سأظل لك (قلبي لك ج2) للكاتبه أميرة صلاح

فصل 31

في القصر
اجتمعت كل من عائلة مصطفى ببتول وأمجد وكذلك عائلة مختار حتي مراد عاد للقاهرة بعدما قرأ الخبر بالجريدة ...للاطمئنان علي صحة سيف...
سيف: فين أدم ...؟!
فريدة:برره بيلعب ....حاجة صعبة اوي...
يوسف: انا كنت جايبه حاجة كيوت انتوا اللي حولتوه...
باسم:البركة في سيف وسايا....!!
سيف:هي سايا فين مبقتش أشوفها...!!؟!
مي:زعلانة من يوم ما إياس مشي من البيت ...
فريدة:مش عارفة هيخلص امتي ده كله... !!؟
أمجد: عن قريب إن شاء الله ...بس المحكمة وكده كفاية ..
أتت الخادمة تخبرهم بانتهاء تحضيرات الغداء...
فريدة:طب يلا يا جماعة اتفضلوا الغدا جاهز...
مني:مكانش فيه لزوم للتعب....
فريدة:ده كفاية بس مجيتكم دي عندنا بالدنيا....
مني:الله يباركلك... ربنا يديمه ....
وحول طاولة كبيرة التف الجميع كل بجانب زوجته الا بيريهان التي اختارت أن تجلس بمقابل حازم....
صفية لأمجد :وعلي كده بقا....هي القضية كبيرة... ؟
أمجد:ايوة طبعا دي بقت قضيتين...
صفية: وعلي كده هتخلص امتي ...اصل مراد وسمر متفقين يعملوا الفرح بعدها....
أمجد: هي المحكمة بعد أسبوع ان شاء الله ....
صفية: يعني ألحق اشتري فساتين للولاد....
بتول: ايوة ...يدوب نلحق ونشتري بدلة لزيزو باشا..
مي: أيوة طبعا ...ده أهم واحد في الحفلة....
يوسف:وياسمين مش ناوية تروحي تشوفي فستان انتي كمان.... ؟!
صفية: لا احنا نروح الاول نشتري للعيال وبعدين فساتين الفرح... سمر تعرف واحد فساتينه حلوة اوي تقدري تروحي عنده ....
ياسمين:عادي... مفيش مشكلة ...!
الصغير سيف: وانا كمان عايز أتجوز...!
مي:مش لما تلخص اللي وراك الأول....!!
سيف: لا انا معنديش حاجة ...جدو هيجوزني صح ..؟!
صفية: وأبوك ميقدرش يعني ولا ايه ...؟!
سيف:لا طبعا بس انا هقعد هنا مع تيتة وخالو إياس هيطلع وانا اقعد لوحدي وانام في حضنها براحتي ...
يوسف:هو انت وخالك إياس مولدين علي بعض ..
مي:اسكت دول حاجة بسيطة كانت في الاول حرب...
بتول:طب وانت عايز تتجوز مين بقا ...؟!
سيف:تير....
سعل أمجد بقوة فأعطته بتول بعض الماء وهي تقول: عاجبك كده....
امجد بغيظ: ولا انت مالك ومال بنتي ...!!
سيف: عايز اتجوزها ...فيها ايه دي ...؟!
أمجد:لا يا حبيبي انا معنديش بنات للجواز ...
سيف: لا بس انا بجبلها شيكولاتة في المدرسة...وهي بتبقي مبسوطة....
امجد:تير.... بتاخدي شيكولاته منه ...!!؟
تير: لا يا بابي هو مش بقوله هو بيجبلي....
امجد:بنتي انا بتاخد شيكولاته وبتبقي مبسوطة... بص يالا معنديش بنات للجواز... واذا كان علي الشيكولاتة فانا هرجعهملك ...
بتول:انا بقول امشي احسن قبل ما تحصل حرب هنا...
في داخل الغرفة
جلس مصطفى بصحبة سيف ..
سيف:بس تعرف أنا مبسوط أوي حسيت ساعتها اني اول مرة اسمع كلمة بابا ...
مصطفى: متخليش فرحتك تنسيك ان عندك غيره ...إياس الوحيد اللي هيتظلم في الموضوع ده.....
سيف:إياس... ده حاجة تانية خالص ...أياس ده عكازي ..كل اللي كنت عايزه اتصالح مه ولادي ....ومحدش يشيل مني عشان أسيبلهم ذكري حلوة ليا بعد ما أموت...
مصطفى:طالما انت عملت اللي عليك متقلقش... شوية زعل وخلاص هيخلصوا.....
سيف:إياس مش بيكلمكم ... !!؟
مصطفى:كان كلمنا امبارح...هما كويسين....
سيف:مراد كان كلمني بخصوص فرحه ...وفريدة عايزة فرح التلاتة سوا ايه رأيك....!؟
مصطفى: وأنا معنديش مانع. ...حددوا الميعاظ واحنا جاهزين....
