الجزء الثاني من (سلسله ارواح عاشقه) بدونك الم

3

بسم الله الرحمن الرحيم
لا تدع القراءه تلهيك عن الصلاه
الفصل الثالث
______________________________________
فى شقة رغده
ما أن  فتحت رغده باب الشقه حتى دلفت إلى داخل الشقه امرأه تتفحص محتويات الشقه بفضول فتنهدت رغده بملل وهى تقول
رغده: اهلا يا خالتى صفاء عامله ايه
صفاء: وهى تجلس : الحمد لله يا حبيبتي انتى عامله ايه ...وحشانى والله
رغده: وهى تجلس بجوارها: وانتى اكتر ….انا عارفه انى اتأخرت فى دفع الايجار بس معلش أن شاء الله اول ما اقبض المعاش بتاع بابا الله يرحمه هجيب لحضرتك فلوس الايجار
صفاء: لا يا حبيبتي ولا يهمك انا اصلا مش جايه علشان كدا ...انا جايه علشان حاجه تانيه
رغده: بتساؤل: حاجة ايه دى يا خالتى
صفاء: بصى يا حبيبتى الشقه دى ذى ما انتى شايفه كبيره يمرح فيها الخيل وانتى عايشه فيها بطولك ..فكان فيه مستأجر عايزها
رغده: يعنى ايه الكلام ده..طيب وانا اروح فين
صفاء: الاوضه اللى فوق السطوح فاضيه وهواها بحرى هتقعدى فيها وتوفرى ايجار شقه طويله عريضه ذى دى
رغده: بس انا هقعد فوق السطح ازاى يعنى
تأففت صفاء وهى تقول
صفاء:ما هو بصراحه بقى ال٤٠٠ جنيه اللى بأخدهم منك مبقوش كفايه الحاجه كل يوم بتغلى والمستأجر الجديد هيدفع فى الشهر الواحد ٨٠٠ جنيه يعنى ضعف الايجار
ثم وقفت وقالت
صفاء: فكرى كدا وقررى ولو عايزه الشقه يبقى الايجار ٨٠٠ جنيه لو مش عايزاها أوضة السطوح موجوده
ما أن انهت صفاء حديثها حتى اتجهت إلى خارج الشقه بينما اخذت رغده تفكر فى حديثها وتحاول أن تجد وسيله تمكنها من الاحتفاظ بالشقه
______________________________________
فى اليوم التالى
هبط محمود إلى الطابق السفلى فوجد والدته ونورهان بأنتظاره
محمود: صباح الخير عاملين ايه النهارده
نجوى: الحمد لله…..هتسافر اسكندريه على طول ولا هتروح الشركه الاول
محمود: لا مش رايح الشركه النهارده ...ثم نظر لنورهان وقال ...قولتى لأحمد انك هتيجى معايا
نورهان: بأبتسامه : ايوه ...وعقبال ما تفطر هكون لبست
محمود: ماشى ...ثم نظر لوالدته وقال
محمود: لو عايزه تيجى معانا يا ماما البسى انتى كمان
نجوى: لا يا حبيبي انا مقدرش على المشوار ده ..انا بس هستنى انك تكلمنى اول ما تشوفها وتخلينى اكلمها
محمود: حاضر يا ماما متقلقيش ….اااه صحيح هو بابا هيرجع امتى
نجوى: كلمنى امبارح بالليل وقال إنه هييجى بكره ...انا مش عارفه هو متمسك بالشركه البعيده دى كدا ليه
محمود: بابا هو اكتر واحد يقدر يجاوب على السؤال ده ….انا حاولت معاه كذا مره أنه يبيع الشركه دى بس هو دايما كان  بيرفض
نجوى: بتنهيده: عندك حق والله ...يلا اهم حاجه ربنا يقويه
محمود: يارب ….
______________________________________
فى فيلا ادم
كانت جنه تجلس بجوار ايمن الذى يشاهد برامج الاطفال وكانت شارده فى حياتها مع ادم ...فمنذ ان تزوجا وهو يحاول بكافة الطرق اسعادها ورسم الابتسامه على وجهها ..تنهدت وهى تفكر انها علمت هذا الصباح انها لا تحمل فى احشاءها اى طفل فهى منذ الشهر التالى للزفاف وهى تتمنى أن تصبح حامل فى اسرع وقت فهى تريد اسعاد ادم كما يسعدها دائما ..نظرت بطرف عينيها إلى ايمن الذى يجلس بجوارها وهى تفكر أن آدم قد سبق له الانجاب من قبل فمن المؤكد أن تأخر الإنجاب بسببها هى ...شعرت فى ذلك الوقت بأنقباضة الم فى صدرها لم تعلم مصدرها ولكنها زالت بعد لحظات قليله ..فأغمضت عينيها بألم وشعرت بمن يحتضنها لصدره
ادم: بقلق: مالك يا حبيبتي انتى تعبانه
جنه: وهى تنظر إليه: لا يا حبيبي متقلقش انا كويسه ...انا بس وحشتنى مصر اوى
ادم: بمزاح: بقى كدا وحشتك مصر بالسرعه دى ...وانا ادم حبيبك موحشتكيش
جنه: بأبتسامه: انت بتوحشنى وانت معايا ...انا بس احمد واحشنى اوى انا بقالى اكتر من اربع شهور مشوفتوش
ادم: على العموم هانت احنا خلاص هنرجع اخر الاسبوع يعنى بعد تلات ايام
جنه: أن شاء الله يا حبيبي
ابتسم ادم وطبع قبله هادئه على جبينها بينما يضمها اكثر لصدره
