رواية ورقة جوكر..[مكتملة]

الحلقة الثانية و العشرون

#ورقة_جوكر٢٢
#الحلقة_الثانية_والعشرون
مر أسبوع من زواج خالد..لا أستطيع وصف شعور خالد لكنه شعور بالعجز..نعم فجملة ماهي مازالت ترن في أذنه..لماذا الجميع يريدون ان يظهروا له الأخطاء به..لا أحد يسمع إليه إلا كريم..لا يعلم خالد كان ماذا يفعل بدون كريم فهو الشخص الوحيد الذي يستطيع خالد التحدث معه في كل شئ..دخلت ماهي الغرفه لتجد خالد جالس علي الفراش كعادته وهو يدخن..
-خالد انت هتفضل كده!!
-كده ازاي؟
-علي طول قاعد لوحدك ياما في الشغل..هو انا المفروض مش مراتك يعني من حقي اتكلم معاك واقعد معاك!
صعد خالد من الفراش واتجه لماهي ثم لف ذراعه حول كتفها لا يعرف لماذا لكنه شعر انها محقة وهو يقول..
-صدقتي نفسك انتي اوي صح؟
-صدقتي نفسي في ايه؟
تذكر خالد جمله ماهي مرة اخري وهي تقول..
"وهو لو واحد ايده زيك ميبقاش معاق؟"
لم يري خالد نفسه إلا وهو يصفع ماهي صفعة قوية علي وجه ماهي وهو يقول..
-عارفة يا ماهي انا عمري ما مديت ايدي علي بنت بس انتي جيتي و كسرتي القاعدة دي.
ثم صفعها صفعة آخري علي وجهها و ماهي تقول..
-يا خالد كفاية بقي انت ايه مبتحسش؟
صفعها خالد صفعة اخري وهو يقول..
-مبحسش!! انتي اللي بتتكلمي علي الإحساس يا زبالة انتي؟..انتي عارفة انا متجوزك ليه والله عشان اطلع فيكي كل اللي انتي قولتيه عليا سواء قدامي او من ورايا عشان تبقي زي شئ في البيت كده كل ما ابقي مخنوق اضربك..
وضع خالد يده في خصلات شعر ماهي ثم شدها منها وهو يقول..
-مش انتي كنتي عايزة فلوس خالد؟ اهي جاتلك بخالد المعاق..صح مش انا معاق؟
-والله يا خالد انا مكنش قصدي اقول كده انت عارف انا بحب قد ايه عااااا كفاية بقي!!!
تركها خالد وهو يقول..
-انا نازل الشغل و اقسم بالله يا ماهي لو لقيتك بتكلمي سالي او بتتكلمي مع أي حد في حياتي انا وانتي لهتشوفي اللي هيحصلك!! وقومي طلعيلي هدوم عشان نازل الشغل.
-يا خالد انت كل يوم في الشغل وانا..
لم تكمل ماهي كلامها لتجد خالد يقترب منها وهو يقول..
-هتفضلي قاعدة في البيت لحد مانا اسمحلك تخرجي منه فاهمة؟
لم ترد ماهي لكنها وجدت خالد يتحدث بصوت مرتفع وهو يقول..
-فاهمة ولا لأ!!!!
-فاهمة والله فاهمة.
-اه صح نسيت اقولك اني مشيت الخدامين اللي هنا.
-ايه يا خالد بتقول ايه!!
-بقول اللي سمعتيه.
-البيت كبير اووي ومش هقدر انضفه لوحدي.
-خلاص نجيب شقة صغيرة مدام دي مش عجباكي.
-ياربي يا خالد بقي حرام كده!!
-انا ظالم ياستي..خلصي وهاتيلي الهدوم.
                                *****
"بس كفايه بقي انا همووت من الضحك بجد يا هشام"
قالتها يارا لهشام وهما في الملاهي..قرر هشام ان يأخذ يارا و يذهبا إلي الملاهي للإستمتاع بيومهم..
كان هشام في سعادة كبيرة بانه في الملاهي..
