ولعشقها ضريبة

الفصل العاشر

#الفصل_العاشر
#ولعشقها_ضريبة

أفضل حب هو الذي يوقظ الروح،
الذي يجعلنا ننتطلّع و نطالب بالأكثر،
الذي يزرع النار في قلوبنا و يجلب السلام إلى أذهاننا.
هذا ما آمل أن أقدّمه لك إلى الأبد!

ظلت تتأفف عدة مرات بـ ضيق..فـ كلما إختارت ثوب تذمر عليه وأبدى إعتراضه..لتضع يدها بـ خصرها وتتشدق بـ نفاذ صبر بعدما دلفا خارج المحل

-نفسي أفهم أنت كل فستان معترض عليه ليه!..المفروض إني العروسة وأنا اللي ميعجبنيش...

فتح لها باب السيارة لتصعد ثم تبعها هو..أدار المُحرك ثم هتف دون النظر إليها

-أنا عاوز حاجة simple (بسيطة)..متكونش مُلفتة للنظر
-خللت يدها بـ خُصلاتها وقالت:طب ما كلهم كانوا كدا
-رد عليها بـ إعتراض:لأ مكنوش كدا
-تأفف وقالت:يا صابر إحنا بنلف من الصبح وأنا بصراحة تعبت وجعت
-إبتسم وقال:بس كدا تعالي نتغدى فـ أحسن مطعم فيكي يا بلد...

أومأت بـ رأسها وطال الصمت قبل أن تهتف بـ تردد

-طب..طب عملت إيه فـ موضوع أهلك؟!...

تشنجت عضلات فكه فجأة وقبضت يده على المقوّد بـ شدة قبل أن يرد بـ جمود

-وإيه لازمته تفتكري الموضوع دا دلوقتي!
-أعادت خُصلة خلف أُذنها وقالت:عندي فضول أعرف
-تشدق بـ نفس الجمود:كلمت نور ومش عاوزة تشوفهم...

إلتفتت إلى صابر بـ جسدها كله ثم أمسكت بـ يده وقالت بـ حنو و رزانة

-أنا مش بتكلم على نور
-سألها بـ عدم فهم:أومال إيه مش فاهم!!
-إبتلعت ريقها وهتفت:أنت..أنا قصدي أنت..مش ناوي تنسى اللي فات!!...

توقف بـ السيارة على حين غُرة ثم هدر بـ غضب

-أنسى إيه!..أنسى عذاب سنين!..أنسى جوع ومهانة!..ولا أنسى سؤال نور المعتاد..فين ماما وبابا!..أنا لو عشت عمري كله مش هقدر أنسى كل اللي شوفته...

حاوطت وجهه بـ يدها وقالت في محاولة لتهدئته

-طيب تمام..إهدى..خلاص مش هتكلم فـ الموضوع دا تاني...

أمسك يدها وحاول إزاحتها عن وجهه ولكنها لم تسمح له فـ بقت تنظر إليه بـ إبتسامة رائعة لتُهدئ من روعه..لتجد الإبتسامة تشق وجهه هو الأخر..ليجذب رأسها إلى صدره وهمس بـ مزاح

-يلا خليكي كدا هادمة اللحظات الحلوة
-ضربت صدره وقالت بـ تذمر:دا اللي هو أنا!
-قبّل رأسها وتشدق بـ إبتسامة:أه..مين اللي فتح الموضوع اللي يسد النفس دا؟
-هتفت بـ براءة:أنا...

ضحك صابر وهز رأسه يائسًا منها..أبعدها بـ رفق عنه وأعاد تشغيل المُحرك ثم قال بـ مكر

-نروح ونكنسل العشا ولا
-صرخت بـ حنق:فكر بس يا صابر وأنا مش هخليك تشوفني غير فـ الفرح...