سأظل لك (قلبي لك ج2) للكاتبه أميرة صلاح

فصل 24

طلبت ياسمين من نرمين الذهاب معها ..ولكن الأخيرة رفضت خوفا علي الصغيرة ...وكذلك حازم الذي أخبرها بأن لديه موعد عمل وسيواتيها قبل عودتها من هناك ...
استقلت سيارة أجرة متجهة نحو منزلها الذي ستقيم به بعد الزواج.... وصلت العمارة لمتوسطي الدخل واستقلت المصعد ووقفت أمام شقة في الطابق الثالث...
فتحت الشقة بالمفتاح الذي تحمله لتدخل ...وجدت الأضواء مارة فخمنت أنه ربما كان أحد هنا وذهب فالشقة يعمها الصمت ... خطت لداخل الغرفة وجدته يعدل من ملابسه ....
ياسمين:محمود ....مكنتش أعرف إنك هنا ...؟؟
محمود:معلش بقا كنت مستعجل فقولت أجي أخد دش وأمشي علطول ...بس أنتي مقولتيش إنك جاية .؟!
ياسمين:مانا قولت أخلص باقي الحاجات هنا عشان بعدين هتلبخ في تجهيزات الفرح وكده...!!
اقترب محمود قائلا:وحشتيني...!!
عادت هي للخلف قائلة:احم... ها طيب ...أمشي أنا وأجي في وقت تاني ...!!
أمسكها من يديها وكبلها قائلا:رايحة فين بس دانا مصدقت بقينا لوحدنا بعيد عن أخوكي الخنيق ...
ياسمين بخوف :مهو مش هينفع ...أنا لازم أمشي..
لمعت بعيونه لمعة مخيفة وقربها منه عنوة قائلا:لا مانا لازم أتأكد برضو ...
ياسمين بخوف :تتأكد من إيه ...؟!
محمود:من إنك أول مرة ...عشان مدبس في عملة واحد تاني...!!
ياسمين بغضب :أنت اتجننت ...ابعد عني ..!!
حاولت الفرار فحملها ليضعها علي السرير بقوة محاولا تقبيلها عنوة ....وهي تصرخ طالبة المساعدة من أي أحد ..
ضربتها بقدميها فسقط علي الأرض لتركض للخارج ودخلت للغرفة المجاورة وأوصدتها جيداً ووضعت خلف الباب الأريكة....
بحثت بعينيها عن أي شئ يحميها منه ...سمعت صوت رنين الجرس فصرخت بقوة :الحقوني ...حد يساعدني ..
سمع حازم صراخها من الخارج فزادت قوة طرقاته علي الباب وهو يقول :ياسمين....
صرخت ياسمين بقوة عندما رأت حركة الأريكة والباب يفتح معها .. :الحقني يا حازم ...
حاول حازم أن يكسر الباب فلم يستطع فاستعان بالجيران لمساعدته علي كسر الباب....
وفي الداخل... استطاع محمود كسر الباب والدخول لياسمين وحاول اغتصابها ...مزق لها بأكمامها وقبلها بعنف وهي تقاوم وبشدة....
دخل حازم الغرفة وصرخات ياسمين تعلو...
أبعده حازم عنها وأبرحه ضربا لولا أن أبعده الجيران لكان الآن في خبر كان....
بصق حازم عليه قائلا:هوريك يا كلب... دانا هوديك في ستين داهية ...!!
خلع سترته وألبسها لياسمين وأخذها ليرحلا من هنا...
عادا للمنزل فاستقبلتهما نرمين قائلة: إيه اللي حصل..؟!
حازم بضيق :مش وقته يا نرمين خليها تستريح الأول وبعدين نتكلم....!!
ساعدتها علي الدخول وبدلت لها ملابسها وتركتها لتنام.
خرجت لحازم وجلست بجانبه قائلة :في إيه بقا... ؟!
حازم بغضب: الحيوان اللي اسمه محمود حاول يعتدي عليها.....!!
ضحكت نرمين قائلة :ده اللي هو ازاي ...هو أنت ناسي إنه جوزها....
حازم بغضب:لا خطيبها...ده مجرد كتب كتاب وطالما أنا موافقتش علي الدخلة يبقي مينفعش ..
نرمين:طب خلاص هدي نفسك وأما نشوف هيحصل ايه.!
بعد أسبوع ...
حاول حازم أن يطلقها ولكن كانت نرمين تقف بجانب المدعو محمود بأنه ربما أنه لم يستطع التحكم بنفسه خاصة أنهما بمفردهما في الشقة....
زادت خروجات نرمين من المنزل تاركة الصغيرة مع ياسمين...
