سأظل لك (قلبي لك ج2) للكاتبه أميرة صلاح

فصل 32 والأخير ...

في قسم الشرطة ..
وصل أمجد ليري زوجته ..وجدها تقف في الطرقة وبيدها الكلبشات ...
اقترب منها أمجد وهو يصرخ بالعسكري :فك الكلبشات من ايدها....
بتول: أمجد ..الحقني....
أمجد: اهدي بس متخافيش.... كله هيبقي تمام ...
أجلسها بعدما فك القيود عنها ..وطلب لها ماء ..
امجد: احكيلي بقا ايه اللي حصل....
قصت عليه ما حدث معها في المول من ايقاف الأمن لها وتفتيش حقيبتها وادخالها لتير من البوابة الخاصة بالاطفال... وقدوم الشرطة للمحل وطلبها للمساعدة منهم في العثور علي تير ولكنهم قبضوا عليها بدلا من ذلك ...
أمجد: بس تير عند مامتك.... ازاي يعني....؟!
بتول بصدمة:ايه ...عند ماما.... والله بايدي دخلتها هناك..
رن هاتف أمجد برقم صديقه فرد عليه قائلا: ها يا هاشم. ...ايه الأخبار....؟!
هاشم:شريف خرج من السجن بكفالة...!!
هتف أمجد بصدمة:ايه ....يا ولاد الكلب ...يعني لعبة منهم.. اسمع يا هاشم عايزك تروحلي علي مول***وتشوف اذا كان في كاميرات بتسجل ولا لأ....
هاشم: مع اني مش فاهم حاجة ...بس ماشي ..
أغلق الخط مع صديقه واتصل بأخاه ليأتي أليه ويبقي مع زوجته لحين عودته من هناك....
بتول:ايه ...هتسيبني هنا ...؟؟
أمجد: مهو مش هينفع ترجعي البيت غير لما نعرف حصل ايه بالظبط هناك.... وانا لازم امشي ....
بتول:طب وانا.... ؟!
أمجد:هتقعدي مع محمد لحد ما ارجع ...ومش هرجع غير لما اجيب دليل برائتك....
##$##
في المنزل القديم...
أصرت إبان علي إياس بأن يطلب عائلته ويطمئنهم عليه ..
إياس: إبان ...عشان خاطري بلاش....
إبان: لا....لازم تكلمهم....
انصاع لاصرارها ذات الرأس الصلبة تلك فيكفي أن قلبه تسيطر عليه هي ليأتي قلبه ويتراجع أمام اصرارها....
ردت فريدة علي الهاتف بلهفة:أياس...حبيبي ..وحشتني أوي ...!!
إياس: وانتي كمان يا ماما... عاملة ايه..؟؟
فريدة:الحمدلله يا حبيبي... كويسو ومش ناقصني غير رجوعك ليا وأحضر فرحك أنت وإبان....
إبان:ازيك يا طنط.... ؟!
فريدة:الحمدلله يا حبيبتي....انتوا أخباركم ايه ...؟
إياس:احنا الحمدلله كويسين ...أخبار عمو سيف ايه... ؟؟
ضحكت فريدة:حماكي العزيز كويس وحماتك برضو...
إياس:قوليلي يا ماما...هو بابا خرج من امتي... ؟؟
فريدة: من كام يوم ليه بتسأل ...؟؟
إياس: لا مفيش ..بس بطمن ...
فريدة:احنا كويسين... خلوا بالكم انتوا من نفسكم ..
إبان:متقلقيش ابنك في أمان طول مانا معاه...
ضحكت فريدة:ايوة كده ...ارفعي راسي ..انا اللي أصريت عليكي وقولت مفيش غيرها هتبقي مرات ابني...
إبان:حبيبتي يا فيرو...
التفتت إليه وهي تقول:مامتك سكرة ...حماتي سكرة...
ضحك إياس بقوة قائلا:مش مامتي. ..!
إبان:عارف ...أنا اختارتك ليه ...؟!
