رواية ورقة جوكر..[مكتملة]

الحلقة الثالثة عشر

#ورقة_جوكر١٣
#الحلقة_الثالثة_عشر
دخلت يارا مكتبها وكانت في قمة الاندهاش للذي حدث مع نور...هل هو كما تدين تدان..ام هو قدر..لا تعلم لكن هناك شئ بداخلها يقول لها انها إشارة للتقرب من ربها أكثر..جلست علي مقعدها و بدأت في العمل مرة اخري لكن وهي غير مهيئة للعمل بعض الشئ..و في المكان الآخر وهو مكتب خالد كان خالد جالس علي مقعده يفكر بيارا ..يفكر كيف هي تراه الآن بعد ان رأته مقترب كثيرا من ماهي..هل هو يريد الحفاظ علي مظهره امام الجميع.. ام امام يارا فقط..لم يبالي و ظل يعبث بالأوراق التي امامه...وجد ماهي تنادي عليه وهي تقول..
-خالد يا خااالد؟
-ها؟ ايوه يا ماهي؟
-ايوه يا ماهي؟ خالد نفسي احس مره واحدة اني مرغوب فيا لما اجيلك.
-يوووه انتي مبتزهقيش يا ماهي.
نهض خالد من المقعد و خلع الجاكيت ثم اتجه إلي النافذة وهو يدخن..لكنه وجد ماهي تقترب منه و تقف جانبه وهي تقول..
-هي مين البنت الي انت اديتها ورق دي؟
-زي ما انتي سمعتي السكرتيرة بتاعتي.
-طب هي رغدة فين؟
-مشيت ومعرفش مجتش ليه.
-بس البت دي شكلها مش مريح..حسه انها تبع حد.
نظر لها خالد وهو يقول..
-تبع حد ازاي يعني ؟
-يعني مش عارفة...أصل انت مشوفتش كانت بتبصلك ازاي.
-ازاي؟
-عايزة توقعك يا خالد ...انا من رأيي ترفدها أحسن.
-انا من رأيي انك متجيليش زي البغبغان تسمعيلي الي سالي بتقوله.
ظلت ماهي جالسة مع خالد تتحدث معه وهو غير مستمع إليها يفكر فقط في كلام ماهي..هل يارا فتاة لعوب؟ ام سالي تريد ان تبعدها عنه؟ تبا لك يا خالد لماذا تحدثت مع سالي بخصوص الزواج؟ لماذا طلبت منها ان تقول رأيها في يارا؟...
سوف تتم يارا الشهر الكامل في هذه الشركة لكنه لا يعلم ماذا الذي سيحدث معها ومعه...
                                ****
لا يعرف ماذا يفعل...فماله نفذ..حتي رصيده في البنك توقف..ماذا يفعل؟ ..ظل كريم يفكر في هذا المنزل الذي استأجره بعد خروجه من الفندق...رأسه كانت سوف ستدمر من الأفكار ..أتي في باله يارا...أخذ هاتفه و بحث عن رقمها حتي انه وجده..
-الو؟
-ايوه يا كريم عامل ايه؟
-ايوه يا يارا..انا تمام انتي عاملة ايه؟
-انا تمام ..مش هترجع بقي؟
-مش عارف يا يارا مش عارف..بس انا مش معايا فلوس وفلوسي اللي في البنك وقفت..هو خالد ليه بيعمل معايا كده؟
-انا معرفش انه عمل حاجه زي كده بس انت متأكد ان الرصيد اتسحب..ولا هو اصلا مكنش فيه فلوس؟
-لا اتسحب ..انا واثق انه كان موجود فيه فلوس..ممكن يا يارا تقولي حاجة لخالد علي لساني.
-قول.
-قوليله ان مش الطريقة دي اللي هتخليني ارجع ..وكمان قوليله اني هشتغل بس مش عايز حاجة منه اصلا...انتي مشيتي ولا لسه؟
-بلم حاجتي و همشي اهو بس هقوله قبل ما امشي متخفش.
اغلقت يارا الخط بعد فترة من الحديث مع كريم و بعدها مسكت جهاز التواصل بينها وبين خالد لكن كان الرد غريب...
-الو يا مستر خالد.
-انا مش مستر خالد ..انا ماهي...مستر خالد بيعمل حاجه و جاي.
-تمام..شكرا.
أخذت يارا أشيائها و بعد عشر دقائق طرقت باب غرفه خالد ليأتيها الرد من ماهي ..دخلت لتجد ماهي تحدثها بطريقة بذيئة وهي تقول...
-انا مش قولتلك خالد مش موجود.. عاوزة ايه ؟ ولا هي سنكحة علي الفاضي.
