رواية ورقة جوكر..[مكتملة]

الحلقة الثامنة و العشرون

#ورقة_جوكر٢٨
#الحلقة_الثامنة_والعشرون
"انتي عايزة ايه يا يارا ..كمان اسبوع هتتجوزي هشام و دلوقتي بتحكيلي علي خالد!! مش فهماكي بجد"
قالتها هبة التي كانت ستنفجر من تفكير يارا..كيف لها ان تتحدث عن رجل آخر ليس زوجها..لكنها وجدت يارا تقول بهدوء وهي تأخذ نفس عميق..
-بصي يا هبة انا مش هسيب هشام ومش هقدر.
-ليه بقي؟
-عشان خلاص بقينا شبه بعض اوي ..يعني بفهمه و بيفهمني من غير ما نتكلم..اكتر حد بحسه خايف عليا.
-طب وخالد؟
-مش عارفة انا جوايا إحساس مش مفهموم ..يعني حسه انه بيحبني .
-عارفة يا يارا انتي لو قدامي كنت عملت فيكي ايه!!..يعني ايه حسه؟ ده واحد متجوز وانتي كمان هتتجوزي يبقي ليه نتكلم و نحس بيه؟
-خلاص يا هبة انتي صح ..انا معجبة بهشام و هكمل معاه ..وعمر ما حد هيفهمني زيه.
-ايوه كده..هتنزلي تكملي الحاجة امتي؟
-بكره بقي هنزل ..عارفه بردو احساس حلو كده انك داخلة حياة جديدة.
-ربنا يسعدك بقي وتتهدي.
-صحيح يا هبه انتي فرحك امتي؟
-كمان ٦ ورقه_جوكر
#الحلقه_الثامنه_والعشرون
"انتي عايزه ايه يا يارا ..كمان اسبوع هتتجوزي هشام و دلوقتي بتحكيلي علي خالد!! مش فهماكي بجد"
قالتها هبه التي كانت ستنفجر من تفكير يارا..كيف لها ان تتحدث عن رجل آخر ليس زوجها..لكنها وجدت يارا تقول بهدوء وهي تأخذ نفس عميق..
-بصي يا هبة انا مش هسيب هشام ومش هقدر.
-ليه بقي؟
-عشان خلاص بقينا شبه بعض اوي ..يعني بفهمه و بيفهمني من غير ما نتكلم..اكتر حد بحسه خايف عليا.
-طب وخالد؟
-مش عارفة انا جوايا إحساس مش مفهموم ..يعني حسه انه بيحبني .
-عارفة يا يارا انتي لو قدامي كنت عملت فيكي ايه!!..يعني ايه حسه؟ ده واحد متجوز وانتي كمان هتتجوزي يبقي ليه نتكلم و نحس بيه؟
-خلاص يا هبة انتي صح ..انا معجبة بهشام و هكمل معاه ..وعمر ما حد هيفهمني زيه.
-ايوه كده..هتنزلي تكملي الحاجة امتي؟
-بكره بقي هنزل ..عارفة بردو احساس حلو كده انك داخلة حياة جديدة.
-ربنا يسعدك بقي وتتهدي.
-صحيح يا هبة انتي فرحك امتي؟
-كمان ٦ شهور بس ليه؟
-طب كويس عشان اتجوز قبليكي واعيش بقي دور المتجوزة وانتي لسه مخطوبة.
-يخربيت التفاهة.. طب وانتي؟
-كمان شهر انشاءالله..ادعيلي ان هشام يفضل زي ما هو.
-انشاءالله والله بدعيلك...هقفل معاكي بقي.
أغلقت هبة الخط وهي مندهشة من يارا..لكنها لم تبالي و ارتدت ملابسها لمقابلة طاهر..
                                 ***
"كريييييم!! كريم انت سمعني!"
قالتها يسرا وهي تمسك وجه كريم لتفيقه حتي ان الجميع تجمع حوله إلا التوأمين..
طلبت يسرا من رجل ان يساعدها بحمل كريم لسيارتها..و بالفعل وضعوا كريم بالسيارة..ثم اتجهت يسرا لخالد و سالي وهي تقول..
-كريم اغمي عليه و هوديه للمستشفي اللي جنبنا دي.
نظر لها خالد بصدمة وهو يقول..
-انتي بتقولي ايه طب يلا روحي معاه وانا جاي وراكوا بالعربيه!!
جرت يسرا علي سيارتها و هي تدعي ربها ان ينجي كريم و يستفيق مره أخري..
وصلت يسرا المشفي و بالفعل انتقل كريم لغرفة الطوارئ..وكشف عليه طبيب و هو يقول ليسرا..
-هو اجهد نفسه و السكر اللي في جسمه قل فعشان كده اغمي عليه..احنه هنوديه أوضة تانية عشان هنركبله محلول ولما المحلول يخلص هيقدر يمشي.
ظلت يسرا واقفة بجانب كريم الذي لا ينطق إلا انها وجدت خالد خلفها يقول بهرولة..
