سأظل لك (قلبي لك ج2) للكاتبه أميرة صلاح

فصل 21

في القصر ...
اجتمعت العائلة على الغداء وعلمت فريدة بخبر فسخ خطبة إياس من لينا ....
فريدة :الحمدلله...!!
ضحك يوسف قائلا:لو بتعرفي تزغرطي هتعمليها ...!!
فريدة: أعملها ومعملهاش ليه يعني ...أحسن إنها راحت أنت من الأول مكنتش مستريحالها ...!!
إياس ببرود: بس أنا مش هخطب إبان ...!!
فريدة بصدمة: إيه ...دانا مصدقت ...!
إياس: إبان موافقة على شريف وهتتخطب قريب ..
فريدة :لا يمكن ...مين قالك. ..؟!
إياس: ابوها ... !!
سيف :يعني مفيش غيرها.... أي واحدة من بنات صحباتك اخطبيها ....
إياس: لا مانا خلاص مش عايز أتجوز ...كفاية كده ..!!
فريدة :إياس يا حبيبي اوعي تقول كده ...
إياس: لا بجد كفاية كده ...أنا تعبت ...!!
تجاهلت رفضه والتفتت لسمر قائلة ..
فريدة: باسم ومي مجوش ليه يا سمر معاكي...! ؟
سمر :أصلهم طالعين يتغدوا سوا هو ومي ..!!
إياس :حمدلله علي السلامة يا مراد... !!
ابتسم مراد قائلا:الله يسلمك....!
فريدة :يوسف ...عايزاك بعد ما تتغدا...!!
يوسف: حاضر ...
أتى الصغير أدم وملابسه التي تدل على مغامرة مع الأرض العشبية....
فريدة بصدمة: إيه اللي عمل فيك كده ....؟!
أدم :ثيف وثايا ...!!
إياس :سايا عشان ترسمك أنا عارف ...!!
أتي سيف لينضم لهم وجلس علي قدمي جدته كالعادة ..
ضربه يوسف بال"قفا" قائلا:عملت في الواد إيه يالا ..؟!
سيف: مش أنا ...دي سايا كانت عايزة ترسمه ..وأنا كنت بلعب معاه كورة وهو وقع على الأرض ...!!
احتضن جدته باكيا فقالت :يوسف ...بتضربه ليه ..؟!
إياس :عشان مش هيتربى غير بالطريقة دي ..!!
فريدة بغضب: أنت تسكت خالص ...!!
إياس بانزعاج :الله وأنا مالي بقا. ..!!
فريدة بتحذير: إياك تضربه مرة تانية ...فاهم. ..؟!
تجاهل تحذيرها ونهض ليتجه نحو المطبخ قائلا:سعدية ..تعالي غيري لأدم لو سمحتي ....!!
سعدية :حاضر يابيه ...!!
أتت سايا من الخارج بعدما اطمئنت بذهاب يوسف لتجلس بجانب جدها ...ولكنها سحبت قبل أن تجلس...
التفتت لتري وجه خالها الغاضب يقابلها فقالت :خالو ..بلييز أنا مش عملت حاجة...!!
يوسف :أمال سيف بيقول ليه انتي السبب ...!!
تصنعت الصدمة قائلة :أنا ..لا خالص ده حتى هو كان بيلعب وأنا برسمه وصورته فيديو هو وبيقع عشان معرفش يلاعب سيف...!!!
يوسف :أنا شكلي هتعب معاكم أنتوا الاتنين ...
ضحك إياس قائلا:يابني ...دول شياطين ماشيين على الأرض ...اسألني انا ...!!
كتفت يدها أمامها وهي تقول بغرور: بقا أنا سايا منصور يتقالي شيطانة ...دانا العيال بتزحف ورايا في المدرسة وأنا مش بعبر حد ....!!
يوسف بصدمة :نعم ياختي... العيال بيزحفوا وراكي ...؟!
مراد: صدقني لو ركزت معاهم هتتعب...!!
يوسف :أيوة بس دي ميتسكتش عليها...!!
