أعطت السائق اجرته ودخلت المطعم....
بحثت بعينيها حتي وجدت ضالتها ....اقتربت من الطاولة واحتضنته من الخلف قائلة :وحشتني. ..!!
عبس بوجهه قائلا:أيوة واضح ...شهر كامل لا أشوفك ولا أسمع حتي صوتك ...!!
إبان: أنا آسفة والله غصب عني وحضرتك عارف يا عمو الظروف كانت ايه.... ؟!
ربت إسماعيل علي يدها قائلا بحنان: عارف ومقدر ...المهم أنتي عاملة إيه ..؟!
إبان :زي ما حضرتك شايف ...عايشة ..!!
إسماعيل:الحمدلله....أيه الموضوع المهم اللي كنتي عايزاني فيه ...؟!
إبان :إياس...!
-ماله...!! ؟
إبان:إياس كان بيشوفك دايما.... إيه السبب ..؟؟
-عادي ...واحد قاعد مع عم خطيبته فيها إيه دي ..؟؟
إبان:لا مش عادي ...لما يقعد مع عمها أكتر ما يقعد مع أبوها أو هي شخصيا....
-أبوها مشغول فبيقعد معايا عشان يتعرف على العيلة ..
إبان:عمو بلييز جاوبني ...كنت بتتكلم عني في إيه ..؟!
إسماعيل :مانتي عارفة أهو ...!!
-طب كنتو بتقولو إيه...؟!!
-كنا بندردش سوا عشان حضرتك مش فاضية تسمعيله ...كان بيحكيلي علي أد إيه هو بيحبك وأنتي جبلة مش بتحسي....
إبان بضيق: كل الناس عرفت أنه بيحبني إلا أنا وكمان كله قلب ضدي كأني أنا الملامة في الموضوع كله ..!!
إسماعيل :لا أنتي عارفة إنه بيحبك بس بتستعبطي وكمان لأنك السبب من الأول لو كنتي كلمتيه في موضوع الشقة مكانش ده كله حصل... ؟!
إبان ببكاء :كلكم حكمتم عليا من برره ...بس ليه محدش سأل نفسه أنا عملت كده ليه ...محدش فيكم جرب إحساس الذل اللي أنا عشته معاه ...إحساس إنك قليل في نظر حد وحش وموجع أوي...ومش هيحس بيه غير اللي جربه ...؛!
إسماعيل: احنا مش ضدك ولا حاجة ..بس احنا بنقول إنك خسرتي شجاعتك في النقطة دي ...لو كان عندك الشجاعة وقتها يمكن كانت الأمور مشيت أحسن من كده....!!
أخذت حقيبتها ورحلت قائلة:أنا هريح الكل مني..!!
إسماعيل: رايحة فين استني. ..إبان.... إبان
لم ترد عليه وأخرج الهاتف من جيب سترته فرأي اسم إياس يضئ الشاشة....
إسماعيل بلهفة :إياس كويس إنك اتصلت...
إياس بقلق :خير يا حاج في إيه ...؟؟
-في إن المجنونة دي مش عارف راحت فين ..؟
إياس: مين ...إبان ...
-هي مفيش غيرها... شوفها يابني راحت فين بالله عليك ..؟!
-حاضر أنا هتصرف....!!
إسماعيل: يارب.. حقق اللي في بالي ...!!
##$##
علي الناحية الأخرى استقل إياس سيارته وقاد بسرعة وهو يجرب الاتصال بها ولكن لا رد ...
ضرب علي المقود قائلا بغضب: ما تردي بقا...!
ظل يدور بالشوارع بحثا عنها لا يعرف لم ولكن حديثه مع إسماعيل جعل قلبه يدق خوفا ...تلك الغبية لا تعرف أنه لن يستطيع العيش بدونها......والهاتف في يده لا يتوقف عن الاتصال بها ولكنها لا تجيب ....مرة وأخري لكن لارد ...