بدأت يارا في الحديث لكنها وجدت خالد يدخل من باب الغرفه ويوجه الكلام لماهي وهو يقول...
-صوتك ميعلاش يا ماهي..في حاجه يا يارا ولا ايه؟
اخفضت يارا صوتها وهي تقول...
-هو حضرتك سحبت الفلوس من رصيد كريم؟
-اه هو قالك؟
-لسه قافل معايا بس هو بيقول لحضرتك انه مش هيرجع بالطريقة دي و كمان قالي انه هيشتغل.
-يعني ايه هو بيهددني؟
-دي رسالة هو قالي اديها لحضرتك..بعد اذنك عشان همشي.
خرجت يارا من الغرفه و دخل خالد الغرفه و توجه للمكتب لكنه وجد ماهي تقول..
-شوف ازاي عاملة نفسها ملاك و قلبها علي أخوك؟
-بقولك ايه يا ماهي انا مش فاضي للكلام ده احمدي ربنا اني ماسك نفسي بالعافية ومش عايز اعلي صوتي عليكي.
-ماشي سكت اهو يا حبيبي.
-حبيبك!!
-اها..المهم صحيح انت عامل ايه مع شركة مراد بعد ما كريم خسرك عشرين شاليه؟
تذكر خالد ان رحمة أعطته ملف عن أسرار شركة مراد ...ظل خالد يبحث عن هذا الملف في كل مكان لكن بلا فائدة حتي انه وجد ماهي تقول..
-بتدور علي حاجه يا خالد؟
-بدور علي فايل معين...راح فين ده بس ياربي.
خرج خالد من غرفته و توجه إلي غرفه رحمة وهو يقول..
-رحمه انتي اخدتي فايل شركة مراد؟
-لا يا مستر حضرتك اخدته مني قبل ما تطلع  الصبح وبعدها انا مشوفتوش تاني.
-يعني ايه الكلام ده!! انا مش لاقي الملف يا رحمة!!
نهضت رحمة من علي المقعد وهي تقول..
-يعني ايه يا مستر ده لو حد شاف الحاجات الي جواه هيبقي خسارة كبيره جدا.
-طب هي يارا تعرف عنه حاجه؟
-يارا متعرفش حاجه عن شركة مراد إلا انها شركه منافسة.
-طب بقولك ايه طلعيلي بتوع الأمن يقلبولي المكتب حته حته لحد ما نلاقي الملف ده.
اتصلت رحمة برجال الأمن حتي ينهضوا لتفتيش غرفة خالد للبحث عن الملف الضائع لكن بلا فائدة..
كانت رحمة مع خالد و ماهي في الغرفة ..فوجهت كلامها لخالد وهي تقول...
-طب هنعمل ايه يا مستر؟
-مش عارف  انا نزلت طلعت ملقتش الفايل.
تدخلت ماهي وهي تقول..
-طب هو مش ممكن تكون اديته للسكرتيرة بتاعتك؟
-لا طبعا اصلا محدش يعرف حاجه عن الفايل ده غيري انا و رحمة وسالي.
-طب ما هي ممكن تكون سرقته ولا حاجه.. متفتشوا مكتبها.
لكن رحمة تدخلت في الحوار وهي تقول..
-لا لا مش ممكن طبعا..وبعدين يارا بنت محترمة جدا استحالة تعمل حاجة زي دي.
تدخل خالد وهو يقول..
-طب ما هي ممكن تكون خديته من غير ما تعرف او انا بدلته معاها بفايل تاني..انا من رأيي فعلا نعمل كده.
دخل الرجلين لتفتيش غرفه يارا لكن كانت المفاجأة بوجوده علي المكتبة....
صدمت رحمة عندما رأت الملف..لكن كانت الصدمة الكبري لخالد..تحدث خالد مع رحمة وهو يقول..
-طلعت تبع مراد واحنا منعرفش.
-يمكن يا مستر فيه سوء تفاهم انا من رأيي نشوف تسجيلات كميرات المراقبة..
نزل خالد ومعه رحمة و بالطبع ماهي التي كانت معهما رغما عن خالد..طلب خالد من رجال كميرات المراقبة ان  يفتحوا شريط التسجيل لكن كانت الصدمة فعدم وجود أي شئ لوضع الملف فوق المكتبة...فهم خالد ان يارا طلبت من رجال المراقبة قص هذه اللقطة..تلون وجه خالد بالأحمر وهو يوجه كلامه لرجال المراقبه وهو يقول..
-أديتكوا كام بقي عشان تقصه الجزء ده؟
صمتوا الرجال لكن أكبرهم سنا قال..