إياس: عشان انا حليوة وغني وعندي ال six backs،....ومع ذلك عايز أعرف ليه ..؟!
إبان:مش عشان دول خالص ...عشان انا كنت بدور علي راجل ...كل اللي اتقدمولي مكانوش عندهم شخصية لابن أمه ولا أنا أقدر اتحكم فيه بسهولة...لكن أنت رغم علاقتك بمامتك إلا إني حبيتك واخترتك ...مسألتش نفسك سؤال هو انا ليه اخترتك مع اني اكتر واحدة عارفة علاقاتك ..؟
إياس:انا سألت نفسي كتير بس كنت بخاف أسألك ..كنت خايف لتبعدي عني ...يمكن الشيكات كانوا مجرد حجة إني أخليكي جمبي من أوا مرة شوفتك فيها وأنا خايف أسأل عليكي تطلعي مخطوبة أو متجوزة أو بتاعت علاقات ...عشان كده أول ما لقيت الفرصة اللي تجيبك لحد عندي وأعرف كل حاجة استغلتها.... وفضلت وراكي لحد ما جيبتك عندي وخليتك بتاعتي ....
إبان:يعني ده اسمه حب من أول نظرة ....!؟
إياس:مش حكاية حب أكتر ما هي حكاية راحة أنا ارتاحتلك قبل ما أعرفك رغم الطريقة اللي عرفتك بيها... لما خطبتك مكانش عندي الجرأة إني أقولك بحبك ..خوفت لتستغلي حبي ليكي ضدي ...رغم اني عرفت انك بتحبيني بعد اللي حصل غي شرم الا انه برضو مقدرتش اقولك ...
احتضنته بقوة وهي تقول:مش عايزة حاجة من الدنيا دي غير حبك وحضنك....
إياس:وأنا مش عايز حاجة غير وجودك جمبي...
هتف قلبيهما معا متحدين:دائما وأبدا سأظل لك
##$##
في المول...
وقف أمجد أمام الشاشة بعدما طلب من صاحبه رؤية تسجيلات الكاميرا....
كان علي الشاشة التالي...
حركة الدخول للزبائن ودخول بتول وتير بصحبتها ورجل يعطي ظهره للكاميرا يوقف بتول ويطلب منها شيئا بعدها أخرجت بتول البطاقة وأعطته الحقيبة وطلبه منها ادخال تير من بوابة الأطفال....ذهبت وهو أخذ حقيبتها وأخرج من جيبه شيئا ووضعه في حقيبته وعند تكبير الصورة وضحت أكياس البودرة وهو يضعها في حقيبة زوجته...
أمجد:طب فين تسجيلات بوابة الأطفال....؟!
الأمن:تحت أمرك يافندم ...!!
وضع تسجيلات الخاصة ببوابة الأطفال... وشغلها...
كان المعروض هو التالي....
رجل يمسك تير ويضع شيئا في يدها وبعدها أخذها نحو الشارع العمومي وبعدها ركوبها للتاكسي وهو بجوارها وكل هذا وهو يعطي ظهره للكاميرا....
هاشم: شكلهم عارفين مكان الكاميرات ولاد اللذين . .!!
أمجد:دول شكلهم وراهم حد كبير وانا عارفه ...بس دلوقتي لازم أخد التسجيلات عشان براءة بتول ....
هاشم: تمام.... وانا هروح اشوف ايه الحكاية .بتاعت براءة شريف ...!؟
أمجد: تمام...
##$##
في منزل الشافعي
استطاع أمجد أن يخرج زوجته من التهمة قبل احراز المحضر ضدها ...وطلبت هي الذهاب لمنزل والديها...
مصطفى: الحمدلله علي كل حال... ؟!
بتول بغضب :وأنتي ازاي تروحي مع حد متعرفهوش.. ؟!
امجد: تير يا حبيبتي مش ماما قالتلك متروحيش مع حد منعرفوش...!!
تير :أيوة يا بابي... بس هو قالي ان مامي مشيت وسابتني وانا دورت عليها ومش لقيتها...
