رواية ورقة جوكر..[مكتملة]

الحلقة التاسعة عشر

#ورقة_جوكر١٩
#الحلقة_التاسعة_عشر
انتهي حفل خطبة هبة و طاهر و دخلت يارا سيارتها و رجعت منزلها..
كانت يارا في أشد فرحها .. تعشق هبه بجنون ..تتمني لها كل شئ ..لكنها تذكرت حياتها ..متي تجد أحد يحبها..متي تعيش قصه الحب التي تتمناها..تذكرت خالد لكنها اشمئذت من نفسها لانها تفكر في شئ ليس من أجلها..بدلت يارا ملابسها و صلت العشاء و لم تفكر في شئ آخر حتي انها دخلت كعادتها في نوم عميق..
                                   ***************
"دهب؟ عشان مين؟ "
قالتها ماهي لخالد وهما في السيارة..اندهشت ماهي كثيرا من خالد..ومن طريقته ايضا معها..هل يوجد شئ غريب..ام انها مغفلة؟
لكنها وجدت خالد يقول..
-هو انا مينفعش اجيب دهب ليكي ولا ايه ؟
-دهب ليا انا؟
-في ايه يا ماهي؟ مالك مستغربة مني ليه كده؟
-هو انا فعلا مستغربة اصل ده مش خالد اللي انا عرفاه.
-يووووه يا ماهي ..هو كده مش عاجب و كده مش عاجب؟
صمتت ماهي قليلا و هي تشعر بأنها شئ ثقيل علي خالد ..لم تتكلم لفترة لكنها قالت..
-خالد انا مش عايزة حاجه مدام هي مش من قلبك.
-وانتي عرفتي منين انها مش من قلبي؟ انتي دخلتي جوا..
-قبل ما تكمل كلامك يا خالد..روحني انا مش عايزة حاجة.
ظل خالد مصدوم من ماهي..كيف استطاعت ان تعرف انه يريد ان يذهب لمحل الذهب لكي يؤدي واجبه..لكن في قلب خالد شئ تحرك ناحية ماهي..شعر ان ماهي لديها بعض الإحساس..هل ماهي بني ادمة طبيعية مثلنا..لكنه قطع الصمت وهو يقول..
-عارفة يا ماهي..انا عمري ما حبيت حد.
-ولا عمرك هتحب يا خالد.
-ليه بتقولي كده؟
-عادي مش عشان حاجة بس انا حسيت بكده.
-بس انتي فرصتك انك تخليني احبك.
-ازاي؟
-بصي يا ماهي انتي كده او كده هتبقي مراتي فا..
لم يكمل خالد كلامه ليجد ماهي ترفع صوتها وهي تقول..
-انا كنت متأكدة والله انك بتغريني بالدهب عشان اروح معاك الفيلا...شكرا يا خالد علي حسن ظنك فيا.
-انتي فهمتي ايه يا حمارة انتي!! بطلي تكوني مندفعة كده...سيبيني اكمل كلامي!!
-كمل يا خالد.
-بصي ومش عايز مقاطعة في الكلام.
لكن خالد توقف عن الحديث ليجد ماهي تقول..
-سكت ليه؟
ضحك خالد وهو يقول..
-نسيت كنت هقول ايه!!
ضحكت ماهي رغما عنها لتجد خالد يمسك يدها وهو يقول..
-اه افتكرت..بما انك كده كده ادبستي فيا وهتتجوزيني يعني هتتجوزيني..فانا بقول انك عندك فرصة تخلي قلب خالد يحبك.
-و تفتكر هنجح في الموضوع ده؟
-اممم يعني انا بشوفك يا ماهيتاب شخصية ناجحة يبقي اكيد هتنجحي في الموضوع ده.
-انا مش فاهمة انت ازاي افتكرت اسم ماهيتاب ده!
-بحبه مش بحب اسم ماهي ده! وانزلي بقي عشان وصلنا.
دخل خالد وماهي المحل..كان محل في غاية الروعة و الجمال..حتي ان ماهي ظلت تنظر إلي السقف من جماله..
عم محفوظ هو صاحب هذا المحل..و هو صديق والد خالد ..رجل في العقد السادس ..يعشق خالد ان يشتري دهب من عنده..بدأ خالد في الحديث وهو يقول..
-بص يا عم محفوظ دي ماهي هتبقي مراتي انشاءالله.
-الف مبروك يا خالد.