-يا باشا حضرتك عارف اننا عبد المعبود ولو ما عملناش كده كنا هنتبهدل.
-يعني ايه تدبهلوا؟ هي شركتي ولا شركتها.
-يا باشا ما المصلحة واحدة وانتوا تبع بعض احنا اللي بنتبهدل في الآخر.
-يعني انتوا كده مش هتدبهلوا؟
-ياباشا...
وجه خالد كلامه لرحمه وهو يقول..
-صفي حسابهم يا رحمة و بعديها اطلعيلي.
                                 ****
"انتي مش عارفة يا هبة انا فرحانة ازاي..انا بكره هتم شهر في الشغل...ياااه مش قادر اصدق نفسي يا لمبي"
قالتها يارا وهي تتحدث مع هبة في المطعم الفخم ..
-انتي يا هبلة يا عبيطة يا يارا.
-ليه الغلط بقي ولا انتي عشان خطوبتك الأسبوع اللي جاي هتتأمري؟
-لا بس انتي من خمس دقايق كنتي مضايقة و بدمعي عشان صاحبتك و دلوقتي بتقولي انا فرحانة عشان تميت شهر في الشغل ..عايزاني اعمل ايه؟
-متعمليش يا ستي...المهم بقي هتعملي ايه مع طاهر؟
-عارفة يا بت يا يارا انا حسة ان انا اللي هموت من الفرحة.
-ليه يا ختي؟
-كده ..طاهر حسه ان ربنا بيكافئني بيه..محترم و جدع و بيخاف من ربنا و بيصلي و..
-بس عشان انا كده اللي هحبه يا هبة..راعي اني مش مرتبطة و هقرفك..بس عارفه بفكر ارتبط.
-لا يا راجل؟ ده ايه الهنا و المني اللي انا فيه ده..يعني يارا هانم عايزة ترتبط؟
-هيييح..بصي أصل هو حد كده حلو بزيادة.
-ايوه ايوه ده هشام صح؟
-هشام؟ انا مش هتكلم خلاص انتي قفلتيني من الموضوع.
-لا ونبي خلاص خلاص كميلي.
-لا لا مش هكمل انا..قال هشام بقالي شهر بكلمك علي واحد و تيجي تقوليلي هشام.
-اهااا عرفت خالد صح؟
-اخيرا بقي عندك احساس و فهمتي؟ هييييح يابت يا هبة علي الكاريزما...هييييح علي ضحكته..يخربيت هزاره يالهوووي يا هبة..هو في بني آدمين كده؟
-مش قادرة اصدق ودني والله...ايه الواد عرف ياخد عقلك؟
-مش عارفة والله يا هبة.. بس هو بني أدم زبالة بردو.
-نفسي تكملي الحلو للأخر يا يارا...ليه؟
-يابنتي بتاع بنات..يعني النهاردة دخلت عليه المكتب فجأة لقيت الزفتة اللي اسمها ماهي دي قريبة منه بطريقة بشعة .
-طب انتي لازم تخلي بالك بقي عشان ده ممكن يكون بتاع بنات بجد و يلعب عليكي.
-لا متخافيش صاحبك راجل.
-راجل ايه ده انتي من أول شهر و بتعملي كده.
-يابنتي انا معجبة بس...المهم صحيح أختك فتحت الجيم بتاعها؟
-يسرا؟ يسرا دي بقي حكايتها حكاية..مش عارفة ايه اللي خلاها يجي في دماغها انها تفتح جيم و الحاجات دي.
-بني ادمة رياضية مش زينا عمالين ناكل ايس كريم لحد ما هنبقي عاملين زي البقر.
-علي رأيك..المهم استني هحكيلك..هي بقي ايه عاملة جزء للبنات بس..وفيه كمان بقي جزء للرقص و الحاجات دي.
-طب ده كويس ده نبقي في مرة نروحه...طب وجابت مدربين ولا لا؟
-هي بتدور لسه بس هي عايزة ناس صغيرة في السن و ميخدوش منها كتير.
-اممم..طب بقولك ايه لو جبتلها حد كده توافق تشغله؟ هو حد ابن ناس اووي و صغير في السن.
-عنده كام سنه؟
-عشرين.
-بس ده مش صغير اوي؟
-لا هو سنه كده لكن شكله يدي اكبر من كده وكمان جسمه رياضي و هينفع مع جو الجيم ده.
-تمام هقولها...وانتي كمان قوليله عشان مبقاش قولتلها علي الفاضي.
-ماشي مش يلا بقي عشان نقوم ولا ايه؟