سايا :بقولك ايه يا خالو... سيبني أكل ولا أمشي من هنا أروح أقول لتيتة صفية ....
فريدة: لا يا حبيبتي تعالي متقوليش لحد ...
أنهوا طعامهم ولم يكف إياس عن الضحك وهو يري ملامح أخية المصدومة....
##$##
في مكتب يوسف..
اصطحب ابنه بصحبته خوفا عليه من أولاد مي بعدما رآه علي الغداء ...
جري الصغير نحو ياسمين قائلا:hello...
ابتسمت ياسمين قائلة:أهلا ...
يوسف :اتغديتي ...؟!!
ياسمين: آه الحمدلله....!!
يوسف :بالهنا والشفا ...!!
ياسمين:الله يهنيك ...وضبطت من وضع نظارتها وهي تقول بكل جدية :احم ...في ميعاد مع صاحب قضية الأرض كمان نص ساعة... فأنا بقول تتفضل حضرتك تجهز نفسك أحسن ....!!!!
تنحنح بحرج قائلا:احم... طيب ...
كم يريد تكسير نظارتها تلك بالاضافة الي جديتها تلك ..أكثر ما يتمناه اجابة على سؤاله "هل أحبت زوجها السابق أم لا ..."....
##$##
في منزل الشافعي مساءً....
أتي شريف لرؤية إبان لمعرفة ردها ...رغم أنه من المفترض أن يحصل عليه على الهاتف إلا أنه فضل الجلوس معها وسماع ردها بنفسه ....
جلس حازم بصحبته بعدما رفض مصطفى مقابلته لعدم الاقتناع بأي مما يحدث ....وعلل له بأنه متعب ....
حازم: مش عارف أقولك إيه بس كل حاجة قسمة ونصيب .....طلبك مرفوض ...
ابتلع ريقه بتوتر قائلا:طب ممكن أعرف السبب ..!!
حازم: مانا قولتلك ...كل حاجة قسمة ونصيب...!!
نهض شريف وهو يقول :طيب أمشي أنا بقا ...!!
حازم :مع السلامة. ..!!
صاحبه حازم حتى الباب وودعه ....التفتت عائدا فخرجت مني من المطبخ وهي تقول :الحمدلله هم وانزاح ...أنا كنت خايفة عليها منه مش عارفة ليه ...!!.
حازم :المهم هي فين. ..؟!
مني بضيق: قالباها مناحة جوه في الأوضة ومعاها ياسمين وبتول ....!!
حازم: طب أنا هادخل أشوفها. ...!!
مني :بالراحة عليها شوية ...كفاية اللي خدتهم من أبوها. !!
حازم :حاضر...!!
دخل حازم الغرفة فوجدها تبكي في أحضان بتول وياسمين تحاول تهدئتها ....
حازم :سيبوني معاها لوحدنا...!!
بتول :انت مش شايف هي عاملة ازاي. .؟!
حازم بحدة:قولت سيبونا لوحدنا ...واطلعوا أنتو ..
ياسمين:أيوة بس. .
قاطعتها مني قائلة:مبسش...يلا نطلع ..
خرجت الفتاتان بصحبة مني وتركوا حازم بمفرده مع إبان ..!
جلس بجانبها علي الفراش وقال:بتعيطي ليه دلوقتي ...؟!
إبان ببكاء :أنا مكنتش أعرف إني مش مهمة عندكم للدرجادي...!!
حازم باستنكار: كل ده عشان شريف ...!!
إبان بغضب: لا عشان أنتوا بتعملوا كده لإياس ...
حازم بغضب :لا عشان إياس ولا عشان غيره .. أنتى مش هتتجوزي أصلا ...قعادك جنب امك أحسن ..
صرخت إبان قائلة:يكون أحسن وبرضو مش هتجوزه ..!!
حازم: ومفيش شغل هتنزليه ....فاهمة ...؟!
صرخت إبان قائلة:أحسن ..انا مش عايزة حاجة منكم ..
انهارت بعدها علي الفراش باكية ...وخرج حازم وأغلق الباب خلفه ....ومنع أي أحد الدخول إليها....