-الله يبارك في حضرتك..المهم كنت عايز بقي تجبلي كده تشكيلة دبل وهي تختار.
وبالفعل أتي عم محفوظ ومعه بعض الخواتم الصغيرة وكان بينهم خاتم ألماظ ايضا...ظلت ماهي تبحث بين هذه الخواتم الصغيرة ..حتي انها رأت الخاتم الألماظ..لكنها لم تأخذه ظلت تبحث بينهم عن شئ حتي ان خالد قطع شرودها وهو يقول..
-في ايه يا ماهي ؟ بدوري علي ايه؟
-في دبلة معينة بدور عليها ومش لقياها.
تدخل محفوظ في الحديث وهو يقول..
-شكلها عامل ازاي الدبلة دي؟
أخرجت ماهي من حقيبتها هاتفها..و فتحت صورة لمحفوظ..كانت صورة لخاتم صغير في غاية الجمال..ليس به شئ إلا فصوص صغيره ..
بدأ محفوظ بالكلام مرة أخري وهو يقول..
-ده كان موجود وخلص.
صمتت ماهي قليلا و ظلت تفكر في ان تأخذ شئ حتي انها وجدت خالد يأخذ الدبلة التي بها فصوص ألماظ وهو يقول..
-طب ايه رأيك في ده؟
-شوفته بس مش عايزه النوع ده ..بص انا هاخد دي.
كان خاتم يشبه قليلا الذي كان بالصورة..اعطته ماهي لمحفوظ..لكن خالد طلب من محفوظ ان يأتي بمجموعة سلاسل..
أتي محفوظ بالمجموعة وهو يقول..
-وعلي فكرة لو عايزين أسماء في السلاسل موجود.
تدخلت ماهي في الحديث وهي تقول ..
-ايوه انا عايزة اعمل سلسة عليها اسم خالد.
نظر لها خالد ..و بعدها نظر لمحفوظ ..
دخل محفوظ بالداخل لفترة وأتي باسم خالد..و وضعه بسلسلة صغيرة..
أخذتها ماهي و هي تقول في نفسها..
"بجد حلوة اووي..كان نفسي اوي اعمل اسم خالد في سلسله"
ظلت ماهي ماسكة أياها حتي ان خالد دفع الحساب وخرج و معه ماهي..
كانت ماهي مثل الأطفال في هذه الفترة ..لا يعلم خالد لماذا كان يكرها بشده..لكنه ظل ينظر لها وهي تشاهد السلسة ..ثم قطع هذا الصمت وهو يقول..
-هاتي البسهالك.
-طب خودها بس براحة عليها.
أخذ منها خالد السلسلة و بالفعل ركبها في رقبة ماهي..أدارت ماهي وجهها لتجد خالد يغمز لها وهو يقول..
-شكلك كده هتعمليها!
-هعمل ايه؟
-ولا حاجه تعالي بقي نركب العربية..تيجي نروح ناكل؟
-هي الساعه كام؟
-داخله علي ١١.
-طب يلا تعالي نروح لان الوقت اتأخر و معتقدش هيبقي فيه مطاعم فاتحه.
-ليه يعني الساعه ١١ مش ٣ الفجر!! اكيد في مطاعم فاتحة .
كان يوم خالد وماهي من أجمل الأيام لقلب ماهي وايضا لخالد..اكتشف خالد بعض الأشياء الجديدة في ماهي..لكنه خائف من ان سالي هي التي توجها وليست هي التي توجه نفسها..عاد خالد لمنزله..و ايضا عادت ماهي لمنزلها..
ماهي هي فتاة رقيقة لكنها دائما تحب ان تظهر انها مغرورة ومتكبرة..لديها شقيق أكبر لكنه يعيش خارج مصر..و مع الأسف والدها متوفي..كان الشخص الوحيد الذي يعيش معها هو والدتها...
                                 ****
كان كريم جالس علي فراشه يفكر في أخيه خالد..يريد ان يراه و يتحدث معه..يا له من شوق...ظل يفكر حتي انه وجد احد يتصل ..وكان المتصل هو خالد..فكر قليلا كريم قبل ان يفتح الخط لكن في النهاية فتحه..
-الو؟
-ايوه يا كريم..عامل ايه؟
-الحمدلله انت عامل ايه ؟
-كويس ..انا عايز اشوفك.
-مش هينفع يا خالد.
رفع خالد صوته وهو يقول..
