رواية ورقة جوكر..[مكتملة]

الحلقة الأخيرة

#ورقة_جوكر٤٢
#الحلقة_الأخيرة.
سرعة كادت ان تجعل السيارة تطير بكريم..دقات قلب سريعة و خوف و اشتياق..و ايضا حنين لهذا الوجه الذي يسميه كريم آفيون السعادة بالنسبة له..
وصل كريم المبني و صعد بسرعة غير طبيعية و وصل للدور لكنه لم يطرق الباب لكنه دفعه برجله دفعه قوية كادت ان تهدم المبني بسبب القوة..
دخل كريم ليجد هذا المنظر البشع..امرآتين يضربا يسرا بكل قوة حتي ان يسرا ظلت تبكي و تصرخ وتستغيث..لم يري كريم نفسه إلا وهو يفقد الوعي لهاتان الامراتين..توجه كريم ليسرا التي تستغيث وهي تقول..
-إلحقني يا كريم.
-متخافيش انا جنيك متخفيش.
حملها كريم وهي تتأواه من كثرة الألام..و دخل بها السيارة و يسرا تتكلم بصعوبة وهي تقول..
-الحمدلله انك جيت.
دخل كريم السيارة ثم مسك رأسها و قبلها وهو يقول..
-الحمدلله انك لسه عايشة.
-انا انا.
ظلت يسرا تنهج و تتنفس بصعوبة وهي تقول..
-والله لوريه والله لوريه.
مسك كريم يدها وهو يقول..
-اهدي و كفاية حركة..هنروح المستشفي وهنعمل محضر باللي حصل..مين اللي عمل فيكي كده؟
-القذر الزبالة علي ابن عمي.
نظر لها كريم بقوة و بصدمة وهو يقول..
-عمل فيكي حاجه!!
-مش هو اللي عمل جوز الستات دول هما اللي مسكوني و ضربوني.
ضحكت يسرا وهي تقول بسخرية..
-والله لوريه.
مسك كريم يدها وهو يقول..
-مش انتي اللي هترويه..اصبري بس هتشوفي اللي هيحصل.
وصل كريم للمشفي و حمل يسرا ودخلها غرفة الطوارئ بعدها انتقلت لغرفة أخري بسبب الإصابات البالغة بعض الشئ..
اجري كريم اتصال بوالد يسرا وهو يقول..
-الو يا أستاذ منتصر.
-خير في حاجة تاني؟
-في اني لقيت يسرا وهي في المستشفي دلوقت.
انتفض والد يسرا وهو يقول..
-طب هي فين عايز اسمع صوتها.
-هي في الأوضة ومعاها الممرضة عشان يسرا اضربت.
-اضربت!! مين اللي عمل فيها كده!
-تعالي حضرتك مستشفي"....." وهتعرف كل حاجة.
انهي كريم المكالمة ليجد الضابط يقول..
-احنا هندخل لأنسة يسرا عشان نعرف منها ايه اللي حصل.
دخل كريم ومعه الضابط و رجل أخر سيكتب ما تقوله يسرا..اعتدلت يسرا من جلستها و أتي كريم و وقف بجانبها و هو يمسك يدها ويقول..
-الظابط جاي ياخد اقوالك يا يسرا.
بدأ الضابط في الحديث وهو يوجه كلامه ليسرا..
-حضرتك عندك كام سنة يا أنسة يسرا؟
-٢٢ سنة.
-طب ممكن تحكيلي ايه اللي حصل بالتفصيل الممل؟
-اول امبارح كنت مع واحدة صاحبتي و مع كريم و بعد ما خلصت المقابلة روحت البيت..قبل مدخل الشارع لقيت ابن عمي موجود..وقفت العربية لقيته بيقولي تعالي معايا اوصلك..قولتله لأ منا معايا العربية وانت كده كده مش معاك العربية دلوقت..لقيته فجأة بيمسك ايدي و دخلني العربية بتاعتي و مشي بسرعة عالية وانا ده كله مش مستوعبة اللي حصل..بعديها قعدت ازعق و اقوله في ايه مردش عليا واخد مني التليفون..بعد كده قام وقف العربية و طلعني شقة في مكان غريب كده..طلعت قام قالي هتمضي علي ورقتين عرفي ولا تتضربي.
-هو عايز يتجوزك غصب ولا ايه؟
-هو كان عايز يتجوزني وانا رافضة بس والدي كان موافق..بعديها قولتله ما بابا كده كده موافق قالي حصل مشاكل بين ابويا وابوكي..وبابا قاله ملكوش بنات عندنا.
-انتي رافضة الجواز منه اساسا.
-بالظبط كده.
قصت يسرا باقي الحكاية و كريم يستمع وهو يتوعد لهذا الوغد..انتهي الضابط وهو يقول لكريم..