ردت بعد حوالي 50 مرة قائلة :ألو...
صرخ إياس بغضب :ألو ...يا برودك يا شيخة ..أنتي فين. ؟
إبان :ملكش دعوة مش أنا غبية ...
قاطعها بغضب :عارفة لو مقولتيش انتي فين هعرفك الغباء بعينه ....انطقي ...!!
-في ****
إياس بغضب :خليكي عندك أنا جاي ....
أغلق الهاتف وزاد من سرعته متجها إليها ليعلمها أصول الأدب الذي تفتقده ....بعد حوالي نصف ساعة وصل إليها ..
وجدها تجلس علي حافة منحدر كبير لو سقطت فيه "مش هتلحق تقول أي "......
اقترب قائلا:بتعملي إيه عندك.... ؟!
إبان :بجرب أفهم مرة في حياتي ...!!
إياس بسخرية :ولما تفهمي تنتحري ...!!
إبان:يمكن لأني لما فهمت عرفت إني تقيلة عليهم فقولت أخلصهم من همي ....
جلس إياس بجوارها وهو يقول :يعني أنتي فعلا جاية تنتحري ..!؟؟
إبان:أيوة ...
إياس بحماس: يااه أخيرا ...كان نفسي أحضر من زمان عملية انتحار بس ملقتش ...مش عارف أشكرك ازاي يا إبان ...!!
إبان :يعني انت مش زعلان ...؟؟
إياس: لا بالعكس أنا مبسوط جدا... دانا حتى هاخد كام صورة عشان الذكري بس ..!!
أخرج هاتفه وفتح المسجل مقلدا الصحفي قائلا:إبان ...قوليلي هتنتحري ازاي ..!؟!
رأي زجاجة صغيرة فخمن أنها سم فقال: هتشربي سم ..؟!
-لا ...
إياس:يبقي هتنطي من علي الجبل ده...!!
-برضو لا...!!
إياس :أمال هتموتي ازاي ...؟!
إبان: فكرت اني أقطع شراييني وأتصل بماما وبابا وحازم وياسمين قبل ما أموت وبعدين لما أدوخ هاقع من علي الجبل ...ويفضلوا يدورو عليا وكش يلاقوني وبكده يعرفوا إني مت .....!!
إياس بتعجب: بس كده...!!
-أيوة كده ...!!
إياس :طب انا أقولك طريقة أحسن ...أنتي هتشربي السم وتموتي وبعدين أنا أرميكي من هنا وأقول إنك مُتي....
إبان :بس انا مش عايزة أموت ...!!
إياس بصدمة: أيه مش عايزة تموتي ازاي بقا أنا سايب شغلي وجايلك عشان أحضر عملية انتحار في حياتي وفي الآخر تقولي إنك مش هتموتي ...!!
نهضت إبان تركض قائلة:لا خلاص مش عايزة أموت..!!
أمسكها إياس ليرفعها قائلا:لا مانا لازم أشوفك أنتي وبتنتحري ...!
حركت قدميها بقوة في الهواء محاولة الافلات منه وهي تصرخ قائلة:أنا مش عايزة أموت ...نزلني خلاص غيرت كلامي ....
إياس :طب وأنا مش هينفع أغير كلامي....!!
إبان:أصلا انت السبب في ده كله أنا مكنتش عايزة أموت بس أنت السبب ...
أنزلها إياس قائلا:وأنا مالي بقا.... جيت عندك أنا...!!
إبان :أيوة أنت السبب ...عشان كل الناس عرفت إنك بتحبني إلا أنا....
إياس: ما يمكن عشان أنتي غبية ...بس خلاص خلص الكلام ...أنا ناوي أخطب واحدة قريبة ماما ...؛!!
إبان :طب اعملها كده وأناهقتلك وهقتلها سوا....
إياس:مش هتقدري عشان أنتي كلام وخلاص وغبية...!!