-هو ايه اللي مش هينفع انت هتفضل عاملي فيلم عربي كده كتير يا كريم!! ما خلاص مكنتس خناقة دي!!
-خالد انت عايز ايه!! مانت رايح تتجوز و عايش حياتك اهو.. ليه حابب تعيش الدور اني فارق معاك.
-عشان انت فارق معايا فعلا...و علي فكرة انا لو عايز اعرف انت فين هعرف بس انا سايبك بمزاجي.
-كتر خيرك يا خالد.
-هقبلك بعد ساعه في مطعم "...." و ياريت تنجز وتيجي يعني.
-بس انا لسه جاي من فرح وتعبان!
-معلش تعالي علي نفسك..او قولي فين مكانك وانا هجيلك.
-خلاص هلبس و اجيلك.
ارتدي كريم ملابسه و ركب سيارته و ذهب لهذا المطعم ليجد خالد موجود به..
دخل و جلس علي نفس الطاولة وهو يقول..
-حلو المعاد اللي الساعة ٢ الفجر ده.
-معلش مكنتش فاضي طول اليوم.
-اممم عارف انك راجل مهم.
-اتريق اتريق بكره تبقي زيي.
-وانا عمري ما هكون زيك.
نظر له خالد بقوة وهو يقول..
-ليه انشاءالله؟
-كده عشان انا حاجة وانت حاجة يا خالد.
-بلاش كلام كبير علي الفاضي.
-ولا علي الفاضي ولا علي المليان...المهم انت فرحك كمان ٣ ايام صح؟
-انت متابع بقي.
-لا والله بس يارا هي اللي قالتلي.
-يارا؟ وانت شوفتها فين؟
-في الفرح انهارده.
اتصدم خالد و وجه انقلب وهو يقول...
-هي لحقت اتجوزت؟
-اتجوزت ايه يا خالد انت كمان..بعد الشر متجوزتش لأ..ده فرح اخت البنت اللي انا شغال في الجيم بتاعها.
-طب وايه اللي جاب يارا في الفرح ده؟
-يابني ما يارا هي اللي جابتلي الشغل ده.
-اه معارف يعني.
-اها.
-اممم يعني يارا هي اللي قالتلك.
-اه هي تعرف يا خالد ان يارا دي من اجمل البنات اللي شوفتها في حياتي...يعني ادب واخلاق و جمال و حاجات كتير اووي.
انقلب وجه خالد وهو يقول..
-بس مش كبيرة عليك يا كيمو دي؟
-مفيش حاجة تكبر علي كريم..بس انا بتكلم مش عشان انا بحبها .
-بتحبها؟ يابني مفيش راجل بيحب.
-والله يا خالد هو مفيش راجل غيرك انت اللي مش بيحب..وبعدين انت مش هتتجوز ..حب براحتك بقي.
-مش عارف يا كريم بس البت ماهي دي فيها حاجه مش مظبوطة.
-ما هي فعلا مش مظبوطة.
-ما تحترم نفسك يا كريم في ايه!!
-خلاص براحة ..طب يعني ايه اللي مش مظبوط؟
-مش عارف بس حاسس ان سالي هي اللي مدربها انها تعمل كده.
-تعمل ايه؟
-يعني تبان انها بتحبني وانا واثق انها عمرها ما حبتني.
-طب ما دام انت واثق انها عمرها ما حبيتك هتتجوزها ليه؟
-هتجوزها عشان انا واثق ان مفيش بنت هتحبني!
-ليه انشاءالله اذا كنت انا ولد اهو و بقولك اني لو بنت كنت هحبك.
ضحك خالد و استكمل وهو يقول..
-ليه تحب حد فيه عيب لما ممكن تحب حد كامل.
-مفيش حد كامل.
-هو مفيش حد كامل بس العيوب تفرق.
-وانت ايه عيوبك بقي؟
-ايدي يا كريم ..مفيش حد يقبل انه يحب واحد ايده كده.
-انت غبي اوي يا خالد.
-ممكن تشوفني غبي بس مش عارف هو إحساس..بس تفتكر الإحساس ده عند كل الناس ولا انا بس؟
-لا انت بس عشان انا عارف ان في مليون واحده بتحبك يا خالد.
-بيحبوا خالد المنشاوي..خالد اللي معاه فلوس اللي راكب عربية بالشئ الفلاني لكن محدش دخل جوا خالد.
-انت غريب اووي يا خالد.
-انا مش غريب انا تايه.