-انشاءالله هنجيبه و هناخد حق خطيبتك.
-انشاءالله.
خرج الضابط ليجد كريم أهل يسرا أتيين و دخلوا غرفة يسرا بالترحيب حتي ان يسرا بكت من فرحتها انها رأت أهلها مرة أخري..بعد ان رأي منتصر ابنته و استمع إليها توجه لكريم وهو يقول..
-انا قولتلك لو جبتلي بنتي هديهالك صح؟
-يارب اكون قد المسئولية اني اعرف اخدها.
-انا قررت انكوا تتجوزوا بس الأول يبقي فيه خطوبة.
ابتسم كريم بفرحة وهو يقول..
-شكرا جدا لحضرتك والله.
-انت متأكد ان علي هو اللي عمل كده؟
-مدام يسرا اللي قالت يبقي اكيد صح عموما البوليس هيشوف شغله و ياريت حضرتك متلغيش البلاغ.
-لا طبعا استحالة اعمل كده ده كان هيموت بنتي!
- الحمدلله ان حضرتك عارف.
-شكرا يا كريم علي مساعدتك وعلي انك رجعتلي يسرا تاني.
-العفو انا يسرا ممكن اعمل اي حاجة عشانها اصلا.
وجد كريم خالد و يارا قادمان ومعهما سالي..اقترب خالد من والد يسرا وكريم وهو يقول..
-اهلا وسهلا يا أستاذ منتصر.
-خالد مش كده؟
-انا خالد اخو كريم و وباباه لو حابب.
ابتسم منتصر ثم وجه نظره لسالي التي تتحدث و هي جالسة علي الكرسي المتحرك وتقول..
-مبروك لروجوع يسرا يا استاذ منتصر ربنا ميبعدهاش عنكوا ابدا.
استكمل خالد وهو يقول..
-دي سالي اختي.
ابتسم منتصر وهو يقول..
-شكلك هتبقي حماة بقي ليسرا.
ابتسمت سالي وهي تقول..
-تيجي بس وهي هتشوف اني أخت ليها.
دخلت سالي الغرفة بكرسيها المتحرك وهي تبتسم ليسرا..
-رجعتي تاني يا قردة.
قبلتها سالي ثم همست في أذنها وهي تقول..
-هجوزك كريم وتيجوا تعيشوا معايا غصب عنك.
ابتسمت يسرا وهي مصدومة من طريقة سالي الجديدة..
-دي هتبقي حاجة حلوة خالص لو عشنا مع بعض.
نظرت سالي ليارا وهي تقول..
-وطبعا يارا تبقي معانا.
ضحكت يارا وهي تقول..
-خلاص جوزتوني خالد؟طب انا عايزة كريم بقي.
نظرت لها يسرا نظرة شيطانيه وهي تقول..
-من ورا قلبك يا كذابة.
ضحكت يارا وهي تقول..
-انا لازم امشي بقي.
ثم خرجت واتجهت لترحل لكنها وجدت خالد يمسكها من ذراعها وهو يقول..
-رايحة فين؟
-مروحة!
-لوحدك!
-اومال اخود معايا تلات اربع بني ادمين!!
-انا جاي معاكي يلا.
نزل خالد و يارا و وصلا إلي منزل يارا لكن يارا وجدت خالد يصعد معها وهو يقول..
-يلا.
-يلا ايه!! انت رايح فين ؟
-يلا و هتشوفي دلوقت.
صعد خالد مع يارا ثم اتجها إلي باب المنزل حتي ان يارا جاءت ان تطرق الباب لكنها وجدت خالد يطرقه..
فتح لهما والد يارا وهو يقول..
-اخيرا جيتي.
ثم نظر لخالد وهو يقول..
-سلامتك يا خالد يابني.
-الله يسلمك يا عمي والله مش عارف من غير يارا كنت عملت ايه.
-متقولش كده.
-هو انا ممكن اتكلم مع حضرتك خمس دقايق؟
دخل والد يارا ومعها خالد و يارا دخلت غرفتها وهي تلعن نفسها امام ضعفها مع خالد لكن بعد ربع ساعة وجدت والدتها تزغرط وهي تقول..
-مبروك يا يارا كتب كتابك كمان اسبوعين!
اللعنو هل هذه الأشياء ليست من حقها ان تختارها؟
                                ****
"شوكر يا شوكر..يا جدو!!"
استيقظ خالد ليجد أحد يأكل أنفه..ياااه هل مر من الزمن كل هذا ليجد خالد حفيدته كاميليا توقظه بهذه الطريقة..
-روح الشوكر قلب الشوكر يا كوكي.
-انت هتاكل معانا و مع يويا بردو؟
-هي فين يويا دي؟
دخلت يارا الغرفة فجأة وهي تقول..
-يويا اهي يا سكر انتي.