##$##
مر شهرا على تلك الأحداث ...
إياس عاد لعمله وقطع علاقته نع عائلة السيوفي...
ويوسف مازال يبحث عن ثغرة للتخلص من نظارتها بعدما تخلص من جديتها وأصبحت تضحك طالما أدم معها حتى أنه لا يرسله للروضة ويأخذه معه للمكتب مستغلا عشقها للأطفال.....
أما إبان فاكتفت بغرفتها لتظل حبيسة داخلها مانعة الحديث مع والدها وكذلك حازم ...لما فعلاه معها آخر مرة ...
وشريف مازال لم يفقد الأمل بعد متمسكا بها ...
##$##
دخل يوسف مكتبه غاضبا بعدما تشاجر مع والدته لنفس السبب ...لقد تشاجرا خلال هذا الشهر حوالي عشر مرات لنفس السبب ...أعطي فرصة لأباك وتحدث معه ...
هو لن يفعل ذلك ...ليس لأنه لا يريد ولكن لأنه لا يستطيع فعلها ...فهو لن يجلس بعدها في المنزل وسيتركه وهو لا يريد فقد حنان فريدة ودفء العائلة.....
لم يري ياسمين التي كانت تسير في الجهة المضادة وهي تنظر للأوراق غير منتبهة له ....
اصطدما ببعضهما فارتدت للخلف وسقطت النظارة عنها من قوة الاصطدام.....
ياسمين بغضب :مش تفتح ....؟!
يوسف:ده انا يوسف ...!!
ياسمين:أنا آسفة مخدتش بالي ...
نزلت للأسفل تبحث عن نظارتها التي لا تري من دونها شئ
يوسف: بتدوري علي إيه ...؟!
-على نضارتي ...!!
نزل بمستواها لينهض بها وهو يقول :طيب انا هدور أنا...
بحث عنها بعينيه حتى وجدها ....فتساءل :ياسمين هو انتي بتشوفي من غيرها ...؟!
-لا ...
فابتسم بمكر قائلا:يعني انتي مش شايفة حاجة دلوقتي... ؟!
ياسمين: لا ..مش شايفة حاجة خالص ...!!
اتسعت ابتسامته الخبيثة وهو يخطو فوقها مستمتعا بسماع صوت تكسير زجاجها ...
ياسمين بقلق :صوت أيه ده... ؟!
تصنع يوسف الحزن قائلا:انا أسف بس صدقيني مخدتش بالي منها ....
ياسمين بقلق: ده صوت نضارتي صح ...؟؟
يوسف بحزن مصطنع: انا اسف بجد... مش عارف أقول ايه... ؟!!
دمعت عيناها وهي تقول :طب انا.... أنا هعمل إيه دلوقتي... مش بشوف من غيرها ...!!
يوسف بتأثر :احنا ورانا شغل مهم ولا لأ...!؟!
ياسمين:لا مفيش حاجة مهمة ...
يوسف: خلاص تعالي هروحك ...وأبقي أرجع أنا تاني..!!
ياسمين: أيوة بس ....الشغل ...!!
يوسف: الشغل مش أهم منك....
تلونت بحمرة الخجل ووافقت على عرضه متجهة معه ..
سارا معا مستغلا كل فرصة تأتيه ...فأمسك بيدها وهي تسير معه بجانبه..... صرخ فجأة قائلا:حاسبي ...
قربها منه يحتضنها مشتما عبير حريرها....فتساءلت بخفوت :في إيه ...؟
فهمس لها قائلا:السلم. ....
تشبثت بقميصه بطريقة تعجب لأجلها فكانت تتمسك به بقوة كادت تقتلع القميص من عليه وكأنها خائفة ...خائفة من شئ ....فهمس لها مرة أخرى قائلا:متخافيش ..أنا معاكي ....!!
ابتعدت عنه ووجهها يتلون بحمرة الخجل التي يراها لأول مرة بوضوح هكذا ...لعن الله تلك النظارات التي تخفي كل هذا الجمال. ...
