ولعشقها ضريبة

الفصل السادس عشر

#الفصل_السادس_عشر
#ولعشقها_ضريبة

هي بداية ونهاية العشق...

هى نُقطة الإنطلاق ومُلتقى الطُرق...

وأنا لستُ سوى عاشق لكِ....

فـ ليحترق العالم من أجل عيناكِ

نهضت ترتعش مما حدث وهى تنظر إلى الباب الذي دلف خارجًا منه بـ هدوء عكس موجة الغضب والإعصار التي تركها بها ثم غادر..لملت أشياءها وهى تُتمتم

-أنت عاملي زي عفريت العلبة..وقال إيه!..هلعب معاكي بـ قوانيني...

قالتها وهى تُقلد نبرة صوته الضخمة وتُحرك كفيها بـ الهواء لتقول بـ سخرية

-مجنون دا ولا إيه!..لأ بس رعبني..أووووف...

قالتها وهى تُبعثر خُصلاتها ثم دلفت هى الأخرى خارج الغُرفة وإتجهت إلى قاعة المُحاضرات..لتجد جميع الطُلاب يجلسون ويتبادلون الأحاديث الجانبية فـ إتجهت إلى طرف القاعة وهتفت بـ صوتها

-يا شباب!!..ممكن تقعدوا شوية!...

بدأت الأصوات تخفت تدريجًا لتهتف بـ إبتسامة وهى تتفحص الجميع

-أنا اسمي روجيدا التهامي..دكتورة جديدة..أنا هنا بدل دكتور رشاد..أتمنى إني أقضي معاكم ترم حلو...

أخرجت نظارتها الطبية وإرتدها ثم تشدقت بـ نفس الإبتسامة

-حد عنده إستفسار!...

نفى الجميع وقد بدى على وجههم السعادة المُطلقة لتضحك وتقول

-شكلكوا مبسوطين
-أجابت عليها طالبة:جدًا..أصل دكتور رشاد مكنش بيفهمنا حاجة وإحنا بنحفظ بس
-أولًا ميصحش إننا تقول على دكتور كدا..ممكن يكون أنتوا اللي مش مستوعبين طريقته فـ مش بتفهموا منه وبتستبدلوه بـ الحفظ وخلاص

-ليرد أخر:وجايز يكون المحتوى مينفعش يدرس فـ السنة دي..غير الإمكانيات اللي غير متوفرة
-إبتسمت روجيدا وقالت:مش عذر على فكرة..الإمكانيات ممكن تستبدلها بـ حاجات تانية...

حمحمت روجيدا ثم قالت وهى تفتح أحد الكتب

-مش موضوعنا حاليًا..أنا هديكوا المهم واللي يلائم السنة وإستيعابكوا..ولو فيه حاجة هنتناقش فيها...

وبدأت في الحديث بـ طريقة سلسلة وسهلة حتى يستوعب الجميع

وعلى الجانب الأخر ما أن خرج من غُرفتها حتى أطلق السباب اللاذع ثم هتف وهو يمسح على خُصلاته

-نهايتي يا هتكون على إيدك أو إيد بنتك..بنت الـ...

كاد أن يُِكمل ولكنه تراجع وهتف بـ إمتعاض

-ولا بلاش أحسن أمك تتقمص...

أخرج الهاتف من جيب بنطاله ثم أجرى مُكالمة مع أحدهم ليقول ما أن فُتح الخط على الجانب الأخر