-كريم ماله؟
-مفيش بس هو ماكلش و اجهد نفسه جامد فعشان كده اغمي عليه بس هيفوق بإذن الله.
لكنها وجدت سالي تقول بصوت مرتفع..
-انشاءالله ميفوقش ونرتاح منه ومن قرفه واللي بيعمله فينا.
ظل خالد يبرق لسالي بعينيه حتي تصمت ..لكنها لم تبالي وهي تقول..
-ايوه يعني هتعملوا فيه ايه؟
لم تستطيع يسرا الصمت اكثر من ذلك وهي تقول..
-هو ليه حضرتك بتتعملي معاه اكنه حيوان؟ في ايه بجد!
-هو حضرتك اللي هتعلميني ازاي اتكلم ولا ايه؟
همت يسرا بإستكمال الحديث لكنها وجدت شخصين يضعا كريم علي السرير المتحرك و ذاهبان به إلي غرفة أخري..
دخلت يسرا ومعها سالي و خالد..كانت يسرا في أشد توترها للذي يحدث مع كريم...
لكن سالي قطعت الصمت وهي تقول..
-هو البيه هيفوق امتي؟
لم ترد يسرا و ظلت تنظر لكريم برفق لكنها وجدت سالي تقذفها بكلامتها وهي تقول..
-مالك بتبصيله كده ليه طب احترمي ان احنا واقفين!!
-نعم!! حضرتك بتقولي حاجة؟
تدخل خالد في الحديث وهو يقول..
-ما خلاص يا جماعة مش وقته خناق.
بدأ كريم بالحركة قليلا و فتح عينيه المتورمتين حتي انه وجد سالي..
رفع كريم جسده ببطئ وهو يقول..
-انا مش عايز حد معايا في الأوضة.
ثم أراح رأسه علي الخدادية..
لكنه وجد خالد يقول..
-كريم ممكن تبطل الانعزال إللي انت فيه ده؟ احنا مش هنمشي.
لكنه وجد كريم بدأ في الحركة و نهض من علي الفراش و خلع المحلول من يده وهو يقول..
-خلاص انا اللي همشي.
تحرك خالد نحوه ومسك ذراعيه وهو يقول..
-كريم اقعد انت تعبان بلاش تخلف و استهتار.
بدأت سالي كعادتها بنشر الطاقة السلبية وهي تقول..
-انت هتمثل مانت كويس اهو..وبعدين ايه شغل الافلام ده !!
سمع كريم هذه الكلمات فدفع خالد بقوة بعيدا عنه ثم رمي الأشياء التي علي الكومود بجانبه حتي ان يسرا انصدمت و وضعت كفها علي فمها..لكن كريم لم يستوقف عن الخبط و ذهب إلي باب الغرفة لكنه وجد خالد يمسك ذراعيه وهو يقول..
-كفاية بقي يا كريم كفاية!!
-ابعد عني بقي يا خالد ابعد بقي!!!!
لكن خالد لم يستمع لكلماته..وجد خالد كريم يعطيه ضربة في بطنه حتي ان خالد سقط علي الأرض..و سالي غير مستوعبة هيجان كريم المفاجأة..
تحركت يسرا نحوه وهي تقول..
-اهدي يا كريم!!
خرج كريم من الغرفة لكنه وجد خالد يمسكه من ذراعه ثم صفعه صفعة قوية علي وجهه وهو يقول..
-ايه محدش مالي عينك!! ازاي تضربني؟ انت نسيت نفسك يا كريم؟!
-ابعدوا عني بقي انا بيكرهكوا كلكوا .
-مش بمزاجك و هتيجي معايا النهاردة الفيلا..انت فاهم!
رفع كريم صوته وهو يقول..
-هو كلكوا هتعملوا رجالة عليا انا بس!!
لم يري خالد نفسه إلا وهو يدفع كريم برجله اليمني حتي ان كريم سقط علي الأرض..
-دي حياتك وانت اخترت تعيش كده! يبقي اولع يا كريم..و من النهاردة انت ولا اخويا ولا اعرفك.
ثم تركه خالد و ذهب ومعه سالي..
جرت يسرا بسرعة نحو كريم وهي تقول..
-انت كويس يا كريم؟
لم يبالي كريم وذهب الغرفة وهو يقول..
-اندهيلي الممرضة خليها تحطلي المحلول تاني.
خرجت يسرا من الغرفة وأتت ومعها الممرضة لتجد كريم لافف ذراعه علي عينيه..
بدأت الممرضة بوضع المحلول مره أخري و خرجت لتجد يسرا كريم انفجر في البكاء وهو واضع كفيه علي وجهه..
جلست يسرا بجانبه وهي تقول..
-ممكن تهدي بقي!! كفاية تعب قلب!
لكنها وجدت كريم يزيل كفيه من علي وجهه ثم احتضنها بشدة وهو يقول..
-كلهم سبوني..محتاج حد جنبي يا يسرا.
وجدت يسرا قلبها يدق بسرعة شديدة من الخوف لكنها أخرجت نفسها من حضن كريم وهي تقول..
-عشان خاطري يا كريم بلاش كده بجد.
