ولعشقها ضريبة

اقتباس"جاسر و جلنار "

جاسر و جُلنار 😂😂

-لأ يا بابي..إعملي ودنين قطة
-تشدق جاسر بـ إستنكار:ودنين قطة!!..ودا يطلع إيه دا!

-زفرت جُلنار بـ ضيق ثم قالت وهى تُشيح بـ يدها:ودنين قطة..يعني واحدة هنا و واحدة هنا...

قالت العبارة الأخيرة وهى تُشير بـ يدها إلى جانبي رأسها..تتبع جاسر تعليماتها في عمل "ودنين القطة" كما تُحب...

عندما إنتهى جاسر إلتفتت إليه جُلنار وقالت بـ براءة طفولية

-أنا حلوة كدا يا بابي!!
-قبّل وجنتها بـ عمق وقال:حلوة أوي يا قلب بابي..يلا عشان نفطر الأميرة جُلنار...

ثم نهض ورفع صغيرته ليُجلسها على أحد منكبيه وإتجها إلى المطبخ..وضعها جاسر على طاولة صغيرة بـ جانب نافذة تطل على الحقول الخضراء وأشجار الفاكهة..ثم إتجه إلى المُبرد وأخرج منها بعض الجبن البيض...

إتجه إلى الموقد و وضع المقلاه..ثم أشعله..قام جاسر بـ كسر البيض و وضعه بـ المقلاه..جاءه صوت الصغيرة وهى تهتف

-إعملي البيض بـ عنتين و smile (إبتسامة)
-إرتفع حاجبي جاسر وقال دون النظر إليها:عنتين و smile ..ودي تتعمل إزاي!!
-كدا...

قالتها وهى تضع سبابتها على طرفي فاها ثم رفعتهما إلى أعلى..لتظهى على شكل إبتسامة..أنزلت يديها وقالت بـ بساطة

-شوفت سهلة..يلا بقى أعملهالي
-إلتوى شدقه بـ تهكم وهو يقول:عنتين و smile!! الله يرحم أبوكي..كان بيقطع التورتة بـ فاس
-تساءلت الصغيرة:بتقول حاجة يا بابتي!
-إبتسم بـ إصفرار وقال:مبقولش ياختي..مبقولش...

#ولعشقها_ضريبة

الي معملش فوت على البارت السابق يعمل علشان أنزل بارت طويل بكرا ان شاء الله بعد الفطار😉✋