إبان بدموع :أيوة مش هقدر أقتلها بس هقدر أقتل نفسي ...أمسكت الزجاجة وسكبتها في فمها....
وقف متسمرا مكانه لا يستطيع الحراك وهو يراها تهوي أمامه....
##$##
في القصر ..
جلس يوسف بصحبة بيريهان ونظراته تدل علي أنه سيقتل أحد ربما ...
بيريهان: مالك يا يوسف...!!
يوسف: ياسمين مالها يا بيري ...؟؟!!
بيريهان بتعجب :مالها ازاي يعني... ؟!
يوسف: ياسمين مريضة نفسية ..بس أنا عايز أعرف هس عندها إيه وأنا متأكد إنك تعرفي ...!!
بيريهان بتوتر :أنا ...وأنا مالي ...؟!
يوسف بغضب :بيري ....أنتي الدكتورة بتاعتها يعني عارفة ...
بيريهان: حتى لو ...دي أسرار مهنة ومش هقدر أقولك عليها....
يوسف: طب ينفع أسألك بخصوص حاجات كده لواحد صاحبي.....؟؟!!
بيريهان: أيوة طبعا ...اتفضل...!!
يوسف:مراته مش بتتعامل مع رجالة... مش لأنها بتمانع لا لانها بتخاف منهم. ...
نهضت بيريهان بغضب :قولتلك مستحيل أقول علي حاجة تخصها. ...
نهض هو الآخر قائلا:بس أنا مش بتكلم عن ياسمين...
بيريهان بتلعثم :ها ..آه افتكرت إنه عندي ميعاد...!!
يوسف: ياسمين مش بتخاف مني ليه... ؟؟
تسمرت بيريهان في مكانها من وهل المفاجأة لقد نسيت هذا الموضوع... كيف فاتها فهي لم تترك العمل عند يوسف ومع ذلك مازالت تتجنب التعامل مع الرجال....
كرر يوسف سؤاله قائلا:ياسمين مش بتخاف مني ليه يا بيري.... ؟؟!!
بيريهان:يمكن لأنها بتتعالج ...!!
يوسف:ده من قبل ما تعرفك أصلا...فبلاش تلفي وتدوري.!
بيريهان بتوتر :أنا معنديش كلام أقوله ...عن إذنك...
هربت من حلقة أسئلته التي لم تجب عنها صاحبتها...فكيف تجيب هي...!!؟!
أخرج يوسف هاتفه من جيبجيب بنطاله وضرب بعض الأرقاالأرقام منتظرا الرد من الناحية الأخري...!
يوسف :حازم.... عايز أشوفك ضروري...... تمام اتفقنا ...دلوقتي لو ينفع .....تمام ....سلام.....
أغلق الهاتف وقال: ماشي يا بيريهان....!!
##$##
عند إياس وإبان. ..
حملها إياس علي يده وباليد الأخري يضرب علي وجهها بخفة وهي لا تستجيب معه ...
إياس بقلق :إبان ...فوقي ...إبان.....
لم تستجب له فأكمل بحزن: يعني لما يكون عندنا فرصة تروح مني.... أبان .. عشان خاطري فوقي.... فوقي وأنا أوعدك مش هتجوز غيرك ....إبان أنا بحبك والله العظيم بحبك وعمري ما حبيت غيرك ....
نزلت دموعه وهو يقول :اديني فرصة واحدة أثبتلك فيها ده ....بس فوقي... فوقي بقا....
صرخ بعلو صوته قائلا:ياارب..
فتحت عينيها بثقل وأمسكت برأسها متألمة: آه ...دماغي .
مسح إياس دموعه وهو يقول :إبان... أنتي كويسة يا حبيبتي ....
ضحكت إبان قائلة بخجل :حلوة حبيبتي دي ..!!
ابتسم إياس: أيوة طبعا....ومش هبطل أقولها ...
وأكمل بغضب :أنتي اتجننتي عشان تشربي سم ..؟!
