فريدة: الحقني يا يوسف....!!
يوسف بقلق:في أيه يا ماما ...؟!
فريدة:سيف.... مش بيرد عليا فجأة لقيته وقع ...
يوسف: طب انا جاي حالا وهتصل بالاسعاف....
أغلق الهاتف وركض بسرعة بعد ان طلب من ياسمين الاهتمام بأدم حتي يعود....
***
وصلوا المشفي بعد مدة و أدخلوا سيف لغرفة الطوارئ بسرعة....
فريدة ببكاء: يارب....نجيه ...
يوسف:عشان خاطري يا ماما متعمليش في نفسك كده ..
أبعدت يديه عنها بغضب قائلة:ده علي أساس إنه هيفرق معاك يعني ...
يوسف: مش وقته الكلام ده ...
فريدة: لا وقته ...هو قالي أني أسكت بس لحد كده وكفاية ....كفاية أوي كمان.....
يوسف: ماما لو سمحتي ...
فريدة:لا دلوقتي.... وقولي لو ابنك أدم طلب منك طلب وشرط عليك تنفذه ولا تشوفه يموت قدامك ...
يوسف:لا طبعا هنفذه....
فريدة:حتي لو طلب إنه يروح يعيش مع مامته ...
يوسف: لا طبعا ....لا يمكن أوافق....!!
فريدة:طب لو عمل كل اللي يتسبب في موته ...
يوسف: وانا هعمل بيه ايه لما يعيش معايا ويموت...
فريدة: بالظبط... أبوك مكانش قدامه غير انه يختار لا بعدك وسفرم لا بعدك وموتك ...
يوسف: قصدك إيه ...؟!
قصت عليه كل شئ منذ أن كان آسر يزورهم ختي يتقرب منه وعرضه للسفر معه واصرار يوسف علي السفر ومحاولاته للانتحار دون وعي منه فقط ينفذ تعليمات خاله ...
##$##
في المنزل القديم ...
كانت نائمة حينما أتاها كابوس بما حدث وشريف يقتلها فقامت مفزوعة من نومها وهي تتصبب عرقا....
إياس:بسم الله ...مالك يا إبان ...؟!
إبان: كابوس.... كابوس....
إياس:استعيذي بالله كده... وقدم لها كوبا من الماء قائلا:يلا اشربي....
إ
شربت قليلا من الماء...
إياس: يلا كملي نوم ...!!
دثرها جيدا بالغطاء ونهض ليذهب هو للنوم الذي لم يز جفناه حتي الآن.
أمسكت بيده قائلة بخفوت:متسبنيش....
إياس:متخافيش حمبك اهو....بس انا ممكن اتنازل وانام جمبك هنا علي السرير ...
إبان: طب تعالي ...شكلك تعبت ....
قفز جانبها قائلا:اشطا ...وسعي كده شوية ...!!
إبان: لم نفسك بقا....مش تاخد كل السرير...
إياس:طب اوعي كده خليني أنام مش هتبقي أنتي والكنبة ...
إبان:الله وانا مالي يا لمبي ...
قربها منه ونامت بأحضانه للمرة الاولي مسمتعة بالاحساس الجديد....
##$##
استيقظ سيف في الصباح بعدما طمأنهم الطبيب الأمس بانه ارتفاع بضغط الدم وسيصبح بخير اذا استيقظ في الصباح والا سيلجأون للعملية الجراحية لضبط دقات القلب ..
التفت حوله فوجد يوسف وفريدة جالسان علي الأريكة .
سيف بوهن:فريدة ....
انتبها لاستيقاظه وجرت ناحيته فريدة وهي تقول :سيف ...حمدلله علي السلامة....
سيف:الله يسلمك ....
فريدة:كده تقلقني عليك....!! ؟
يوسف: حمدلله علي السلامة ...
سيف:الله يسلمك....فريدة سيبينا لوحدنا...
فريدة بحزم :لا.....