أمجد:خلاص يا حبيبتي روحي كملي لعب..بس آخر مرة تعمليها والا هزعل منك....!!
تير:حاضر يا بابي ...سوري يا مامي....!!
بتول:بصي أنا مش طايقة أشوف حد... فامشي من هنا أحسنلك... !!
دمعت عينا الصغيرة فأخذها والدها ورحل من المنزل قبل أن تحدث مشكلة كبيرة وهي في قمة غضبها...
مني:ايه اللي عملتيه ده ...؟!
بتول:أمال أعمل ايه وانا كنت واقفة مع المجرمين ..وكله بسبب حتة المفعوصة بنتي....
مصطفى:قدر ولطف يا بنتي ...أكيد من وراه حكمة...
مني :قومي غيري هدومك وارتاحي شوية...
نهضت معها مستسلمة فهي قد عاشت يوم بألف يوم ويوم..
##$##
في المنزل القديم....
صاحت بوجهه بغضب: يعني بتضحك عليا... ؟!
إياس:امتي ده . .أنا وعدتك بحاجة....!؟!
إبان:أيوة الصبح....!!
إياس: طب ده الصبح يعني الفرق حوالي 12 ساعة ..وده كافي اني أغير قراري....
إبان: بقا كده.... طيب...
جلست بعيدة عنه مكتفة يديها بضيق فهو لا يفي بوعوده الا في قلة أدبه ...جلس علي الأريكة المقابلة لها بصمت..
لحظات ونهضت ثم اقتربت منه لتقول: أنا جعانة.... !!
تصنع الانشغال بالهاتف وهو يقول:وأنا اعملك ايه...؟؟
إبان بغضب: بقولك جعانة ...يعني عايزة أكل....
ترك الهاتف من يده قائلا:وأنا أعملك ايه يعني... ؟!
إبان:قوم ناكل من البوفيه اللي في الفرح. ..
إياس: لا... مرواح للفرح لا....والف لا...
إبان: طب أنا جعانة... أعملك ايه ...؟!
فكر قليلا ثم قال:بصي في مطعم علي اخر الشارع العمومي تعالي نروح هناك... ونرجع بسرعة...!!
إبان: ماشي يلا....
ذهبا نحو الشارع العمومي ليطعمها قبل أن تأكله...
وصلا هناك فوجدا المحل يغلق أبوابه... دخل إياس لهناك..
لحظات وخرج لها قائلا:يلا تعالي....
دخلت بسعادة فهي حقا جائعة ....وكل منهما لم ير تلك العيون التي تراقبهما منذ خروجهما من الحارة... أخرج هاتفه وضرب بعض الأرقام... وتحدث بشئ ثم أعاد الهاتف في جيبه....
في داخل المطعم...
جلس إياس مقابل إبان التي تلتهم الطعام بشراهة..
إياس: بالراحة هتموتي كده... ؟؟
إبان:جعانة...يرضيك أفضل جعانة....
إياس: لا طبعا....بالهنا والشفا...
انتهيا من تناول الطعام وأخرج المال من جيبه ووضعه في دفتر ومد يده للعامل فاختطفه منه...
إياس بصدمة: شريف.... !!
شريف بغل:أخيرا يابن المنصور....والتفت لإبان قائلا:ازيك يا إيبو...
ارتجفت في مكانها وأسرعت تختبئ خلف ظهر إياس..
إياس:متخافيش... مش هيقدر يعملك حاجة طول مانا عايش....!!!
ضحك شريف بقوة وقال: عنيا الاتنين.... وأشار بيده لرجاله قائلا: خلصوا عليه....
عاد للخلف بخوف فعددهم كبير جدا بالنسبة له وحده ..همس لإبان بشئ...فابتعدت عنه.وعادت للخلف....
شمر عن ساعديه مستعدا للدفاع فوضعه لا يسمح له بالهجوم.... استطاع اسقاط عدد منهم الا ان الباقي مازال كثيرا وهو استنزف معظم طاقته ...انهالوا جميعهم بالضرب عليه وأسقطوه أرضا وإبان تصرخ باسمه وتصرخ بأن يتركوه وشأنه..