في يوم ...رن هاتف المنزل كان ليرد لكنه سمع صوت زوجته ومحمود.... تنصت علي المكالمة ليري ماذا هناك ..
فكان اتفاق علي موعد للقاء ...راقبها وهي تخرج من المنزل حتى وصلت لمطعم...
نزل من السيارة وجلس علي طاولة بعيدة عنهما ولكنه لم يستطع سماع شئ ..ولكنه استطاع رؤية محمود وهي يعطيها أموال كثيرة ...تتعدي العشرون ألف...
عاد للمنزل قبلها وانتظرها في الغرفة وهو يحاول تهدئة نفسه وألا يقتلها لأجل صغيرته....
عادت نرمين للمنزل وجدته جالس علي كرسي اهتزاز ويلعب بأضواء الغرفة.....
حازم: حمدلله علي السلامة...!!
-الله يسلمك...!!
حازم: كنتي فين ...؟!
نرمين: من امتي ده ...مانا بدخل وبخرج عادي..
نهض حازم بغضب قائلا:لأني كنت مغفل ...سبتك دتية علي حل شعرك ونسيتي إنك متجوزة...
صفعها بقوة لتسقط على الأرض ونزل لمستواها وأمسك بشعرها قائلا :بتخونيني ....ومع مين مع جوز أختي القذر ده ....!!
صرخت نرمين بألم: انت اتجننت... أنا معرفش حاجة من اللي بتقول عليها ده ...!!!
صفعها مرة أخرى قائلا:دانا شايفك بعنيا وأنتي معاه... انطقي كنتي بتعملي ايه هناك ...
نرمين بدموع:عشان هو كان عايز يرجع ياسمين تاني..
حازم: بالفلوس ...يعني بعتي أختي وقبضتي تمنها. ..أنا كنت متأكد إنك وراكي حاجة خصوصا بعد ما أصريتي عليه ....
نرمين: لا ملييش دعوة ...ما يمكن أختك هي السبب..
حازم: ليه فاكراها زيك ...أنا هوريكي ...
صفعها علي وجهها وأمسك بحزامه ونزل ضربا بها... صرخت بقوة وأتت ياسمين لتري أخاها الغاضب الذي يضرب زوجته دون وعي ...أمسكت بيده قائلة:حازم ...انت اتجننت كفاية هتموت في ايدك ...
حازم_:هي السبب ...هي اللي ورا ده كله... هي اللي قالت لمحمود إنك رايحة الشقة لوحدك ....وعايزاني أسيبها. .
أعطي ياسمين قلم وورقة فارغة قائلا:اكتبي هنا تنازل عن حضانة البنت وخليها تمضي عليه...
جحظت عيناها بقوة فصرخ بها حازم:يلا....
كتبت ماطلبه وأعطته أياها ونزل لزوجته قائلا بغضب :امضي....
وقعت علي الورقة ونهض ثم بصق عليها قائلا:أنتي طالق ..ومش عايز أشوفك هنا تاني.... برره ...
خرج حازم وخرجت بعدها ياسمين.... تاركة امرأة تلعن نفسها فهي خانته لأجل المال وها قد خسرت الكل ...
****
حازم :بس يا سيدي ...وهو لولا الفضايح اللي كان ممكن تتكتب عنه في الجرايد مكانش طلقها ....
كتم غضبه وناره داخله وهو يقول :وأنا لسه عندي كلامي ..هاتجوزها ...!!
##$##
عادا إياس وإبان لمنزل الأخيرة وهي تمسك بدبها الباندا..
ضحك إياس قائلا: يابنتي خنقتيه ...محدش هياخده منك
إبان بغيظ :وهو اشتكي يعني ...ده حتي هو مبسوط...
إياس: لا مش مبسوط... بصي شوية وهيعيط...
إبان :ملكش دعوة ...ويلا انزل معايا..
إياس: لا أنزل إيه ...ده يدوب ألحق أروح وأنام ...
إبان :لا طبعا ..انزل عشان تغير هدومك دي ...بدل ما تاخد برد ...!!
تصنع إياس الحزن قائلا:قال يعني خايفة عليا...! ؟
ابتسمت بخجل قائلة: أيوة طبعا ...انزل يلا...
نزل من السيارة وصعد معها نحو منزلها....
فتحت الباب وأدخلته معها وهي تقول: ماما... يا أهل الدار.....
أتت مني من الداخل وهي تقول :إيه... ما بالراحة ..!!
إبان:معايا ضيف ...!!
مني :ضيف مين ده ...!؟؟
أياس من الخلف :ازيك يا طنط ...؟!!
مني :إياس ...أهلا يابني.....اتفضل...!!
إياس:لا اتفضل ايه دانا الجزمة بايظة خالص..
نظرت مني للارض وقالت: لا ما خلاص اللي خايف منه حصل ...!!