##$##
في المنزل القديم...
جلست إبان بمفردها تتصفح الهاتف بملل .. وإياس متسطح علي الفراش ينظر في نقطة وهمية علي السقف .
تركت الهاتف من يدها ونفخت بملل واتجهت إليه تتسحب ..فجأة صرخت بجانب اذنه...
انتفض فزعا وألقي الوسادة في وجهها فالتقطتها وهي تضحك بقوة.....
إياس: ايه ده.... يخربيت الرخامة....
جلست بجانبه علي الفراش وتصنعت الحزن وهي تقول:بقا أنا رخمة....!!
إياس:انتي كوليكشن في بعض.... ابقي فاكريني اخد الكتالوج من أبوكي ..
إبان بجدية:بمناسبة بابا. ...هو زعلان منك أوي ...!!
إياس بتعجب: زعلان مني أنا ليه.... ؟؟
إبان:عشان حضرتك مكلمتش عمو سيف بقالك يومين...
إياس:مش عايز أزعل وأنكد عليكي.... خليني بعيد هنا معاكي أحسن ما أبعد لوحدي ...!!
إبان: ومين قالك كده ...أنت قعدت معاه واتكلمت معاه وعرفت شعوره ايه ....لا....يبقي ليه تحكم علي حاجة انتي مشوفتهاش.... عشان خاطري يا إيسو....
إياس:متقوليش يا إيسو...!!
-امال اقولك ايه...!! ؟
إياس:قوليلي يا سي إياس... ،!
إبان بغضب:أيوة وأقلدها وهي بتمشي وعينك الزايغة دي تبص عليها في الرايحة والجاية ...!!!
ضحك إياس بقوة وسحبها ناحية حضنها قائلا وهو يلعب في وجهها:حبيبي بيغير يا ناس ....؛!
إبان بغيظ:مهو عشان أنا مش زيك كنت جبتها وفرمتها تحت ايديا ...بس انا عاملة حساب اننا ضيوف عندها وملهاش دعوة ان خطيبي عينه زايغة....
ضحك إياس:بس كفاية ان أشوفك وانتي غيرانة ده عندي بالدنيا ...
إبان :طب اوعي بقا ...عشان أنا زعلانة....
إياس:طب أصالحك ازاي ....
طرقات علي الباب جعله يغتاظ ورماها علي الفراش فتأوهت بألم....
فتح إياس الباب فوجد سوما تحمل صينية الطعام مبكرا
سوما:معلش يا سي إياس أصل عندنا فرح النهاردة عشان كده جبتلكم الغدا بدري ...؛
إياس: لا ولايهمك وألف مبروك ...
سوما:الله يبارك فيك ...ياريت بقا تشرفونا بالليل...
إياس :إن شاء الله وألف مبروك ...
إبان بعد مغادرة سوما:عندهم فرح ...عايزة أروح..
إياس:تروحي فين بس ....هو احنا نعرفهم....؟!
إبان: ايوة مش قدامك اهو سوما عزمتنا....
إياس:طيب ماشي.... وأمري لله....
##$##
في منزل أمجد...
جلست بتول بجانبه تتودد أليه لتحصل علي بعض المال منه ...لشراء فستان لها ترتديه في حفل الزفاف بعدما اتفقوا علي الميعاد....
أمجد: لا يعني لا يا بتول ...البسي واحد من اللي جوه...
بتول:اللي جوه ضيقين وكرشي هيبان ...
أمجد:الناس لما تشوف زياد معاكي هيعرفوا انك والدة جديد ....
بتول:أمجد بقا.... بص متخلنيش أتعصب عليك....
أمجد: الباب مفتوح لو عايزة تروحي عند بيت أهلك ..
بتول:هي حصلت لكده ....طيب ...تير تعالي هنا ...!
أتت الصغير وهي تقول:نعم يا مامي ...!!
بتول: بابا مش عايز يدينا فلوس نشتري فساتين ..عشان كده احنا هنروح نقعد عند سيف ....
تير:ياريت يا ماما ...عشان أنا بلعب هناك مع سيف ..
بتول: طب روحي البسي يلا....
أمجد: استني هنا... سيف ايه ده....!!
بتول:مش انت قولتلي الباب مفتوح...! !
أمجد: ايوة عند بيت أهلك مش عند الزفت ده ..
بتول:وهي هتفرق معاك في ايه يعني ...المهم اني مش قاعدة في البيت ....
أمجد: عايزة كام . .؟!
بتول:في حدود عشر الاف جنيه ...!!
هتف أمجد باستنكار:نعم ياختي ...عشر ايه ...بصي من الاخر كده هما الفين حلوين عليكي ...
بتول: خمسة ومش هتنازل ...
أمجد: طيب ...
##$##
في المول
اصطحبت بتول ابنتها بعدما تركت زياد مع جدته سميرة وذهبت لتنتقي فستان يناسب السهرة......
وصلت للمول الذي يعرض فساتين جميلة والذي دلته عليها صفية ....