اخذت يارا حفيدتها الصغيرة و ظلت تقبلها حتي انها وجدت كاميليا تقول..
-انتي ليه بوستك مش حلوة زي بوسة الشوكر!!
نظرت يارا لخالد وهي تقول بطريقة شيطانية!!
-حتي دي بقت شيفاك احسن مني!!
-قولتلك متتحديش الجوكر!
خرجت كامليا من الغرفة ليجد خالد يارا تقفظ علي كتفه وهي تقول..
-انهاردة عيد ميلادك يا خالد.
-كبرت اووي يا يارا وبقي عندي ٦٠ سنة!
نزلت يارا من علي كتف خالد وهي تقول..
-بس متقولش كده عشان الموضوع ده بيقهرني اوي!!
ضحك خالد وهو يقذف يارا بالخدادية و يقول..
-بيقهرك!! عندك ٣ عيال وبقي يقهرك!
-بطل بقي الحركة اللي علطول بتعملها دي ..بطل تحدف عليا المخدات كده!!
-نفسي تفرقع و تطلع بقي ريش والجو ده.
-ايوه بس دي سفنج وانا باخد كل مخدة ومخدة و ببقي عايزة اعيط!
-خلاص متعيطيش!يلا قومي بقي هاتيلي البدلة عشان استحمي واحضر عيد ميلادي عشان احنا ناس تافهها و مغيبيني من الشغل عشان تفكروني اني كبرت.
نهضت يارا من علي الفراش ثم اتجهت للدولاب وهي تقول..
-انا اللي هختار البدلة.
انتهي خالد من الاستحمام ومن ارتداء البذلة وانتهت ايضا يارا من ارتداء ملابسها و نزلا ليجدا كريم يفرقع بوجههما شئ غريب وهو يقول..
-كل سنة وانت طيب يا جوكر!
ضرب خالد كريم وهو يقول..
-همووت بسبب اللي بتعمله فيا ده!! وبعدين ايه جوكر دس انا اسمي خالد!
دخلت يسرا عليهم وهي ترتدي حجابها و تقول..
-ده انت كبرنا يا خالد.
-لا ياختي انا عايز ابقي اصغركوا وبعدين فين بناتك يا عم كريم!
دخلت فتاة في الثامنة عشر و تليها فتاة أخري تشبها بطريقة كبيرة فنعم انها توأمها..ثم اقتربا وهما يحتضنا خالد..بدأت رانيم بالحديث وهي تحضن خالد وتقول..
-وحشتيني يا خالد.
-براحة عشان كده حازم هيزعل و يجي يقولي اني بخونه مع المزة بتاعته.
لكمته رانيم وهي تقول..
-ماشي يا خالد اما نشوف ابنك ده قد الكلام ولا لأ؟
دخل حازم وهو قول..
-هابي بير زي تو يو هابي بير زي تو يو هابي بير زي تو خالد هابي بير زي تو يو.
حازم أصغر ابن لدي خالد لديه عشرون عاما حتي انه يشبه كريم بطريقة كبيرة وايضا يشبه بتصرفاته.
حضنت ريناد توأم رانيم خالد وهي تقول..
-احلي عم في الدنيا.
-نفسي اعرف انتوا توأم و لا مراية بعض!
-هنعمل ايه بقي ما احنا توأم متطابق.
دخلت ابنة خالد الكبري وهي نهي والتي تزوجت من ياسين ابن سالي رحمها الله..
-احلي عيد ميلاد لأحلي بابا في الدنيا.
ضحك خالد و هو يحتضنها و يقول..
-بنتك كاميليا هتموتنا من رخمتها يا نهي!
-طالعة لأبوها.
دخل ياسين ومعه جمال الفتي الذي يشبه والده بقوته و صرامته و عيونه الحادة ثم نظر لريناد الذي كان يعشقها ويعلم انها تعشقه لكنه لا يعترف بالحب..ها هو جمال الأبن الأكبر لخالد..
اقترب ياسين من نهي و هو يقول..
-مين دي اللي زي ابوها..اومال انتي بتعملي ايه!!
-بعمل حاجات اهم منك اصلا.
نزلت ليلي(ابنة سالي) من الطابق الأعلي وهي تقول..
-خلاص بقي كله يسكت بقي عشان ادي لخالد هديته؟
نزلت ليلي والتي لم تتزوج بعد وهي تقول تقترب من خالد و تقول..
-بزمتك مش القاعدة دي ناقصها ماما؟
-اه والله ربنا يرحمها و يرحمنا.
خرجت يارا من المطبخ وهي تقول..
-يلا عشان هنطفي الشمع يلا يا حازم اطفي النور.
اغلق حازم النور وهو يقول..
-هنقول واحد اتنين تلاتة ونطفي الشمع.
الجميع بفس واحد..
-واحد اتنين تلاته.

تمت بحمدالله❤❤