الجزء الثاني من (سلسله ارواح عاشقه) بدونك الم

5

بسم الله الرحمن الرحيم
لا تدع القراءه تلهيك عن الصلاه
الفصل الخامس
______________________________________
بعد مرور اسبوع
عاد فؤاد من الاسماعيليه وعاد ادم وأسرته من الخارج وقامت نجوى بمهمة التعريف بينهم وبين رغده ..عاد حمزه الى الفيلا ليتفاجأ الجميع بأنه كان فى المشفى الفتره السابقه ..مازال احمد ينتظر  نورهان ومازالت جنه تراقب ادم الذى أصبحت تصرفاته محيره ..
_______________________________________
فى فيلا فؤاد
كانت رغده تجلس على المائدة الافطار وكان الجميع يتناولون الافطار عندما قالت
رغده: بتوتر:انا كنت عايزه انزل النهارده ادور على شغل علشان مش متعوده على القاعده فى البيت
فؤاد: شغل ليه يا بنتى لو محتاجه حاجه قولى متتكسفيش
رغده:بخجل: لا والله مش دا الموضوع انا بس مش بحب اقعد من غير ما اعمل حاجه
نجوى: بس هتشتغلى ايه بس يا حبيبتي
رغده: انا معايا ليسانس اداب انجليزي وغير كدا ممكن اشتغل مدربه
نظر فؤاد إلى محمود إلى كان يتناول طعامه ولا يبدوا أنه يستمع الى الحديث الدائر وقال
فؤاد: بقولك ايه يا محمود انت جيبت سكرتيره غير شيرين ولا لسه
محمود: لا للأسف كل اللى اتقدموا متجوزين يا اما مش بالمستوى المطلوب
فؤاد: خلاص ايه رأيك تأخد رغده تشتغل معاك
نظر محمود لرغده التى كانت تنظر لوالده وقال
محمود: بس الشغل بتاعنا صعب وبيتهيقلى  مش هيعجبها
فؤاد: ايه رأيك يا رغده تشتغلى مع محمود هو محتاج سكرتيره
ابتسمت رغده وقالت
رغده: موافقه طبعا….ثم نظرت لمحمود وقالت ...لو محمود موافق
محمود: وهو يعود لتناول طعامه: ايوه طبعا مفيهاش حاجه ...ابقى بعد الفطار البسى وتعالى معايا الشركه
رغده: ماشى تمام
ادم: بقولك ايه يا محمود انا النهارده هنزل على الشركه اللى داخله معانا فى المشروع الجديد اشوف ايه اخر التطورات
محمود: بأبتسامه: ايوه كدا ...حمد الله على السلامه..
ادم: بأبتسامه: الله يسلمك ...ثم نظر لجنه وقال ...مبتكليش ليه يا حبيبتي
جنه: ابدا بأكل اهو ...انا كنت عايزه استأذنك اروح لاحمد النهارده الشركه
ادم: ماشى يا حبيبتي اخدك فى طريقى وانا رايح وابقى اعدى عليكى وانا راجع ماشى
جنه: ماشى ..انا هقوم البس ايمن بقى
ادم: انتى هتأخديه معاكى ..خليه هنا مع ماما علشان تبقى براحتك
جنه: وهى تقف: لا طبعا هأخده معايا علشان احمد يشوفه
ابتسم ادم لجنه وهى تبتعد عنهم بينما تنهد بحزن وهو يفكر فيما يحدث معه ويشعر بالرعب من أن تعلم جنه ما به
_______________________________________
فى غرفة حمزه
كان حمزه يستلقى على الفراش عندما رن هاتفه المحمول فأجابه على الفور
حمزه: الو….ايوه يا محمد عامل ايه
محمد: الحمد لله ...انت عامل ايه
حمزه: ذى الفل وان شاء الله هنزل الشغل الاسبوع اللى جاى
محمد: متستعجلش فى النزول يا حمزه انت جرحك لسه مفتوح ولو التهب ولا حاجه هتتعب
حمزه:لا متقلقش انا كدا كدا نازل ...انا مش حابب القعده دى اصلا مش متعود عليها وانت عارف كدا كويس
محمد : انا عارف أن دماغك ناشفه على العموم انا هأخد يومين اجازه علشان انزل البلد
حمزه: هو فيه حاجه ولا ايه
محمد: ابدا امى تعبانه جامد وعايز تروح اطمن عليها انت عارف انى مليش غيرها هى واختى هما اللى باقيين ليا
حمزه: ربنا يباركلك فيهم ...خلاص اول ما ترجع ابقى كلمنى علشان نتقابل
محمد: أن شاء الله...مع السلامه
حمزه: مع السلامه
اغلق حمزه الهاتف مع محمد ووضعه بجوار الفراش وتنهد بألم وهو يعتدل
_______________________________________
فى الشركه
كانت رغده تجلس أمام محمود الذى يتحدث مع شيرين وكانت تتأمل ملابس الفتاه الواقفه أمامها وملامح وجهها الواضح عليه خيبة الأمل
محمود: طبعا يا شيرين انتى كنتى عارفه انى بدور على سكرتيره
شيرين: ايوه طبعا يا محمود بيه بس لغاية دلوقتى ملقناش اى واحده تنفع
محمود: لا ما انا خلاص لقيت السكرتيره اللى هتكون مكانك وانتى من النهارده هتشتغلى مع الاستاذ رمزى ...ثم أشار إلى رغده... والآنسة رغده هتكون مكانك من النهارده
نظرت شيرين بأحتقار الى رغده التى نظرت اليها بلامبالاه وقالت