كانت تدخل لكن وجدت رجال الأمن يوقفونها ويطلبون رؤية بطاقتها.... وتفتيش حقيبتها...
بتول:تفتيش هي حصلت ما الناس كلها داخلة عادي اهي .
-يا مدام... كلهم دول زباين للمحل لكن حضرتك اول مرة ..
بتول:طيب ...اتفضل اهو ...
طيب ممكن حضرتك تخلي البنت تدخل من بوابة الأطفال هناك دي ...وتقدري تاخديها جوه ...
ذهبت لتتحقق من ذلك فوجدت بوابة يدخل فيها الصغار رغم خوفها الا أنها سعدت بذلك النظام وطلبت من تير الدخول منها....وعادت هي لتأخذ حقيبتها من رجل الأمن .
دخلت بتول المول وانتظرت لدخول تير ...دقائق مرت وتير لم تدخل بعد ...مما أصابها الخوف ...
سالت أحدهم عن تلك البوابة فأخبرها بأنه ليست بعيدة من هنا.....ثوات فقط وتدخل ...
بحثت عنها في كل مكان داخل وخارج المول ولم تجدها..
طلبت من الجميع البحث معها عن ابنتها فهي بيديها تلك أدخلتها من البوابة.... أتت الشرطة بعد قليل بحملة تفتيش بعد أن تم البلاغ عن وجود شحنة ستسلم هنا ...
طلب من الجميع الوقوف بصف واحد وبتول :لو سمحت يا حضرة الظابط بنتي مش لقياها .....
-حضرتك هي تاهت فين. . ؟
بتول ببكاء:انا دخلتها من بوابة الأطفال بس مش لقياها ..
صرخ الضابط بهم :حد شاف بنت صغيرة لوحدها...
الأمن:لا يافندم المدام داخلة لوحدها وبعدين وقفت وفجأة فضلت تصرخ....
بتول:والله دخلتها من البوابة وملقتهاش ...دورت عليها ومش عارفة اختفت فين. ..؟!
همس العسكري للضابط: ممكن تكون دي واحدة منهم وبتعمل كده عشان تفلت ...
الضابط: تفتكر...
-مفيش غير كده...
الضابط: فتشوا شنطتها....
بتول بغضب: إيه...انتي اتجننت بقولك بنتي مخطوفة وأنت تقول فتشوا شنطتها....
اختطف العسكري الحقيبة من يدها وشرع في تفتيشها..
اخرج منها عدة أكياس صغيرة بها مادة بيضاء...
الضابط باستنكار:وتقولي بنتك مخطوفة... حلوة التمثلية دي .....
بتول:لا والله معرفش حاجة عنهم ...!!
الضابط:خدوها علي البوكس يلا....
بتول:انت اتجننت مش عارف انا مين ...؟؟!
-يعني مين... اوعي تكوني زعيمة العصابة... ؟
بتول بغضب:انا مرات المقدم أمجد الصاوي ...
الضابط باستنكار: يعني بتستغفلي جوزك وتشتغلي في المخدرات.... رجالة اخر زمن....
أمسكها العسكري من يدها بعنف وخرج ثم القاها بعنف في السيارة....
علي بعد ليس كبيرا وقف بعيدا عن الأنظار يتحدث في الهاتف :كله تمام يا باشا....
هكذا تم ابلاغ رئيسه بانهائه لمهمته ورحل وهو يبتسم بظفر وفخر علي انتهاء عمله وهو أداه بكل جهده ليجعل موضعه عند رئيسه جيدا ....
#$##
في قسم الشرطة...
استطاع شريف أن يخرج بكفالة مالية بعدما استعان بمعارفه الكبار في البلد ...
شريف:أخيرا .....
المحامي: كله تمام كده ....!
شريف:والمطلوب.... ؟!
-هيتنفذ النهاردة ..بعد ما صفية عملت اللي عليها. .
شريف:صفية ...حبيبتي يا صفية ...
-خلينا نمشي بقا ...
شريف :ماشي يلا.....
وعلي بعد أمتار في نفس القسم وقفت بتول ترتجف من الخوف تحاول السيطرة علي نفسها حتي تستطيع أن تتحدث مع زوجها ليخلصها من تلك الورطة.....
سألت الضابط المسئول عن عمل المحضر قائلة: ممكن أعمل تليفون...؟!
-اتفضلي ...!!
ضربت أرقام زوجها ليأتيها الرد :أمجد ...الحقني...!!
أمجد:بتول.... مالك في ايه ...؟؟
بتول ببكاء:الحقني يا أمجد في ناس قبضوا عليا ..
أمجد:إيه ...طب انتي فين ...؟
بتول:معرفش ...
أمجد:طب شوفي اي حد يقولك ...!
مدت يدها بالسماعة للضابط قائلة:لو سمحت ممكن تقوله علي العنوان ..
-في قسم شرطة....
أمجد: متشكر....