اقتربت من شريف قائلة: شريف...خليهم يسيبوه... أرجوك يا شريف....إياس...
شريف: وايه اللي يخليني اعمل كده...!؟
إبان:هتنازل عن القضية والله....بس خليهم يسيبوه...
شريف برغبة:بس أنا عايزك أنتي....!!
ابتلعت ريقها بخوف وتوتر ولكن وضعها لا يسمح لها بالرفض...
بصقت علي وجهه واتجهت نحو إياس لتحميه بقدر ما تستطيع.......
إياس بضعف: إبان.... اهربي....
إبان:أنت قولت قبل كده اننا واحد.... فخلينا واحد ..!!
ابتسم بضعف وعيونه تغلق تدريجيا ...
إبان: إياس لا....إياس خليك معايا...
اختلطت دموعها بصراخها وهي تراه يغمض عينيه:إياس.
أمسكها شريف من شعرها بقوة وأبعدها عنه وطلب من رجاله ايقاف إياس علي قدميه.... ونظر لإبان قائلا: شايفة ده...أنا هقتلهولك....!!
ركله بقوة علي قلبه وتركوه يسقط علي الأرض مغشيا عليه أو ميتا.... ورحل هو وأخذها معه وهي تصرخ باسمه قبل ان يضربها بسلاحه خلف رأسها لتسقط بين يديه فحملها مغادرا تاركا خلفه جثة دون حركة ودموعه التي تنزل من عينيه .....
##$##
في المشفي..
وبعد أسبوع من الحادث .
علم الجميع بخبر اختفاء إبان والعثور علي إياس جثة لا حياة فيها وبعد الاسعافات الصعبة استطاعوا اعادة النبض مرة أخري....وأدخلوه لغرفة العناية المركزة... ومنذ ذلك الحين وهو لم يستيقظ ...وأخبرهم الطبيب بأنه قد سقط بغيبوبة يصعب تحديد وقت استيقاظه فضلوع جسمه تقريبا كلها منكسرة.....
في منزل الشافعي
دخل أمجد منكس الرأس حزينا فاستقبلوه جميعا..
أمجد بحزن: البقاء لله....
صرخت مني قبل أن تسقط :بنتي.... !!
احتضنت بتول زوجها وهي تصرخ به بأن يكون كل هذا مجرد كابوس وإبان بخير فشدد من احتضانها...
وياسمين التي جلست علي الأريكة عينيها جاحظة بصدمة ..
ومصطفى الذي أخذ يردد وهو يميل علي زوجته :إن لله وإن إليه راجعون....
أما في المشفي
فقد أخبرهم يوسف بما حدث مع إبان...
بكت بيريهان في حضن والدها فهي أحبتها دون أن تعرف هويتها
ومي التي بكت علي سرقت قلبها وتمنت أن تصبح زوجة أخيها الملقي في الداخل فهي حقا تحبها....
وسيف الذي أخذ يترحم عليها ويدعو الله بأن يواسي ابنه.
أما فريدة فقد اتجهت لتري ابنها من خلف زجاج الغرفة وقلبها يتحسر عليه ففرحته لم تكتمل....
##$##
صفر جهاز القلب الموصل به يعلن عن وفاة من يوصل به وايقاف قلبه عن العمل ...
قبل أن تصرخ فريدة: ابني.... إياس....
##$##
لا تفرط في حبك ولا تسمح لأحد بأن يعيش حياتك ولا تعش أنت حياة أحد.... فقط كن أنت وعش لأجلك أنت ففي الآخرة لن يحاسب أحد مكان أحد ...هذا نا أخبرنا به رب العالمين"ولا تزر وازرة وزر أخري"....

الي اللقاء مع الجزء الثالث
أحبكم في الله....
لا تنسوني بالدعاء فقد يصلني في وقت أنا بحاجة إليه كل دعاء منكم...
دمتم سالمين