-فريدة متتعبنيش بقا ...عايز أتكلم معاه شوية ..
فريدة:ماشي ...بس والله لو حصلك حاجة مش هسامحه أبداً....
سيف:طيب... روحي بقا....
خرجت فريدة بضيق وتركت لهما المجال للحديث ..
سيف:اقعد يا يوسف....
يوسف:مفيش داعي تتكلم ..الدكتور منع عن حضرتك الكلام ....
سيف:بس أنا لازم اتكلم يمكن ميكونش فيه وقت تاني نتكلم فيه ....
يوسف: بعد الشر علي حضرتك.... أنا آسف ...مش عارف أقول إيه بس أنا آسف ...
سيف:عايزك تسامحني....مكانش فيه خيار تاني والله لو كنت أعرف خطة خالك واللي قالهولك كنت اتصرفت..بس للأسف هو متحركش كان بيتصرف من خلالك أنت..
يوسف: انا عارف... ماما قالتلي كل حاجة... ارتاح انت بس دلوقني وان شاء الله حضرتك تبقي كويس....
سيف: يوسف... مش هسمعها منك ...!!
ابتسم يوسف قائلا:حمدلله علي السلامة يا ...يابابا ...
##$##
في المنزل القديم
فتحت عينيها فقابلها رماد عينيه الذي يشتعل بلمعة جديدة.... أمسكت بالغطاء ونهضت مذعورة من جانبه
إبان :إياس... أنت بتعمل إيه هنا....
إياس:مش انتي اللي طلبتي وقعدتي تقولي عشان خاطري يا سي إياس نام جمبي ...!!
إبان:انا قولت يا سي إياس...!!
ضحك إياس قائلا:مانتي فاكرة أهو إيه لازمته بقا الفيلم الهندي اللي عملتيه ....
إبان: احم.... صباح الخير...،،!
أمسك يدها ليسطحها بجانبه وهو يقول:صباح العسل ..صباحية مباركة يا عروسة ...!
أبان: قصدك إيه... ؟!
إياس:ليه مش فاكرة اللي حصل امبارح....!! ؟
إبان بقلق:إياس بلييز. . ...
إياس:عارفة أنا عندي استعداد أعملها بس أعمل إيه في أمك...؟
-وماما مالها بقا ...؟!
إياس:قالتلي قبل ما نمشي "إياس رجعلي بنتي.."..
إبان:يمكن عشان عارفاك إنك قليل الأدب....
إياس:أنا. ..دانا حتي كيوت....!
ضحكت إبان :جداً.... أنت هتقولي...!!
اقترب منها وكاد يقبلها فقطع طريقه طرقات الباب..
ذهب وفتح ليجد سوما تحمل صينية علي رأسها..
دخلت لتضع الصينية علي طاولة صغيرة في منتصف الطرقة وحولها كرسيان....
سوما: صباح الخير يا سي إياس... ،!
إياس:صباح النور ...
سوما:جبتلكم الفطار والشاي كمان ....أسيبكم بقا تفطروا..
إياس:شكرا يا ست سوما ....
انتهوا من تناول الطعام وأمسك هاتفه محاولا الاتصال بعائلته فهو يشعر بالقلق من البارحة....
ملامحه الغاضبة والقلقة تمتزجان معا علي وجهه وهاتفه الذي سينكسر من كثرة الضغط عليه ما ذنبه المسكين في أن لا احد يرد عليه من أهله. ...
إياس بضيق:لا كده كتير أكيد في حاجة...!!
إبان:اهدي بس يمكن عندهم حاجة مهمة ...!!
إياس باستنكار: كلهم ....حتي بيريهان اللي ملهاش دعوة بحاجة...
إبان:إن شاء الله خير ....!
إياس بقلق:يارب....!!
طرقات علي الباب فنهض ليري الطارق...
إياس باستنكار :أمجد ...دانا كنت قربت أنسي شكلك ..!!
