سأظل لك (قلبي لك ج2) للكاتبه أميرة صلاح

فصل 25

علم الجميع بخبر عودة إياس وإبان مرة أخري..
حازم:غبية....!!
إبان بغيظ:ملكش دعوة أنت...!!
حازم: صحيح مراية الحب عامية...!!
صرخت إبان قائلة :بابا...
ضحك مصطفى قائلا:خلاص يا حازم سيبها...
حازم :وهو انا اتكلمت....!!
إبان:هي فين ياسمين.. ؟!
حازم: ياسمين راحت المكتب تخلص شوية حاجات وترجع....هما جايين امتي ...؟!
مني :بتقول حوالي الساعة 8 كده ..!!
حازم :طب تمام... ألحق انا أودي ندي للدكتور وأرجع ..!
مني :هي مش بقيت كويسة...!
حازم: الحمدلله بس زيادة اطمئنان...!!
مني: ماشي يا حبيبي مع السلامة...
إبان:هي بتول اتأخرت كده ليه... ؟؟
مني :بتول دلوقتي معاها زياد فهتتأخر...!!
تأففت بحنق فيكفي توترها بأنها ستصبح من جديد مخطوبته ....
##$##
في المكتب ..
خرج يوسف من المكتب وترك ياسمين بمفردها في المكتب....التي كانت تحاول أن تسيطر علي خوفها ..
كانت ترتب أوراق بمكتب يوسف حينما انقطعت الكهرباء. وانغلق الباب فجأة من الخارج....
وقع قلبها بأخمص قدميها وانكمشت علي نفسها وظلت تبكي.... وارتجف جسدها ....
شعرت بحركة في الغرفة فازداد بكائها أكثر وانكمشت أكثر....
شعرت بحركة خلفها فأغمضت عيناها مع لمسة علي كتفها قبل أن تسقط بأحضانه....
تسمر يوسف مكانه حينما التفتت لتحتضنه بقوة وتركت شهقاتها تعلو وتعلو......
هدأت بعدها فرفع وجهها قائلا: عرفتي ازاي... ؟!
ياسمين:ريحتك... !!
حدق في عينيها مباشرة قائلا: تتجوزيني... ؟!
أومأت بصمت موافقة فأعادها إلي احضانه مرة أخرى مع ابتسامة فرحة....
##$##
في المساء..
اجتمعت العائلتان سويا لخطبة كل من إياس ويوسف علي إبان وياسمين ...بعدما أصر يوسف علي ذلك....
سعادة فريدة لا يمكن وصفها وهي تري فرحة ابنيها التي تشع من عيونهما....لم تصدق حينما أتي يوسف اليها يخبرها بأنه يريد أن يتزوج واليوم سيخطب مع إياس.. ولم يتنازل....رأت عروسه التي لا تقل جمالا عن أختها بخلاف النظارة الكبيرة التي أبت خلعها....
دخلت العروسان إلي الصالون في كامل حلتهما...
قرأوا الفاتحة وتركوهم معا بمفردهم....
أخذ إياس إبان وخرج وتركا يوسف وياسمين معا..
يوسف: ليه مقلعتيش النضارة....؟!!
ياسمين: عندك مانع يعني... ؟!
يوسف :لا طبعا بس يعني كنتي لبستيها صغيرة شوية.
ياسمين: بس أنا مش هقلعها.... هفضل لبساها علطول..!!
يوسف: براحتك...!!
وعند عصفوري الكناريا...
أمسك إياس بيدها يقبلها قائلا :ماربيلا....
ابتسمت بخجل وهي تقول :اممم ...
-عارفة أنا بفكر أقلبها كتب كتاب إيه رأيك.. ؟!
إبان: بلاش... عشان يوسف وياسمين.... ياسمين مش هتوافق....
إياس: انا مش عارف ايه الرخامة دي..... ناس لزقة...
ضحكت إبان: حرام عليك... ده حتى يوسف سكرة...!!
إياس بغضب: س إيه ياروح أمك ...أقسم بالله لولا إني مش أبوظ الفرحة كنت رميتك من هنا....
إبان بضيق: ليه يعني وهو انا قولت ايه غلط... ؟؟
إياس :أنتي مش عارفة قولتي ايه.... قولي ورايا أستاذ يوسف ....اسمها استاذ يوسف....