إبان:ابقي أنضفه ....!!
مني :ده من امتي ده ....؟!!
إبان :احم...ايه يا مونمن مش هدخلي الضيف...
إياس: لا معلش مرة تانية بقا ...أمشي أنا ...!!
مني :مع السلامة....
أغلقت الباب خلفه والتفتت لابنتها قائلة: ده أيه ده ..؟!
إبان :ولا حاجة ...تصبحي علي خير....
مني :وأنتي من أهله ...!!!
دخلت مني لغرفتها وهي تضحك...
مصطفى بتعجب :بتضحكي علي إيه ...؟!
مني :بنتك الهبلة ...تعبتني معاها ...تعرف كان إياس بيوصلها....
مصطفى :إياس.... ده واضح إن المية رجعت لمجاريها..
مني :ربنا يسعدهم ...
-متتأمليش حاجة ممكن متحصلش...!
مني :يارب يسعدهم ويبعد عنهم كل سوء..
-اللهم آمين...
##$##
عاد إياس للمنزل وجد الكل مجتمع علي طاولة العشاء ..
رأته فريدة بهيئته المزرية فقالت: إياس... إيه اللي عمل فيك كده ....؟!
إياس: ده شوية علي اللي أنا كنت فيه....
فريدة: طب اطلع غير هدومك وتعالي كل معانا...
إياس :لا أنا كلت برره... بس عايز كوباية قهوة مظبوطة وكمان محتاج أتكلم معاكي...
فريدة: طب اطلع غير هدومك وتعالي عقبال ما أجهزهالك..!!
صعد إياس للغرفة ليبدل ملابسه التي رفعت راية الاستسلام بسبب جنان تلك التي يعشقها قلبه ....
بيريهان: يوسف ...أنت لسه زعلان مني ...؟؟
-لا....
أدم :داد. ...أنا مش آيز أكل ده ...!!
يوسف :ده من امتي ده ..؟!!
أدم: ثيف ...مث باكل ده ...(سيف ..مش بياكل ده..)
يوسف: يادي سيف ...مش قولت ملكش دعوة بيه هو ليه دماغه. ...
أدم :بس أنا آوز أكل like ثيف ..(بس انا عاوز أكل زي سيف..)...
يوسف بغضب :أدم ...كل وأنت ساكت ...!!
فريدة: بتزعق فيه ليه... تعالي يا حبيبي ...!!
ساد الصمت بعدها ويوسف يقلب في الطعام بدون شهية .
أتي إياس وجلس بجانبه قائلا:مالك... ؟!
يوسف :مفيش...!!
فريدة: سيبك منه وقولي ...كنت عايز إيه .._؟؟
إياس:عايز أتجوز...!!
سيف :كده من غير خطوبة...!! ؟
إياس: لا ده بخطوبة وكتب كتاب وحفلة وجرايد ..عايز الموضوع يبقي علي الفضائيات...!!
ضحكت بيريهان قائلة: ده مين بنت المحظوظة دي... ؟!
-إبان....،!!!
فريدة بفرحة :بجد... الف مبروك يا حبيبي..!!
بيريهان: مبروك يا إيسو...!!
إياس :الله يبارك فيكم ...!!
يوسف :مبروك يا إياس...
فريدة: عقبالك يا يوسف...
لم يعقب علي كلامها فعقله مشغول بتلك التي سرقت لبه قبل قلبه ....
إياس :بابا لو سمحت ..أنا عايز خطوبة من الأول...!!
ضحك سيف قائلا:حاضر ...
مراد :يعني أنا هتجوز أخيرا...!!
فريدة: لا الفرح هتبقوا أنتو الاتنين سوا والتالت علي حسب...!!
مراد: أيوة بس ده هو لسه رايح يخطب.. وأنا راجل كاتب كتابي.... !!!
فريدة: أنا قولت مفيش فرح غير سوا...!!
مراد :إياس.... استعجل الله يكرمك...!!
إياس: ادعيلي أنت بس...!!
مراد: يارب....
##$##
علي الهاتف...
اتصل إياس بإبان بموافقة العائلة علي التقدم لخطبتها من جديد...!!
إياس: حددي ميعاد مع الحاج بقا بس بسرعة..!!
إبان:ده علي أساس إنك محتاج يعني... دانت شوية وتبقي ابنهم مكاني....
ضحك إياس بقوة قائلا: أيوة أنا مسيطر في كل حتة..
إبان بسخرية :ده إيه التواضع ده... ؟!
ضحك إياس قائلا:تصحبي علي خير...!!
-وأنت من أهله....
ناما بعدها الاثنان بعد أن كان صوت كلاهما الآخر أخر ما طرأ علي الأذن يطربها...