ضحك أمجد قائلا:معلش بقا .....شغل والله وخصوصا إني شغال في قضيتين ....!!
إياس:طب إيه الأخبار ....
أمجد: المحكمة قربت ...وتقدروا ترجعوا بيوتكم لكن الحماية علي إبان قاعدة... ،
إياس: طب أمجد كنت عايزك تروح البيت عندي ...محدش بيرد عليا ....
تغيرت ملامح أمجد للشفقة والحزن لأجله ....
إياس: أمجد ...في إيه ...؟
أمجد:كل الحكاية إن باباك تعب شوية ودخل المستشفي...
هتف إياس بصدمة:أيه ...مستشفى...!!
امجد:بس هو الحمدلله فاق وبقا كويس...
مسح الطرقة ذهابا وإيابا وعقله لا يعطيه قرارا محددا وقلبه يدق بعنف ....
أمسك هاتفه واتجه ليخرج من المنزل فنادته إبان:إياس.
توقف في مكانه والتفت إليها وجد ملامح الخوف والقلق تظهر علي وجهها بوضوح. .
عاد وجلس بجانبها علي الفراش ورن هاتفخ باسم والدته فرد بلهفة:ماما... أخيرا ...
فريدة:معلش يا حبيبي مكنتش جمب التليفون ..!!!
إياس بخوف:بابا ...عامل إيه ...؟
فريدة :باباك كويس... ليه .....؟!
إياس باستنكار: بقا بتخبي عليا حاجة زي كده يا فريدة..!
فريدة:مكنتش عايزة أقلقك يا حبيبي ...هو الحمدلله بقا كويس ...
إياس:احنا كويسين الحمدلله.... ماما عشان خاطري خليني اكلم بابا....
-طيب دقيقة....
دخلت فريدة الغرفة وأخبرتهم بأن إياس علي الهاتف ويريد التحدث مع سيف ...
سيف:ألو... عامل إيه يا إياس... ؟!
إياس: أنا الحمدلله يا بابا ...حضرتك عامل أيه ...سامحني بقا مكنتش جمبك... ؛
سيف: لا يا حبيبي مش زعلان وانا الحمدلله كويس... متخافش عليا قولتلك قبل كده أنا عندي بدل الراجل تلاتة....
إياس:حمدلله علي السلامة....
سيف:الله يسلمك ....
أغلق الهاتف وتسطح علي الفراش واحتضن إبان بقوة ..
مسدت عاي شعره قائلة:مالك ...مش اطمنت عليه ...
إياس :خايف ... خايف اللي عملته في السنين دي كلها يروح كده....
إبان:قصدك علي إيه ...؟!!
إياس: يوسف وبابا اتصالحوا يعني هرجع من نقطة الصفر تاني ....
إبان: مش فاهمة حاجة...؟!
إياس: أنا وصغير كان يوسف هو كل حاجة والباقي كان علي الهامش او أنا لوحدي ...لان بيري كانت صغيرة ومي تؤام يوسف يعني زيه فكنت أنا اللي بعيد ...كنت بحاول أخد حاجة من ماما بس كان كل حاجة ليوسف اهتمامها وحنانها حتي حضنها كان ليوسف وبابا كان برضو يوسف هو الكبير اللي هيشيل عنه كل حاجة.... وأنا ولا حاجة ..بعد ما سافر يوسف كنت انا اللي في الوش ماما عوضت فراغ يوسف بيا كأني مكنتش قبل كده واهتمام بابا كان ليا برضو بما إني بقيت الكبير دلوقتي.... أنا كنت عارف كده بس قولت أهو أجرب شوية من اللي كنت محروم منه ..وبعدين كبرت ومبقاش فارق معايا غير إني أفضل في حضن فريدة وده كفاية حتي لما كان قدامي فرصة إني أسافر واكمل تعليمي بره رفضت وكنت بنجح بالعافية لاني كنت مشغول بفريدة كنت بقعد في حضنها علي طول كنت خايف ....خايف ليوسف يرجع ياخد مكانه وأنا ارجع للهامش... بس المرادي أرجع ومعايا شوية حاجات يونسوني هناك... بدل مانا قاعد لوحدي ...ودلوقتي شكلي هرجع فعلا....!!