-ها....؟!
إياس بغضب :ها. ..ها ايه ...قولي استاذ يوسف...!!
إبان:أستاذ يوسف....
-شاطرة ...ولو سمعتك بتنادي لحد من غير لقب مش هقولك هعمل إيه بس هفاجأك....!!
إبان بضيق:لا شكرا مش عايزة مفاجأة من النوع ده ....!!
إياس :يبقي تسمعي الكلام....
سمعا الجميع ينادون عليهما فذهبت إبان بغيظ....
إبان بخفوت :ده بدل ما يقولي كلام رومانسي.. بيعلمني ازاي أتكلم مع الناس....
جلست إبان بجانب والدها وعلامات الضيق تنحت وجهها بامتياز...
ضحك مصطفى قائلا:هو انتو لحقتوا....!!؟!
إبان بغيظ: بابا... بلييز....
سيف :طيب ....نتفق بقا علي الشبكة.....
إياس: بعد إذنكم يعني ...فأنا كنت عايز أجبلها الشبكة ولو معجبتهاش ...فننزل نشتريها من أي محل هي عايزاه...
فريدة: أيوة... بس يا حبيبي الشبكة بتختاروها سوا...
إياس: مانا بقول أهو لو معجبتهاش فانا مستعد أنزل معاها المحل اللي عايزاه تختار منه ...
سيف :أيه رأيكم.... ؟!
مصطفى: انا معنديش مانع بس إبان هي صاحبة القرار.....
إبان :تمام ...موافقة ...اوك ...
إياس بشك: مش عاجبك الكلام ولا أيه ...؟!
إبان بغيظ: هو انا اتكلمت دلوقتي...!!
سيف:خلاص.... أنتوا واقفين لبعض علي الكلمة ولا إيه...؟
إياس:الله وهو أنا اتكلمت ....
إبان:ولا أنا ...!!
يوسف بخفوت: احنا ناس كيوت صح ...؟!
ابتسمت بخجل وأدارت وجهها تراقب إبان وإياس الذين لم يتوقفا عن الشجار ورد كلاهما علي الآخر...
##$##
مر أسبوعان...
إياس لم يتوقف عن اصدار الأوامر لإبان مما جعلها لا تتحدث معه ولاترد علي اتصالاته ولم تلتقي به منذ أسبوعان... ولكنها مازالت تتوق لرؤية الشبكة التي اختارها... خاصة بعدما اصطحب يوسف ياسمين لشراء شبكتها....
أما يوسف فقد عادت ياسمين للعمل معه بعد يومان إجازة ولكن معاملتها معه أكثر جدية من ذي قبل مما جعله يلجأ لبيريهان فأخبرته بأنها تحتاج لبعض الوقت لكي تدخل في علاقة عاطفية....
##$##
في المنزل...
جلست تلعب بهاتفها حينما رن جرس الباب فاتجهت لتفتحه.... رأته يقف أمامها...
إبان: خير... عشان مبردش علي اتصالاتك جاي تقول أوامرك هنا....!!
إياس:ده بدل ما تقولي كلمة حلوة.... !!
إبان بضيق :ده علي أساس إنك مغرقني...!!
ضحك إياس وأخرج يديه من خلفه ومدها بصندوق شيكولاتة ووبوكيه ورد مزين بطريقة تدل علي ذوق صاحبه..
أخذهما منه قائلة بفرحة: الله حلوة أوي يا إياس...
إياس: طب الحمدلله إنها عجبتك... طب ينفع أخدك ونتعشي برره ...!؟
إبان :كمان ...ده إيه الرضا ده كله ...؟!
إياس: خلاص براحتك... حتى نتحسد ..!!
أمسكته من يده وأدخلته لتغلق الباب بعدها وهي تقول: أبداً والله دانا مخرجتش من يوم قراية الفاتحة...
أتت مني فوجدتهما علي تلك الحالة... إبان تقف خلف الباب وتستند عليه وكأنها خائفة من فراره وإياس يقف أمامها ..
مني بتعجب: في إيه... ؟!
ضحك إياس قائلا:شوفتي حبساني يا طنط..!!
إبان: مانا هخرج يعني هخرج ...ملييش دعوة ..!!
