ولعشقها ضريبة

الفصل الثالث عشر

التفاعل يا جمااعة💔

#الفصل_الثالث_عشر
#ولعشقها_ضريبة

إذا أحببت حتى تألم قلبك...

فلن يكون هُناك المزيد من الألم...

فقط المزيد من الحب...

أظلمت عينا جاسر بعدما قص عليه سامح ما حدث صباحًا..تأفف الأخير بـ صوتٍ عال ثم قال بـ إنفعال

-شوفت..عشان كدا مكنتش عاوز أقولك
-هدر جاسر بـ غضب:وهو أنا مكنتش هعرف يا بيه!..وليه مرحتش البوليس
-بوليس لإيه!!...

إلتفت الجميع إلى صوت فاطمة الذي صدح وهى تقف على مُقربةٍ منهم تُطالعهم بـ نظرات تحمل الشك والخوف..تنحنح جاسر قائلًا

-لا يا ست الكل مفيش..دي حاجة تخص الشغل...

وضعت ما بيدها على الطاولة ثم قالت بـ إنفعال

-أنا مش عيلة صغيرة عشان تضحك عليا بـ الكلمتين دول يا جاسر..إبني إيه اللي حصله ومين دول!
-تولى سامح دفة الحديث:يا ست الكل مفيش حاجة..دول شوية بلطجية طلعوا علينا وأخدت اللي فيه النصيب
-وهما ضربوك وسابوا الأستاذ أمجد..مع إحترامي ليك يا أستاذ...

أومأ أمجد بـ تفهم ليعود سامح ويتشدق بـتوضيح

-عشان أنا اللي إتهجمت عليهم وحاولت أمنعهم..الأستاذ أمجد مطلعش من العربية
-صاحت بـ نفاذ صبر:ومطلبتش البوليس ليه زي ما أخوك قال!
-أشاح بـ يده:ملوش لزوم يا حاجة..هما مأخدوش حاجة...

همت فاطمة أن تُصيح ولكن جاسر أشار لها بـ أن تصمت ثم قال بـ نفاذ صبر

-خلاص يا أمي..أنا مش هسيب الموضوع يعدي بـ الساهل...

إنتفضت فاطمة من جلستها ثم أشارت بـ سبابتها بـ تحذير هادرة بـ عنف

-بقى أسمع أنت وهو..شغل البلطجة والهمجية دي تبطلوها..الدنيا مش ماشية بـ الدراع..يا حق أخوك يجي بـ القانون يا بلاش..أنا مش واحد يرجعلي من الموت والتاني يروحله بـ رجليه

-حاول جاسر الحديث:يا أمي آآ
-قاطعته بـ قوة:بلا أمي بلا زفت..والله يا جاسر لو عملت اللي فـ دماغك هكون غضبانة عليك ليوم الدين...

ثم إلتفتت إلى سامح قائلة بـ صرامة

-وأنت إطلع لمراتك وهديها من ساعة لما سمعت صوتنا وهى قلقانة ومش قادرة تنزل..إتفضل...

أومأ سامح بـ دون حديث ليعاونه جاسر على النهوض فـ نهض أمجد وقال بـ نبرة مُتعبة

-أنا همشي أنا يا جماعة وبكرة هاجي أطمن عليك يا سامح..حمد لله ع السلامة
-الله يسلمك يا أستاذ أمجد...

ورحل أمجد لتبقى فاطمة تُحدق بهما بـ حسرة وغضب ثم صعدت..تنهد سامح وهتف بـ خفوت

-أمك طلع المارد بتاعها...