لكنها وجدت كريم يحتضنها أكثر وهو يقول..
-وانا مش هسمحلك تبعدي عني.
ثم بدأ في البكاء مره أخري لكن بشدة أكثر.
وضعت يسرا كفها فوق كتف كريم وهي تقول..
-طب كفاية بقي عشان بجد انا قرفانة من نفسي يا كريم.
تركها كريم ثم وضع رأسه علي الخدادية وهو يبكي لكن بهدوء مرة اخري..
بدأ في الحديث بابتسامة وهو يقول..
-حضنك فيه طاقة إجابية.
ابتسمت يسرا بخجل ثم نظرت في الأرض..
بدأ كريم في الحديث مرة أخري وهو يقول..
-انا اسف عارف اني كل مرة بعمل كده و بقولك انا اسف بس ببقي محتاج حد اترمي في حضنه.
ثم بدأ في البكاء مره اخري و هو واضع ذراعه فوق عيونه..ثم ازاله وهو يقول..
-اول مره أحس اني عايز أم.
ياااه ما هذا الحرمان..بكل قوة و جسد كريم لكنه لديه قلب مثل الطفل يحتاج إلي الأم..لا احد سيعوض حضن منها او كلمة منها..لم يراها كريم لكنه يشعر انها سوف تنقذه من كل هذه الفوضي بحياته..مسكت يسرا كف كريم وهي تقول..
-انت أقوي من كده يا كريم.
-انا عمري ما كنت قوي..انا مش قادر احارب كل الظلم ده لوحدي..حتي خالد اهم حاجة عنده حياته بس.
-طب هي ليه سالي بتكرهك كده؟
-عشان انا مش شقيقهم..انا أخوهم من الأب بس.
-طب وايه المشكله..ليه بردو الكره ده؟
-عشان هي شايفة ان انا مش أخوهم مجرد لعبة امي عملتها علي أبويا..مع انها مش حقيقة.
-طب ما تعمل تحليل DNA؟
-اكيد عملت يعني ..ولا حاجه بتفرق يابنتي.
-طب وانت بتكرها كده؟
-انا عمري ما كرهتها بس بعد الموقف الزبالة ده انا بقيت اكرها ضعف ما هي بتكرهني.
-طب وخالد؟
-عمري ما هزعل منه..عارفة خالد ده أكبر طفل في العالم.. امبارح كان متخانق مع مراته جيه عندي الشقة و فضل حاتط راسه علي رجلي لحد ما نام.
ضحكت يسرا ثم استكملت وهي تقول..
-طب انت ليه مش عايش معاهم؟
-انا كنت عايش في الفيلا بتاعتنا بس بعد كده مشيت بسبب المشاكل وكده.. وكنت بحسب اني لما همشي كل حاجة هتتصلح بس طلعت كنت حمار.
وجدت يسرا هاتفها يرن ..اقتربت منه لتجد المتصل والدها..نظرت لكريم وهي تقول..
-ده بابا هقوله انا فين دلوقت؟
-قوليله الحقيقة انك معايا في المستشفي.
فتحت يسرا الخط و هي تقول..
-ايوه يا بابا.
-ايوه يا يسرا انتي فين؟
-انا انا في المستشفي.
-طب مالك متوترة كده ؟
-لا عادي بس اليوم النهاردة كان مجهد اوي وكده.
-بتعملي ايه فيها؟
-مدرب عندي حصل معاه مشكلة و بعد كده اتنقل علي المستشفي.
-طب انتي هتفضلي قاعدة معاه يعني ؟
-لا يا بابا طبعا.
-و لوحدك ولا معاكي حد.
-ها؟
-لوحدك ولا معاكي حد؟
-انا اه معايا معايا كابتن علي و كابتن بنت تانية.
لكنها وجدت كريم ينظر لها نظرة عدم الرضا لكن يسرا انهت المكالمة لتجد كريم يقول..
-كدبتي عليه ليه؟
-هقوله اني لوحدي يعني!
-لا تكدبي!
-خلاص بقي اللي حصل حصل.
-انتي خايفة من ايه؟
-مش من حاجة بس عشان بابا ميزعلش وكده.
-انتي حرة..بس بلاش تكدبي مدام معملتيش حاجة غلط وحتي لو عملتي حاجة غلط متكدبيش بردو.
-حاضر.
-يلا قومي عشان تمشي.
-لا همشي معاك.
-لا المحلول لسه مخلصش..روحي انتي.
-حاضر.
ارتدت يسرا حقيبتها ثم نظرت لكريم.. وسلمت عليه باليد وهي تقول..
-بلاش تيجي بكره الجيم.
ابتسم كريم وهو يقول..
-بكره بس!
-خلاص اخليهم تلاته؟
-لا متقلقيش.
-يلا سلام.
لا تعلم ماذا بيد كريم من سحر يجعلها تدوب..لكنها اخرجت يدها من يده وخرجت من الغرفة وهي في أشد سعادتها لكنها كانت تشعر ان دقات قلبها ستنفجر من كثرة السعادة..