______________________________________
فى مركز التدريب
كانت رغده قد انتهت من تدريب طلابها عندما علمت من مديرة المركز أن هناك من يريد مقابلتها فأتجت إلى غرفة المديريه لتجد فتاه جميله متوسطة القامه بملامح ودوده وبجوارها يقف رجل رجولى الملامح ينظر لها بتفحص مهذب فأخذت نفس عميق ثم قالت
رغده: السلام عليكم...انا رغده اقدر اعرف حضرتكم مين
نورهان: وهى تقترب منها: انا نورهان ابقى بنت خالتك الله يرحمها ...ثم قالت بتردد..انتى كنتى تعرفى أن عندك خالات صح
نظرت رغده لهم بتوتر وهى تقول
رغده: ايوه بابا الله يرحمه كان قايل ليا قبل ما يموت أن عندى خالتين
محمود: بهدوء: فعلا ...عندك اتنين ..مامت نورهان الله يرحمها ووالدتى اللى كل املها انها تشوفك
تنهدت رغده ونقلت بصرها بين محمود ونورهان ثم قالت
رغده: طيب ايه اللى فكركم بيا دلوقتى وعرفتوا مكانى ازاى
محمود: والدتى كان نفسها تشوف مامتك اوى بس بعد ما دورنا عرفنا انها متوفيه فبقى كل همها انها تشوفك انتى
رفعت رغده كفها ووضعتها على وجهنتها وهى تقول
رغده: امال هى فين دلوقتى
نورهان: خالتو تعبانه متقدرش تيجى المسافه دى كلها ...فأيه رأيك تيجى معانا
رغده: بذهول: اجى معاكوا اعمل ايه …
محمود: تيجى تشوفى خالتك وتقعدى معانا بدل ما انتى قاعده لوحدك
رغده: لا طبعا مينفعش ...انا اصلا معرفكمش ازاى اروح معاكوا فى اى حته
محمود: بهدوء: عندك حق طبعا فى كلامك بس احنا معانا اوراق تثبت احنا مين وطبعا البطايق بتاعتنا …
نظرت لهم رغده قليلا ثم تنهدت وقالت
رغده: ملوش لزوم انا جايه معاكوا ...مش علشان انا واثقه فيكم مثلا...لا علشان انا متأكدة انى اقدر احمى نفسى كويس  اوى
ابتسمت نورهان وقالت ..
نورهان: صحيح المديره قالتلنا انك  بتدربى كونج فو هنا
رغده: ايوه انا مدربة كونج فو وتايكوندوا ومعايا الحزام الأسود فى الكاراتيه
نظر لها محمود ونورهان بدهشه بينما ابتسمت لهم بثقه
______________________________________
فى شركة احمد
كان أحمد يجلس فى مكتبه عندما رن هاتفه المحمول فنظر إليه وابتسم ثم اجابه وهو يقول
احمد: اهلا اهلا بالعريس.
ادم: اهلا بيك يا احمد عامل ايه
احمد: انا الحمد لله انت عامل ايه وجنه عامله ايه
ادم: كويسين الحمد لله...هنرجع مصر اخر الاسبوع ان شاء الله
احمد: تيجوا بالسلامه ...اخيرا يا راجل
ادم: ههههه معلش أما تتجوز انت كمان هتعرف شهر العسل حلو اد ايه وهتبقى عامل ذيي مش عايزه يخلص ابدا
احمد: يااارب يا سيدى ...من بقك لباب السما ...المهم العروسه تحن عليا الاول
ادم: انا عارف انك زعلان من نورهان علشان كل شويه تأجل الفرح ...
احمد: الموضوع مش انى زعلان ...ثم تنهد وقال ...كل الحكايه انى متضايق انها لغاية دلوقتى مش واثقه فيا ومتردده
ادم: لا طبعا الموضوع مش كدا ...كل الموضوع أن نورهان لسه حزينه على مامتها ومش عايزه الحزن ده يكون موجود يوم الفرح علشان كدا بتأجل
احمد: هى  بصراحه قالتلى كدا بس انا كنت فاكرها بتقول اى حجه وخلاص
ادم: لا طبعا مش  حجه ولا حاجه … لما تعاشر نورهان هتعرف انها مش من النوع ده ...والمهم دلوقتى انك تصبر عليها وتديها الوقت اللى هى محتاجاه
احمد: حاضر يا ادم ...انا اصلا بحبها ومستعد استناها العمر كله
ادم: ربنا يهنيكوا يارب ...وانا متأكد انها هى كمان بتحبك يا احمد وان شاء الله كله هيبقى تمام
احمد: أن شاء الله
______________________________________
فى إحدى سيارات المراقبه
كان حمزه يجلس بجوار محمد فى سيارة المراقبه ينتظرون الاشاره الخاصه بالهجوم ويبدوا على وجههم الاستعداد بينما ينتشر افراد الشرطه  فى كل اتجاه تأهبا للهجوم ...وعند إعطاء الاشاره قاموا بالهجوم على إحدى أوكار تجارة المخدرات لتدور بينهم وبين المجرمين معركه فى تبادل إطلاق النيران وبينما كان حمزه يحاول القبض على رئيس العصابه تلقى طلقه فى صدره فسقط على الارض وسط صراخ زملائه

______________________________________