مني :يمكن وراه شغل ومش فاضي ..!!؟
إبان: لا هو فاضي.. .حرسي عليه بس لحد ما ألبس وأجي... واوعي يجري منك ...!!
انطلقت ضحكات مني وهي تقول: اقعد لما أحرس عليك.
إياس بغيظ:فاكراني قطة ولا كيس جوافة ...
مني :معلش يا حبيبي أصل الحبسة تعمل أكتر من كده ..!
إياس: طيب....
##$##
في أحد المطاعم.. جهز خصيصا لأمسية حاولوا بقدر الإمكان أن تكون رائعة....
دخلت إبان بفستانها الأزرق بنصف كم وكعكة شعرها التي يريد قصها والتخلص منها... وأحمر الشفاه بطعم الكرز الذي طلبه خصيصا.... دخلت متأبطة ذراعه وهي تتأمل المكان من حولها بجمال خلاب فيبدو أنه لأجلها...
أفسح لها الكرسي لتجلس وجلس هو بالمقابل...
إبان: الله حلو اوي يا إيسو..!!
إياس:تعرفي يا ماربيلا.... كان نفسي نكتب كتاب بس باباكي وماما أصروا علي خطوبة...
إبان: معلش يا حبيبي... مش هتفرق....
إياس:يا إيه ...يا حبيبي... يعيني ع الدلع...!!
ضحكت بخجل ليكمل جمالها الخلاب وروعة الخالق في رسم صورتها.... تمتم بداخله :سبحان الله...
إبان بخجل: بتبصلي كده ليه ...؟!
إياس: عاشق ولهان ...!!
احمرت وجنتيها أكثر... فسحبها من يدها قبل أن تنفجر من الخجل واتجه بها ناحية منصة الرقص ليرقصان علي أنغام موسيقى هادئة....وهو يحدق في خضار عينيها الذي ينسيه العالم من حوله....
بعد مدة جلسا وطلبا الطعام وقضيا أمسيتهما بهدوء بعيد عن شجارهما ......
أوصلها بعدها للمنزل واتجه هو لمنزله طلبا الراحة وذهب في سبات عميق قبل أن يكلمها ويطمئن عليها مع قول "تصبحي وأنتي في بيتي .."...تغلق الهاتف هي بعدها مع تورد وجنتيها من الخجل قبل أن تذهب لقصرها الوردي ..
##$##
في مكتب يوسف...
جلس أدم يلعب أمام ياسمين المشغولة بمطالعة الأوراق...
شعرت بأحد فوقها ورفعت أنظارها لتري امرأة أعطتها عمر 25 ربما... وقادها ممشوق بطريقة مغرية جعلتها تلتفت حولها لتري يوسف ينظر أم لا ...وشعرها الغجري المنطلق بحرية وقلة أدب ...ظنتها أنها تبحث عن رجل توقعه في شباكها وتتزوجه ...راقبت إيلينا تغيرات ملامحها ...
إيلينا: مش ده مكتب يوسف منصور...!؟!
ياسمين بضيق :أيوة هو ...
رآها الصغير فركض إليها وهو يصرخ :مامي....
التقطته إيلينا بأحضانه وتقبله باشتياق ...
أدم:miss u mamy ...
-me too baby ...
صاحبتها نحو مكتب يوسف وجعلتها تنتظر في الخارج لحين إبلاغه بوجودها.... لم تعترض إيلينا وانتظرتها...
دخلت ياسمين ووقفت أمامه مكتفة يديها أمامها ...
يوسف بتعجب :في إيه...؟!
زفرت بحنق وهي تقول :أدخلها...!؟!
يوسف: مين دي ...!!؟
ياسمين بغيرة:مامت أدم ...
هتف يوسف بغير تصديق :إيلينا... !!
ياسمين :أيوة هي ...أدخلها...؟!
يوسف: أيوة طبعا....!!
ألقت إليه نظرة غاضبة وخرجت لتدخل الأخري وأغلقت الباب بعنف خلفها......
أنزلت الصغير وذهبت لتحتضن أباه قائلة: وحشتني أوي يا يوسف...!!
يوسف: حمدلله علي السلامة جيتي امتي ...؟؟
إيلينا:جيت من المطار علي هنا علطول ...خوفت من طنط فريدة ...فقولت أجيلك وكلمت بيريهان ودلتني علي العنوان ده ....