شيرين: بس السى ڤى بتاع الانسه مش موجود معايا
محمود: بملل: الانسه مش محتاجه لانها بنت خالتى ...تقدرى دلوقتى تتفضلى تفضى مكتبك علشان الانسه تقعد فيه
شيرين: حاضر ...بعد اذن حضرتك
اتجهت شيرين الى خارج الغرفه وهى تسب وتلعن رغده التى قدمت من لا مكان حتى تأخذ وظيفتها
فى داخل المكتب
نظر محمود لرغده التى كانت تتابع خروج شيرين بعينيها وقال لها
محمود: طبعا انتى اليومين دول مش مطلوب منك غير انك تجيبيلى الورق الجاهز أمضى عليه وتدخليلى البوسته كل يوم الصبح لغايه لما تتعلمى الشغل بتاعنا
رغده: حاضر أن شاء الله
محمود: تحبى تشربى اى حاجه عقبال ما شيرين تخلص
رغده: ياريت لو شاى اخضر
محمود: وهو يتجه إلى الغلايه: حاضر ثوانى
_______________________________________
فى شركة احمد
كان أحمد يجلس مع جنه على الأريكة بينما يلهو ايمن بجوارهم
احمد: طمنينى ادم عامل معاكى ايه
جنه: الحمد لله ادم كويس اوى وحنين خالص والله 
احمد: ربنا يهنيكى يا حبيبتي...امال انتى مالك وشك ذى ما يكون متضايقه من حاجه
جنه : بحيره: ابدا انا بس ...ادم من قبل ما نرجع دايما سرحان وعلى طول ادخل عليه الاقيه بيتكلم فى التليفون بصوت واطى واول ما يشوفنى يقفل الخط ولما اسئله يا اما يقولى رقم غلط يا اما يقولى دا واحد صاحبى
احمد: طيب ما يمكن فعلا يكون ذى ما هو بيقولك
جنه: لا يا احمد انا حاسه أنه مخبى عنى حاجه
احمد: يعنى قصدك يكون بيكلم واحده ست تانيه ...لا يمكن ادم يعمل كدا انتى متعرفيش هو بيحبك اد ايه ولا ايه
جنه: بحيره:عارفه والله بس ...تنهدت جنه وخللت شعرها بأصابعها وقالت….مش عارفه يا احمد خايفه يكون فيه حاجه هو مخبيها عليا ..خايفه اوى
احمد: وهو يحتضنها: متخافيش ادم بيحبك ولا يمكن يعمل اى حاجه تزعلك مهما كانت هى ايه صدقينى
تنهدت جنه واحتضنت خصر احمد بذراعيها
_______________________________________
فى الشركه
فى مكتب فؤاد
كان محمود يدلف إلى داخل مكتب والده فوجده يتحدث فى الهاتف وعندما رأى محمود ظهر على وجهه الارتباك واغلق الخط سريعا
فؤاد: بأرتباك: اهلا يا محمود فيه حاجه ولا ايه
محمود: وهو يجلس: ابدا يا بابا انا بس كنت جاى علشان حضرتك تمضى على الورق ده ...انت عارف رغده لسه ماسكه الشغل النهارده ومينفعش اديها ورق مهم ذى ده
فؤاد: وهو يتنهد: انا عارف انك مكنتش عايزها تشتغل معاك بس انت عارف مامتك كانت هتزعل لو سيبناها تشتغل عند حد تانى
محمود: الموضوع مش انى مش عايزها تشتغل معايا بالعكس ...الموضوع انى مش فاضى اعلمها من اول وجديد كل حاجه خاصه بالشغل
فؤاد: معلش واحده واحده وهى هتتعلم كل حاجه ...هى باين عليها ذكيه
محمود: فعلا ...على العموم انا عايز اعملها عربيه بسواق علشان متجيش كل يوم الشركه معايا ...حضرتك عارف انها المفروض تيجى الشركه قبلى
فؤاد: خلاص سهله هطلعلها عربيه بسواق تكون معاها فى كل حته
محمود: تمام كدا ...ثم وقف وقال...انا هروح مكتبى بقى علشان اخلص بقية الشغل
فؤاد: ماشى يا محمود روح انت
_______________________________________
فى المساء
كانت جنه تجلس فى الحديقه وبجوارها ادم الذى يحتضنها من خصرها عندما تقدمت منهم نجوى وجلست بجوارهم
نجوى: ممكن اقعد ولا هبقى عزول
ادم: لا طبعا اتفضلى يا ماما اقعدى ...حضرتك وحشانى اوى والله
نور: وانت كمان يا بنى والله كنت واحشنى اوى وربنا وحده اللى عالم ...ثم نظرت لجنه وقالت ...عامله ايه يا جنه وادم عامل معاكى ايه
جنه : بخجل: الحمد لله يا ماما ..حضرتك عامله ايه
نجوى: انا كويسه الحمد لله...طول ما انتوا بخير انا بخير ...ربنا يهدى سركوا يا حبايبى يارب ...امال فين ايمن
جنه: ايمن لسه نايم من شويه وانا وديته أوضته
ادم: بصراحه يا ماما جنه واخده بالها من ايمن اوى انا مش عارف من غيرها كنت عملت ايه
جنه: متقولش كدا ...ايمن دا ابنى وربنا وحده هو اللى عالم انا بحبه اد ايه
نجوى: بنت اصول يا بنتى ربنا يباركلك وتخاويه قريب ان شاء الله
ادم: أن شاء الله
نظرت جنه الى نجوى وابتسمت بتردد بينما ضمها ادم الى صدره

_______________________________________