رواية ورقة جوكر..[مكتملة]

الحلقة الثلاثون

#ورقة_جوكر٣٠
#الحلقة_الثلاثون
انتهي حفل يارا وهشام وطلب هشام من والد يارا بالذهاب مع يارا إلي مكان وحدهما و وافق والدها علي هذا الطلب..
ذهب هشام ويارا إلي النيل ..جلسا في السيارة و ظل هشام صامت و بعدها بفترة قال..
-عارفة يا يارا الدنيا دي حلوة لو كبرنا دماغنا.
-ازاي ؟
-يعني لو قعدتي تشيلي الهم و تحسبي كل خطوة هتموتي في الاخر بمرض.
-صح عندك حق.
-حلو النيل؟
-انت بتقول حاجات غريبة يا هشام بجد والله.
-اسكتي انا الأكل اللي كلته انا وانتي طابق علي نفسي هموت.
ضحكت يارا وهي تقول..
-انا مش عارفة هنعمل ايه لما نتجوز وانا مبعرفش اطبخ.
-انا اطبخ يوم وانتي تطبخي يوم.
-ايه ده  هشام انت بتعرف تطبخ؟
-لا طبعا يابنتي مفيش راجل بيعرف يطبخ غير الشيفات معروفة يعني!
-وانا اللي قولت انت اللي هتعلمني!
-بصي انتي قدامك ٣ اسابيع علي الفرح اتعلمي فيهم بقي براحتك.
-اشطه.
-اشطه؟! ايه الكلام الغريب ده؟
-ايه يا هشام انت هتستهبل ده انت اللي عدتني من كلمة اشطه من كتر ما بتقولها!
-نفسي احس ان اننا اتنين متجوزين ..نبقي عاقلين كده ونقول تمام او حاضر والجو ده!
-متيجي ننزل نتمشي يا هشام؟
-تعالي احنا ورانا حاجة.
خرج هشام ويارا من السيارة و هما يسيران علي الرصيف...بدأ هشام بالحديث وهو يقول..
-في سؤال يا يارا نفسي اسألهولك من زمان وكل ما اجي اسأله انسي.
-ها؟
-هو موضوع انك تبقي وحيدة ده حلو ؟
-وحيدة ازاي يعني ؟
-يا حمارة يعني ملكيش اخوات.
تنفست يارا نفس عميق وهي تقول.
-بص ساعات بحسها حلوة و ساعات تانية وحشة..يعني مثلا وحشة انك مش بتلاقي مثلا حد تتكلم معاه في الاوضة قبل ما تنام والجو ده..و بردو حلوة عشان بتبقي مدلع بقي وكده...طب وانت كان نفسك تبقي وحيد؟
-بصي انا مش متخيل حياتي من غير لمار الحقيقة..رغم انها باردة و رخمة بس بردو حاجة حلوة في البيت كده.
ضحكت يارا وهي تقول..
-ربنا يخليك يا سيدي ليها.
توقف هشام عن السير وهو يقول..
-انا مش فاهم ايه الأسئلة اللي احنا بنسألها دي متيجي نعيش دور اللي مكتبين كتبهم ونحب في بعض ونعمل حراكات العيال المراهقة دي.
ضحكت يارا وهي تقول..
-هنعمل ايه بقي؟
-لا ده احنا هنعمل وهنعمل و هنعمل.
اتجه هشام عند يارا ثم وضع يده خلف ساقيها و اليد الاخري خلف ظهرها ثم حملها وهو يقول...
-يابنتي احنا جامدين جدا مش فرافير يعني.
ظلت يارا تضحك وهي تقول..
-همووت من الضحك والله طب يلا لف بيا بقي عشان نبقي كملنا شغل المراهقين.
-لا استني بقي اللف ده له ناسه.
ترك يارا هشام ثم اقترب منها وهو يقول..
-غمضي عينك بقي عشان هتتصدمي.
-هتعمل ايه؟
وضع هشام يده علي خصر يارا ثم حملها واحتضنها وهو يقول..
-مش بقولك اللف له ناسه.
وادار بها عدة مرات وهو يقول..
-يالهووي هقع مش عارف اقف.
ظلت يارا تضحك حتي ان هشام تركها وهو ماسك رأسه ويقول..
-شوفتي اهو عملتلك جو الأفلام ده بس هما في الافلام اكيد بيجيبوا دوبلير ده انا حاسس اني لو اتحركت من مكاني هتكفي علي وشي!!
-طب يلا استريح عشان نقوم نروح بقي.
-خلاص كده فقرة السرك خلصت؟
تركته يارا ثم أخذت منه مفتاح السياره وهي تقول..
-هات بقي انا اللي هسوق.
-يلا عشان انا حاسس اني هفرقع بجد الأكل اللي احنا اكلننا ده شديد اوي.