-والله العظيم يا يارا انا بروح البيت باجي انام بحس اني لسه في الملاهي و اني راكب حاجه زي المرجيحة بتطلع بيا وبتنزل.
-هاهاهاهاهاهاهاهاها اه هموت بس انت ايه اللي عملته مع الراجل ده هاهاهاها.
-يعني انا كنت هعرف منين انه راجل..واحد قاعد وحاتط حاجة علي راسه زي الطرحة وفي شعر طالع من الطرحه من ورا..افتكرته واحدة ست و استحقرت نفسي اني مقولتلهاش ان شعرها طالع من الطرحة..روحت عشان اعمل كده يطلعلي هولاكو ده.
ظلت يارا تضحك علي موقف هشام مع هذا الرجل..ياااااه من فترة كبيرة لم تأتي يارا إلي الملاهي ..بدا هشام في الحديث مره اخري وهو يقول..
-بس انتي ايه اللي عملته واحنا في الصاروخ ده!! انا ايديا اتعورت من ضوفرك اللي مكلبشة فيا.
توقفت يارا عن الضحك و شعرت بالحرج الشديد حتي ان وجهها انقلب إلي اللون الأحمر..لكنها وجدت هشام يقول..
-ايه ده يا يارا انتي بتتكسفي زي بقيت البنات؟
لكن هشام وجد لكمة علي كتفه وهي تقول..
-يا رخم انا غلطانة والله اني مسكت فيك كنت أصول امسك في اللي قاعد جنبي الناحية التانيه.
-طب كنتي اعمليها كده!!
-كنت عملت ايه؟
خرج هشام لسانه من فمه ثم ضغط عليه بأسنانه و رفع حاجب و وجه انقلب للون الأحمر لكنه وجد يارا تقول..
-شوية هتطلع سيف من جيبك وتبقي باور رينجر.
-هما باور رينجر معاهم سيوف؟
-تقريبا كده.. انا كنت بحبهم اوي.
-ايوه وانا كمان والله كنت بحب جريندايزر و سلاحف النينجا .
-ايوه ايوه يااه علي ذكريات اسبيس تون دي..بس تعرف يا هشام.
-ايه ؟
-شكلك هتبقي بتغير علي بناتك اوي.
صمت هشام قليلا و تنفس نفس عميق وهو يقول..
-والله انا كنت عامل حسابي اني بعد سنة ولا سنتين اجيب بنت.
-يالهوي هنرجع للنكد ده تاني..كبر دماغك بقي عشان كل واحد بيدور علي مصلحته.
لا تعلم لكنها تذكرت خالد في هذا الوقت..تنفست ايضا نفس عميق و بعدها استكملت وهي تقول..
-المكتوب مكتوب يا هشام .
-يااه الشيخ الشعراوي قاعد معايا.
-طب تصدق انا غلطانة اني عمالة اطلعك من مود النكد ده!
-لا خلاص تعالي نروح ناكل و بعدين نكمل بقي النكد انا وانتي.
                                ****
كان كريم في المركز وهو يدرب المبتدئين ..كان كريم بدأ بتطويل شعره فأعطاه مظهر أحلي و أجمل..ارأد ان يستريح قليلا من العمل ..و اراد ان يعرف لماذا يارا لم تأتي اليوم..فضوله لم يتوقف فطرق غرفة يسرا ..سمحت له يسرا فدخل كريم..
كانت ترتدي كعادته ملابس تشبه ملابس الرجال..وهذا كان من.. أسئله كريم التي تدور بداخله..
كانت يسرا جالسة علي المقعد تجري شئ علي حاسوبها..لكنها تركته وهي تقول لكريم..
-خير يا كريم؟
-انا كنت جاي اسأل بس هي يارا مجتش انهارده ليه؟
-لا يارا بتاخد التلات اجازه و باقي الأسبوع بتشتغل عادي.
-اممم ماشي شكرا.
هم كريم بالخروج لكنه وجد يسرا تنادي عليه وهي تقول..