سار معها ومازال يحضتنها بذراعه من كتفيها..... دخلا المصعد لينزلا سويا ولم ينسي التقاط بعض الصور للذكرى ....فتلك الحادثة لن تتكرر مرة أخرى. ....
أدخلها السيارة واتجه ليركب خلف المقود متجها بها نحو منزلها راضيا بما أخذه اليوم....
##$##
في منزل الشافعي .
جلست مني بجانب ابنتها التي ذبلت منذ ذلك اليوم وهي هكذا لا تتحدث إلا إذا تكلمت أولا وبضع كلمات محدودة فقط تخرج لك ...ووالدها لم تتحدث معه ولا حتى حازم رغم محاولات الجميع .....
احتضنتها مني قائلة :لحد امتي هتفضلي كده...! ؟
إبان: مالي ...مانا كويسة أهو ...!!
مني :يعني مش عارفة مالك ...؟!
أبان :أنا كويسة متخافيش .!!
مني :طب ينفع كده ...يعني أبوكي وأخوكي خايفين عليكي تقومي أنتي تخاصميهم. ...إبان تخاصم أبوها ..دانتي عمرك ما عملتيها حتى وأنتي صغيرة ...تعمليها وأنتي كبيرة ...؟!
إبان ببكاء: أنا تعبانة ...تعبانة أوي يا ماما ...!!
ربتت على ظهرها بحنو قائلة:سلامتك يا ضنايا ...قومي روحي صالحي أبوكي عقبال ما أحضر الغدا وناكل سوا ..
أومأت موافقة ومسحت دموعها لتتجه نحو غرفة والدها .
دخلت الغرفة وجدته جالسا على كرسيه يتطلع من الشرفة لشئ ما ....
اقتربت لتحضتنه من الخلف ودموعها سقطت منها بلا ارادة ...أمسك يدها ليلفها نحوه ويحضتنها لتبكي بأحضانه وهو يربت علي ظهرها بحنو ....
ابتعدت عنه قائلة ببكاء: أنا آسفة... مش قصدي والله...
ضحك مصطفى قائلا:أول مرة أعرف إنك غبية كده ...
إبان: من كتر الذكاء اتغابيت ....
ضحك مصطفى بقوة وبادلته ضحكه مختلط بدموعها ..ومني تدعو الله بأن يحفظ عائلتها ويبعد عنها كل سوء ..
اجتمعوا على الغداء بعدما حضرت ياسمين وكذلك حازم الذي أنهي عمله ...أمت ياسمين فارتدت نظارة بديلة للاولي ...
احتضنت إبان حازم قائلة :سوري ...
أبعدها عنه قائلا :أصرفها فين دي... ؟؟
إبان :لا احتفظ بيها ذكري ...!!
ضحك حازن قائلا:طب اوعي عشان أنا جعان ..
إبان :مش قبل ما تقول إنك سامحتني. ..!!
حازم :ياربي... سامحتك ياستي.
إبان: لا دي مش من قلبك قولها من قلبك ..!!
حازم :سامحتك من قلبي ...
أبان :لا مش من قلبك كده...!
صرخ حازم بنفاذ صبر: سامحتك والله سامحتك ..!!
ضحك الجميع واتجهت إبان لتجلس بجانب والدها..
أنهوا طعامهم بسعادة كانت غائبة عليه منذ شهر وأكثر ..
طلب مصطفى من إبان أن تحضر القهوة له ولحازم في الشرفة ...
وضعت صينية القهوة على الطاولة ...ومدت يدها بكوب والدها أولا وتبعه حازم ....والتقطت كوبها لتجلس بجانب حازم كما طلب منها والدها ....
ارتشف من قهوته ثم قال :أنا هقولك رفضنا ليه شريف .
إبان :لا مش عايزة أعرف ...
حازم: من حقك تعرفي ....اسمعي للآخر من ولا كلمة. ..
اومأت بصمت وملامح القلق تنتشر تدريحيا على وجهها..
تحدث مصطفى قائلا بعد فترة صمت ...
-إياس ...