                               ****
ظلت يسرا تبكي في السيارة ومعها هبة و هبة تنهرها علي ما تفعله وهي تقول..
-طول عمرك مدلعة يا يسرا ..بس مش لدرجة اني اشوف المنظر ده!!
-خلاص والله انا مكنش قصدي!!
-انتي مش فاهمة انتي مش عارفة كريم ده عامل ازاي!! اخوه كان بيحاول يلف علي يارا و اخوه زيه بالظبط!
-يا هبة كريم غير خالد والله.
-احنا منعرفش مين زي مين ..انا اللي اعرفه اللي بيحب بيجي يتقدم.
-يعني انتي مش عارفة لما كريم يتقدملي ايه اللي هيحصل؟
-ايه اللي هيحصل ..مش هيحصل اكتر من القرف اللي انا شوفته.
-بابا عمره ما هيوافق ..وانتي عارفة ليه!
-عشان عليّ طلبك وانتي رفضتي صح؟
-انا مش بحبه وكمان جاي يشاركني في الجيم غصب عني و يشتغل فيه كمان!
-طب ما هو بابا قالك لو مش عايزاه خلاص.
-طب ما هو كريم اصغر مني ..و بابا عمره ما هيوافق.
-مش يمكن يوافق و الموضوع يعدي علي خير وحتي لو موافقش ده مش مبرر انك تسيبي سي زفت كريم ده يحضنك كده!
-طب هو تفتكري بابا هيوافق؟
-معرفش انا لو اعرف هقول ..بس انتي عارفة ان بابا لسه مسافر مبقلوش شهر و هيرجع بعد فترة كبيرة.
-يعني ايه ؟
-يعني كريم مش هيعرف يجي غير لما بابا يجي .
-طب ما هو ممكن يكلمه في الفون؟
-بصي انتي تدي الرقم لكريم وهو اللي يعمل اللي يشوفه بقي.
                               *****
ركب كريم سيارته و ظل يفكر في ماذا سيحدث معه في الايام القادمة..لا يعلم لماذا يريد ان يري خالد لكنه ذهب إلا الفيلا العائلية و بالفعل وصل لكنه لم يجد أحد..سأل الحارس ليقول له ان خالد ترك المنزل منذ ساعتان فقط..دخل كريم المنزل ثم جلس علي الأريكة وهو ينتظر خالد لكنه شعر بالملل فنهض لغرفته و استبدل ملابسه ثم أخذ حاسوبه و السماعات و نزل للطابق الأسفل..وضع كريم السماعات بأذنه وبدأ بالغناء بصوت مرتفع..دخل خالد المنزل ليجد كريم جالس علي الأريكة وهو يقول...
-بتحبهااااااا ولا بتفكرررك بيا..هي انااااا جايز انا هي جايز انا هي.
لم يستحمل خالد صوت كريم المزعج ..فأقترب منه ثم نزع السماعات وهو يقول..
-ايه يا اخي القرف ده يخربيت صوتك!!
نهض كريم من علي الأريكة وهو يقول..
-انا عارف يا خالد اني غلطت لما ضربتك بس انت غلطت بردو لما شوفت سالي بتعمل كل ده فيا وساكت!
جلس خالد علي الأريكة وهو يقول..
-انا لما خرجت من المستشفي متكلمتش تاني مع سالي لحد دلوقت ومش قادر اكلمها ومش عايز اكلمها..بس ده مش معناه انك واد قليل الادب و  متربتش.
-ماشي يا سيدي مقبولة منك بس انت كنت فين؟
-كنت عند الدكتور مع ماهي.
-ماهي؟ ليه انت تعبان ولا هي اللي تعبانه؟
-ولا ده ولا ده بس الهانم كانت بتضحك عليا ومش حامل ولا حاجه.
-يالهووي يعني كانت بتنصب عليك؟
-حاجه زي كده والحمدلله اني قفشتها علطول.
-طبعا ماهي اترنت حتت دين علقة؟
-لا مشيت و سبتها ومعملتش حاجة.
-انا في حاجة نفسي اقولهالك يا خالد..انت سلبي اوي!!!
-ازاي يعني ؟
-يعني لما بيبقي قدامك حاجات بتوريلك الحقيقه مبتخدش بيها..يعني مثلا لما ماهي عملت الموقف الحقير ده في يارا..انت روحت كفئتها و اتجوزتها مع انك اصول كنت تفهم انها شخصية مش كويسة..انت يا خالد لو ركزت شويه هتلاقي كل الناس بتبان علي حققتهم بس انت حاتط راسك في التراب ومش عايز تشوف.
-اول مرة اقتن...
وجد خالد احد يرن جرس الباب بقوة لدرجة انه توقف عن الحديث..نهض كريم و ذهب ليفتح الباب ليجد ليلي منهارة ثم احتضنته وهي تقول..
-ماما هتتجوز يا كريم ماما هتتجوز وهتسبنا انا و اخويا.