إبان: وأنا ...!!
شدد من احتضانه وهو يقول:أنتي... أنتي الحاجة الوحيدة اللي بتصبرني بعد حضن فريدة ...!!
دموعها لم تستطع منعها أكثر فانزلقت واحدة تلو الأخري ..
إياس:دموعك مالحة علي فكرة وهتاكل من بشرتك وهتخليني أبعد عنك ...
ضحكت إبان من بين دموعها:وهتقدر...! ؟
إياس: لا طبعا ...خليكي عارفة إن أنا وانتي بقينا قلب واحد يعني لو واحد جراله حاجة التاني هيحصله زيه ..
إبان:ربنا ما يحرمني منك أبداً.....
إياس:الله يكرمك...
ضربته بخفة علي كتفه فتعالت ضحكاتهما في المكان بعد ان كان الحزن هو المسيطر....
##$#
في منزل حازم ...
جلست ياسمين تلعب مع الصغار لحين قدوم يوسف..
رن جرس الباب وذهبت لتفتحه فوجدته أمامها بحالته المزرية التي يبدو أنه لم ينم ....
أدخلته وجلس علي الكنبة واتجهت هي للمطبخ تعد له كوب قهوة....
ذهبت إليه وجدته قد نام ...أحضرت غطاء له ودثرته جيداً وأدخلت الصغار للعب بالداخل....
##$##
في فيلا مختار ..
جلست سمر بجانب والدتها التي حالها قد تغير تماما منذ يومين أو أكثر...فقد صارت عصبية وتصرخ في وجه الكل
سمر: مالك يا ماما .....!؟
صفية بغضب:مالي ...مانا كويسة أهو شايفاني بشد في شعري مثلا يعني ...!!؟
سمر: مش القصد ..بس حضرتك بقالك كام يوم متغيرة حتي لما يرن الجرس بتتنفضي...
صفية: أنا ورايا مشوار لازم أعمله...!!
سمر:مشوار ايه ده ...؟؟؟!!
خرجت صفية من المنزل متجاهلة حوار ابنتها ..
###$##
في السجن .
أتي لشريف زيارة فاتجه مع العسكري ليري الزائر..
فتح الباب فوجد آخر من توقعه فتركهم المأمور سويا وخرج ....
هتف شريف غير مصدقا: مين ...صفية. ..!!
صفية: أيوة انا ....جيت عشان أقولك خلاص مش عايزة أعرفك تاني.... عشان انا عندي عيلتي وولادي ...
شريف :وانا مالي.... ؟!
صفية:جيت عشان أقولك خلاص اللي بينك وبيني انتهي مش عايزة حاجة منك ....
شريف:انتي تعرفي بكلمة مني أجيبك هنا مش زيارة لا بكلبشات....
صفية:وأنا مالي بقا هو أنا اللي قتلت ...!؟
-هدبسك فيها عادي.... وأقول انك شريكتي ..
صفية:لا احنا متفقناش علي كده ...خلاص كله انتهي...
شريف:لو عايزة ده فعلا ...نفذي اللي هقولك عليه والا هتلبسي الكلبشات معايا.
صفية بضيق:قول ياخويا ..
شريف :اسمعي بقا ياستي.........
أنت تقرأ
سأظل لك (قلبي لك ج2) للكاتبه أميرة صلاح
Romanceجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح مقدمة إن كان للعشق اسم... فكنت سأسميه أنت .. وأن كان للحب موطن ....كنت سأجعله قلبك ... إن كنت أنت الحب ....فأنا القلب .. وإن كنت أنت أحببتني. ..فأنا عشقتك... ...