يوسف :حمدلله علي السلامة... طب تعالي نمشي وتشوفي فريدة....!!
-أوك ....بس خليك معايا....
طمأنها قائلا:متخافيش...!!
خرجا وقف أمام ياسمين قائلا:همشي أنا...جاية معايا ولا قاعدة..
ياسمين وهي تلملم أغراضها قائلة بضيق:لا طبعا جاية...!!
حملت الصغير قائلة:طب يلا بقا ...
أدم:no ..i want mamy.. !!
أعطتها الصغير بغيظ وذهبت ناحية يوسف لتمسك بيده تحتضنها وهي تقول:يلا نمشي. ...
خرجوا جميعا واستقلوا سيارة يوسف وجلست ياسمين بجانبه وإيلينا والصغير في الخلف ...كل ما تريده ياسمين الآن هو أن تمسكها وترميها من السيارة بسرعة 100كم/ساعة....
وصلا بعد مدة وعادت الوضعية مرة أخرى..... شبكت أصابعهما معا .. مما زاد حنق يوسف... تتصرف هكذا لتثبت ملكيتها له وهو يولع بجاز عادي ....
يوسف :ماما....
أتى صوت فريدة قادما من الصالون قائلة: تعالي يا يوسف...
تجاهل ياسمين والتفت موجها حديثه لإيلينا قائلا: تعالي يا إيلي يلا....
دخلت إيلينا معه وكذلك ياسمين التي تجاهلت تجاهله له.
يوسف:ماما....إيلينا جاية تشوفك ...!!
فريدة: أهلا يا أيلي يا حبيبتي....وحشتيني . !!
احتضنتها براحة قائلة: وأنتي كمان يا عمتو... وحشتني..!!
فريدة: عاملة ايه ومامتك و....وآسر عامل إيه... ؟؟!!
إيلينا: الحمدلله..... أمال فين الباقي... ؟!
فريدة: مراد وإياس كل واحد مع خطيبته ...!!
ياسمين:ناس فاضية وبتعرف تخرج... !!
ضحكت فريدة فيما ارتفع حاجبي يوسف بتعجب وشك.. انظر من يتحدث....
فريدة بلوم: لا ميصحش يا يوسف متخرجش العسل ده.. ؟!
ياسمين: ولا بيقولي كلام حلو....!!
إيلينا: لا لو كان علي الكلام الحلو فيوسف شاعر...!!
يوسف: حبيبي يا أم أدم ....!!
نهضت ياسمين بغضب قائلة :أنا ماشية ...!!
فريدة :ما لسه بدري يا حبيبتي...!!
ياسمين بغيظ: لا أنا عندي المرارة كفاية....!!
رحلت ياسمين غاضبة فجعلت فريدة يوسف يلحق بها..
لحق بها وأمسك بيدها يجرها نحو سيارته دون كلمة...
جلست بجانبه دون مقاومة وشغل السيارة مبتعدا عن القصر.... توقف في مكان بعيد نسبيا عن السكان والازعاج
يوسف بغضب: أنتي زعلانة دلوقتي ليه... ؟؟!!
بكت ياسمين وكأنها كانت تحتاج صراخه لتفرج عن دموعها.... تركها حتى تهدأ...
هدأت ثم قالت: أنا عايزة أروح...!!
يوسف: مش قبل ما تقوليلي زعلانة ليه..؟!!
ياسمين: يعني مش عارف.... طليقتك بتعمل إيه هنا..!؟!
يوسف: طليقتي تبقي بنت خالي وهي جاية تشوف ماما مش انا.... ارتاحتي...!!
ياسمين:طب تعرف لو قربت منك هعمل فيك إيه....
ابتلع باقي كلماتها في فمه... بعدما ضاق ذرعه من ثرثرته وحركة شفتيها المثيرة اقترب ليقبلها فقد فاض الكيل به من بعادها.....ابتعد عنها لاهثا وخلع نظارتها ليري حمرة الخجل علي وجهها.... أدارت وجهها عنه وهي تموت خجلا منه ....
انطلق بعدها لمنزلها ليوصلها فهو متأكد أنها لن تستطيع اكمال يومها معه.....