ابتعد عنها فوجد وجهها الأحمر وعيونها المغمضة وشفتيها التي تتحرك ببطء أكثر اغراءً وهي تقول بخفوت: ايه ..؟
اقترب منها ونبهتها حواسها إلا انه سيقبلها.....
اقترب إياس منها ولفحت أنفاسه عنقها ومد يده يفك كعكة شعرها...
ابتعد عنها وهي يقول:مش بطال ...!
فتحت عينيها لتجده يمسك بيده رباط شعرها وشعرها الغير مربوط علي كتفيها....
إبان: بس كده...! ؟!
ضحك إياس: كان نفسي أعرف طول شعرك ده من يوم ما شوفتك وانتي بتربطيه ..وانا عايز اعرف طوله ..بس انتي اللي دماغك شمال .. ...واذا كان علي اللي في دماغك فانا جربته قبل كده ....
إبان بغيظ: أنت قليل الأدب. ...
ضحك إياس بقوة: أنا بردو ...!!
إبان:طب اوعي كده ....
أرجعها لمكانها وهو يقول: رايحة فين بس ..مش قولتلك قبل كده احلمي وانا انفذ....
-حصل ...!
اقترب منها يقبلها بنهم فمنذ عقد قرانهما وهو لم يتذوق الكرز خاصتها......
إياس:كده يبقي تمام....
أزاحته عن طريقها وركضت من أمامه وهي لا ترى شيئا من شدة توترها....
##$##
في منزل الشافعي
تم عقد قران يوسف و ياسمين بحضور فريدة وبيريهان من طرف يوسف ....
احتضنته فريدة :مبروك يا حبيبي ...
يوسف :الله يبارك فيكي يا ماما ...
وكذلك فعلت بيريهان....
يوسف:فين مي مجاتش ليه ...؟
فريدة:أصلها قاعدة في البيت ...؟!
يوسف هامسا لبيريهان: مالها ماما ...؟؟
بيريهان:زعلانه عشان بابا محضرش ...!
يوسف:وانا منعته يعني ..؟!
بيريهان: يعني عايز تفهمني انه ييجي يحضر كتب كتاب ابنه اللي مش بيعبره أصلا....
تركها يوسف ولم يعلق فالآن كل الاتهام موجه له فقط ...
##$##
بعد يومين ...
جلس يوسف بصحبة ياسمين في منزل الأخيرة ...
يوسف: عارفة أنا مش مصدق نفسي لحد دلوقتي إننا اتجوزنا ....ياااه أخيرا....
ياسمين بغيظ:ليه محسسني إنك قاعد مع حجر ...
يوسف: بس يا شيخة بلاش نتكلم أحسن خلي الجوازة تكمل ...
ضحكت ياسمين: أيوة هستغل الموضوع ده ...!!
كاد أن يرد عليها لولا هاتفه الذي صاعد رنينه....
يوسف: أيوة يا ماما ....
فريدة ببكاء: الحقني يا يوسف ....
أنت تقرأ
سأظل لك (قلبي لك ج2) للكاتبه أميرة صلاح
Romanceجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح مقدمة إن كان للعشق اسم... فكنت سأسميه أنت .. وأن كان للحب موطن ....كنت سأجعله قلبك ... إن كنت أنت الحب ....فأنا القلب .. وإن كنت أنت أحببتني. ..فأنا عشقتك... ...