-كريم؟
استدار كريم وهو يقول...
-ايوه؟
-انت طولت شعرك؟
-انتي شايفة ايه!!
اغتاظت يسرا من طريقة كريم الجافة فهي ليست من عادتها ان احد يتكلم معها بهذه الطريقة..لكن شعر كريم كان ملفت بشدة..بدأت يسرا بالحديث بأبتسامه وهي تقول..
-شكلك حلو وانت مطول شعرك.
-يابنتي انا كريم يعني حلو في كل حلاتي.
-ايه ده هنتغر ولا ايه ؟
-لا بالعكس انا اكتر واحد متواضع.
-جدا جدا مش قادرة اقولك..عموما كمان كنت عايزة اقولك ان في ناس كتير بتشكر ان تدريبك كويس يا كابتن كريم.
-في منهم بنات؟
ابتسمت يسرا وهي تقول..
-هما كلهم بنات تقريبا.
ضحك كريم ثم استأذن بالخروج لكنه وجد احد يطرق باب الغرفة..
سمحت يسرا بالطارق للدخول لكن كانت المفاجأة..
كان الطارق هو ليلي..يا الله يا لها من مفاجاة ترهف القلوب ..حضنت ليلي كريم بقوة وهي تقول..
-وحشتيني اووي اوووي.
-وانتي كمان يا لولي اووي.
كانت يسرا مصدومة من الاشخاص الذين يدخلون غرفتها حيث انها وجدت شخص اخر يدخل الغرفة فكان القادم هو سالي..
دخلت سالي وهي تقول بكبريائها و قوتها..
-اهلا يا كريم.
صدم كريم من وجود سالي لكنه رد السلام ..وجهت يسرا كلامها ليسرا وهي تقول..
-اهلا وسهلا يا انسة يسرا بعد اذنك كنت عايزة كريم عشر دقايق.
-تمام تحبوا تقعدوا هنا ولا في انهي مكان؟
-لا احنا هنتكلم في العربية بعد اذنك.
خرجت سالي ومعها كريم و ليلي و طلبت من ليلي ان تنتظرهم في هذا المركز...
دخلت سالي السيارة وهي تقول..
-عايز تفضحنا جاي تشتغل في جيم!!
لم يرد كريم علي سالي..ليجدها تقذفه بكلامها وهي تقول..
-يخربيت اليوم يأخي اللي أبويا اتجوز امك فيه..بني ادم معندوش ريحة المسئولية..طبعا هتجيب المسؤلية منين مانت عيل عنده ٢٠ سنة..هتفضل لحد امتي فاضحنا كده!! عايز اي فرصة عشان..
لكنها وجدت كريم يقول بصوت مرتفع ..
-انتي ايه يا شيخة !! انا عملتلك ايه عشان تكرهيني الكره ده.. انا مش عايز منك حاجة ياستي هغير اسمي لو عايزة لكن انتي عايزة توصلي معايا لإيه!! انا بقيت بكره نفسي بسببك  ..بقيت بكره حياتي..بقيت بكره أبويا اللي اتجوز امي..و بقيت اكره امي اللي انا مشوفتهاش.
وجد كريم عيناه تخرج منها الدموع وهو يقول...
-حتي بنتك !! عمرك ما حسيستيها اني خالها..انا بحس ساعات انك بتدبريلي انك تموتيني..كفاية بقي يا سالي كفاية!!
خرج كريم من السيارة و هو منهار ليجد ليلي تجري عليه وهو تقول..
-كريم مالك في ايه.
لكن كريم دفعها بعيدا عنه وهو يقول..
-ابعدي عني يا ليلي..انا معرفش حد من عيلة المنشاوي ..واياكي الأقيكي جاية بتتصلي بيا او بتكلميني انتي فاهمة؟
دخل كريم المركز ولم يري نفسه إلا وهو في حضن يسرا يبكي بقوه وهو يقول..
-انا عايز حد جنبي ..والله انا مش عايز حاجة غير اني الأقي حد جنبي.