إبان بتعجب:بس أنا مشربتش سم ...
إياس :أمال إيه اللي في القزازة وأنتي شربتيه وبعدين وقعتي ...!!؟؟
ضحكت إبان قائلة:لا ده مكانش سم ...دي كانت مية ...مهو مش معقولة هموت عشان خاطر واحد وهو بعدها بكام يوم يتجوز.... فأنا شربتها عشان كنت عطشانه ..أما وقعت ليه ....وأمسكت ببطنها وهي تكمل :عشان مكالتش حاجة من يومين....!!
إياس بغضب :يعني أنتي كنتي بتمثلي عليا..!؟!
إبان :لا أنا كنت ناوية أمثل ..بس أنت قولت إنك هتتجوز وكنت كمان عايزني أموت وتتفرج عليا... وفي الأخر عايزني أموت عشان خاطرك.... ده يبقي معنديش دم ..
وضع إياس يده أسفل ركبيتها ليحملها واتجه بها نحو حافة المنحدر وهو يقول :وأنا لسه عند كلامي.. هتموتي..
رفثت بقدميها وهي تصرخ :لا...لا مش عايزة ...
أصر إياس قائلا:أبداً ...بقا أنتي بتمثلي وأنا قلبي كان هيقف بسببك....
تعلقت بعنقه وهي تقول :طب يرضيك أموت وأنا جعانة.؟!
توقف إياس فجأة عن الحركة ثم ضحك بقوة تلك الغبية لن تعقل أبدا.... بادلته ضحكته...
أنزلها قائلا:لا ميصحش برضو....
أمسك بيدها وبيد الأخري تربت علي وجهها بشوق ..
قربها إليه يحضتنها... بادلته هي بقوة وتشبثت به..رفعها عن الأرض ليدور بها وضحكاتهما تعلو في المكان وقلوب العشق تحوطهما بدائرة ....وزخات المطر أحبت مشاركتهما لحظة لقائهما وعشقهما....
قضيا يومهما سويا رغم بلل ملابسهما إلا أنه قد وعدها ونفذ... ....أطعمها أولا وبعدها أكملا اليوم في الأماكن التي طلبت زيارتها.... ملاهي وحديقة الحيوان وعشقها دب الباندا ...واشترت دبا محشوا ....وعادا للمنزل.
##$##
في أحد المطاعم
جلس يوسف مقابل حازم .علي طاولة بعيدة اختارها يوسف بنفسه....
حازم :ها ..أيه الموضوع الضروري ده ...؟!
يوسف:بخصوص ياسمين ...!!
حازم بتعجب :ياسمين... مالها ياسمين... ؟؟!!
يوسف: أنا عايز أعرف ياسمين مالها. ؟!!
-مالها ازاي يعني.... ؟!!
يوسف:ياسمين بتخاف مين الرجالة ليه...؟!!
حازم :دي حاجة متخصكش...!!
يوسف: لا تخصني ...طالما هي مش بتخاف مني.. يبقي يخصني ....
حازم بحدة :قولتلك ملكش دعوة ...!
يوسف بغضب:وأنا قولتلك إني لازم أعرف ...!!!
نهض حازم وهو يقول بضيق :وقتك خلص ...
أمسك يوسف بيده قائلا:وإن قولتلك إني عايز أتجوزها يبقي حاجة تخصني....!!
أنت تقرأ
سأظل لك (قلبي لك ج2) للكاتبه أميرة صلاح
عاطفيةجميع حقوق الملكية تخص الكاتبه أميرة صلاح الفيس بوك الخاص بالكاتبة : روايات بقلم أميرة صلاح مقدمة إن كان للعشق اسم... فكنت سأسميه أنت .. وأن كان للحب موطن ....كنت سأجعله قلبك ... إن كنت أنت الحب ....فأنا القلب .. وإن كنت أنت أحببتني. ..فأنا عشقتك... ...
